|
رد: دردشة بنات ليبيا , دردشة حوامل ليبيا , تجمع بنات ليبيا
كملي كملي شوقتينا
|
رد: دردشة بنات ليبيا , دردشة حوامل ليبيا , تجمع بنات ليبيا
كان الغدي واتي مشوار 10 دقايق وحطوه عالطاوله
يلي هو: ورق عنب ( ما حبيتاش ما ابهى البراك متاعنا) رز بالشعيريه ولحم الخروف مطيب في طنجرة الضغط بنته اتجنن يذوب في الفم رز ابيض بالمكسرات اللحم المفروم تبوله افخاذ دجاج مشويه سلاطة خس سلاطة ملفوف ملوخيه بالدجاج (ماحبيتهاش بكل ) امخلل كل شي من الفلفل للخيار وحطوا 3 انواع عصير وبيبسي وحطوا حتى اللبن بعدها جابوا نوعين قهوة القهوة العربيه ببكرجها والفناجين وقهوة المانيه حطوا معاهم كيكة تيرامسو وحطوا كنافه نابلسيه اتجنن انموت فيها وبعدها جابوا مترد كبير فيه حوالي 6 انواع شكلاطة كل نوع في جهه وحطوا متر ملبس وبعدها جابت شاهي احمر اخفيف معاه صونية مكسرات كبيرة كبيرة الحق وبعدها حطت الفواكه موز وتفاح وليم نوعين واحني نتعشوا جت كنتها زوجة صاحب راجلي ومعاها بناتها الزوز وجت كنتهم التانيه وكان تهدريزهم ايجنن كاني نعرفهم من سنوات وراقيات وهاديات ماشاءالله اعليهم بعد هذا كله حلفت اعليا مرات صاحب راجلي اني نمشي معاها ونبات عندها وفعلا بالحلف رفعونا معاهم انا وزوزي وام عماد كانوا قمه في الكرم ما اتوقعتش اللبنانين هكي وفي حوش الكنة يلي كان كبيررر من 6 غرف نوم وصالتين و3 حمامات وكوجينه واثاثه راقي وانيق جدا كانت الساعه 10 وبدت تحلف تبي ادير اعشي احلفنا عليها حطت مترد فواكه ونوعين شكلاطة وفستق وعصير ووريتني حوشها وجهزتلي حجرة خاصة بيا انا وبنتي فيها وكل الاغطيه جديده اسهرنا مع بعض وكانت اصغيرة مواليد 1975 وعنده 7 صغار وبنتها الكبيره فاطمه عمرها 19 سنه اتقولي اختها مش بنتها الصبح نضت الساعه 9 لقيتها مجهزة الفطور زيتون و3 انواع جبن ومناقيش لبنانيه عجنتها وطيبتها الصبح نايضه من الساعه 6 تعجن وتوتي ومدايره كيكة شكلاطة وقهوة وشاهي وكل شي بعد الفطور زوزجي احلف انه انروح وزعلوا يبوا ايطيبوا الغدي كنا ناويين نروحوا بالقطار لان المسافه طويله بس احلف الراجل ووصلنا لباب حوشنا وكسبت معرفتهم ماشاءالله اعليهم ونعرف عايلات ليبية ماقالوش حتى بالكذب اتفضلي عندنا مع انهم قريبات ونفس المنطقه |
رد: دردشة بنات ليبيا , دردشة حوامل ليبيا , تجمع بنات ليبيا
وكملت القصة ودهشتكم يا ام روفيده وام ورد هههههههههههههه
يلي عجبني في المانيا ان مرتب البطاله احسن من مرتب الموظف عندنا زوجها كان ما يخدمش والدوله الالمانيه مسئوله عن ايجار حوشهم الكبير يلي كان حوالي 2000يورو وكل بيبي ينزله 300 يورو شهريا ياريت في ليبيا تولي مرتباتنا كويسه وتوفرلنا حياة كريمة |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم كيف حالك ياعيون اتروحي بالسلامة
يللا كملي نتصنت فيك كلي اذان صاغية |
رد: دردشة بنات ليبيا , دردشة حوامل ليبيا , تجمع بنات ليبيا
نستأذنكم بنتي عملتها حاشاكم........
|
رد: دردشة بنات ليبيا , دردشة حوامل ليبيا , تجمع بنات ليبيا
سالي حبيت انسلم اعليك قبل لنطلع انغير لساره
كيف حالك وحال البيبيات وشنو جوك توا بعد ما الرزن بدي معاك ربي يسهلها اعليك |
رد: دردشة بنات ليبيا , دردشة حوامل ليبيا , تجمع بنات ليبيا
بالله مافيش بلاد حرفة زي بلادنا
حقا شن لبستي اما لبسة |
رد: دردشة بنات ليبيا , دردشة حوامل ليبيا , تجمع بنات ليبيا
به غيريلها وتعالي مش تهربي
انا الحمدلله ربي يسهل وخلاص |
رد: دردشة بنات ليبيا , دردشة حوامل ليبيا , تجمع بنات ليبيا
صحة صحة صحة عيون
ماشاء الله ولا قوة إلابالله عندهم الكرم اللبنانيين ربي يخليكم لبعض يارب |
رد: دردشة بنات ليبيا , دردشة حوامل ليبيا , تجمع بنات ليبيا
|
| الساعة الآن 06:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .