منتديات حوامل النسائية - @@ دردشة أحلى ونااااااسه 3 @@

بسم الله الرحمن الرحيم

السلام عليكم ورحمة الله وبركاته

حق اللي طلبو مني وجبات السناك http://forum.hwaml.com/imgcache2/hwa...983730_867.gif

أشياء لازم واحد منها عالاقل يكون متوفر بالثلاجه حق اليهال

اللي هي الكريم الكراميل

طريقته من حليب الياهل اللي يستعملون صناعي ملعقتين وسط على قلاص ماي وكيس الكريم كرامل 3 دقايق عالنار وبعدين تبردينه طبعا الكراميل ما نحطه حق الياهل لان توفي يعني متروس سكر والسكر زيادته مضره

المهلبيه

لكل علبة حليب 2 ملعقتين نشا

ملعقتين سكر
نص ملعقة شاي فانيليا <<<<<<<<<<<ج نقدر نستبدلها بماي الزهر عجيييييييييب حق عوار البطن والغازات

ونحطهم عالنار ونحرك لييييييييين تثقل لما تستوي حطي براس القفشه مكسرات مطحونه الي هي ( الكاجو + اللوز + الفستق ) شرط تكون مطحونه واااااااايد يعني جنها بودر

http://forum.hwaml.com/imgcache2/hwa...983731_307.gif

رز بلبن <<<<<<<<<< وايد يحبونها اليهال

http://forum.hwaml.com/imgcache2/hwa...983732_319.jpg

نص قلاص ارز مصري مغسول عدل على 4 اكواب ماي نحطهم بجدر ونخليهم لما يصير الارز لييييييييييييين وينشف الماي شويه يعني مو كله بس بالقاعه يصير ويغطي العيش 1 سم

بعدها نحط سكر عالحليب علبتين لكل قلاص عيش السكر حسب الرغبه انا احط 4 ملاعق ونص ملعقه ماي زهر او ماي ورد او فانيليا

ونضيف الحليب عالعيش ونحرك لين تثقل شوي يعني مو صاكه وايد لان اصلا اذا بردتيها راح تصك مجرد ما ينقص الحليب نشيلها من النار

الجلي لان ملون يحبونه اليهال خصوصا الي ييفهمون

http://forum.hwaml.com/imgcache2/hwa...983729_834.png
الجلي طريقته الاعتياديه بس انا ازيد الماي الحار اخليه قلاصين حاروواحد بارد عشان يصير خفيف

مهلبيه الشوفان وايد مفيده لان فيها الياف

حليب قلاصين

ملعقة شوفان
ملعقتين سكر
تمر مقطع من 2 الى 3 حبات ( مقطع الى قطع صغااااااااااااار )

نحط الحليب الى ان يدفا وبعدين نضيف السكر والشوفان ونخليهم يطبخون مع بعض مع تحريك بين فتره وفتره اذا ثقلت شوي نحط التمر ونحرك لين يذووووووووووب مع المهلبيه

ولما تثقل تحطينها بمواعين وتبردينها

جميع الوصفات تقعد بالثلاجه 4 ايام بعدها لا تعطونها اليهال وسوو شي ثاني

الفواكهه المجففه طبعا ملياااااااااااااااااااااااانه فوائد واذا تحبون تعرفونها راح احط لكم فوايدها

http://forum.hwaml.com/imgcache2/hwa...983729_432.jpg

نحط قراصيا 2
مشمش مجفف 2
تين مجفف 2
تمر 2
نقطعهم قطع صغيره وننقعهم بربع قلاص ماي حار نخليهم لمدة ساعه تقريبا او لين يصيرون لينين

بطاسه نحط بسكوت 12 قطعه دايجستف بالنخاله
ونطحنهم عدل

نحط 3 ملاعق زبدة الفول السوداني
نص كوب حليب مكثف محلى

ونعينهم مع بعض كللللللللللهم ونكورهم ونحطهم شوي بالثلاجه

اذا عندج عود مال الايس كريم تقدرين تحطينه عشان الياهل يمسك بروحه

ملاحظه جميع ما سبق نقدر نضيف له التفاح او الخوخ او فراوله بكميات قليله

كبة التوست

4 حبات توست
ملعقتين لبنه
زعتر
تطحنين التوست وتعينينه مع اللبنه وترشين عليه زعتر

وقعدو لعبو بالكور

خياره مبشوره مع روب ونتفه ملح هم حلو

وانا بعد اعطيها ساعات

كاكاو الغامق اللي يكون نسبة الكاكاو اكبر من نسبه الحليب والسكر

وهم بسكوت اسمه voort man بالاوميغا 3 حق الليل عشان خفيف وما يقعد عالجبد

طبعا نوزع السناك عاليوم حسب كميه سعراته مثلا اللي فيه سكر وايد يكون الصبح

الخيار المبشور والبسكوت مع الفواكهه المجففه حق بين الغدا والعشا

اتمنا لعيالكم الصحه والعافيه

( لاتنسون قبل الاكل تسمون عشان اليهال يتعودون )