|
رد: تجمع اللي بيولدون في شهر ذو الحجه
يارب ياأجوان آميييييييييييييييين ...
Dado الله يوفقك ويسهلك .... ريميه الحمدلله ع السلامه عسوله الله لايحرمنا من طلتك ......
|
رد: تجمع اللي بيولدون في شهر ذو الحجه
الله يسهل عليكم كللللللللللللللللللللللللللللللللللللللللكم يارب ويرزقني وياكم أهم حاجة إنكم تدعووووولي إن الله يرزقني بالذرية.
|
رد: تجمع اللي بيولدون في شهر ذو الحجه
كل عام وانتو بخير يارب
نانو نونا الله يرزقك يارب بالذريه الصالحه عاجلا غير اجل ويثبت حمل اختك وخالتك يا كريم |
رد: تجمع اللي بيولدون في شهر ذو الحجه
كل عااااااااااااام وانتووووووو بألف خير
بناااااااااااااات تكفووووووون انقذوني والله تعبت من آلاااااام التهاب البول الدكتور منعني هاليومين اخذ علاج عشان بيعملي مزرعة بول . وماني عارفه وش اخذ عشان يخفف الالللللللللللللم البقدونس والبيره قالولي مب زينه وش الحللل يا نااااااااااااااااااااس؟؟؟؟؟؟؟ |
رد: تجمع اللي بيولدون في شهر ذو الحجه
توته الله يشفيك يارب سوي مزرعة بول عشان يدوكي المضاد المناسب ...وكثري من شرب المويه تعرفي الشوفان خذي ملعقه وانقعيه في مويه لمدة ساعه وصفيه وحطي عليه ملعقة عسل ...واشربيه وان شاء الله يفيدك...
|
رد: تجمع اللي بيولدون في شهر ذو الحجه
كل عااااام وأنتم بألف خير حبيباتي .......... ان شاء الله نجتمع بعيد الفطر الجاي ومعانا نونوات يارب .......
داودو الله يوفقك يارب وعليك بصلاة الليل ركعتين وتسليمه بعدين ركعه يسمونها سهام الليل وان شاء الله راح تشوفين امورك تتسهل بأذن الله .... وشدي حيلك اضغطي على نفسك قلبي مدينه الله يسلمك يارب ........ توته انا كل مااخذ مضاد يرجع لي نفس الشئ وطفشت وخفت من الادويه ...... مالك الا تكثرين شرب المويا وان شاء الله ربي يشفيك |
رد: تجمع اللي بيولدون في شهر ذو الحجه
اميين يااجوان ربي يسمع منك
يااحلى حوامل كل سنة وانتوا طيبين ومن العايدين ان شاءالله |
رد: تجمع اللي بيولدون في شهر ذو الحجه
اللهم صلي على خير الانام محمد صلى الله عليه وسلم الجدول فاتي 29 /10 /2011 (بنوتة) اميره باوصافها1\11\2011 GhoOosha 2\11\2011 (ولد) الصمت عشقي 3/11/2011 (لم يحدد( انمار 4/11/2011 (ولد) قلبيــ مدينهــ 8/11/2011 )ولــد( ام سامر 9/11/2011 )ولد( انت حلمي 9/11/2011(لم يحدد( عسله 12/11/2011(ولد( صفاء قلب 16/11/2011 (لم يحدد( اجوان 16/11/2011 )بنوته( ساره 17/11/2011 (لم يحدد( فيونكه بلون الفراوله 18/11/2011(بنوته) مفاهيم الخجل 2 18/11/2011(لم يحدد) اصالة 18/11/2011 (بنوتة ( عطر المكان 19/11/2011 )بنوته( كليجه 21/11/2011 (لم يحدد( حبيبة موني 22/11/2011 (بنوته( دلوعته واحبه حبيبي22/11/2011 )لم يحدد( الشيخة 22/11/2011 (بنوتة ) sara*_* 23/11/2011 (لم يحدد) دادو 23/11/2011 (ولد) اميرة وين ما كنت23/11/2011 (ولد( مس توته 23\11\2011 )بنوته( ام عبدالله86 24/11/2011 )بنوتة( منوش 30\11\2011 )لم يحدد( حلا جدة 1/12/2011 (ولد) لابسه المنفوش 11/12/2011 (ولد) ريــ الغلا ـــم 11/12/2011 ( لم يحدد ) عاشقة الطيبة 14/12/2011 (لم يحدد( ام شيخه 31\12\2011 (لم يحدد( ومرحبا باللي انضموا معاناhwaml7 ..الله يتمم لكم ولنا على خير يارب |
رد: تجمع اللي بيولدون في شهر ذو الحجه
صباح الخير
أمس وقبله انشغلت ماقدرت ادخل اعايد عليكم ***(( كل عام وانتم بخير))***(( عيد سعيد))*** ينعاد عليكم وانتم بصحة وعافية، وعيد السنة الجاية مع بيبهاتنا انشالله الله يجيبهم بالسلامة |
رد: تجمع اللي بيولدون في شهر ذو الحجه
وانتي بالف خير ام عبدالله
افااا ياام عبدالله هذا وانا اعطيتك جنس المولود وتاريخ الولاده وعلى اساس تضيفيني ...؟؟؟ |
رد: تجمع اللي بيولدون في شهر ذو الحجه
صباح الخير اااااااااااات كيفكم وكيف النونوات
من العاااااااااااااااايدين وكل عام وانتم بخير يابنااااات عندي الم اسفل ظهري مع رجولي زي الم الدوره من صار لها كذا وهل تتوقعون عادي ؟انا خااااااااااااااااااااااااااااااااااااااااااااااااا يفه وموعدي بعد اسبوع والله مره محتاره لاني اقرا الم الظهر للحامل بس ما ادري هوزي الم الدوره او لا |
رد: تجمع اللي بيولدون في شهر ذو الحجه
هلا والله بكل الموجوووودين
كل عام وانتم بخير وعيدكم مباااارك معنها جات متأخرة بس والله ما فضيت من المعايده واليوم اخر يوم نستقبل الضيوف والحمدلله انبسطنا بس والله تجيني الالام كاني بولد اليوم وطوال ما انا امشي وانا حامله بطني احسها من الثقل بتطيح وتحجر الله يخفف ويسهل علينا يااااااااارب وأنتو وش عاااااااملين؟؟؟؟؟؟؟؟؟ |
رد: تجمع اللي بيولدون في شهر ذو الحجه
سوااااااااااااااااااااااااااااااال
بنات دخلتو الثامن ارجوكم ردو |
رد: تجمع اللي بيولدون في شهر ذو الحجه
أهلين صبايا
بنات كل سنه وانتم بألف خير '' ونواني بخير. يارب انا انشالله يوم الثلاثاء اول يوم في الثامن .. ادخل الاسبوع 33. الله يسهل علينا يارب " |
رد: تجمع اللي بيولدون في شهر ذو الحجه
آخباركم صبايا
كيف الكروشات أنا أدخل الثامن يوم 10 كيف تجهيزاتكم خلصتوا ولا باقي |
رد: تجمع اللي بيولدون في شهر ذو الحجه
Ghosh
الف سلامه عليكي معليه هانت راح الكتير وبقي القليل تتسهل ان شاءالله بسالك انا اسمع عن دي العمليه بس يقولو ان المكان الي تسويه فيه كدا يرجع في مكان تاني فهمتيني كيف ترجع في مكان تاني؟ مافهمتك |
رد: تجمع اللي بيولدون في شهر ذو الحجه
مساء الخير كيفكم يا حوامل وكل عام وأنتم بخير أنا بأدخل الثامن يوم 15 سويت سونار رباعي وأنا في السادس قالوا لي بنت تتوقعوا ممكن يغلط لأني ما أبغى أتورط قي أغراض البنات وما تطلع بنت مين عندها خبرة بها الموضوع |
رد: تجمع اللي بيولدون في شهر ذو الحجه
اهلين فيكم لسا ماجهزت وبدخل التامن يوم 10 ان شاء الله بن
اش بتسوون بعد الاربعين من تغييرااات في اللبس والشكل وووووو انتظر تفاعلكم |
رد: تجمع اللي بيولدون في شهر ذو الحجه
الراضيه انتي متواجده حاليا
|
رد: تجمع اللي بيولدون في شهر ذو الحجه
من رايي تشتري الوان محايده زي البيج والابيض والاحمراهم شي ماتركزي عاوردي والموف
|
رد: تجمع اللي بيولدون في شهر ذو الحجه
اقتباس:
انا دخلت الثامن صار لي يومين ربي يتمم لنا على خير ان شاء الله |
رد: تجمع اللي بيولدون في شهر ذو الحجه
كيفكم بنات وحشتووووووني,,
والله بطني جالسه تكبر بشكل سريع ماشالله يارب ماتصير كبيره مره,,وياااااااااااااارب اولد بالتاسع ولا ادخل العاشر .. |
رد: تجمع اللي بيولدون في شهر ذو الحجه
مرحبا انا بولد بنهاية الشهر
رحبو فيني |
رد: تجمع اللي بيولدون في شهر ذو الحجه
مرحبا كل عام وانتم بخير لو انها متأخرة بس انت تعرفوا ايام العيد ودوشتها
اليوم ضاق صدري رحت لموعدي واخذت لي سونار وقالت الالم اللي فيك تحت من الجنين عشانه جالس وضاغط ع الحوض بس ان شاء الله راح يتعدل بالثامن او التاسع |
رد: تجمع اللي بيولدون في شهر ذو الحجه
سلااااام ياقماري
كيفكم مراااااااا وحشتوني كل سنه وانتم بخيراات معليه متأخره الحمدلله كان عيدي من احلي مايكوووون ودحينا انا عند اهلي بس والله كنت تعبانه واحاول ماابين لزوجي وأهلي انو تعبانه ماابغا اخرب عليهم فرحتهم ماشالله قلبي مدينه دخلت التامن يعني انا زيها في التامن hwaml03 وي وي ياقلبي وبطني مغصتني الله يسهلها اجوان كيفك قلبو الله يسهلك اهم شي المشي وأكل التمر وحليب بالعسل |
رد: تجمع اللي بيولدون في شهر ذو الحجه
فيولا
هلا قلبو منوره الله يتمملك ع خير اميره وانتي بصحه وعافيه قلبو ان شاالله ماتجي المراجعة التانيه الا وضع البيبي تمام بسالك معليه يعني دحينا الشهور الاخيره كيف لازم يكون وضعه؟؟؟؟؟ |
رد: تجمع اللي بيولدون في شهر ذو الحجه
عسله,,
مشكوره ياقلبي ,, بس بالنسبه لوضع الجنين انا الدكتور قاللي بالتاسع ينقلب مو ضروري الحين .. |
رد: تجمع اللي بيولدون في شهر ذو الحجه
احيانا احس بحركته ماشالله اسفل بطني
اخااااف بس دحينا رجليني الله يكرمكم مراااا منفخه عن اول بكتير |
رد: تجمع اللي بيولدون في شهر ذو الحجه
هلا وانا كمان بولد باول الشهر ودحين انا بالاسبوع 30 ويومين بس الله يكرمكم دخوول الحمام يضايقني ومره مااقدر استحمل ثانية لمن تقل المثانة ويجيني الم مو طبيعي على جمبي اليمين يالله هانت يارب ويسهلها عليكم وعليا يارب
|
رد: تجمع اللي بيولدون في شهر ذو الحجه
نوني
انا سرت أكسل اخرج من هرجة التواليت الله يكرمك هاااااانت الحمدلله وبدا العد التنازلي ع خير ان شاالله |
رد: تجمع اللي بيولدون في شهر ذو الحجه
بنات بفضفض شوي لانو بصراحه مافي احد مستوعبني :((
الحمدلله ربي مخلي تفكير انو الولاده سهله مره واحس اني متطمنه,,بس دايم انا بحياتي لمن اكون متطمنه بشي يجي عكسو :((( مره خايفه بعد هالاحساس ان الولاده سهله انو يصير شي وقت الولاده ومااولد بسهوله وماما ماحتكون عندي :"((( كمان خايفه من الطبيعي اخاف ماارجع زي اول,,وبرضو خايفه من القيصري ماابغى يشقوا بطني وادخل غرفة عمليات :((( بعدين بعد الولاده مااعرف ايش راح اسوي مع النونو ,,امي يمكن تجي اسبوع وترجع عشان ماتقدر تسيب البيت كثير وانا حاكون ماعرف شي لوحدي :(((((( وبعدين وقت النفاس حاكون مع زوجي في الشقه اخاف مع منظري بالنفاس ودايم بجايم وشكلي حوسه اخاف يكرهني :""""((((( مره شايله هم كل شي وحاسه مررررره حووووسه,,,ومن اول ماحملت اقول لزوجي راح اولد عند اهلي وهوا يقولي لا ابغى اشوف النونو اول ماينولد مو زي الغريب ماشووفو الا بعد شهر ,, ياااااربي مره التفكير ذبحني ولا احد فاهمني لمن اتكلم يحسوني اتدلع وابالغ,,وكل قرايبنا يلوموني اني ماراح اولد عند اهلي مايدروا انو موووو بكيييففففييييييي :"""(((( غير كذا الحين فين الاقي شغاله زي الناس؟؟؟ ومتى اجيبها بالضبط؟؟؟ غير كذا يقولوا رواتبهم اكثر من 1500 بالشهر يعني هذي كم بتكلفني لو بغيتها اربع شهور تقريبا 7000 ريال مرررره كثيررر :((( سوري بنات ادري كل وحده شايله هم ومو ناقصه بس حبيت اكتب وافضفض شوي مره هلكني التفكير .. |
رد: تجمع اللي بيولدون في شهر ذو الحجه
الله يسهلها لك هونيها تهون ولاتفكرين انت سوي اللي عليك والباقي على الله واكثري من الدعاء والاستغفار الله يقومك بالسلامه
|
رد: تجمع اللي بيولدون في شهر ذو الحجه
اه ياقلبي يااجوان
حاولي تقنعي زوجك انا والله كان زي زوجك تولدي في بيتك بس حاولت اقنعه ان مااعرف اسوي شي ولازم احد يهتم في اكلي والخياطة يبغالها اهتمام بحاله وادا احتجت احد يمسك ولدي يساعدني محد عندي او اقنعيه لو فتره بسيطه يخليكي تروحي قوليله ماحتكون غريب بيت اهلي زي بيتك يختي حزنيه شويه ابكي اترجي فيه ههههه وع فكره ليومك يقولي مايكفي اسبوعين اخليكي hwaml4 حكاية البجامه ومظهرنا من دحينا لو نحاول ايش مانلبس ولانحط في وجهنا التعب مبين علينا وأكيد هو مقدر هدا الشي كلها فتره ونرجع زي اول لاتقولي شايله هم ماترجعي زي اول بعد الولاده ان شاءالله ولادتنا طبيعي بس انتي اطلبي خياطه تجميلي لان بعضهم يسونها بعد الاربعين مرا صعبه نسويها مرا وحده ونرتاح والشغاله لحد الان ادوور لان الشهر الجاي واللي بعدو ماتحصلينهم في مكه يهاجرو ههههه حاولي لو ع الاقل تجيكي بالساعه ادا كان سعرها زايد حبتين او بس فترة الولاده انا كدا بسوي الله يريح قلبك التفكير في الولاده موترنا حبتين وان شاءالله زي ماانتي حاطه املك في ربك ان ولادتك سهله تتسهل معاكي ترى ربنا يعطي الانسان ع قد نيته ؛،؛،؛ |
رد: تجمع اللي بيولدون في شهر ذو الحجه
ليال,,
امين يارب.. عسله,, ياقلبي المشكله اهلي بالرياض يعني لو قررت اولد عندهم لازم من نهاية الثامن اروح وانتظر الولاده عندهم,,عشان كذا زوجي يقولي كيف تتركيني فوق الشهرين وبعدين اجي زي الغريب ازورك وارجع وماشوف المولوده الا بعد شهر عشان هو لازم يرجع جده عندو دوام ,, يقولي اولدي وبعد اسبوعين روحي لاهلك بس احس صعبه وانا نفاس اركب طياره وانتي عارفه درج الطياره كيف ومشي بالمطار :(( يااااااااااااارب ياكرييييييم سهلها علينا جميعا ياااااااااااارب .... |
رد: تجمع اللي بيولدون في شهر ذو الحجه
فديتك يااجوان بجد صعبة وخاصة انك بكرية ماتعرفين شي حتى اسبوع اذا جات الوالدة مايكفي وهو الله يهدية مو مقتنع يعني لازم يفكر فيك مو بنفسة على اساس انة بيجلس لحاله عادي فتره وتعدي اقنعية لازم تكونين بيتكم واذا كان على البجايم والحوسة من الحين الكشة صايره ههههههههههه الله يعين ويهون علينا يارب
|
رد: تجمع اللي بيولدون في شهر ذو الحجه
كيفكم حبايبي وحشتوووني كتيير ...
عسله ههههههه دخلت التامن اتخيلي الخوف مره مسيطر عليا اوهام واحلام خليها ع ربنا .. أجوان عشان انتي بكريه ويلزملك عنايه في الأربعين لازم تولدي عند امك ...حتى لو جبتي شغاله ما حتعرف تطبخلك اوتجهزلك الأشياء اللي تحتاجيها ...وبعدين أنا مجربه بعد الولاده سبحان تحتاجي ناس تتكلمي معاهم ويسلوكي لأنو يجيلك زي الاكتئاب والضيقه مع وجود النونو والبكا ولخبطة النوم يعني دحينا تعتبري مرتاحه وهوا في بطنك لمن تولدي يجيلوا مغص وخدي من البكا وهوا ينام وانتي تصحي حتى حتنسي الاهتمام بشكلك تصيري تدوري بس على النوم والراحه .. لكن اذا ما رضي زوجك زي ما قالت عسله جيبي شغاله بالساعه تنظف البيت وتغسل الملابس ..وانت جهزي كل متطلبات الولاده واهتمي بأكلك وتغذيتك ومع الوقت تتعودي ع الوضع الجديد والله يسهلك وييسر ولادتك وولادتنا جميعا يارب.... |
رد: تجمع اللي بيولدون في شهر ذو الحجه
اجوان
ادا مافي الا هدا الحل انك تروحيلهم بعد ولادتك باسبوعين اتوكلي وروحي صعبه شويتين بس ع الاقل تلاقي احد يهتم فيكي ويساعدك |
رد: تجمع اللي بيولدون في شهر ذو الحجه
حبيبتي اجوان لاتشيلي هم عالاقل اهل زوجك جمبك
ايش اقول انا اللي لحالي وما معايا احد غير زوجي واحتمال حماتي تجي بس لسا مو اكيد وبرضو بكريه وحالتي صعبه ولا افهم بشي وحتى صاحبتي اللي هنا حترجع السعوديه على ولادتي تراها فتره وتعدي وتبغي الصراحه انا مع زوجك بدا الموضوع ولو كنت بالسعوديه كنت حولد ببيتي،، لما اشوف قريباتي ممددين عند اهلهم بالاسابيع والابو يجي ويروح زي الضيف مايعجبني الوضع مررره خليه معايا يشوفني بكل اوضاعي الحلوه والمفجعه وصدقيني الازواج ماحينفجعو من مناظنا بالعكس حيقدرونا اكتر كمان خليهم يحسو يساعدونا من اول الطريق انا دايما اقول طالما الامريكان هنا يقدرو يسووها لحالهم كمان اكيد نحنا نقدر اتكلي على ربك وافتكري مصيبتي وحتهون عليكي مصيبتك :) خوفي الاكبر من لحظه الولاده بس الله يسهلها لنا جميعا يارب |
رد: تجمع اللي بيولدون في شهر ذو الحجه
هلا قلبي مدينه
بسالك انتي دحينا ماشالله كل كم تدخلي شهر ؟ |
رد: تجمع اللي بيولدون في شهر ذو الحجه
سلاااااام على احلى كرووشااااااات ،، اخبااااااااركم
اجوان ياقلبي لاتوسوسي والله كترة التفكير تجيب الهم اتوكلي على ربنا ويارب كل شي يسير بسهاله ،، وماشاء الله مدام زوجك يبغاكي جمبو فماراح يطفش من شكلك بالعكس هيا كلها كم اسبوع وحنرجع كاننا عرايس من جديد << خخخ قوييه لا لا بجد حنرجع زي اول واحسن ،، والشغاله جيبيها اسبوعين لحد ماتروحي عند اهلك ،، انتي بس سهليها حتتسهل قلبي مدينه مااااااشششششششاااااء الله دخلتي الثامن يامااااااااااامي الله يسهلها يارب داااادو الله يعينك في غربتك يااارب ويسهلها عليكي يااااارب عسله كيف التنفيخ معااااكي ؟؟ سألتي دكتورتك عن حكاية التنفيخ ؟؟ |
| الساعة الآن 12:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .
