|
رد: تجمع اللي بيولدون في شهر ذو الحجه
مرحبا حبيباتي اشتقتلكم كثير
انا الحمدالله وزني مازاد كثير وبطني كأنه بالخامس بقولكم ايش صار لي اليوم يابنات بعد ماافطرت المغرب رحت الكوفيره عشان اشيل شعر وجهي لانه بعد المغرب مايكون زحمه المهم لما بدأت تشيل لي حسيت بدووووووووخه وماشوف كويس قلتلها برتاح شوي اول ماقمت من عالكرسي ماحسيت بنفسي فجأه صحيت ولقيت الناس متجمعين وراسي من الخلف متورم من الطيحه يابنات وعطوني ملح ومويا لحد ماراحت الدوخه مين تحس مثلي الايام هذي كثرت الدوخه معاي مررررررررررررره واحيانا اشوف ظلام والدم عندي 10 والحديد ماناسبني لا فيفول ولا فروز فيفول يجيب لي امساك شديد الله يكرمكم والفروز نفخ واسهال وماادري وش الحل ياحبيباتي ...........؟ |
رد: تجمع اللي بيولدون في شهر ذو الحجه
قلبي مدينه
يناسو ع بنوتتك ماشالله كم عمرها؟ اجوان هههههههههههه انا زيك جاني احباط امس عند شوكلاين قال مين بجي عندنا محد الا انا قفلت معايا بس شاف اختي تشتري وشافني أقولها ايش تاخد كانو قلبه حزن شويه عليا واشترا بس بعد ماقفلت بس انتي سويها لهم شي جديد وحلو عليهم وحطيلهم عيديه معاها |
رد: تجمع اللي بيولدون في شهر ذو الحجه
ريميه
الف سلامه عليكي انا زيك بطلتهم تعبت بسراحه وكان عني نازل بس كنت اكل تمر الدكتوره استغربت تقولي تمام ايش سويتي عاد قولتلها لان كنت اخد حبتين حديد بس ادا اخدتيها خدي برتقال كتري منو مايسببلك الله يكرمك امساك |
رد: تجمع اللي بيولدون في شهر ذو الحجه
كمانا عندك الزبيب كويس والكبده
|
رد: تجمع اللي بيولدون في شهر ذو الحجه
عسلة بنوتتي عمرها 7سنوات وبعدها جاتني ولاده مبكره زي اميره واجهاضات بس الحمد لله على قضائه ....
ريميه يمكن زاد عندك فقر الدم انتبهي لايوصل 8 بعدين تحتاجي ابر والف سلامه عليكِ!!!والله انا مداومه على حبوب الحديد ضروري لا تسيبيه!!! |
رد: تجمع اللي بيولدون في شهر ذو الحجه
عسله وقلبي مدينه..
هههههههههههههه من جد واللهي هذولا الرجال حياتهم كئيبه وتقليدين يعني مايطفشوا :\ ريميه,, الف سلامه عليكي,,بس ايش يعني الدم 10؟؟؟ كويس ولا لا؟؟ ترى مره ماافهم بهذي الامور ,,عموما حاولي تهتمي باكلك يمكن مقصره على نفسك بالاكل وياقلبي حبوب الحديد ضروري لانو غير الحديد فيها نسبة فوليك وكلهم ضروريات للجنين .. |
رد: تجمع اللي بيولدون في شهر ذو الحجه
انا عارفه اني ع غلط
مااخد لاكالسيوم لاحديد ولا جوسبرين |
رد: تجمع اللي بيولدون في شهر ذو الحجه
قلبي مدينه
الله يتمللك ع خير ويعوض اميره يارب |
رد: تجمع اللي بيولدون في شهر ذو الحجه
اجوان
الظاهر لازم يكون الدم 11 |
رد: تجمع اللي بيولدون في شهر ذو الحجه
عسله,,
يؤيؤ واحنا نقول انتي العاقله طلعتي ماتاخذي ولا حاجه ههههههههههههه بنات اهتموا مره لازم عالاقل الحديد انا من النوع اللي مااحب التزم بحبوب بس والله الحديد هذي مداومه عليها زي الالف.. |
رد: تجمع اللي بيولدون في شهر ذو الحجه
عسله الحال من بعضو حتى المويه بطلت اشربها
لما رحت الدكتوره قالتلي لازم تاخدي فيتامينات اهم شي بس الحديد اشوف بعد التحليل لو تحتاجي والكالسيوم نفس الشي لانها قالت كترة الكالسيوم تسببلك مشاكل بنات متى نولد مليت مرررره نفسي كمان اشوف النونو كيف شكلو حلمت انو عيونو خضرا زي ابوه بكل شي وانا من جمبها لو طلع منجد زي ابوه وقالولي يشبه ابوه حعصب عليهم لووووول |
رد: تجمع اللي بيولدون في شهر ذو الحجه
ريميه سلامتك ماتشوفي شر وانتبهي عالحديد لانو الطبيعي يكون من 12 لحد 15
انا باول حملي كان 13.9 ولما حللت بالسعوديه صار11.6 والدكتوره بامريكا قالت لو نزل اكتر من كدا حعطيكي حديد |
رد: تجمع اللي بيولدون في شهر ذو الحجه
مرحبا صباااااايااااا
اميره ،، الله يعوضك خير ياقلبي ويلهمك الصبر والسلوان ويشفعلك يوم القيامه اجوان انا دا اول عيد وانا متزوجه واشتريت اكياس صغيره اورقنزا وبحط فيها شوكلاته والف العيديه بشرايط صغيره واوزعها على البزوره والفكره عجبت زوجي سويها وماعليكي منو حتعجبو قلبي مدينه انا ماتنفخت ودايما يجيني شد في رجلي اليمين ،، بس حامل ببنوووته ^^ يعني مو شرط ريميه الف سلامه عليكي ماتشوفي شر روحي المستشفى عشان تطمني على نفسك ،، انا دمي 10 بس الحمدلله ماأحس بدووخه ،، والحبوووب حدث ولا حرج بس اخذ الحديد ومرات افووت والكالسيوم ولا اقربووو ،، تقهرن الحبه كبيييييييره* |
رد: تجمع اللي بيولدون في شهر ذو الحجه
داااادووو
مررررررررره حتى انا نفسي اشوف شكل نووووووونتي ،، يارب عدي الشهور على خييير واحفظلنا اجنتنا يااااااارب |
رد: تجمع اللي بيولدون في شهر ذو الحجه
اجوان
ههههههه لاداعي للاحرااااااااج هههههههههههه |
رد: تجمع اللي بيولدون في شهر ذو الحجه
تتوقعو العيد ثلووث ولا ربوووع
|
رد: تجمع اللي بيولدون في شهر ذو الحجه
تلوووووت ؛،؛
دادو انا عكسك اتمنى يطلع يشبه بابتو |
رد: تجمع اللي بيولدون في شهر ذو الحجه
عسله انا ماعندي مشكله بالعكس حفرح لو طلع زي ابوه
بس ما بدي الناس طول الوقت يقولو واااو يشبه ابوه واحس حالي صفر عالشمال يجاملوني ويقولو يشبهكم الاتنين زي ما اسوي مع الناس انا لوووول |
رد: تجمع اللي بيولدون في شهر ذو الحجه
Dado أنا زيك حاسه انو حيطلع زي ابوه (ابوه اشقراني)شايفه بنتي تشبهلي وهدا اكيييد مثل ابوه ياالله تمام الخلقه ...
|
رد: تجمع اللي بيولدون في شهر ذو الحجه
كيييييييف الكروشاااااات والنوناااات اليوووووم؟؟
بنات ماتحسو حركة النونو قلت ؟؟؟ |
رد: تجمع اللي بيولدون في شهر ذو الحجه
من جد حتى انا متحمسه اعرف كيف راح يكون شكل خلفتي ههههههههههه
اصلا للحين مو مستوعبه اني راح اصير ام وعندي عيال اتحكم فيهم بكيفي هههههههههه انا اتمنى بنتي تصير تاخد مني ومن ابوها يعني ابغى تاخد عيوني وحواجبي وتدويرة وجهي ومن ابوها الخشم والفم والشعر ,,وبصراحه ابغاها احلا مني تكون ابغاها تصير احلا وحده في الدنيا ههههههههه يارب تمم لنا على خير ونشوفهم باحضاننا .. حبيبة موني,, انا احيانا حركتها تخف وبعدين ترجع ثاني يعني مو شرط كل يوم تكون بنفس النشاط ,,بس لو تحسي مره خفت وطولت لا احسنلك تتاكدي . |
رد: تجمع اللي بيولدون في شهر ذو الحجه
مساء الخير ياكروشاااات كيفكم
وكيف تجهيزات العيد أنا بنتي عمرها اربع سنين وماشالله من أول ماولدت وهي نسخه مني لحد الان حتى أخوي لمن زارني في المستشفى يقول هذي عينه منك هههههه واللب في بطني ان شالله يطلع يشبه ابوه لانه غيران مني لانه بنتي تشبه لي ومااخذت منه شي |
رد: تجمع اللي بيولدون في شهر ذو الحجه
اتمنى ولدي يشبه بابتو في كل شي شكل وطبع وقتها اعرف ان حرمته حتكون
اسعد إنسانه هههههه بس الي اكتر شي ابغاه فيه غمازاته ويكتب باليسار وطموح زيه بس الشعر زي ناعم والبياض اليوم انا افتريت في كرشتي الخدامه اللي قالت بتجي تنظفلي مقفله جوالها من الساعه 8 ماجاني صبر مسكت مجلس الرجال اااه دفيت في الكنب واغسل السيراميك وانا بس ابكي تعبانه كيف امسح الجبس الازوجي صحي من النوم الله يسعده دنيا واخره دق ع الرجال اللي ينظف سيارته قاله يجي يمسك بيتنا غسيل من والى |
رد: تجمع اللي بيولدون في شهر ذو الحجه
حبيبة موني
ايوا قلت عن اول يس اهم شي تحسي بالحركه في كل يوم |
رد: تجمع اللي بيولدون في شهر ذو الحجه
عسله ازا خلص غسال سيارتكم ارسليلي ياه عندي شغل متلتل خخخخخخخخ
<< على اساس كنا نازلين على جده يوم التلووووت بس زوجي قدم يوم الحجز وخلاه الاثنين ،، وشووووفي كيف غرفة الملابس صاايره في غسيييييل مليان وجالسه أطلع ملابس العييييد واحط في الشنط وحااااله |
رد: تجمع اللي بيولدون في شهر ذو الحجه
ايوا احس بحركتها تقريبا كل يوم بس مرررررررره اخف عن اووول
|
رد: تجمع اللي بيولدون في شهر ذو الحجه
ياحياتو انا من عنوناتي ارسله لكي
انا بكرا بغسل ملابسنا ابغا العيد يجي مااشوف قطعة ملابس يبغالها غسيل الغساله الاتوماتيكيه ترييييح ع الاخر |
رد: تجمع اللي بيولدون في شهر ذو الحجه
انا عندي غساله اتوماتيك ونشافه كهربائيه كمان بس انا والغسيل ابدا مانتفق
|
رد: تجمع اللي بيولدون في شهر ذو الحجه
بنات طفشااااااااانه :(
اهل زوجي ماعندهم عيد واول يوم مافي شي نسويه انا وزوجي مرررره طفش احس كل الناس فرحانه بالعيد الا انا :(( ليتني عند اهلي والله اتحملت فراقهم برمضان والحين بالعيد ياربي عجزت استوعب اني اتجوزت خلاص ولازم اتأقلم مع الحياة الجديده :(( دايم طفشانه :( |
رد: تجمع اللي بيولدون في شهر ذو الحجه
اجوان تعالي عندي مرا حنبسط لو تنوريني
طيب اخرجو يابت انتي في جده ماشالله تماشي ياكترها ايش اقول انا ماغير اخرج اخدلي كابتشينو ولاعمنا باسكن روبنز هههه ودام انتي وزوجك مبسوطين مع بعض اهم شي حاولي تروحو مطعم او البحر يعني اتسلو اتفرجو فلم حاجه زي كدا |
رد: تجمع اللي بيولدون في شهر ذو الحجه
اجوان انا ليا 7 شهور متزوجه وليومك ابغا عند اهلي
وادا روحت اخرج من عندهم وانا ابكي وزوجي يضايق <<< بالله ايش قالنا نتزوج ههههههه الحمدلله ع كل نعمه الله يديمها علينا |
رد: تجمع اللي بيولدون في شهر ذو الحجه
اجواااااان
انتي سوي جو العيد ,, زي ماكنتي في بيت اهلك ,, يعني من الليل البسي بجامة العيد واز جا الصباح روحو المشهد انتي وزوجك وصلو العيد وبعد ماترجعي اكشخي والبسي لبس العيد وسوي الفطور او اخرجي افطري برا انتي وزوجك وفرفشي عسله ,,, خخخخخخخ خلاص يابت انتي كبرتي |
رد: تجمع اللي بيولدون في شهر ذو الحجه
عسله,,
احنا قلنا الصباح نصلي العيد وبعدين نطلع نفطر في فندق لانو الفنادق تفتح بوفيهات فطور,,بس وباقي اليوم محنا عارفين فين نروح بالضبط,, اي والله من قالنا نتزوج ههههههههههه عارفه اليوم افكر مع نفسي اقول نفسي ارجع زي ايام الخطوبه عايشه ببيت اهلي واكلم زوجي بالتلفون وكدا بس هههههههه بس انشالله اخر عيد في جده الاعياد الجايه كلها بروح لاهلي وراح اخد زوجي معايا عشان يحس بالعيد.. والله ياليت اشوفك ياقلبو اتشرف بس اتوقع انتي مو في جده.. يلا الحمدلله على كل حال ربي رزقنا ازواج طيبين وانشالله قريب ذريه طيبه بس النفس احيانا تضعف :( |
رد: تجمع اللي بيولدون في شهر ذو الحجه
حبيبة موني,,
انا بسوي كذا بس تعرفي العيد مع الناس غير لمن تلبسي وتتمكيجي وتطلعي للناس انا اتعودت كدا عند اهلي ,,يعني انا وزوجي طول السنه تماشي مابقى مكان ماروحنا .. انشالله ثاني يوم في بيت اهلو يقول نروح نتعشا عندهم بس اول يوم مافي شي انشالله مايبطلوا لانهم كدا مره قالوا بنسوي بعدين يبطلوا بعدين يرجعوا يقولوا بنسوي ههههههههه.. |
رد: تجمع اللي بيولدون في شهر ذو الحجه
عسله .. أجوان .. حبيبة موني .. قلبي مدينه .. دادو
مشكووووووووووورين حبايبي والله يسلمكم يارب عسله الدكتوره قالت اهم شى الحديد لاتتركينه تراه اهم من الكالسيوم لازم تاخذينه ياقلبي |
رد: تجمع اللي بيولدون في شهر ذو الحجه
حتى انا هذا اول عيد مع زوجي واهلي سافروا وخلوني
واهله موجودين بس مهما كان استحي اجلس عندهم طول اليوم .... وقلت شكلي بتفق مع صديقاتي نطلع لملاهي او حديقه |
رد: تجمع اللي بيولدون في شهر ذو الحجه
بنات ايشبكم طفشتو من الزواج
احمدو ربك عالاقل قريبين مو زي مرميه اخر الدنيا حتى مع فرق الوقت مالحق اكلمهم ياهما نايمين او انا انا هدا تاني عيد ليا مع زوجي بصراحه انا مررره احب اهلو لانهم يدلعوني طول الوقت لووول بس اللي ما احب اختلط معاهم قرايبنو والحمدلله زوجي مايحب يرحلهم اصلا دحين بامريكا مدري كيف العيد حيكون بس ما اتوقع رح احس فيه اصلا احمدو ربكم ماعندكم دراسه ولا قرف.. ورايا بلاوي متلتله ولازم ادور قبول ماجستير ويمكن انقل ولايه تانيه ولسا كل دا له وقت محدد ولا ارجع زي الشاطره لبلدي وكأنك يابو زيد ماغزيت ادعولي تتسهل اموري والله شغلة قبول الجامعه تجيب الجلطه |
رد: تجمع اللي بيولدون في شهر ذو الحجه
دادو
لاتشيلي هم تتسهل ان شاءالله اخت زوجي كدا زيك ومشيت امورها موفقه بإدن الرحمن |
رد: تجمع اللي بيولدون في شهر ذو الحجه
شكرا يا عسولتنا
الله يسمع منك يارب |
رد: تجمع اللي بيولدون في شهر ذو الحجه
عيدكـــــــــــــــــــــــــ مبـــــــــــــــارك ـــــــــــــــــــــــــــــــــــــــــــــــم
كل سنه وانتوا طيبين حبااااايبي :**** انشالله السنه الجايه معانا نونواتنا ونشتري لهم لبس العيد ونفرح معاهم :))) |
| الساعة الآن 07:39 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .