|
رد: تجمع حوامل ليبيا
ام رفيدة
الله يسلمك سألتي على صغاري بخير والحمد لله اليوم كان عيد ميلاد اسيل سكرت 9 سنين وانتي كيف حال اوليدك يارب يكون بخير والعقبة لما تشوفيه عريس يارب |
رد: تجمع حوامل ليبيا
اقتباس:
وحشتيني وكنت مشغولة عليك معش تطولي الغيبة راهو غلاك واجد عندي وننشغل عليك كيف حال الصغار ان شاء الله خير والف لاباس عليك هذي مرضة تغييرة الجو انا اموري تمام والدورة مازالت ماجت تاخرت واجد بكل من ثلاثة ايام خذيت دوفاستون بيش تنزل لاني درت تحليل حمل في الدم اكثر من مرة مفش فايدة مش عارفة شن سبب التأخير ودرت تحليل هرمون الحليب لقيته 44 صح عالي شوية لكن مش لدرجة الدورة ماتنزلش توا يومين اخرى لو ما نزلتش نرد للدكتورة تشوفلي حل اخر انذار معش تطولي الغيبة |
رد: تجمع حوامل ليبيا
اميسر
بالنسبة للضغط لازم تعدي لدكتور باطنة يعدلك الضغط قبل ما تحملي وتعديلته ساهلة وبعد ما يتعدل تعدي لكتورة نساء تابع معاك التبويض احسن لان جهاز كشف التبويض انا في بنغازي ما لقيتش وشفت كم صيدلية كبيرة بس الشعب الي في السلماني ماشفتهاش لكن في اعتقادي احسن حاجة المتابعة مع دكتورة عديلها عاشر يوم الدورة وهي تشوف وتقولك احسن وقت للجماع وربي يرزقك ويعطيك اللي في بالك ويهنيك |
رد: تجمع حوامل ليبيا
الله يسلمكم ويبارك فيكم
لولى تسلميلي عارفتكم تنشدو على وتعزونى لكن نقيس في غلاتى عندكم ام اسيل سلمك نشادة ياوخيتى وقولى لاسيل كل عام وانت بالف خير ياحلوة وعقبال لما تشوفيها عروسة انى والله انشغلت في الاول كان عندنا فرح ولد خالى بعدها توفى بات صاحبة عمرى وصديقتى العزيزة قعدت نمشيلها نواسي فيها بعيد عليكم وامس توفت مراة صغيرة هيا مش قريبة واجد بس جارتنا ونعرفها واجد وجعتنى بكل واليوم صغار اختى اتبزعت عليهم الطبيخة زوز واحد عمره 2 و7 شهور والبنت عمرها سنة و4 شهور بس البنت متضررة واجد وتوة رفعوهم لطرابلس لمستشفى الحروق وان شاءالله ربي يشفيهم |
رد: تجمع حوامل ليبيا
ام اسيل كم يوم اتاخرت الدورة
انى مرة تاخرت 13 يوم ومع انه الهرمون مش مرتفع ولاحاجة بس لما خذيت دوفاستون حبتين الصبح وحبتين الليل نزلت بعد الحبوب بيوم واحد وان شاءالله مايكون فيك الاالخير بلكى حامل ماتندريش نعرف وحدة غابت عليها الدورة وتمشي للدكتورة تقول مافيك شي وبعد 4 شهور بان الحمل بس هذى المراة سمينة واجد |
رد: تجمع حوامل ليبيا
ام ناني ربي يسهل عليك والله ماعندي خبرة ربي معاك
وعيون ربي يكتر افراحك وكيف حال وليدك تيمو وام روفيدة شن اخباركم |
رد: تجمع حوامل ليبيا
ممكن سوال انا مشيت لدكتوري اليوم وقتلا عندي الم وتصطير في رجليا قالي اكيد متخديش في كتاسيوم وصفلي كالسيوم بس انا الاسبوع لي فات مدايرةتحليل وطلع فيه لكالسيوم كويس وانا نسيت مقتليش انو طلع كويس وصفلي كالسيوم بس منبيش ناخده لانا انا كويس طلع شن رايكم
|
رد: تجمع حوامل ليبيا
مراحب
صباح الخيرات للجميع ليبيا قلبي / فوتي كم يوم ولو قاعد التسطير خزذي الكالسيوم وخلاص . حبل الوصل / لا باس على صغار اختك والله وجعوني ربي يشفيهم ام اسيل / مبروك علي اسيل عيد الميلاد وعقبال 100 سنة ولما تشوفيها دكتورة او مهندسة |
رد: تجمع حوامل ليبيا
اقتباس:
كيف حالك وعاش من شافك بالنسبة لجهاز التبويض ينباع عندنا في طرابلس //صيديلة دات الصواري/// |
رد: تجمع حوامل ليبيا
صباح الخير
معراج وام رفيده وتيمو وميرنا وحبل الوصل وام ايوب وعيون وصابره وام لقمان ونسرينا لكم وحشه واللخ خاطري نهدرز معاكم |
| الساعة الآن 06:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .