|
رد: تجمع حوامل ليبيا
اهلين بوخيتنا خولة مرحبتين بيك نورتينا ونستنو في التقرير
أم أسيل انى تو كيف روحت من الدكتورة قالتلى البويضة صغيرة واااااجد تعرفي انخنقت وماعرفت كيف ندير وراجلى اول ماجيته قعد يقصقص مالقيت مانقوله كان يستنى انى نبشره ببويضة ولااثنين والله تو نكتبلكم ونبكى والله متمنيتك يالاي بيش نحكيلك لانى ارتحتلك ونحس في حالتى زي حالتك |
رد: تجمع حوامل ليبيا
ياااااااااااااااااااااااااااااااارب إن شاءالله وخيتى أم أسيل تكون حامل هالشهر ياااااااااااااااااااااااااااارب
|
رد: تجمع حوامل ليبيا
مرحبتين يابنات
نبدو بام اسيل ايش ها لبشاير الحلوة والله فرحتينى ان شاء الله حامل ياااارب بس مانوصيك امشى بشوية وما ترفعيش حاجة ثقيل حتى اعويلتك ماترفعيهمش وامنعى الجماع وما تكثريش الحمامات بلماء الساخن لان عندك اعراض حمل والله اعلم الم الظهر وزعم الكبد ويارب ان شاءالله توم حبل الوصل الدكتورة ما قالتلكش كم الحجم وهل انتى عندك هرمون الحليب لانه هوالوحيد الذى يخلى البويضة تطلع وماتكبرش وانا انقولك ردى على الدكتورة بعد ثالاث ايام وشوفى كبرت البويضة ولا لاء طبعا انتى ماخذتيش اكلوميد لهذا اكيد بويضتك مع الكلوميد يصبحن اكويسات الحبيبة عيون راجلها ايش اخبارك واخبار النونو والله سهفتين على المانيا جيت الراجلى وقلت له عليك ماحلات فى المانيا عندى صاحبتى تحكيلنا عليها اشوى واقالى اه صدقت بكره اوعى بدرى وانمشولها ما فطنت لكلامه خذيت مخده وخبطته بها نمشولها اه |
رد: تجمع حوامل ليبيا
خولة
انستى وشرفتى تجمع اللمة وشاهى ولوز اختى ربى يتمم حملك على خير وما تخافى بس انا انصحك تذهبى الى دكتورة ثانية وتشوفى هل علاج تجلط الدم اسبرين فقط او فى علاج اخر والدكتورة الاولى نسيت منكثرة الزحمه لانى انا اجهض والدكتورة محمد المحيشى اخبرنى ان احتمال الاجهض بسبب تجلط الدم فى المشيمة وعندما احمل مرة ثانية اخذا الاتي : اسبرين اطفال و ابرة الائبرين او الاهيبرين كل يوم ابرة تحت الجلد الى الشعر التاسع ومثبت حمل البوس اختى خولة اكيد حتى انتى هذا علاجك |
رد: تجمع حوامل ليبيا
صابرة
ماسر ساجدة وييييييييييييييييييين ايش صار فى العصيدة |
رد: تجمع حوامل ليبيا
ام لقمان
الله يجعل حياتك مثل البلسم ويفرحك بلى فى خاطرك يااااااااااارب |
رد: تجمع حوامل ليبيا
اهلين ومرحبتين ميرنا ويييين هالغيبة والله استاحشناك وااااااجد
بالنسبه للبويضة حجمها 9 الى 10 وماعندى نية نمشي وين راجلى يقول الشهر الجاى نطلعو برة وخلاص نبي نسألكم عندى حساسية من تحت شنو افضل علاج والله حكة غريبة وماهواش وقتها بالله عليكم اللى تعرف علاج سريع ليها نبيه اليوم ضروري ياوخياتى |
رد: تجمع حوامل ليبيا
حبل الوصل
عليكى بالفلاجيل 500 جرام حباتان كل يوم لمدة 10 ايام والاستنجاء بالماء الساخن والشيح عشبة الشيح تعرفيها ولا اما التبويض انتى لم تاخذى اكلوميد وهذا تبويضك اكويس والحجم فى اليوم العاشر من الدورة 9/ 10 معناه فى اليوم الرابع عشر 14 من الدورة اكيد حايزيد الحجم ويبقى مناسب ماتقلقيش واطمانى |
رد: تجمع حوامل ليبيا
مشكورة ميرنا والله طمنتينى وريحتى بالى الله ينولك مرادك إن شاءالله
|
رد: تجمع حوامل ليبيا
خيتي ام الوصل ياحبيبتي ماتزعلي بكل اولا انت عندك شوية اهمال لان من قبل عندك الحليب مرتفع لازم تديري تحليل بيش يعدلولك جرعة الدواء وبعدين لازم تاخذي كلوميد يساعد في التبويض عموما شكله دكتورتك مش شاطرة واجد وفكرة برة هذي مالهاش لزمة لان مافيك شي انا نقول غير غيري الدكتورة تو تلقي روحك ها الشهر ولا الي بعده حامل لإذن الله وقولي قالتها ام اسيل وبالنسبة للحكة ديري زي ما قالتك ميرنا ولا اسألي الصيدلية لان مش وقتها بكل انت عارفة توا وقت شنو ههههههههههه وبعدين اتا نعرفك قوية ليش البكا اولا عنك عويلة ربي يخليهم لكي وثانبا الي كاتبه ربي يصير ماتزعلي بكل وانا قتلك ها الشهر هضا ولا الي بعده حامل باذن الله غير ديري الي قتلك عليه
|
| الساعة الآن 11:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .