|
رد: تجمع حوامل ليبيا
حبل الوصل لاباس طهور انشاءالله
اشربي السخون هلبه والشاهي مع الليم زي ماقالوا ممتاز جدا |
رد: تجمع حوامل ليبيا
لولي
لاباس على بنيتك الامساك مشكلة حتى ساره بنتي ديمه تعاني منه من الولادة والصغار انا قعده نرقد في دار التقعميز لل 40 انشاءالله والزوز معاي وسارة عندها سرير جنب سريري بناخده لخوها وهي بنفكر كيف بنعودها عالرقاد بروحها مش عارفه كيف عندهم دار بس فاضية بنشريلهم دار اطفال زوجيه لكن مسئلة التعود صعبه هي مازالت تنوض في الليل تعيط تبي المرضعه انفكر نخدم سرير على دروين خدمه في ورشة لين يفوت الشتاء وفي الصيف يكون عمرها سنتين نعودها على دار بروحها مشكلة كل الليبين لاننا نرقدوا في صغارنا معانا من الولادة صاحبتي الالمانية نصحتني قالت من الولادة الطفل بروحه ويديروا في شاشة او بيبي فون للمراقبه واخلاص باش يتعود |
رد: تجمع حوامل ليبيا
تيمو كيف حالك وحال البنوته
العباية من محل حناين والصغار البنت تشبهني انا هلبه والوليد يشبه بوه قسمه خوت صح |
رد: تجمع حوامل ليبيا
نسرينا كيف حالك
وحال البنات التانيات وينكم؟؟؟؟؟؟؟؟؟؟؟ هلا ام ناني اميسر احنا مانعرفوش بنغازي اسئلي ام اسيل |
رد: تجمع حوامل ليبيا
اهلين عيون عمله نومت الصغار معا اماليهم مرت خوي اني مقوي قلبها من تاني سبوع حطاته في دار بروحه ومدايتله بيبي فون بتلفزيون وتوا عمره عامين زي شيباني معتمد علي روحه اني منقدرش قلبي واله مايطوعني نرقدها بروحها ومشكله كان تعودت خلاص حناين نعرفه خديت منه عنده حاجات حلوه عل اخر تتهني بيها يارب نسرينا حلوه خدمه لاكن اني تنباله منقدرش نخدم وحوش وراجل مشالله عليك ربي يعطيك الصحه
|
رد: تجمع حوامل ليبيا
السلام عليكم
كيف حالكم جميعا انا كنت انشارك معاكم من قبل بس مريت بفتره اكتئاب وإحباط والسبب انا مصابه بمرض الضغط وحاولت علاج هذا المرض وذهبت لتونس ونعتبرها رحله فاشله ضيعت افلوسي بدون اي فائده ومن كم شهر انحاول انزل الضغط ما باش ينزل بعدين قلت خلاص نحمل حتى بالضغط عادي وما سخرش ربي انا الحمد لله تبارك الله عندي اوليد وبنيتين وبنتي الصغيره عمرها سنتين ونص بس انا عمري اربعين قلت انلحق انجيب بطن نبي نسألكم هي الوحده اتجيب لعن سن كم |
رد: تجمع حوامل ليبيا
السلام عليكم
شوفوا البنات شن دايرين في المنتدى هذا كل يوم يتنافسوا ودايرين جدول في تنظيف البيت ورعايه الاولاد ولمسات متنوعه وكذلك في المجال الديني ياريت نحنا الليبيات انديرو حاجه مشابهه هنا http://forum.hawaaworld.com/showthread.php?t=1804429 وشوفوا http://forum.hawaaworld.com/forumdisplay.php?f=69 ادعولي ربي يشفيني من الضغط ويهدي زوجي |
رد: تجمع حوامل ليبيا
السلام عليكم اختى اميسر لو الظغط مرتفع عندك ما تحاوليش تحملي وهو مرتفع كثري من مظغ اوراق شجر الزيتون والله مفيد انا امي عندها الظغط بس تاخذ في حبوب واشربي اميه عشان تتبولي واجد كثرة التبول تنزل الظغط وعلى فكره خالتى اصغر بناتها جابتها وعمرها 52سنه ربي يرزقك يارب والله يا ميمونه سهفتيني امي انغير اللوك متاعي انا شعري من يوم ما وعيت علدنيا احمر غامق وانفكر انديره بلاتين بس زوجى مايبيش موش عارفه كيف نقنعه
|
رد: تجمع حوامل ليبيا
كيف حالكن بنات
حبل الوصل حرام عليك انا سالت عليك نسرينا انا كنت فى ليبيا شهر رمضان كله وشهر تسعه كله لكن طمع هدا ب |
رد: تجمع حوامل ليبيا
بنات نبي نسالكم انا نبي نبدى نوكل للولى تو هى عمرها 4 شهور وخمس ايام انا تو بديت نعطى فيها بسكويت ميلوبا ياريت تفيدونى
|
| الساعة الآن 08:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .