|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
بالنسبه للرز بالخلطه ف حتي الشرق هكي بالالواز والزبيب وكبده ...ويقدم معاه المسير خصيصا او في مصارين وعصبان.... حتي في افراح زمان هكي... طبعا توا سلاطات وجو... لكن في عزايم الرجاله مازلو مااستغنوا عنه... ونحن طبعنا هكي حتي في الناس اللي نمشيلهم.. سوا هنا او ف بنغازي او في بعض مناطق الشرق... بالنسبه للحروق... لو كانت واضحه جدآ وفيها حرقان شوفي اخصائي جلديه... وفي كريم بيبانثين هذا مفعوله مرطب زي الفازلين... يجدد البشره بسرعه او عندك الفازلين الطبي... بس خودي الاصلي... ومااعتقدش من زيت الشيح...يمكن لانك حولتي الشعر وحنيتي طول وهذي اتسير مع العرايس ديما يديرن حلوة ويحنن ليلتها.... هضا عليش يقولوا للعروس...عادة ديري حلوة قبل الحنه بيومين لان مسامات الجلد ينظفوا وتطلع الشعر من جذرها والحنه بعد تدخل المسام العميق تسبب تهيج خصيصا لو فيها كثرة مواد... وان شاء الله لاباس عليك |
رد: دردشة بنات ليبيا , دردشة حوامل ليبيا , تجمع بنات ليبيا
سوسو ان شاء الله ترجعي طيبة...
اوشـــي بعد اتخشي قوليلي شن الجو عندكم في هالايام... خاطري كالعاده في رحلة لشحات وسوسه وراس الهلال نصها في فندق المناره ونصها في منتجع الينابيع... من شهر 9 اللي فات ماعديتش ...بصراحه حتي لو نمشي مليون مرة عندي الجو غادي لآ يمــــــــــــــل.... |
رد: دردشة بنات ليبيا , دردشة حوامل ليبيا , تجمع بنات ليبيا
والا ازعمك نصبر انسيت الولي نخلوها تكبر اشوي........
فروووسي امس الليل قطعلنا قلبنا نا وباته... كحـــة الليل تعباته مسكين شفنا اكثر من دكتور اطفال وكثرة علاجات ع الفاضي توا درتله رضاعة كمون بالحليب تريح ورقد وبطلت الكحه... بروحه مايحبش وشكلي بنرد لعلاج جتي الله يرحمها اللي دارتها ليا ماما لبان مر بزيت الزيتون ورشة زعتر فعلا ريحه....اشوي,,,,, والله واجعني لدرجه لا توصف خصيصآ تقعد فاهم حالته وقاري طب ومش قادر ادير لابنك حل شئ يوجع |
رد: دردشة بنات ليبيا , دردشة حوامل ليبيا , تجمع بنات ليبيا
والا ازعمك كلام الناس صاح؟؟ يقولوا تسنين الذكر واعر؟؟؟ اوعر من البنت والسنون يجنه مرات بالصدر والكحه؟؟؟
انا اللي نعرفه ان الاسنان مالهن علاقه بس المناعه تضعف اثناء مرحلة التسنين ويعني يمكن في علاقه صح لاني مانعه البخور والعطور وكل مسببات الحساسيه... ف اكيد السبب هكي او زعمك من ايامات العجاج لي فاتوا والله احترت......... ياربي اشفيه والله كحته تقطع القلب |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
كنه التجمع امكسد ....؟ لاباس عل فروسي صدقيني من تغير الجوا يوم صقع اويوم حمو انا عمارتي امقابله المدرسه والله لعيال ضحكوني نص امشتي اونص امصيف ههههههههههه يا بال فروسي اصغير ياروحي حتى انا عبسي ايكحكح بس الحمد لله خفت اشويه زوجي جابلي دوا من صيدليه اسمه برونكس "مرسوم عليه عيل اصغير" اوقطره املاح اوفكس اطفال ابصرحه ماشالله من ثاني يوم حسيت ابتحسن |
رد: دردشة بنات ليبيا , دردشة حوامل ليبيا , تجمع بنات ليبيا
له كم يوم زوجي مسكين امقطعلي قلبي زرقتلا لحمه في كتفه امتعبتا واليوم الصبح مشا حجم عليها اوبرضوا مازال الالم مستمر
ربي يشفيه ويخفف عليه |
رد: دردشة بنات ليبيا , دردشة حوامل ليبيا , تجمع بنات ليبيا
ماشاء الله معاش قدرن تلحق علا كلامكم
الف سلامة عليك ام اجنادين حبيبتي علا الحرق وربي يرزقك من نعيمه ويرزقك بالحمل |
رد: دردشة بنات ليبيا , دردشة حوامل ليبيا , تجمع بنات ليبيا
الف سلامة عليك سوسو ويارب تطمني علا حالك وان شاء الله بسيطة هي روحي وطمنينا
ام فراس الف سلامة علا فروس ام شموسة شن اخبارك انت والسنافر اتري شن جو الحلوة جود وماشتء الله علا اللمة مقومة وصحة القصة |
رد: دردشة بنات ليبيا , دردشة حوامل ليبيا , تجمع بنات ليبيا
حتى انا قصيت شعري كاين لاظهري وتو انقص هلبة وروحت حوشي كملت مطبخي طلع يهبل مازال تشطيبات بع
دان نصورا ونزلولهكم عندي اخبار حلوة واخبار حزينة |
رد: دردشة بنات ليبيا , دردشة حوامل ليبيا , تجمع بنات ليبيا
الاربعاء لي فات جاني خبر قالوا انه ايفادي انخنب خنبوه الله لايسامحمهم انا مفروض نكون طالعة توا
والخبر مفرح الدكتورة قتلي ولد ان شاء الله |
| الساعة الآن 12:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .