|
رد: اهلا باهل الجود والكرم **اهلا بسيدات ليبيا**
|
رد: اهلا باهل الجود والكرم **اهلا بسيدات ليبيا**
http://forum.hwaml.com/imgcache2/hwa...458202_838.jpg
وتصبحوا علي الف خير استودعكم بالله الذي لاتضيع ودائعه والسلام عليكم ورحمه الله وبركاته |
رد: اهلا باهل الجود والكرم **اهلا بسيدات ليبيا**
مافيش حد عدل عليا غير اوشي الله يفتح عليها بصراحة اني حزينة hwaml79hwaml85hwaml93 |
رد: اهلا باهل الجود والكرم **اهلا بسيدات ليبيا**
طبببببعا مافيش نوم بسبب العسل والشهد اللي عندي
والمشكله تالت ليله ربي يحفظها ماترقدش تلعب وتناعي وتعافر وتقيم تلعب برجليها وخلاااااااص تبيني نشبحلها ونرضعها ونلعبها يااااااااااااارب احفظها وخليها حتي الصلاة ماخلتنيش انصلي القيام وفي نفس الوقت خايفه اتحس في حاجه ومانعرفهاش ولانها رمش راقده في النهار مع انها ماتعيطش ولله الحمد |
رد: اهلا باهل الجود والكرم **اهلا بسيدات ليبيا**
خوله حبوبه
ربي يتمم ولادتك علي خير ويشفيك وديري لمتك علي خير حاولي تبحثي علي سؤالك في اكثر من مكان حتلقي الجواب باذن الله |
رد: اهلا باهل الجود والكرم **اهلا بسيدات ليبيا**
سلااااااااام
|
رد: اهلا باهل الجود والكرم **اهلا بسيدات ليبيا**
بارك الله فيك يا جوهرة عالرد وربي يحفضلك عويلتك تبي الحق انحس في روحي كترت وخترت اتقول عليا جاية من عالم تاني لكن هو بصراحة هده عادة فيا ممكن مش حلوة وهي اني نحب نركز علي كل شيء يعني نحب اندقق في التفاصيل وحاجتي انحبها اتكون علي اكمل وجه |
رد: اهلا باهل الجود والكرم **اهلا بسيدات ليبيا**
السلام عليكم ورحمة الله وبركاته
كيف حالكم كلكم ماشاء الله منورين الحبايب اليوم كلهم ومجتمعين ام ورد الحمد لله عالسلامة شن اخبارك انتي والبنوتات وربعنتوا والا مازال ان شاء الله بطول أعماركم ام معاذ صحيتي عالنشدة سلمك يارب كيف حالكم انتي والصغار وكيف حال ابوني ان شاء الله ماتعبتاش التطعيمة خايفة منها تطعيمة السنة يقولوا واعرة يستر الله موعدها بداية تلاتة متاخرة شوي لانه خدينا الموعد متأخر جنودة شن اخبارك وعاش من شاف خطك شن اخبار قرايتك ربي يوفك ان شاء الله وشن الجو عندكم احني الثلاثة ايام اللي فاتو صب الثلج وراء بعضه ماوقفش الا امس طلعت شميسة حلوة وذاب منا شوية امولة مميت مرحبا شن اخبارك ليك وحشة كيف حالك انتي وبنيتك ربي يحفظهلك يارب وسلمك نشادة اني وسوما تمام والغربة اهو تعودنا الحمد لله جيجي سلمك نشادة احني بخير والحمد لله شن اخبارك انتي والعرايس ربي يحفظهم ويحفظلك زوجك اوشي سلمك نشادة ياغالية كيف حالك وحال الصغار وبوهم وشن اخبار بنغازي ربي يفرج علي ليبيا ياااارب خولة ربي يعاونك ويسهل عليك والله ماعندي خبرة الحق بيش نفيدك بس برايي ديريهم نهاية شهرك كانا عندك جهد فيفي شن اخبارك واخبار الحمل وين مغطسة ان شاء الله حالتك احسن ودمك زاد علي قبل كولي زبيب اسود وكثريكل طماطم وجرجير كويسات للدم سوسو كيف حالك وحال الصغار ان شاء الله تمام وضحكتيني لما شبهتيني بالمصرية شن شكلها هادي زعما ههههه اوصفيهلي وبالنسبة للسمن حتي اني سميييينة زيها ههههه نبصر عليك اني ضعيفة وخصوصا قبل الحمل كنتمنتكسر من الضعف وزني كان يترواح بين 50-52كلا توا بعد الحمل والولادة باهي امتليت شوية علي قبل لكن قاعدة نعتبر ضعيفة مقارنة بغيري والغريبة ادللي نحط صورتها لكن حاليا جهازي قاعد ماتصلحش وبصراحة جت متحمرة شوي اكثر من الاازم باك تضحكي عليا ههههلكن بنتها تهبل حتي اني اللي منحبهاش خديت منها ثلاثة طروف فروسة وين هالتغطيسة كيف حالك وحال الصغار وشن جو الرحلة تعالي خبرينا وطريقة النشا في البيتزا فعلا مش عادية مجربتها من قبل مرة في رمضان عندي عزومة وندور في طريقة مضمونة لعجينة البيتزا لقيت فيديو عاليوتيوب وحدة مصرية ادير فيها طلعتلها مش عادية زي الجاهزة في الاول خفت الحق وماصدقتهاش لانه النشا عادة اييبس في العجائن لكن لما جربتها رووعة وحاجة ثانية قالت عليها انها تساعد في طراوة العجينة بدل السكر ديري عسل وجربته ماشاء الله الحق |
رد: اهلا باهل الجود والكرم **اهلا بسيدات ليبيا**
سوسو سألتيني شن درت حلو الاسبوع هذا الحق زوجي جاب من برا كب كيك وفي نفس الوقت علي شكل كيكة كاملة وكمل اليوم بس معناها غضوة بندير حاجة ضروري
احتمال ندير كنافة لينا فترة عليها لقيت طريقة حلوة ليهاتندار زي الكب كيك وتسقي بالحليب المحلي بدل العسل |
رد: اهلا باهل الجود والكرم **اهلا بسيدات ليبيا**
يابنات عندي ليكم سوال او استفسار
صاحبتي عندها مشكلة محرجة شوية عندها صدرها صغير كأنها وحدة كيف بالغة رغم انه عندها زوز صغار والثالث في الطريق لكن صدرها ماتغيرش يكبر شوي حاجة بسيييطة في الحمل والولادات والرضاعة بعدين قالت يرجع لطبيعته والله واجعتني متعقدة منا وخصوصا اهني الاجنبيات الشي كله مكشوف قالت لما نطلع مع راجلي نروح مريضة وتجيني كأبة من المناظر واني نبدا متحشمة وماعنديش ثقة في نفسي قدام راجلي وفي الرضاعة تتعب منا يادوب يطلع بالسيف والعيل يقعد يتلاحق قالت في عيلي الاول كنت في ليبيا والله مارضعته تحشمت قدام امي وعزوزتي وقدام الناس نطلعه المهم والله ماكتبتلكم هالمشكلة الحساسة الا لانها تعاني مسكينة ونبيك تساعدوها بالك وحدة منكم عندها حل او علاج غيييير العملية والكريمات والابر وتربحوا اجرها وتحصلوا ادعية في جرتها والله حاااااالة احني النساء ربي يساعد وخلاص ديما نعانوا الحمد لله والراجل مرتاااااااح علي قولة وحدة سعودية قالت كانا الراجل فيه عيب او علة والله مايهتم ولا يفكر مثلنا ولا نتجرأ نقوله فيك عيب وشوف حل لنفسك قالت أما احنا كل مرة يطلع فينا عيب مرة ضعفي المنطقة الفلانية وكبري المنطقة الفلانية وبعد الولادة شوفي حل لنفسك من تحت قالت هذا همنا من لما نحملوا يبدا يطلع فينا العلل ويطلب منا نصلح انفسنا وهو الله اعلم بيه |
| الساعة الآن 01:45 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .