رد: هنا تجمع حوامل الشهر (السابع والثامن والتاسع)
 

ليش حبيبتي اذا تدرين ان غلط و مو زين ليش تشيلين شغلات ثقيله ما عندج سالفه انا حتى بدون حمال ما اشيل ثقل باجر يتاثر ظهرج و الا رحمج منو يبي يفيدج لا تعيدينها,انشالله ما يصير الا كل خير بس انتي لا تسوين جذي مره ثانيه و ما تشوفين شر حبيبتي.

رد: هنا تجمع حوامل الشهر (السابع والثامن والتاسع)
 

بنات هااااي ..
انا بكرا بدخل السابع يصير اكون معكم؟
اسمعو الحين بقولكم شي مهم : بس ادعولي بتسهيل الولاده لان البيبي معترض الله يسهل علي
المهم : مو الفازلين روووووووعه للتشققات ولكل شي
حتى شوفو الاندنوسيات اشلون ناعمات لان قبل النوم يستخدمونه
المهم مااطول..
انا هذا اول حملي
واحط
1-فازلين العادي
2-وزيت اللوز لايفوتكم
3-وزبدة الكاكو
هذا كله احطه فبطني عشان التشققات بس يابنات( زيت اللوز روعه حييييييييييل)حتى لو بدون حمل لو بعد الاستحمام حطي لمسه بسيطه تكوني ناعمه وريحتك نايس
(والفازلين )اروع لانه اثقل وحتى يقولون لو علمو النساء بفضل الفازلين لانتهى من الاسواق
المهم ماعلينا انا قلت لكم وش الزين للتشققات
فالحين ابي احد يقولي :
الفازلين يابنات طبعا ثقيل وصعبه كل وقت احط يلا احط كثير وقت النوم
بس وقت الظهر العصر صعبة احط كميه كبيره لانه ماينشف بسرعه
احس بشي لزج بجسمي فاتضايق مااحب فلو حطيت لمسه بسيطه على بطني يكفي يؤدي نفس الغرض ويحمي من التشققات صح؟؟؟؟؟!!!

رد: هنا تجمع حوامل الشهر (السابع والثامن والتاسع)
 

ام ياسمين : الله يعافيج يا رب عزيزتي:)

اموره وكتكوته : الله يعافيج غاليتي *_*

ام الغلاه : انا بخير الحمدلله يسرج حالي ، توني راده من نص ساعه البيت @@

تونا : طبعا الكميه البسيطه ع البطن تفي بالغرض:)

رد: هنا تجمع حوامل الشهر (السابع والثامن والتاسع)
 

السلاااااام عليكم

يسعد مساءكم

كيف حالكم كروشااااااات فردا فردا

والله من اسبوع تعبانه من الارهاااااق

ولدي عمره ينتين وتعبااااان زكمه وبلغم وكحه

بجد اتعبني وبس يكح عند النوم لمين يصحى

حطيت له بخار ومضدات ومستشفيات

وكل شي مانفع معه

الفكس وزيت الزيتون ماينفعون له لان عنده حساسيه ينكتم منه زياااااااده

الله يعيني لاجاء النونو انا يدوبي اتعلم على ولدي هذا

انا مو قد المسؤليه من يتعب ابكي معه ماحبه يتاااالم

احس للحين ماعرفت اتعامل مع الاطفاااااااااااااال

رد: هنا تجمع حوامل الشهر (السابع والثامن والتاسع)
 

هلا بوح المشاعر وعليج السلام ورحمة الله وبركاته ، الله يعينج العنايه بطفل صغير بهالعمر ومريض بعد وايد صعبه ، الله يشفي ولدك ويتتم لك حملك ع خير ويقومك بالسلامه ان شا الله :)

رد: هنا تجمع حوامل الشهر (السابع والثامن والتاسع)
 

تسلمين اقصوصه الله يسعدك

كيفك انتي وكيف الحمل معاك

رد: هنا تجمع حوامل الشهر (السابع والثامن والتاسع)
 

الله يسلمك الغاليه

والله الحمدلله ماشي حالي

باجر عندي موعد متابعه في المستشفى

هذا اول موعد لي قبل كنت اتابع في العياده

بس الحين لاني باخر الثامن حولوني لمستشفى الولاده

الله يقومني بالسلامه يا رب ويقوم كل حامل بالسلامه ان شاالله

انتي سهرانه اليوم؟

رد: هنا تجمع حوامل الشهر (السابع والثامن والتاسع)
 

الله يسهلك يااااااااااارب

ايه سهرانه انا وولدي

زوجي نايم عشان الدووووام

وانا اقلب في النت مره عين على النت ومره عيني على برنامج هو وهي في mbc

هههههههه

مدري البرنامج عفوي او تصنع

رد: هنا تجمع حوامل الشهر (السابع والثامن والتاسع)
 

والله ما سبق لي ان تابعت هالمسلسل

انا الحين دخلت غرفتي على امل انام

وطبعا قبل ما انام بطالع حلقه من مسلسل فص كلاص

ع اليوتيوب ، حلو المسلسل وايد ، خفيف وكوميدي

وبنتي ما شا الله عليها كل شوي تعطيني رفسه محترمه

احسها تبي تطلع ملت خلاص ، تقول المكان ضيق شو هذا هههههههه

رد: هنا تجمع حوامل الشهر (السابع والثامن والتاسع)
 

ههههههههههه

الله يحفظها لك يااااااااارب

ونوووم العافيه

لا البرنامج مو مسلسل

برنامج ثنين متزوجين

سعوديه الفنانه اسيل
والمذيع خالد الشاعري

بس بجد حياتهم خوووش ههههههههههههههه