|
رد: حبيباتى سيدات ليبيا تفضلو لأعرف ما حالكم
المقروض الليبي http://forum.hwaml.com/imgcache2/hwa...671288_735.jpg يعتبر المقروض ملك الحلويات الليبية التي تقدم مع الشاي أو القهوة فهو الصنف الوحيد الذي لا يُعلى عليه ولا يمكن الإستغناء عنه أو استبداله بأي صنف أخر من اصناف الحلويات المتعددة في أي مناسبة من المناسبات الاجتماعية السارة المختلفة حيث لا تقام أي مناسبة اجتماعية سعيدة إلا و يكون المقروض فيها هو المتصدرالوحيد بلا منازع لقائمة أصناف الحلويات التي سيتم تحضيرها أو شرائها لتقديمها للضيوف المعازيم في تلك المناسبة. و بالنسبة لي فأنا أحب المقروض جداً جداً و أفضله على أي صنف أخر من أصناف الحلويات مهما كان نوعه و مكوناته. http://forum.hwaml.com/imgcache2/hwa...671288_329.gif مقادير العجينة: 6 أكواب سمدينا ناعمة – كوب و ربع دقيق ( ممكن اضافة كوب دقيق فقط ) – ملعقة طعام بيكنج بودر - كوبين و ربع زيت ( من الممكن استبدال ربع كوب الزيت بالزبدة أو السمن فيكون المقروض اطيب ) – قطرتين زيت عطر إن وجد - كوب ماء ساخن و كوب و ربع ماء عطر للعجن ( قد تزيد الكمية أو تنقص حسب نوعية السميد و الدقيق المستعملين و درجة تشربهم للسوائل ). العطر هو نبات ذو رائحة عطرية فواحة ينمو عندنا و يسمى في فلسطين بالعطرة و فيمصر بروح الكحك و في تونس بالعطرشية. http://forum.hwaml.com/imgcache2/hwa...671281_217.jpg يزهر هذا النبات في فصل الربيع فيكون ازهار لونها بنفسجي http://forum.hwaml.com/imgcache2/hwa...671283_602.jpg تجمع اوراقه و ازهاره و اغصانه الطرية و تقطر فيستخرج منها ماء العطر و زيته الذان يستعملان في تحضير اصناف الحلويات المختلفة كما يحضر بماء العطر أيضاً قهوة اللوز. و يضاف للمهلبية و الارز بلبن و تضاف اوراقه للشاي فتكسبه طعم مميز و يعتبر ماء الورد هو البديل الأقرب لماء العطر في حالة عدم توفره. مقادير الحشوة: للحشو نحتاج إلى حوالي نصف كيلو تمر – قليل من الزيت – نصف ملعقة صغيرة قرفة. مقادير القطر: 6 أكواب سكر – 3 أكواب ماء – 3 ملاعق صغيرة عصير ليمون – نصف كوب ماء عطر. و الأفضل أن يضاف لهم نصف كوب عسل نحل طبيعي أو أكثر حسب الرغبة. http://forum.hwaml.com/imgcache2/hwa...671289_383.gif يضاف الدقيق و البيكنج بودر إلى السمدينا http://forum.hwaml.com/imgcache2/hwa...671282_383.jpg ثم يخلطوا مع بعض و تضاف لهم كمية الزيت و قطرات زيت العطر و يقلبوا جيداُ ثم يغطوا و يتركوا يرتاحوا قليلاً و الأفضل أن يتركوا ليلة كاملة. http://forum.hwaml.com/imgcache2/hwa...671283_733.jpg اثناء ذلك يقلب التمر لمدة 7 دقائق في قليل من الزيت على النار ثم يضاف له نصف ملعقة صغيرة قرفة و يخلط و يرفع عن النار و يفرم أن كان غير مفروم. أما إن كان مفروماً يترك ليبرد قليلاً ثم يؤخذ جزء منه و يدحرج بواسطة الأصابع على طاولة الشغل حتى يتكون أصبع تمر طويل. و تعامل باقي كمية التمر بنفس الكيفية. http://forum.hwaml.com/imgcache2/hwa...671283_786.jpg ثم تؤخذ كمية من خليط السمدينا حوالي ملء راحة اليد و توضع في صحن لوحدها http://forum.hwaml.com/imgcache2/hwa...671284_582.jpg يسخن كوب الماء و يضاف له كمية ماء العطر و يضاف قليل منهم إلى خليط السمدينا http://forum.hwaml.com/imgcache2/hwa...671284_806.jpg بأطراف الأصابع تخلط السمدينا بالماء الساخن المعطر خلط و ليس عجن و كلما احتاجت للمزيد يضاف لها حتى تصبح لينة كما يسخن الماء عندما برد. http://forum.hwaml.com/imgcache2/hwa...671284_938.jpg ترفع من الصحن و توضع على طاولة الشغل و تشكل على هيئة اسطوانة طويلة لتبدأ عملية تمعصيم المقروض http://forum.hwaml.com/imgcache2/hwa...671287_221.jpg بواسطة اطراف الأصابع يتم تكوين اخدود أو تجويف طولي يمتد طولياً في وسط الاسطوانة. http://forum.hwaml.com/imgcache2/hwa...671288_341.jpg يوضع في هذا التجويف اصبع تمر http://forum.hwaml.com/imgcache2/hwa...671288_183.jpg ثم يغطى اصبع التمر جيداً بالعجينة بواسطة اطراف الأصابع و بهذا تكون الاسطوانة التي تسمى الأن بمعصم المقروض قد قفلت. http://forum.hwaml.com/imgcache2/hwa...671283_232.jpg يقلب المعصم و يسوى و يدحرج قليلاً على الطاولة ليأخذ الشكل الملائم المستوي ثم يوضع على طاولة الشغل بحيث يكون المكان الذي تم منه قفل المعصم في الأسفل لان قطع المقروض تنفتح و تتشقق عند وضعها في الفرن لو ترك مكان القفل من أعلى. http://forum.hwaml.com/imgcache2/hwa...671283_124.jpg يقطع معصم المقروض بواسطة السكين إلى قطع متساوية . http://forum.hwaml.com/imgcache2/hwa...671284_387.jpg تسوى قطع المقروض من جميع جهاتها بواسطة الأصابع http://forum.hwaml.com/imgcache2/hwa...671284_554.jpg ثم تزين بواسطة ملقط الحلويات بأي شكل حسب الرغبة. http://forum.hwaml.com/imgcache2/hwa...671283_905.jpg http://forum.hwaml.com/imgcache2/hwa...671284_742.jpg و تصف في صينية الفرن بحيث تكون غير متلاصقة أي يجب ترك مسافات بسيطة بينها حتى تنضج لاحقاً و تعامل باقي كمية السمدينا بنفس الكيفية حتى تنتهي كل الكمية http://forum.hwaml.com/imgcache2/hwa...671282_329.jpg توضع الصينية في الرف الأوسط لفرن ناره متوسطة تشتعل من الأسفل و الأعلى مع الانتباه له لأنه سرعان مايشقر من الأعلى عندها تقفل النار من أعلى و تترك من أسفل فقط حتى ينضج و يحمر من الأسفل. http://forum.hwaml.com/imgcache2/hwa...671283_693.jpg قبل نضج المقروض بحوالي ربع ساعة يحضر القطر بأن توضع كمية الماء في طنجرة على النار و يضاف لها السكر و عصير الليمون و يخلطوا حتى يذوب السكر ثم يتركوا حتى يغلوا بعد بدء الغليان بمدة 10 دقائق يكون فقاعات فيضاف له ماء العطر و عسل النحل حسب الرغبة و يخلطوا و يتركوا دقيقتين اضافيتين ليغلوا على النار ثم يرفع القطر. http://forum.hwaml.com/imgcache2/hwa...671283_479.jpg عندها يكون المقروض قد نضج و احمر من الأسفل فيخرج من الفرن و يسقى فوراً بالقطر الساخن المغلي لكي يتشربه و يترك فيه لحوالي الثلاثة أيام إلى اسبوع قد تزيد أو تنقص حسب الرغبة و حسب سرعة تشرب قطع المقروض للقطر و كلما ترك المقروض منقوع في القطر مدة أطول كان أطيب http://forum.hwaml.com/imgcache2/hwa...671283_566.jpg عندما تتشرب قطع المقروض القطر و تصبح حبيبات السمدينا فيها طرية و ليست جافة ترفع من القطر قطع المقروض المراد تقديمها و تصفى من القطر ثم تزين بالسمسم الأبيض أو الفورمسيل الملونة و توضع في ورق البليسيه. اما باقي الكمية فتترك منقوعة في القطر و لا ترفع منه الا قبل التقديم بوقت قصير حتى لا تجف. http://forum.hwaml.com/imgcache2/hwa...671288_735.jpg http://forum.hwaml.com/imgcache2/hwa...671283_968.jpg حبيت ننقل طريقة احدي المبدعات الليبيات بصراحة الله سلم ايديها ويحرمهم من النار ان شاء الله يلا الهمة الهمة منقول من أحد المنتديات |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
ماشاء الله فاتتني الهدرزه ماشاء الله
سوسو قاعده والا رقدتي؟؟؟ |
رد: حبيباتى سيدات ليبيا تفضلو لأعرف ما حالكم
الحمد لله درت مجهود اليوم مع اني والله مريضه وتاااااعبه وضئ هرب مرتين كيف بديت في القيام
وعزوزتي روحت هرب راجلي توضأ ومشي للجامع وبيروح بعد الشروق يعتكف وتوه كملت صلاتي ورنود رقدت وبندير التمام عالحوش من غاز ورواشن وو<<<توصيات عزوزتي هههه ربي يهديها وسواسه زياده عاللوزم وبنرقد لان راجلي حيروح 7 وربع والله مانقدر نستناه اثري الله يحفظك ويوفقك لما يحبه ويرضاه يااااااارب يومياتك رووووووعه استمتعت بيها <<بس قاعه انا اكثر وحده ندوي ندوي ندوي ههههه سوسو حبيبتي <<<تعرفي اليوم قلت قدام عزوزتي لراجلي حبيبي مش عارفه كيف صارت والله ماعاد قدرت انكمل سحور مع انها جوها عادي المهم ياحلوه مترعشيش روحك ان شاء الله ربي يكتبلك كل خير واجر يااااااارب صارلك زيني العام اللي فات فطرت في البدايه والنهايه <<<حتي 6شوال ماصمتهمش هلللللبه جنوده سلمكنشاده ياغاليه ياصاحبه القلب الكبير ربي يعطيك من واسع خيرك ويرزقك الذريه الصالحه يااااااارب ام فراس دكتورتنا الصغيره شكرا عالمعلومات اختي ليها 15السنه دكتوره نذككر فيها من لما صغيره وعندي اختي صيدلانيه من 8سنين بس بصراحه الصيدله اوعر قرايتها الكل يقول وحتي امي وبوي جربو الزوز قالوا اوعر عندي اختي قاريه مختبرات وخاتمه كتاب الله واخت زراعه واخت محاماه حتي هي خاتمه وعندها شهاده من الاوقاف وزوز مدرسات ووحده مهندسه برمجه وخواتي الكبار الزوز مش امكملين للعدادي وتوه شيخات ماشاء الله انا كملت التانوي وتزوجت علي اساس بنكمل وصار اللي صار وعندي شهاده من الوقاف في النصف القران وحافظه للاعراف وماكملتش وبس <<<<<مش قلتلكم ماغلبني حد في الدوه من حاجه لحاجه |
رد: حبيباتى سيدات ليبيا تفضلو لأعرف ما حالكم
والسلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم اليوم تقرير يومى عالسريع طبعا البارح لما خشيت موخر شوي والبارح كان فطورنا درت أنا مبطن وخبزة ملفوفة عجينتها مطروحة بماكينة الرشدة وحماتى دارت بوريك وطاجين وحماتى دزت خبزة ملفوفة وسلفتى حتى هيا مسكينة دارت طاجين ودزاته وشربة وبس الحمد لله وتعرفو أولامس تفلحت ومشيت للبقرة بنحلبها جوووووووووو وضحك سلفى جى عاونى كان هذا راهو قعدت للصبح ووووووووووشنو ثانى البارح بعد الفطور مشيت لخوالى أو بألأحرى خالى عازم خولاى حتى ماما ناداها مدايرين عشاء أو فطور يعنى وأنا الحق مش معزومة لكن بعد الفطور مشيت بقلب ونية صافية قلت حتى نغير جوى ونهدرز وخصوصا الضى هرب فى حوشنا والحق احنا ماعنداش جو رسميات وحرج ونادونى ومانادوش وحسبانية يعنى يللى بيتفضل ويهدرز مانبو نقولوله لا وبس وبعدين مشيت أنا وماما لعمتى وأهل خالى الصغير يللى هى بنت حمات عمتى أصلا هدرزنا مشوووووووووااار هما جنب بعض زى السوانى هذه عمتى يللى بنتها رفيقتى وحبيبة قلبى وبعده مرينا على حوش خوالى ولقينا خالتى جاية هدرزنا مشوار وجانى اجلى روح بينا وجايبلنا بورزة زبادى أعطيتها لجداى لأنه عارف انها تحبه وبورزة جيلاطى لينا احنا نزلو معنا ماما وخوى كلينا الجيلاطى وهدرزنا شوية وروح بيهم راجلى وبس وأنا درت مهلبية ودرت قطر نبى نجرب الجيرسى إن شاء الله ووووووووووووووووو وبس لا إله إلا الله محمد رسول الله والباقى قلتهولكم البارح جيجي ههههههههههههش كلى اليوم غلبتك فى الدوة |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اااه معقولة ماخش حد خيركم اللطف
البارح جت حماتى المتزوجة وسيقت ساحة عيالها انا كنت مدايرة فى بالى بس خلى نأجلها شوية ومازال حوش جداى ضرورى القراج يبى تفريح قبل العيد ماهو نعيدو فى حوش جدى الله غالب حال الدنيا زمانكانو بنات عمى نتلاقو ونعولو وتوا يللى تزوجت ووو وطبعا اهو بشوية بشوية كل مرة يطلع جيل جديد ..... |
رد: حبيباتى سيدات ليبيا تفضلو لأعرف ما حالكم
طلعت ورق البوريك من الفريز وعندى مفروم طايب
وقليت شوية بطاطا فى القلاية الكهربائية ووووووووووو وعجنت المقروض ايه ايه تىىىىىىىى ههههههههه مش مصدقة إن شاء الله يزبط معى طبعا بنخليه الى الليل بإذن الله لأنه يبى وقت+ وجابلى راجلى جوز الهند والشوكلاطة باش نجرب الجيرسى بإذن الله ودرت البارح عسل وتوا حطيت واح جديد عالنار |
رد: حبيباتى سيدات ليبيا تفضلو لأعرف ما حالكم
وعجنت عجينة
يللى اهو أخيرا جبتلكم الطريقة العجينة 2ونص كوب دقيق 3ملاعق حليب بودرة نص ملعقة ملح 2ملعقة سكر 1ملعقة خميرة بيرة المواد السائلة نص كوب ماء ربع كوب زت من ربع الى نص كوب حليب تخلط المواد الجافة وتضاف لها المكونات السائلة وصدقونى رهيييييييييييييبة من لما انت قاعدة تعجنى فيها وهى قطن ههههههه وينك من ول رمضان توا معاش عندنا ليه خلوق الحار خخخخخخخخخخخخ-مخ وبعدين بعد ماتخمر قسميها جزئين وافرديها وحطيها فى الطاجين وحطى الحشوة أنا نحط صلصة ورق سلك أو حتى سلاطة لو ماعندكش سلك ولوحابة معدنوس أو كسبر وزيتون وجبن ولو تبى مفروم وزعتر وأكسرى دحيتين ولطيهم وصبيهم وحطى الطبفة الثانية وقصصى مربعات وعلكوشة السخونة والله حتى منظرها بالزايد من يوم ماجربتها وأنا معاش بطلت عليها تهبلللللللل وماذا بيك حمريا شويه مش احرقيها خخخخخخخخخخخخخخخخخخ تهيببببببببببببا اكيد اليوم كلكم من كثر الشكر بتجربوها وصدقونى ماهى واعلرة تعرفو أسهل شىء نعجنها فى 5 دقايق وشوية ونجى نفردها والحشو ماياخد وقت بكل وخصوصا لو كل شىء جاهز وميزتها انها تنحشو بأى شىء واليوم أنا ناوية نحشيها بإذن الله صلصة لو ماعندك واتية عالسريع إقلى شوية بصل وطماطم وشوية معجون طماطم بسس وخليه يطيب بشوية مية وكمان بنحشيها بسلك ودحى ووووو ومش عارفة شن ممكن نحط ثانى وتعرفى لما تنتشيها كأنك تاكلى فى باسطى ساااااااااااااهلة وسريعة ماتوقولوش صعبة اليوم ضرورى تجربوها كلكم هى تشبه الرجر ممكن بس مانعرفهاش انا البرجر سمعت بيها وماجربتهاش بس هديكا تتطلب مكونات معينة مش زى هذه ادعولى |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اقتباس:
الحمدلله علي سلامة زوجك جنوووووووووووودة... حاسة بيك والله ونفس شعورك بالضبط واكثر ديما شايلة هم البلآد مع اني برا منها خصيصا بنغازي..........ياخسارة وع فكرة هالعصابات انتشرن في ليبيا كلها قبل مانسافروا زوجي شرا هونداي 2013 وزرد بها للجبل مع اصحابه عدن سيارتين وهم ف طريق شلال درنة قعدوا يضايقوا في زوجي واااجد لعند ماوقف وكان معاه شاب بس قاللهم نحن ضيوف عندكم معقوله هكي؟؟ قال بدا يسب وهكي واللي معاه قعد يقوله هي هي شكلهم واعرين حصلوا كفوف من زوجي وصاحبه بعد عرفوا نواياهم بسرقه السياره قال يحسابونا بلآبل عموما ردت السياره الاخري اصحاب زوجي واحد منهم عنده سلاح بلجيكي صغير مجرد مافرغ ف الهوا هربوا بعيييييد بسيارتهم ... والحمدلله السيارة بي 25 الف رزق حلآل ماضاعتش |
رد: حبيباتى سيدات ليبيا تفضلو لأعرف ما حالكم
اثري وسوسو مبارك وسام مسابقه ايات ومعاني
انا اخر اسبوع كنت نشارك يوميا بس بعد طرح السؤال بساعتين وينكن ماشفتكنش وقتها ههههههه لقيت روحي رابحة 7 وسامات خخخخخخخخخ 2مسابقات و5 شكر وتميز في مواضيع وندوات ام ارجوووووااااااااااااان الرمضانية ومازلن مسابقتين ملابسي وملابس الولي مع ان التصويت انفتح بس شاركت عشان كان خاطري نشارك فيهن متاعات العيد من قبل رمضان ف ع السريع صورت الحاجات ونزلتهن مع ان دبش الولي ناااااااااااقص مازال الفستان الاساسي للعيد واشوية حاجات وتوكات واكسسوارات و نفس مسايقه رحلة الي.... حصلت اصوااااااات واجد لقيت روحي الثالت وفرق صوت بين الثاني |
رد: حبيباتى سيدات ليبيا تفضلو لأعرف ما حالكم
اقتباس:
ماشاء الله ربي يحفظهم ويخليكم لبعض جيجي ... ويزيدهم ربي من علمه ويوفقكن الي ماتحبن وترضن... حلو العلم للبنت وعندي خواتي وحدة خريجة علوم ووحدة كلية الاداب قسم انجليزي واللي في ثانية ثانوي.. تبي تطلع دكتوره.. وخوتي ال2 يقروا في الهندسه والصغير بسلامته مازال في 2 اعدادي.. عندنا ماما الحق جاهدت معايا واجد كانت تسهر معايا حتي في امتحاناتي ايامات الجامعه وتديرلي في كل شئ انحبه.. والحق ماكنتش نرفع حتي في كاشيك ايام قرايتي لان وقتي اغلبه في الجامعه ... ونروح مابين 5 و6 وكانوا الناس يحسابوني نطلع بايرر خخخخخخخ والحمدلله وفقنا بعد الزواج وقعدت ست بيت بفضل ربي وو تسكيته للناس الحقودة وبفضل ربي حتي اكلي ديما مشكور واللي حكوا عليا ماتوا قهر بزياده خخخخخخخ وع فكره نحن بجامعة العرب الطبية كلية طب الاسنان معروفه ياجيجي من اصعب الكليااااات كافي ان نقروا في 11 مادة دسمات ف 3 و4 ودكاترتنا صعبيــــــــــــــــن جدا وماتزعلوش مني ياطرابلسيه ماتجي شئ في الصعوبة و الوعارة بجنب جامعه الفاتح اسنان حتي دكاترة الزوار لي يجونا من مصر والاردن والعراق ديما يحكولنا في الفرق بينا وبين طلبه غادي بالفاتح وفي دكتور اظن زليتني ممتحن يجي في امتحانت العملي والشفوي لقبه الكبــير اعترف برضه بهالشئ دراستنا مكثفه جدآ والطاقم اللي ماسك الكليه رعب هههههههه وكله بالانجلش طبعا ورونا النجوم في عز الظهر... والحمدلله تخرجت قبل ماننجن منهم لذلك الاسنان اصعب بواجد من الصيدلة عندنا |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكن خواتي الغاليات
ارجوكن انكن تدعن لليبيبا وهلها في هالايام المباركة عسى احداكن تصادف ليلة القدر وايش رايكنم اخرى ندعو كل وحدة فينا تدعي للثانية في ظهر الغيب وا ادراك ما الدعوة في ظهر الغيب واجرها |
رد: حبيباتى سيدات ليبيا تفضلو لأعرف ما حالكم
اثري مشورة ياعزيزتي عالرد .. وبارك الله فيك علي كل اللي تكتبي فيه بصراحة نستفيد منه
في ميزان حسناتك سوسو ... اكبر فيك تقديرك لظروف زوجك بس ... كيف ماقالت اثري لازم يعرف انك تنازلتي علي لبس العيد عشان عارفة الظروف بيش يكبرك ويقدرك اكثر جنودة .. اتمسحيني من الغياب اني جيت ههههههه وسلم يدياتك اكيد التورتة حلوة زيك فروسي ... معليش حبيبتي عالتعبب اجر باذن الله هانت مازال غير يومين وينعاد عليك بصحة وسلامة جيجي ... انت الاحلى كيف حال بزك توة . |
رد: حبيباتى سيدات ليبيا تفضلو لأعرف ما حالكم
بنحكيلكم علي سن العقل
انا من سنتين بدت اللثة من الخلف اتوجع فيا حتى الوكال ماعدش عرفت ناكل المهم لما شفت القيت سن بتطلع ولما جا توأم روحي حكيتله ضحك وقال لي هذا وين عقلتي طبعا انا تعقدت منه وقلت لا ماتمشيش بالساهل امشيت للمطبخ اشوي وبعدين رديتله قتله شن قصدك يعني انا هبلة والا قصدك اناكبيرة طبعا وانا نحكي امعاه امكشرة وزعلانة تمثيل طبعا فنظر لي نظرة وقالي وانت شن رايك فقتله والله ياحبيبي رايي اني انا مازلت صغيرة والدليل اهو قاعدة مازال انسنن ونطلع في سنون صفق لي وقالي حلوة حلوة قتله امالة شنو ياحبي ههههههههههههههههه |
رد: حبيباتى سيدات ليبيا تفضلو لأعرف ما حالكم
هههههههههههههههههههههههههههههههههههههههههههههههههه هههههههههههههههههههههههههههه
|
رد: حبيباتى سيدات ليبيا تفضلو لأعرف ما حالكم
بــــــــــخ جيت
|
رد: حبيباتى سيدات ليبيا تفضلو لأعرف ما حالكم
هي عادة تطلع بين 17 الي 40 سنه اوشي
سميت بسن العقل عربيآ عشان تظهر في بداية سن النضج |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
جنــــــــــــــــــــــــــــــــــودة
حمدا لله على سلامة زوجـــــــــــــــــــــــــــــك والله الأمـــــــــــــــــــر صار مؤسف للغاية وندعوا الله أن يعجل بالأمن والاستقرار لبلدنااااااااااااا الحبيب اليوم وأني في الطريق ماشية مع زوجي لأهله قعدنا نحكوا علي هالموضوع قتلـــــــــــــــــه امتى قال هذاكا المقبور حنخليها جمـــــــــــــــــــر كان يعرف شن بيدير بفتح مخاااااااااااازن السلاح حسبي الله ونعم الوكيل |
رد: حبيباتى سيدات ليبيا تفضلو لأعرف ما حالكم
والله الا قعدت جمر صح
|
رد: حبيباتى سيدات ليبيا تفضلو لأعرف ما حالكم
أم فروســـــــــــــــــــــــــــي
صحيتي على الموضوع الأكثر من رائــــــــــــــــــــــــــع والأروع منه اهتمامك فشكرا جزيلا ~~~~~~~~~~~~~~~~~~~~~~~~~~~ إلى كل حبيبات القلب اللواتي اجتمعن وتعرفن عبر هذه الشبكة ما تلاقينا بالأبدان ولكننا تحاببنا بالقلوب إليكن جميعا أصدق الدعوات في هذه الأيام المبااااااااااااااااااااااركة |
رد: حبيباتى سيدات ليبيا تفضلو لأعرف ما حالكم
امس في منطقة هلي توفت مراة قدام عيون خويا الصغير كان ماشي بيشري حاجة هو وصاحبه مسكين قالولي بعد بدا الضرب بسلاح بين شابين متعاركين كرس تحت السيارة لان الموقف صار قدامه
وجت رصاصة طايشة في مراه مروحة من التراويح لاحول ولاقوة الا بالله وشافها طاحت غارقة بدمه خويا عمره 12 سنه انفجع وروح يجري يبكي لماما وطبعا امس عندنا ناس واااااااااااااااجد لان فاتحة خواتي انقرت امس بعد التراويح |
رد: حبيباتى سيدات ليبيا تفضلو لأعرف ما حالكم
يابنغازي حظك رايح........ وانتي رباية الدايح
|
رد: حبيباتى سيدات ليبيا تفضلو لأعرف ما حالكم
اقتباس:
العفو غاليتي اثري هذا ابسط شئ ممكن نساعدك به... وبارك الله فيك ع الدعوة الطبيه |
رد: حبيباتى سيدات ليبيا تفضلو لأعرف ما حالكم
جنودة سامحيني .. انسيت انقولك حمد لله علي سلامة زوجك
|
رد: حبيباتى سيدات ليبيا تفضلو لأعرف ما حالكم
ام فراس مبارك قد قران خياتك وربي يتمم علي خير
|
رد: حبيباتى سيدات ليبيا تفضلو لأعرف ما حالكم
والحمد لله علي سلامة خيك ... اصغير ياناري اكيد مفجوع
اقروله قران وشربوه امية مرقية |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
قولن الله يبارك عليا ههههههه
كملت توة المعمول والغريبة ... طبعا انا تقليدية جدا في الحلويات امتاع العيد ... اندير كيف امي الله يبارك في عمرها بكرة ان شاء الله اذا لم تصبني حالة من التمبلة بندير مقروض |
رد: حبيباتى سيدات ليبيا تفضلو لأعرف ما حالكم
وعليكم السلام جيجي
|
رد: حبيباتى سيدات ليبيا تفضلو لأعرف ما حالكم
توة عاد اسمحن لي بنمشي نرتب حوستي وندس الحلويات كان طقو فيهن العيال
معناها ما خلو شي للعيد بسلامتهم حبايب قلبي |
رد: حبيباتى سيدات ليبيا تفضلو لأعرف ما حالكم
سلم ايدياتك اوشي وربي يحفظلك صغارك
ام فراس الف مبروك علي وخياتك وربي يتمم عليهم بالخير يارب وكل الحبيبات اشتقتلكم وربي يدوم ايامك الحلوه |
رد: حبيباتى سيدات ليبيا تفضلو لأعرف ما حالكم
السلام عليكم
تسلم ايديك اوشي ممكن الطريقة انا ولا مرة درت حلويات بس رمضان هدا درت بسكويت البصمة روعة |
رد: حبيباتى سيدات ليبيا تفضلو لأعرف ما حالكم
الله يسلمكم
يلا مالحقتش نقرا الردود اللي بعدي غدوة نقرا ونرد عليكم |
رد: حبيباتى سيدات ليبيا تفضلو لأعرف ما حالكم
اليوم كان متعب مش عارفه خيرني هاليومين انحس في نفسي معادش في طاقه
درت فطوري محشي وماكانش عندي خضرته جاهزه شن وازاها وغسلتها وقرضتها وعاودت غسلتها عالخفيف للاحتياط ودرت ملفوف وسلك وفلفل وكوسا و2فلفل حار ليا هههه انحبه والزينه باذنجانه وطماطمه بعتت سونيه لحوش سلفي ودرت بوريك الجبده وشربه وبيتزا وخبيزات مشكله وامبطن مشكل فقققطططط الحمد لله خصوصا ان عزوزتي اتسحرت في حوش اختها جايبين لبنتها موسم وتوه كيف روحت خطمت عليا جايبتلي بكلاوه بارك الله وربي يحفظها عارفتني انحبهااا موت خصوصا بالفستق وكملت الحوسه قبل المغرب بشوي وفطرنا وكملت مطبخي وسيقته ودوشت وصليت وامشيت لحوش بوي وتاج راسي الضئ هارب عندهم من 5ساعات جئ علي خشتي ههه وهدرزت معبوي وحاولت فيه ياكل لان قالولي ماكلاش كويس وجاه الدكتور امتاع العلاج الطبيعي وللاسف رفضه روح وخلاص خشيت عاتبته هذا ماعندي مندير ودلكتله انا وخواتي ومشيناه شوي كتعويض للعلاج اعطيته دواه وقال بنرقد بنوتي الحلوه خالاتها فقدووووووها لانها امشت مع بوها للجردينه مع اصحابه لبستها وعطرتها وامشت وشررولها اصحاب راجلي العاب امروحه فرحانه وتغايض فيا اتقولي اني عندي انتي ماما بح معندكس ههههه ربي يحفظهالنا بهجه الحوش حتي بوي فقدها هلبه وانا طول الوقت نتصل براجلي خايفه عليها امورتي ربي يرعاها ويحميها <<<<<<<<<<ياسر دوه بنوض انصلي ورنوده رقدت جنبي بنلبسها بيجامتها لان الحلوه لما غيرتلها شمالها ولبستلها الشطي بطي وهربت ههه |
| الساعة الآن 09:03 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .