|
رد: حبيباتى سيدات ليبيا تفضلو لأعرف ما حالكم
هلا جنودة ....
|
رد: حبيباتى سيدات ليبيا تفضلو لأعرف ما حالكم
رقدت ساعتين بس كالعادة الولي مارقدتنش وناضت من الساعه 10 حسني خلاص بننفجر من التعب والارهاق والغضـــــــــــــب
وقلة النوووم والله اصعب رمضان يمر عليا بحياتي كان تشوفوا عياني محلقات هالات سوداااااااااا |
رد: حبيباتى سيدات ليبيا تفضلو لأعرف ما حالكم
هههههه ياريت يديرها زوجي والله امس جابلي باقة ورد والحق اول مرة يجيبلي ورد هههههههه
جت جارتي قالت يلم الحشرات حطتها ف المطبخ وانكبت اميته كانت فيه مادة حافظة جاية معاه وجعتني منها هو من امتي الورد يلم في الحشرااات؟ |
رد: حبيباتى سيدات ليبيا تفضلو لأعرف ما حالكم
اقتباس:
به مش تعدوا لهل زوجك كيف تقعدي هكي قصدي قدام عمك والشباب مااظنش يخشوا عليكم ومع عصيدة العيد..؟؟ بصراحة تقيد واجد واجد انا اول عيد لبست بدلة رسمية بني الجاكة والقونه والبلوزة عسليه والوشاح عسلي ف البني وكندرة عسلية وماكياجي كان هادي جدا جدا كحل وكريم ميبي لين بس بحكم اني قضيته عند هل زوجي وثاني عيد فستان تركي طرفين رمادي في الكحلي ...مع اكسسوارات فضة وبلبسي هضا وانتقيد يابال |
رد: حبيباتى سيدات ليبيا تفضلو لأعرف ما حالكم
اقتباس:
قالك ماذركير مع الولي hwaml4hwaml4hwaml4hwaml4hwaml4hwaml4hwaml4hwaml4hw aml4 |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
[
جنودة سالتيني ع الطرق اللي منزلتها من قبل ... هذه هي http://forum.hwaml.com/t265994.html http://forum.hwaml.com/t265804.html |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم ياغاليات
سوسو ربي يحفظك ياكبيره العقل وصغيره السن ربي يحفظك نعم الزوجه وربي يزيدكم من واسع خيره ويحفظلك صغارك والعيد يبي النفوس الطيبه والباهيه زيك مش اللبس الجديد جنوده بوي الحمد لله احسن من قبل بارك الله فيك ام فراس ربي يعينك تعرفي انا رنوده لين عمرها سنتين وفطمتها باش بدت ترقد كل الناس عرفوني من شكلي مانرقدش اثري طلي علينا ياعسل اموله وينها ان شاء الله اتكون بخير اوشي تعالي هدرزي ياحلوه ام نوزه وشموسه مختفيات |
رد: حبيباتى سيدات ليبيا تفضلو لأعرف ما حالكم
جنوده وسوسو
كيف تلبسوا عربي ؟؟؟؟؟؟؟؟؟؟؟؟ |
رد: حبيباتى سيدات ليبيا تفضلو لأعرف ما حالكم
انحكيلكم بالتفصيل
طيعا اول عيد ليا كان العيد الاضحي وكنت كيف متزوجه واللبس عندي وفي لبس ماطلعتش بيه بكل فلبست اكثر من لبسة من لبس العرس العيد اللي بعده هوا عيد الفطر كان العيد اللي بعد الثورة ماخديتش الصراحه ماديا لايناسب ومفيس نفسية كويسة للشراء وكان عندنا شهداء صح مش اقارب هلبة ولكن مع هدا لايصح العيد اللي بعده خدالي زوجي بدله وعمتي هاديتلي ردي حرير فضة واصلي ركبتله بلوزة جوبير خفيفة من غير طريزة وسروالها زيها بالضبط مشيت الصبح لحوش عمي في كاب طويل او جوبة مش عارفة شن تقولولها ولما جينا بنطلعوا غيرت علي الحرير وماتقابلتش مع سلافي او عمي بالردي او اي راجل ثاني بس بطبيعة اني الفراشية منعرفش نلبسها تعبت فيها وبنحاول نغطي وجهي ونستر ورحي فهمتوا ومشيت بيه لحوش جدي " عمامي " ونفس الشي سلمت علي جدي بس بس العيد هدا مخاطريش فيه يتعب وانا نمشي لحوش عمي من قبل صلاة العيد المرة هذه بنلبس كابي الجديد |
رد: حبيباتى سيدات ليبيا تفضلو لأعرف ما حالكم
اليوم درت تورتة
مازالت تحت التنفيذ |
رد: حبيباتى سيدات ليبيا تفضلو لأعرف ما حالكم
مزال الكهرباء مقطـــــــــــــــــوع
|
رد: حبيباتى سيدات ليبيا تفضلو لأعرف ما حالكم
شكرا ع التوضيح جنودة...
بس صعبة التكتيفه بالفراشيه حسيتها انا مرة وحدة لبست بدلة عربية )(رداء يعني )( وكانت في فرح سلفي كنت عروس ليا 5 شهور متزوجه وحامل بفراس وعقدتني بجد بس بدلتي اخترت معاها كيب مش فراشية ... لسهولة التنقل والحركة اكثر وربي يعطيك الصحة ع التورته بم اني مازلت صايمة الحق اشتهيتها ههههه مازال ساعه ع المغرب اهئ اهئ وانتم فطرتوا وصحصحتوا وصليتوا التراويح |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
اليوم تعبانه شوي ضرس العقل امداير فيا حاااااااله <<<واخيرا بنعقل هههه
حتي حوش بوي ممشيتش اليوم اتصلت اكثر من مره اطمنت عليه وكلمت امي وخلاص حتي المطبخ غسلت الماعين وسيقته بعد ماصليت العشاء وقريت قرآن ومن شوي غسلت وجففت ودرت شاي اخضر وقعمزت عزوزتي روحت من التراويح وشكلتلها صونيه لحوش ولد سلفها مفقود من سنتين وعنده بنات بس وامس فسدت مساكين تلاجتهم قعدوا من غير لالحم ولاشئ وللاسف ولاسلفه او حمي بعتتلهم حتي حويجه ربي يهديهم حالتها هي وباتها تسخف وهي لاتهش لاتنش ماشيه علي حاله وبناتها مش كبار هلبه الكبيره 14والصغيره 7 سنين ربي يهدي وخلاص كان مش من اماليها وعندها سلفها الصغير هو صاحب راجلي الوحيد اللي يرفع في بنات خوه ويشوفهم شن يبو مع انها واخده حماتها لخوها لكن مافيش فايده حتي في مرت الخو |
رد: حبيباتى سيدات ليبيا تفضلو لأعرف ما حالكم
نستني في عزوزتي نشربوا الشاهي الاخضر رفعت لسلفي طويسه وقالت تو انجئ وقاعده ماجتش
اليوم فطوري بعد المغرب مكرونه امسقيه وسلاطات وفاكهه وخضره بسسسسسسسسسسسس وللسحور درت بوريك <<<راجلي بدي يبيه كل يوم سويسرول الدجاج بيتزا وفركسي مقلي وخبزه كسكاس والجردينه <<<يوم اندير السويسرول لازم انديرها نفس المقاددير تعتبر والحمد لله |
رد: حبيباتى سيدات ليبيا تفضلو لأعرف ما حالكم
اتصلت باختي دكتوره اسنان انقوللها علي ضرسي
قالتلي قوليلي شن فطورك قبل سميتلها شن امدايره قالتلي سلام مادامك كالعاده امدايره هذا كله مافيك شئ ههههه<<<وسكرت عليا جديات خخخخخ هادي اختي اتجيب قبلي تاني وحده في الترتيب الولادات ماشاء الله عندها بنت وولد طبعا راجلها مايبش صغار قاللها هادم سادين سايراته 3سنين ووقفتله وفهماته انه حرام ووو حملت وبعدين رمت طبعا هو خاف وندم لانها رمت حتي بعده والحمل هاذا حملت بتوأم لكن اجهضت واحد وطول الوقد يدعي يثبت حملها وصدقه وووو غير شن تبي ولدها يخش صف التاني كبير باهي وقالتلها الدكتوره توه ولد مع انها بتموت عل بنت قالت ولدي بجنني والبنت صف خامس امهنيتها علي كل شئ وهااااديه عكس الولد |
رد: حبيباتى سيدات ليبيا تفضلو لأعرف ما حالكم
وييييييييييييييينكم
|
رد: حبيباتى سيدات ليبيا تفضلو لأعرف ما حالكم
الســــــــــــــــــــــــــــــــــــــلام عليكم ورحمة الله
أهلا بالحلويــــــــــــــــــــــــــــــــــــــــــن أم فروســـــــــــــــــــــــــي أخجلتني بردك ،،، وكرمـــــــــــــــــــــــك كأنهاااااااااااااا وصلت ،،، وأني لابستها في يدي وبالنسبة للنوم زي ما قالت جيجي الرضاعـــــــــــــــــة الطبيعية مأساتها في راحة النوم ~~~~ حتى أني بنهبل من دودي ومن عدم تعمقها في نوم متواصل لو نامت ساعتين متواصلات في فراشها تعتبر أكبر نعمة وبعدين تقعد بحداي على السرير """ في الوسط """ وتبدا حاطة صدري في فمها زي الزلباحة """ اللهاية """ ظهري بنموت منه رقدتي ديما عوووووووووووووجة الله يبارك على الطبخات اللذيذة ،،، تسلم الأيادي ~~~~~~~~~~~~~~~~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
جي جــــــــــــــــــــي
لاباس عليك آه من ضرس العقل ،،، تعرفي ناض علي وأني حامل بدودي في السابع قريب متت منه ،،،، مشيت لطبيبة أسنان قتلي مسوس في حالة ،،، كان تقدري تصبري اصبري وإلا نستعملك """ بنج الحوامل """ ودارتلي حل طبيعي مؤقت عبارة عن قطنة صغيييييييييييرة جداااااااااااااااااااااا نقعتها في زيت القرنفل وحشتها في تركينة من ضرسي والحـــــــــــــــــــــــــــــــــــــق يعطيها الصحة هفتت علي الوجع لكن امبارح والليلة بعد الفطور ينوض علي توا كنت نزازي ،،، فرشت أسناني وتمضمضت بمية دافية لأني درتها في روحي كليت جيلاطي بالكنافة واللوز الخزايني إمممممممممممممممم لكن العاقبة آآآآآآآآآآآآآآآآآآآآآآآآآآآآآآآآآه وجع ،،،،، أم فروسي :::: السؤال لك معليشي ؟؟؟؟ شن المفروض ندير أني بخصوص هذا الضرس المتسوس ؟؟؟ وهل البنج يأثر في الرضاعة ؟؟؟ شكرا جيجي على التشجيع ،،،، النصائح والتذكيرات أنبها بها نفسي قبلكن ~~~~~ |
رد: حبيباتى سيدات ليبيا تفضلو لأعرف ما حالكم
جنودة ،،،،
الله يحفظك لينا ،،، والله لا يحرمنا من أن نفرحلك بتوأم يارب """ وليد وبنية "" تعرفوااااااااااااااااااااااا عمري مالبســـــــــــــــــــــ ردا ولا حولي ــــــــــــــــــــت بعد ما تجوزت ،،،،،، والحق أحني ما نطلبوش في الذهب الكبير والحرير وبدلا منه يوفر أهل العريس ذهب لباسي وتاييرات وفساتين سهرة وما شابه زي أحني البنات ،،، زي حفيداتنا بالرغم تقولي عزوزتي جربي ألبسيه يطلع عليك طويلة ~~~~ لكن مازال مالبستاش ~~~~ صــــــــــــــــــــــــــــــــــح الجلوة لبستها بعد التحرير درنا في حوشنا احتفال بعرس عروس البحـــــــــــــــــر وبزوال الطاغية وعزمنا الجيران والآحباب وأني كنت نادرة لو تحررنا بنلبس الجلوة لبستها وطلعت علي مش عادية """" شكار روحه خطم من هني """" نعرفوا عويلـــــــــــــــــــــــة من الطويبية في العيد كناينهم يلبسوا الردوات ~~~ المنظر جميــــــــــــــــــــــــل لكن ،،،،،،،،،،،، مش عملي |
رد: حبيباتى سيدات ليبيا تفضلو لأعرف ما حالكم
سوســــــــــــــــــــــو
أشكر لك تقديرك لزوجك ولكن همســــــــــــــــــــــــــــــــــة لازم تحسسيه بتضحيتك ،،، وبأنك تستاهلي الألماس والجواهر لكن تعاطفا مع الوضع تنازلت عن حقــــــــــــــــــــــــــــــــــــــك لعلمك بأنه سيعوضك أول ماتتبحبح الحكاية ،،،،،،،،،،،، قريبا إن شاء الله فأنا ضــــــــــــــــــــــــــــد التنازلات الصامتـــــــــــــــــــــــــة والتي تصبح سرابا بعد مرور فترة من الزمن ؟؟؟؟ لابد من العجعجة ،،، والتلميح ،،، والتصريح كي يعتقد اعتقاد جاااااااااااااااااااااااازم أنك غاااااااااااااالية لأنك تنبهينه دوما على قدرك ومكانتك وتحافظين على حقوقك كما أنك لا تتكاسلين عن أداااااااااااااااااااء واجباتك ~~~~~~~~~~~~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
أربعة ردود
مقابل ولا رد طيــــــــــــــــــــــب لا يأس سأستمر قليلا في الهدرزة ثم سأحلق بعيــــــــــــــــــــــــــــــدا |
رد: حبيباتى سيدات ليبيا تفضلو لأعرف ما حالكم
اليوم
استيقظت من النوم قبل الجميع الساعـــــــــــــــــة التاسعة وعشر دقائق بالرغم من أن البارحة كانت ليلة مرهقة مع الإمبراطورة دودي ولكن لابد أن أنهض باكرا كي أراجع حفظي وأثبته قبل استيقاظ المهاااااااااااااااااااااااااااام الله يحفظهم قريت شوية وحفظت وبدي الأول الأول ينوض دوشت لدودي وبدلتلها ولحق وليدي وقعيدي حتى هو دوشتله وبدوا يلعبوا في الجنان ووتيتلهم صفرة فطورهم فطرتهم في الجنان مع الرطوبة والعرق """ توصيات الزوج ::: لازم تعرقوا كل يوم شوية باش يطلع برد الشتي خخخخخخخخخخخخ وبعدين طلعت الحوايج من الماكينة ونشرتهم وخشيناااااااااااااااا بعد الظهر كلمتني أختي وقتلي علي حالة وفاة نبوا نعزوا ::: ولد أخت جارتنا """ مرت علي بالسيارة مشينا عزينا وحني في طريق العودة يجيني مـــــــــــــــــــــــــــسج فيه أن """ بيبي شب """ مداير تخفيض لمدة أسبوع فقط أي لعبة بنصف الثمن ؟؟؟؟؟؟؟؟؟؟؟؟؟؟ وأني مقررة بناخذ ألعاب لعلو ودودي علي العيد قتلها حطيني في المحل وتوا نروح علي رجلي ~~~~ خديت ألعاب يهبلوا أصلا البضاعة قاعدة مكدسة كيف يعلقوا في اللافتات وحسبت حتى صغار أختـــــــــــــي توأم من عمر ولدي وبعد ما روحت ندمت ماخديتش لصغار سلفي الحق يحبووووووني هلبة توا نطلعوا غدوة ناخدولهم إن شاء الله روحت درت عشاء خفيف جدااااااااااااااا وسريع لأن نور عيوني قاللي وتي روحك مع الستة بنجيك نمشوا لعزاء آخر بــــــــــــــــــــس في وسط المدينة في شارع ميزران طيبت حريرة و بوريك بالمفروم في الفرن و طاجين جبن خضاره طايبة في الفرن و قرمشت خبزة مصرية بالملح وابودرة البصل وبعد ما روحت لقيت بنية أختي باعثتلي أرز بالخلطة و برجر عائلية و طاجين جبن """ مافرحتش بيه عندي منه خخخخخخخخخخخخ """" بعديــــــــــــــــــــــن مسيت للتراويح والشيخ كان دعاااااااااااااااءه مميز هذه الليلة لعلها ليلة القدر آآآآآآآآآآآآمين اليوم دوشتلكم دماغكم تجوااااااااااااا في خاطري وين تحكوا علي روتينكم اليومـــــــــــــــي استمتع كثيرا به فلعلكم تستمتعون ولو قليلا بيومــــــــــــــــــــــي |
رد: حبيباتى سيدات ليبيا تفضلو لأعرف ما حالكم
قاعدةٌ في الأدعيةِ والأذكارِ
أيضًا خطأ آخر، النّبيُّ صلّى اللهُ عليه وسلّم لمّا ذَكَرَ ليلةَ القدر لعائشة رضي اللهُ عنها، قالتْ: يا رسول الله ما أقول إنْ وُفِّقتُ لها؟ فقال: قولي "اللّهمّ إنّك عفوّ تُحبُّ العفو فاعفو عنِّي". بعض النّاس يزيد "اللّهمّ إنّك عفوّ كريم"، هذه كلمة "كريم" خطأ في الرِّواية، ليستْ صحيحةً. جاءتْ في طبعات سُننِّ التِّرمذيّ، ولكن بالرُّجوع للمَخطوطةِ -النُّسخة المُعتمدة للتِّرمذيِّ- ليستْ موجودة [كتاب الدّعوات عن رسول الله صلّى اللهُ عليه وسلّم: باب 85 / رقم 3513، وقال التِّرمذيُّ: هذا حديثٌ حسن صحيح]، وكذا في بقيّة الرِّوايات غير حديث عائشة ليس فيها زيادة "كريم"، إنّما السُّنّة "اللّهمّ إنّك عفوّ تُحبُّ العفو فاعفو عنِّي". وهُنا قاعدة وهي: قد يقول قائلٌ: لماذا لا نقول كريم حتّى لو لمْ تَرِدْ؟ ▪ فنقول: إنّ باب الأذكار عند تطبيقِها وعند قوْلِها يجِبُ التّقيُّد بلفْظِ النّبيِّ صلّى اللهُ عليه وسلّم، أمّا إذا دَعوْتَ اللهَ؛ فادْعُ بِما شِئْتَ ما لم يكُنْ إثْمًا أو ظُلمًا أو شِرْكًا، فادْعُ بِما شِئْتَ، قُلْ ما شِئْتَ، حولها نُدندن، ولكن عندما نُطبِّق السُّنّةَ في أذكار النّبيِّ صلّى اللهُ عليه وسلّم؛ فإنّنا نتقيّدُ بالثّابتِ عن النّبيِّ صلّى اللهُ عليه وسلّم. مِثل أيضًا زيادة "والشُّكر" بعد الرّفعِ مِن الرُّكوع: "ربّنا لك الحمد"، "ربّنا ولك الحمد"، "اللّهمّ ربّنا لك الحمد"، "اللّهمّ ربّنا ولك الحمد"، هذه أربع سُننّ ثابتة عن النّبيِّ صلّى اللهُ عليه وسلّم، لم يقُلْ في واحدة مِنها:"ربّنا لك الحمد والشُّكر"؛ فزيادة "الشُّكر" خطأٌ بل قال الشّيخُ ابن باز رحمهُ اللهُ: "بدعة". لماذا؟ لأنّ النّبيَّ صلّى اللهُ عليه وسلّم لم يُعلِّمْنا في هذا المَوْطِن أنّ نقول هذا الذِّكرَ. إذًا "اللّهمّ إنّك عفوّ تُحبُّ العفو فاعفو عنِّي" هكذا الذِّكر الوارِد؛ يُردِّدُ العبدُ هذا الذِّكر في ليالي العشر الأواخر مِن رمضان. والقاعدة كما سبق: أنَّ بابَ الأذكارِ النّبويّةِ ينبغي التّقيُّدَ فيها بألفاظِ النّبيِّ صلّى اللهُ عليه وسلّم، وحديث البراء مِن أكبر الشّواهد على ذلك. الدكتور : أحمد بن عمر بازمول |
رد: حبيباتى سيدات ليبيا تفضلو لأعرف ما حالكم
الإمام العثيمين: "العلم نورٌ يستضيء به العبد، فيعرف
كيف يعبد ربه، وكيف يعامل عباده، فتكون مسيرته في ذلك على علم وبصيرة".اهـ ~~~~~~~~~~~~~~~~~~~~~~~~~~~~~~~~~~~~~~~ كيف تقوم صاحبة العذر الشرعي ليلة القدر؟ الحمد لله ، والصﻼة والسﻼم على خاتم رسل الله ، وعلى آله وصحبه ومن اكتفى بهداه سألتُ أبي رحمه الله تعالى :كيف تقوم صاحبة العذر الشرعي ليلة القدر؟ فأجابني : " بين: دعاء وذكر وتﻼوة القرآن ، وﻻ بأس عليها مِن ذلك ، وأظن أنك متأكدة مِن عدم كراهة قراءة المرأة الحائض للقرآن . فحينئذ؛ هذا هو المخرج مِن جهة ، ومِن جهة أخرى؛ يحسن بمثل هذه المناسبة أن المسلم سواء كان ذكرًا أو أنثى أن يتأدب بأدب الرسول عليه السﻼم الذي قال في جملة ما قال : )) اغتنِمْ خَمْسًا قَبْلَ خَمْسٍ: شبابَك قَبْلَ هَرمِكَ ، وَصِحَّتَكَ قَبْلَ سَقَمِكَ ((] 1[ مِن أجل ماذا؟ ﻷنه جاء في " صحيح البخاري " ] 2[ أن المسلم إذا مرض أو سافر؛ كتب الله له مثل ما كان يعمله من الطاعة والعبادة في حالة اﻹقامة وفي حالة الصحة] 3[ . فعلى مثل تلك المرأة أن تغتنم وقت طهارتها وتمكنها من قيام العشر اﻷخير ، أو على اﻷقل اﻷوتار ، أو أقل القليل : اليوم أو ليلة السابع والعشرين ، فإن الله عز وجل إذا عَلم مِن أَمَتِه أنها كانت تَفعل ذلك في حالة تمكّنها مِن القيام بالصﻼة ، ثم فَجَأها العذر؛ كتب لها ما كان يكتب لها في حالة الطهر ، هذه نقطة مهمة جدًا ، ثمرتُها أن يَحرص المسلم على التفصيل السابق أن يشغل وقته دائمًا بالطاعة ما استطاع ، حتى إذا زادت الطاعة ، فمرّت العبادة؛ تُكتب له رغم أنه لم يتمكن مِن القيام بها " . ا . هـ __________ ] 1[ - تتمة الحديث: ) وغناكَ قَبْلَ فَقْرِكَ، وفَراغَك قَبْلَ شغلِك، وحياتَكَ قَبْلَ موتكَ (. وهو في " صحيح الترغيب والترهيب" )3355 (. ] 2[ - )2996 (.] 3[ - نص الحديث: ) إِذَا مَرِضَ الْعَبْدُ أَوْ سَافَرَ؛ كُتِبَ لَهُ مِثْلُ مَا كَانَ يَعْمَلُ مُقِيمًا صَحِيحًا (. مرسلة بواسطة سُكَينة بنت محمد ناصر الدين اﻷلبانية. منقول من : موقع الإمام الآجري |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
عزيزتي من الاخير اخلعيه بدون تفكير دامه مسوس اصلا حرام يقعد خير ما كل مره يننوض عليك... وماتخافيش لان مالش فايدة خصيصا لو كانت ضروسك الاثنين اللي قدامه سليمة ومش مخلوعه ولوكانت مخلوعه وحده مثلا مع السنين يقدم اشوي ... وبصراحه المه فضيع لو التهب التهاب شديد... او تلتهب اللثه حواليه بحاله طبيه نسموها بيريو كونايتس اعراضه معش تقدري تفتحي فمك زين... الم قد يمتد احيانا للاذن واحيانا يسبب خراج... ورائحة كريهه بالفم خصيصا عند الاستيقاظ من النوم صباحا... في هالحاله نوصفوا مسكن قوي زي كيتوفان 50 ملجم وطبعا اوقمنتين 1جم كل 12 ساعه عشان نقضوا ع الالتهاب مدة 7 ايام وانا نوصف ف مضمضه اسمها ستيرولين فيها نسبة مطهر ومسكن مفيدة للحوامل.. وطبعا في العيادة نديروا في علاج قريب من لي حكيتي عليه اسمه الفيوجيل ... نظفوا بمحلول مقطر ومادة مطهرة لونها زي بوطاس ثم الفوجيل بقطنه... ومع العلاج الللي حكيت عليه يوقف الالتهاب والالم بادن الله تعالي وبعدها ضروري ينخلع خلع عادي ادا كان بارز وكامل التاج طالع كله او خلع جراحي ادا كان مدفون او مطمور تحت اللثه والبنج لايؤثر ابدا علي الرضاعه عزيزتي... وحتي الادوية التي ذكرتها ما عدا الكيتوفان لان يمر بالحليب بنسبه كثيرة الحوامل والمرضعات نصفلهن بانادول الازرق فقط كمسكن امن ... مدة اربع ساعات فرق بين حبة والاخري اذا كان الم قوي جدا عادي تاخد حبتين مع بعض... والف لاباس مره ثانيه وماتهمليهش خير ماتعبك في الحمل الاخر......... لان الاسنان وامراض اللثه يزيدن واااااااااااااجد بالحمل وراهو مش بسبب نقص كالسيوم معلومة خاطئة طبعا بل السبب ارتفاع هرمونات تودي الي توسع الاوعيه الدمويه بالفم مما يودي الي زيادة نزف اللثه وزيادة مستقلات الالم وحساسيتها لابسط شئ |
رد: حبيباتى سيدات ليبيا تفضلو لأعرف ما حالكم
العلاج المبكر لمشاكل الضرس المستلزم للخلع أفضل من التأخير أو الانتظار لأنه قد يقلل من صعوبات الخلع في المستقبل كما يقلل من فرص نشوء المضاعفات بشكل عام
|
رد: حبيباتى سيدات ليبيا تفضلو لأعرف ما حالكم
بوركت أم فروسي
ماقصرتيش نفوت العيد ونتوكل على الله مانستغنوش على إنجازاتكـــــــــــــ |
رد: حبيباتى سيدات ليبيا تفضلو لأعرف ما حالكم
للي كبر بالمال يصغر بكره..
واللي فقد لحباب يفقد صبره واللي خسر لصحاب يخسر قدره.. والعظم ينكسر ويعيب لكن يبرا... لا كسرت الخاطر مصيبه غبره. |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
عهد عمر بن الخطاب جاء ثلاثة أشخاص ممسكين بشاب وقالوا يا أمير المؤمنين نريد منك أن تقتص لنا من هذا الرجل فقد قتل والدنا قال عمر بن الخطاب: لماذا قتلته؟ قال الرجل : إني راعى ابل وماعز.. واحد جمالي أكل شجره من أرض أبوهم فضربه أبوهم بحجر ف مات فامسكت نفس الحجر وضربت ابوهم به فمات قال عمر بن الخطاب : إذا سأقيم عليك الحد قال الرجل : أمهلني ثلاثة أيام فقد مات أبي وترك لي كنزاً أنا وأخي الصغير فإذا قتلتني ضاع الكنز وضاع أخي من بعدي فقال عمر بن الخطاب: ومن يضمنك فنظر الرجل في وجوه الناس فقال هذا الرجل فقال عمر بن الخطاب : يا أبا ذر هل تضمن هذا الرجل فقال أبو ذر : نعم يا أمير المؤمنين فقال عمر بن الخطاب : إنك لا تعرفه وأن هرب أقمت عليك الحد فقال أبو ذر أنا أضمنه يا أمير المؤمنين ورحل الرجل ومر اليوم الأول والثاني والثالث وكل الناس كانت قلقله على أبو ذر حتى لا يقام عليه الحد وقبل صلاة المغرب بقليل جاء الرجل وهو يلهث وقد أشتد عليه التعب والإرهاق و وقف بين يدي أمير المؤمنين عمر بن الخطاب قال الرجل : لقد سلمت الكنز وأخي لأخواله وأنا تحت يدك لتقيم علي الحد فاستغرب عمر بن الخطاب وقال : ما الذي أرجعك كان ممكن أن تهرب ؟؟ فقال الرجل : خشيت أن يقال لقد ذهب الوفاء بالعهد من الناس فسأل عمر بن الخطاب أبو ذر لماذا ضمنته ؟؟؟ فقال أبو ذر : خشيت أن يقال لقد ذهب الخير من الناس فتأثر أولاد القتيل فقالوا لقد عفونا عنه فقال عمر بن الخطاب : لماذا ؟ فقالوا نخشى أن يقال لقد ذهب العفو من الناس وأما انا فنشرتها لكي لايقال ذهبت دعوة الخير من الناس منقول |
رد: حبيباتى سيدات ليبيا تفضلو لأعرف ما حالكم
اللهم إنــــــــــــــــــك عفو
تحب العفو فاعف عنـــــــــــــــــــــــــــا |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
استمتعت بحديثك عن يومك كثيرا اثري متهي الحريرة وكيف اديري في الخبزة بالملح وبودرة البصل كل كلامك دُرر وجواخر حكـــــم بخصوص ملاحظتك لسوسو انا انوافقك في الرأي |
رد: حبيباتى سيدات ليبيا تفضلو لأعرف ما حالكم
اللهم أمــــــــــين
شن درتي اليوم من طبخات ام فروسي جيجي ان شاء الله ربي يطمنك علي بوك علي قلبك الكبير ومسايرتك لعزوزتك |
رد: حبيباتى سيدات ليبيا تفضلو لأعرف ما حالكم
اليـــوم زعلت هلبة هلبة هلبة علي حال بلادي
والله اتغششت من يلي صاير ربي يهدي النفوس لاحول ولاقوة الا بالله العلي العظيم هدا اللي قعدت نقول فيه روح زوجي مع الساعه 3 كان في طرابلس قالي " قوليلي الحمد لله علي السلامة " في طريقه الي طرابلس مع واحد من صحابه كان فيه مجموعه شباب ملثمين وسلاح اشكال وانواع ينزلوا في الناس من سياراتهم الناس اللي مروحين من طرابلس ومتجهين اتجاه الزاوية ولما طبعا بيروحوا مزال هدا صاير بس في غفلة وتشتت المجموعه علي سيارات اخري هربوا منهم مع مجموعة سيارات يعني مجموعه سيارات يسوقوا بسرعه ويتبعوا في بعض لما القوهم مش فاضين بيهم فتبعهم راجلي وصاحبه ولما مشيت لحوش بوي بعد التراويح في احد الاداعات مش عارفة تقريبا الميدان يتكلموا علي الموضوع وكل الناس تتصل بخصوصه وكلهم شاهدوا شن صاير وكانت السيارات مش الزاوية بس صرمان وبوعيسي وغيرها و52 سيارة فقط من الزاوية حسب كلام واحد من المتصلين والله وجعني يلي صاير في النهار وفي رمضان والله شي يحرق حسبي الله ونعم الوكيل فيهم وربي يهديهم ربي يهديهم |
رد: حبيباتى سيدات ليبيا تفضلو لأعرف ما حالكم
حبيت نحكيلكم شن صار
لاني مضايقة مضايقة اكثر من مرة نمسع بمواقف تصير ولا مرة حكيت سامحوني لاني فتحت موضوع زي هدا |
رد: حبيباتى سيدات ليبيا تفضلو لأعرف ما حالكم
شنج توا كنت عندى حوش امتعينى درت دورة انا وراجلى وجيت
وأنا مضااااااااااااااايقة نبكى زعمة ولا شنو ندير أنا اليوم ماصمتش وجعونى هالليالى المباركة .... امى كشخت عليا ههههههههه قالتلى مش كان خديتى حبوبو خيرلك |
رد: حبيباتى سيدات ليبيا تفضلو لأعرف ما حالكم
ربى يهدى النفوس ياجنودة الله غالب
بالعكس هذا موضوع بلادنا الحبيبة لو ماافتحناش شنو بنفتحو ياااااااااارب احفظ ليبيا وأحميها وأهدى شبابها يارب |
| الساعة الآن 09:18 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .