|
رد: دردشة بنات فلسطين* دردشة حوامل فلسطين* تجمع بنات فلسطين
مرحبااا حبيباتي ،، كيفكم ؟؟ وكيف بيبهاتكم وعائلاتكم الكريمة ؟؟ بتمنى الكل يكون بخير
بعتذر على غيابي اليومين الماضيين عنجد كتيييير اشتقتلكم بس ما باليد حيلة كنت مريضة والله الانفلونزا دبحتني على عيد ميلاد حمودي بس الحمدلله احتفلت فيه وانبسطت بس مو ببيتي ببيت اهلى ،، ماما حكتلي انه حابين هما يعملوا عيد ميلاده وانا ما كسفتهم هههههه لانه والله كنت تعبانة وما هقدر ازين او اعمل شي للحفلة ،، عيون المها حبيبتي كتييير اشتقت احكي معك وتسلميلي ع سؤالك يا قلبي ،،، كيفك وكيف حبايب قلبي لانا واسيل وادومة ؟؟ الحمدلله كتيير انبسطت بحفلة عيد ميلاد حمودي بالرغم من انه كنت مريضة بس اهلى عملو اجواء حلوة والله وفرحوني بجد ،، يوم الاحد كان تطعيم محمد تبعت السنةوالحمدلله ما تعب منها وعدت ع خير ،،، حبيبة قلبي والله بدي انزل صورة اله لحتى تتعرفوا على اميري الصغير بس بنسى دايما ان شاء الله لما يجهزوا صور عيد ميلادو راح انزلهم :)) لولو الغالية يسعدلي اياكي يااا رب كيفك حبيبتي وكيف الامامير محمد واحمد ؟؟ كل سنة واحمد طيب وعقبال مية سنة يا رب معلش حبيبتي ما فوتت بيومها اهنيكي ،،، المهم احكيلي كيف احتفلتو ؟؟ يعني اجواء الحفل ،،، انتي سألتيني عن حفلة حمودي شو عملت فيها عشان تاخدي شوية افكار ،،، هههههه حبيبتي شوفي هو الاحتفال بسيط بس كلنا انبسطنا وقضينا وقت حلووو كتييير بالنسبة للمعازيم عزمت اهل زوجي واعمامي لانهم بيكونوا اعمامي واخوال زوجي من الطرفين يعني :) وهما كمان بمنطقة اهلي قريبين يعني ،،،وبالنسبة للضيافة اهلي جابو كيكتين حجم كبير وحدة بالشوكولاتة ووحدة بالفواكه واختي عملت معجنات وبسبوسة وبيتي فور وورق عنب وجبنا تسالي من مكسرات وموالح و عصاير وكوكاكولا ،،، طبعا كان المغرب الاحتفال وبعد تقريبا 5 ساعات قدمنا عشاء وكان جاهز من المطعم مشاوي كباب وستيكات وفي الي ما بحب اللحوم الحمرا جابولهم دجاج ،، وزوجي كان موصى على هدايا للاطفال كانوا عبارة عن العاب لزيزة اعطيناهم الهدايا قبل ما يروحوا ،، وكتييير انبسطوا والحمدلله ،، هبووشة حبيبتي ربي يعوضك خير يا رب والحمدلله على سلامتك وما تشوفي شر حبيبة قلبي ،،، لعله خييير ان شاء الله انتي اهم شي انتبهي على حالك ولصحتك بينك يا روحي الحمدلله على سلامة ايدك ما تشوفي شر يا رب ،، حبيبتي معلش الايام بتمشي بسرعة وان شاء الله بتشوفي رهوفة مو بس بتاكل ،، بتاكل وبتمشي وبتلعب وبتجننك بحركاتها اكتر واكتر :)) عسولة يا عسولتنا ،، حبيبتي يا رب تيجي تبشرينا هالشهر بحملك ،،، انا بحملي بمحمد كان ينزل معي دم قبل موعد الدورة باسبوع ونص اول شي كانت نقطة وراحت وبعدين زاد شوي وبعدها بدأ يخف والحمدلله بعدها بشي اسبوعين عملت التحليل وكنت حامل بحمودي يا رب يرزقك هالشهر انتي وكل الصبايا ،،، ويعوضك خير احساسووو يا دبة ليه ما بتسألي عني مو فاقداني يعني هههههه ،، حبيبتي كيفك وكيفو زوزو ام عزمي الحلوة مو مبينة ؟؟ ان شاء الله خير وما تكون الهدهدة معزباها حيفاا وجارة وغموض ودودو ولولو الفلسطينية وام عمر وام عمرو ومسوكة وكل الصبايا ،،، يسعد اوقاتكم يا رب ويجعل ايامكم كلها سعادة وهنا ،،، |
رد: دردشة بنات فلسطين* دردشة حوامل فلسطين* تجمع بنات فلسطين
صبااااااحكم عسل جيت اصبح لان الكهربا حتقطع عندي عدها
هبوش حبيبة قلبي لعله خير والحمد لله ع سلامتك ان شالله ربي يعوضك بتوم يارب ام محمد ياظلماني ارجع للصفحات حتلاقيني فقداكي والله والف سلامة عليكي من الفلونزه والله هوا فايروس وطابب بالكل وعقبال 100 سنه لحمودي الئمر :) |
رد: دردشة بنات فلسطين* دردشة حوامل فلسطين* تجمع بنات فلسطين
يسـ&ـعد صبـ&ـاحكم و مسـ&ـاكم ~*~*~*~*~ هبــــه ان شاء الله ربي يعوضــك بأفضل مما فقــــدتي . -ـ- امـــ جــودي ــ نورتــي حبيبتي المكــان و الله اشتقت الك اكتــر يا قمـــر أول شـــي الف حمد لله على ســلامتك ان شاء الله انتي هلآ احسن و الله يخليلك اهلـــك و دائما يشاركوكي افراحك الله يديمهم و يخليلك حمودي اكيد مع لمة الاهل و الفرحه الواحد بنسى التعب~ ان شاء الله لمى تخفي و تلاقي فرصه بتنزلي صوره لحمودي نتعرف عليه ييييي اكيد قمر وبنحب و الله انا كل ما انزل على القدس زياره عند اهلي بيعملو حفله عيد ميلاد للانا و اسيل مع بعض لانو لانا بشهر 5 و اسيل 7 ف ئراب على بعض العمــــــــــــركلو ان شاء الله لاطفالنا [: بوسيه الامووور عنا و الحمد لله ما تغلبتي معاه بالتطعيـــم حيفــــــا صباحك عسل يا قشطه هههه لانك بتحبي الحلويات حكيت خليني اصبح عليكي بعسل و قشطه هههههه [: لا السواقه كتير ممتعه و حلوه و اكيد مع التدريب شوي شوي راح يروح الخوف و تتعودي بدك تقوي قلبك لسى الشوارع عندكم صغيره انا بسوق بشوارع 6 اتجاهات و انفاق و جسور و شاحنات ضخمه حولي ههههههه و بحب اسوق على الطرق السريعه لاني ما بحب كل شوي اوقف على اشارة المرور ~ الي صديقه هون حصل معها حادث و هي صغيره و عندها فوبيا من السواقه ما بتقعد جنب زوجها في الكرسي الامامي من الخوف لازم في الكرسي الخلفي و الله انا و صديقات الي شجعناها و هلآ ما شاء الله بتحكي اكيد السياره اكبر نعمه مبسوطه على السواقه hwaml16 و على فكره عنا تعلم السواقه اسهل من عندكم لانو كل واحد معاه رخصه بقدر يدربك ابوكي اخوكي صديقتك انا زوجي اللي دربني و عملت موعد للفحص و الحمد لله نجحت من اول مره ~ و كمان في عنا مدارس لتعليم السواقه بس هون مش متقيدين انو لازم مدرسه اي واحد ممكن يعلمك و عندنا الاشارات بس 24 اشاره البلاد فوق ال100 ههههههه و هون عنا كمان في بطلبو يقدمو النظري بالعربي ياللي ما بعرفو لغه انجليزيه و اعتبري سلامك وصل لميساااا اذا حصل لي فرصه و حكيت معها اكيد بوصل الها سلامك الغالي ~ شو صبغتي شعرك و إلا بعـــدك ؟ em3omar لا كلشي و لا الليدي غاغا ههههههه الله يحفظك ~ لآ اكيـــد صبغ و حنا ما بزبط اعطيتك الفكره لانو الي صديقات و هني حوامل عملو حنا طلع كتير نايس عليهم لانهم خافو يعملو صبغ و هايلايت و تأثر على الجنين ~ رغم اني متلك كنت اسمع من حوامل انهم صبغو بس انا سمعت رأي دكتوره انو ممكن الصبغه تمتصها جلدة الراس و تتسرب الى الدم لهيك من باب الاحتياط الافضل نجنبها فحاليا اعتمدي قصه مناسبه الك و بعد الولاده اصبغي و بالنسبه للعنايه بعد الولاده و الله كتير ضروريه و الها تأثير كبير على النفسيه لهيك انا قبل ما اولد بكون محضره كل شي و مخصصه شو بدي من لبس و ميك اب و الوان منكير و بعمل سكرب لجسمي و لرجلي الله يعزك ~ المهم الله يتمم الك على خير حبيبتي شو اخترتي اسم للبنوته و إلا بعدك ؟؟ احساس الله يعينك و يعين زياد اذا زوجك مدخن ~ و الحمد لله انو زوجي مش مدخن اساسا لو كان مدخن كان ما رضيت اتزوجه هههههه لاني بكره ريحة الدخان و ما بئدر اتنفسه ~ بالنسبه للمي اكيد على اربع شهور فيكي تشربيه مي اعطيه 20مل و اذا بدو كمان فيكي تعطيه و اذا المي بارده حطيها شوي ب الميكرويف و في بالصيدليه مي خصوصي للبيبي بدل ما تضلك تغلي مي كل يوم لانو راح يبلش اكل فأكيد بدك تشربيه مي و الحليب هههه انا بشرب مرتين الصبح على الفطور و بالليل قبل النوم هههههههه لولو حماده الموضوع مش موضوع عمر لانو كل واحد الو ظروف معيشيه بتختلف عن التاني و اكيد الدخل الشهري بحدد كيف الشخص يتحكم بميزانية البيت بس انا و زوجي عندنا اولويات و بعدين بتيجي الكماليات فأنا معتمده على زوجي بهيك امور ************ ييي صبايا انا اكتر وحده ببرم فيكم هههههه لاني كمان شوي راح اغيب عن المنتدى المهم للاستفسار عن أي سؤال يُرجى الاتصال بعيون المها على العنوان التالي دردشة حوامل --فلسطين-- الصفحه فوق ال1600 ههههههههههه |
رد: دردشة بنات فلسطين* دردشة حوامل فلسطين* تجمع بنات فلسطين
يسعد صباااااااحكم::
اليوم اخدت انا وزوجي اجازة من الشغل والطقس ما سمح اني ابعت يزووون على المدرسة فكلنا بالبيت *.*.*.*. هبه:: حبيبتي الله يؤجرك ويخلفك خير منها ..... الله يعوضك خيرر ديري بالك على نفسك وعلى ميلووو |
رد: دردشة بنات فلسطين* دردشة حوامل فلسطين* تجمع بنات فلسطين
يسعد صبااااااحكم يا احلى صبايا
هبة الله يعوضك كل خير واحسن من اللي فقدتيه يارب عيون المها واحسااااس يسعد صباااااحكم يا نشيطين انتوا ام جودي اشتقنالك والله الف سلامة عليكي حبيبتي انشالله بتخفي وبتصيري احسن وانشالله عقبال العمر كله للامور حمود وتحتفلي فيه كل سنة يارب والله يخليلك اهلك والله حلو جو العيلة واللمة هاد احلى اشي ببلادنا مسك وبينك وغموض وحيفا ولولو ولولو وام عمر وام عمرو وكل الصبايا الغايبين والحاضرين يسعد صباااحكم |
رد: دردشة بنات فلسطين* دردشة حوامل فلسطين* تجمع بنات فلسطين
جااارة
صباح الورد يلا بسيطة حلو كلكم قاعدين اليوم استمتعوا بالبيت واتدفوا منيييييييح |
رد: دردشة بنات فلسطين* دردشة حوامل فلسطين* تجمع بنات فلسطين
صباحكم مطر ، وجو جميل وشاعري * الله الله الله هههههه
غموضتي والله طلع لزيز جدا ، عملتلها صوص تفاح و قرفه وسكر بس شوي القرفه زياده بس زوجي حبها وقلي اعمليها مرة تانيه بس خففي القرفه هههههههههه عسوووووولتي لعله خير وان شاء الله علامة حمل حبيبتي :) هبه :( ان شاء الله ربنا بعوضك خير ، والحمد لله ع سلامتك اهم شي :) عيوون المها ، انا مش خوف لدرجه الفوبيا ، بس خوف اهبل ، ع فكره انا كتير اشياء بكون خايفه وبس اجربها عادي بمشي فيها هههههه لهيك مفكرة قريبا اعمل الرخصه ، بس بتعرفي قديش بغلبو عنا ، والله وحده من قرايبي ضلت سنتين تعمل في الرخصه ، وعادت التست يمكن خمس مرات ههههههههه ، يمكن هي هبله شوي ، بس برضه يعني بغلبو عنا ، لازم 28 درس اقل حد لسا ما صبغت شعري ، لانه كنت ناوية اليوم ، بس الجو عنا جنون هوا مرعب ، ومطر ، وبرد ، لو اني معي رخصة وسيارة كان رحت ههههههه وبعدين وين بدك تغيبي ؟؟ بنهون عليكي :) وبالنسبة للي بقول لانك اكبر ولا مش اكبر ، الفرق بيني وبينك تلات سنين ، بس ما بتوقع اكون بمعرفتك وخبرتك بعد تلات سنين ههههههههه * مادخلها بالعمر ، هي بعدد التجارب ، وقديش احنا استفدنا من هالتجارب :) شو طابخين اليوم ؟؟ انا بدي اعمل كفتة وبطاطا ، طبخه لزيزة انا بمووووت عليها وزوجي كمان يومكم سعيد ونهاركم ناجح باذن الله |
رد: دردشة بنات فلسطين* دردشة حوامل فلسطين* تجمع بنات فلسطين
اقتباس:
|
رد: دردشة بنات فلسطين* دردشة حوامل فلسطين* تجمع بنات فلسطين
جااارة والله احلى شي بهالجو القعده بالبييت والاكل هههههههههههههه صباحك دفا :)
دودو صباحك فل وياسمين :) |
رد: دردشة بنات فلسطين* دردشة حوامل فلسطين* تجمع بنات فلسطين
اقتباس:
|
رد: دردشة بنات فلسطين* دردشة حوامل فلسطين* تجمع بنات فلسطين
اقتباس:
والحمد لله على سلامتك الله يعوض صبرك خير |
رد: دردشة بنات فلسطين* دردشة حوامل فلسطين* تجمع بنات فلسطين
[QUOTE=عيـ‘ـون المهـ‘ـا;2786635]
يسـ&ـعد صبـ&ـاحكم و مسـ&ـاكم ~*~*~*~*~ em3omar لا كلشي و لا الليدي غاغا ههههههه الله يحفظك ~ لآ اكيـــد صبغ و حنا ما بزبط اعطيتك الفكره لانو الي صديقات و هني حوامل عملو حنا طلع كتير نايس عليهم لانهم خافو يعملو صبغ و هايلايت و تأثر على الجنين ~ رغم اني متلك كنت اسمع من حوامل انهم صبغو بس انا سمعت رأي دكتوره انو ممكن الصبغه تمتصها جلدة الراس و تتسرب الى الدم لهيك من باب الاحتياط الافضل نجنبها فحاليا اعتمدي قصه مناسبه الك و بعد الولاده اصبغي و بالنسبه للعنايه بعد الولاده و الله كتير ضروريه و الها تأثير كبير على النفسيه لهيك انا قبل ما اولد بكون محضره كل شي و مخصصه شو بدي من لبس و ميك اب و الوان منكير و بعمل سكرب لجسمي و لرجلي الله يعزك ~ المهم الله يتمم الك على خير حبيبتي شو اخترتي اسم للبنوته و إلا بعدك ؟؟ الله يسعدك يا رب عيون المها كتير عمالهم بيحكولي اجليها لبعد الولادة ان شالله راح احضر كل الي حكيتي عنو قبل الولادة بس يكون الي نفسية اعمل كل هالاشياء لانو بوقت عمر حضرت كلشي وما كان عندي نفس باشي لسا ما اخترت اسم للبنوتة بس الكل بينصحني بتالين وتولين وميرال وجديد لقيت اسم ريتال عجبني بس ما في لالو معنى ثابت انا بقول اكيد اسمها موجود بمكان بالعالم بس بيستناها تيجي فبيقوم هو كمان بيجي معها |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير يااحلى صبايا كيفكم وشو اخباركم
كيف البرد معكم ؟؟ وشو طابخين اليوم غششوني من شان اطبخ هههه |
رد: دردشة بنات فلسطين* دردشة حوامل فلسطين* تجمع بنات فلسطين
واخيرا رديت عالكل
صبايا يسعد صباحكم جميعا اليوم برد كتييييييييييير حبيبي عمورة صحي قبلي وقبل ابوه اليوم وصار يغني وينط عالتخت الله يسعدو ما اطيبو يعني باختصار صباحي كان حلو من اولو الله يحلي ايامكم ونهاراتكم اليوم انا مش راح اعمل طبيخ بدي اعمل متبل وهيك اشياء بسيطة جمبو يمكن اقليلي شغلة مبارح عملت ستيك جاج مع بشاميل ومشروم وفلفت جمبهم رز ابيض شوي مش كتير يعني بس شو طلع مممممممممممممممم لذيذ لذيذ اشتهيتكم معي بس هاي اخباري لحد هلأ بس يصير عندي اي شي تاني بحكيلكم |
رد: دردشة بنات فلسطين* دردشة حوامل فلسطين* تجمع بنات فلسطين
صحيح نسيت احكي لغموض انثى انو انا زيك تماما كسولة متل البسة وبحب الرسم كتييييييير وشاطرة فيه اخدت دورة رسم بالقدس بس لما تجوزت وانتقلت لمحل شغل جوزي كلو حواليي يهود مش عارفة ادخل معهد يهود ما بعرف عبري منيح عشان اتعلم
فانا بنصحك ما تضيعي فرصة ادخلي واتعلمي وما تتركي ولا فرصة قدامك |
رد: دردشة بنات فلسطين* دردشة حوامل فلسطين* تجمع بنات فلسطين
ام عمر وحيفا
منوريييييين ام عمررالله يخليلك اياه ياااارب ويضل يصحيكم ويغنيلكم ويحلي ايامكم حبيبتي والله اسم تالين كتير حلو وانشالله تيجي بنوتتك بالسلامة وقتها متل ما قلتي اسمها بييجي معها حيفا انتي بتشهيني اعملرحلويات ع فكرة هههه مفكرة اليوم اعمل شي بس لسا ما قررت بدي اشوف شو عندي مقادير انا مش عارفة بالنسبة للطبخ يمكن كمان متل ام عمر اعمل متبل بتنجان وجنبو شوية قصص لسا مش مقررة والله |
رد: دردشة بنات فلسطين* دردشة حوامل فلسطين* تجمع بنات فلسطين
بيبووو
يسعد صباحك يا قمر |
رد: دردشة بنات فلسطين* دردشة حوامل فلسطين* تجمع بنات فلسطين
اهلا بالموجودين كلهم
دودو ، الجو عنا بشجع عالحلويات ههههه |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
ههههه صحتين والله واحنا بصراحة عنا العكس ما بشجع كتير اصلا زوجي ما بيحب الا الحلويات الخفيفة ما بشجعني اتفنن كتير ههههه |
رد: دردشة بنات فلسطين* دردشة حوامل فلسطين* تجمع بنات فلسطين
اها عندكم شوب
بقولو انه عنا درجه الحرارة 6 ههههههههه برد يختي ، وبدها طاقة ، وكمان هاد الوقت في عيد عند اليهود ، اسمه عيد الانوار بياكلو فيه الدونتس ، وين ما تروحي بتشوفي دونتس ههههه ، يعني شي طبيعي تشتهي الحلو ، زوجي مش كتير بيحب الحلو كمان ، بس ان ابمووووت عليه |
رد: دردشة بنات فلسطين* دردشة حوامل فلسطين* تجمع بنات فلسطين
الله يسعد صباحكم -دودو-ام عمر- حيفا حيفا :: امبارح جابولنا على الشغل دوناتس بحبو ........... اليوم انا ست المطبخ من الصبح وانا اتفنن .............. |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
دوناتس يم يم ياعيني اعملي حلو وكلوا الف صحتين المهم تتدفوا وتستمتعوا وحلال عليكم البرد مش متل عنا (( ما بنق ولا بحسد ههههههه )) جاااارة ياااا معدلة انتي شو عم تطبخي يلا اعطينا افكار اكيد زوجك متوكل بابنك وانتي مفضية حالك للمطبخ الله يخليلك اياهم يااارب |
رد: دردشة بنات فلسطين* دردشة حوامل فلسطين* تجمع بنات فلسطين
عم باااااكل برتقال
مدمنة عليه صرت تفضلواااا صبايا ؛))) |
رد: دردشة بنات فلسطين* دردشة حوامل فلسطين* تجمع بنات فلسطين
جارة صحه صحه وهنا انا زوجي جاب لي
ههههههههه لا انا ما بدي اعمل اليوم لسا في من كعكة التفاح :) انتي عرفت جنس البيبي ؟؟؟ وشو حابه يكون ؟؟ لأني سمعت انه اللي بتحب البرتقال وهي حامل بيكون فيها بنوته ههههههههه |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
الله يسمع منك ياااارب ههههه والله حبيبة قلبي لسا ما عرفت متاملة اعرف الموعد الجاي هلا انا اول ايام الحمل كنت مش طايقة اي شي حلو قالولي يعني ولد وانتي عم بتقوليلي البرتقال يعني بنوتة وانا صراحة مش عارفة كنت اول ما حملت حاسة انه ولد انشالله يبين بكير بس كمان لازم يعدي وقت ليتاكد الواحد يارب خير المهم الصحة والخلقة التامة وكله حلو وعقبااااال ما تبشرينا وتفرحينا يارب |
رد: دردشة بنات فلسطين* دردشة حوامل فلسطين* تجمع بنات فلسطين
حبيبتي الله يرزقك باللي تتمنيه يارب
وماله دخل شو بتاكلي وشو بتشربي ، كلو حكي نسوان وعجايز ههههه |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير
حيفا و دودو و جارو و احساس و ينك و ام عزمي و كلكم كلكم شو اخباركم ؟ كيفكم اليوم ؟ صحتين و عاقية لكل الي بياكلو hwaml02 دودو و انا كمان كتير باكل برتقال و حتى ليمون مرات بقشره و باكلة ولا بحس انه حامض هههه و اليوم يمكن اروح على الدكتور بس الصراحة مش متوقعة يبين جنسه المرة هاي لسا بدري هههه و الله يا حيفا معك حق كلها خرافات عجايز و الي من الله حيا الله |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
والله معك حق كله بايد ربنا والحمدلله اكيد دايما لولو والله هون قعدوا صباتي يقولولي ازا الدكتورة شطورة بتعرفلك جنس البيبي اخر التالت بس انا سمعت انه هلا فيها نسبة خطأ كبيرة عشان هيك التاكيد بيصير بالرابع او الخامس لعله خير ياااارب ،،، بس ما في اطيب من الحوامض ولا شو ؟؟؟ ههههههه الله يعين زواجنا علينا ههههه |
رد: دردشة بنات فلسطين* دردشة حوامل فلسطين* تجمع بنات فلسطين
لولو يا حلوة ان شاء الله ربنا بيرزقك اللي بتتمنيه يارب ، وبتخبرينا شو بتقلك الدكتورة ههههه
ولسا بدري خدو وقتكم بالتوقعات مع انه انا لو اني حامل كان كنت مستعجله اعرف مشان ابدا اجهز هههههههه يا ويلي شو بحب اواعي البيبيات وتجهيزاتهم ههههههههه |
رد: دردشة بنات فلسطين* دردشة حوامل فلسطين* تجمع بنات فلسطين
هههه و الله انا مدمنة عليهم
على فكرة دودو شكلنا انا و انتي حملنا بنفس اليوم او انا قبلك بيوم واحد ههههه ربنا يتمملنا بخير مش مستعجلين نعرف بنت او ولد اهم شي يكون تمام و صحته منيحة ان شاء الله |
رد: دردشة بنات فلسطين* دردشة حوامل فلسطين* تجمع بنات فلسطين
جد اواعي الصغار بجننو خصوصا اواعي البنات يا الله ما ازكاهم هههه
ان شاء الله خير طيب انا بلالسبوع 12 و تلات ايام يعني باخر التالت تتوقعو في امل اعرف نوعه و الا لسا بدري كتير |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
اصلا مو مستعجلة الا عشان انزل السوق واجهز الواحد بيضل محرقص وزوجي شان ما تهور ما بخليني افوت محلات اطفال بس لما اكون لحالي بفوت ههههههه وبيصير يضحك علي لما اقلله لولو اه بتزكر مرة انه حكيتي احنا مع بعض انا اخر دورة الي كانت 17 من شهر 9 وموعد ولادتي ع حكي السونار 24 من شهر 6 وانتي ؟ |
رد: دردشة بنات فلسطين* دردشة حوامل فلسطين* تجمع بنات فلسطين
تاملي خير يا لولو
انشالله نعرف انا وانتي وازا مش هاد الشهر اللي بعدو انشالله |
رد: دردشة بنات فلسطين* دردشة حوامل فلسطين* تجمع بنات فلسطين
ههههه و انا اخر دورة 16-9 و موعد ولادتي المتوقع تن شاء الله 23-6
|
رد: دردشة بنات فلسطين* دردشة حوامل فلسطين* تجمع بنات فلسطين
ههههههه يبقى تقريبا مع بعض
الله يتمملنا ع خير يارب وعقبال كل الصبايا |
رد: دردشة بنات فلسطين* دردشة حوامل فلسطين* تجمع بنات فلسطين
يا عيني سوا سوا مع بعضكم ، يلا ان شاء الله بالسلامة الكم التنين
|
رد: دردشة بنات فلسطين* دردشة حوامل فلسطين* تجمع بنات فلسطين
حيفا حبيبتي الله يسلمك عقبال عندك ان شاء الله
دودو هههه يللا شدي حيلك نشوف مين بتسبق التانية هههه يا رب يتمملنا بخير و يرزق كل وحدة تتمنا الحمل |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
عقبااالك يا قمر لولو هههههه بنتسابق خلص ولا يهمك ربنا يكمللنا على خير يارب |
رد: دردشة بنات فلسطين* دردشة حوامل فلسطين* تجمع بنات فلسطين
بكرا موعد دورتي
خايفه يصيبني الاكتئاب تاع كل شهر مع انه هالشهر بالذات الحمل احتماله صفر الا برحمة ربي ويعني مهيأه حالي انه مافي حمل بس والله يا بنات بحاول ما افكر بس صعب ، صعب :( يارب |
رد: دردشة بنات فلسطين* دردشة حوامل فلسطين* تجمع بنات فلسطين
مساء الخير
احساس فرصة تانية بتشوفي اسماء بس انتبهي للجوال هبة الحمد الله على سلامتك زعلتينى عليكي ان شاء الله الحمل الجاي توم ام جودي سلامتك حبيبتي يعني كانت ليلة حلوة انا عادي ماعندي حدا جبنا كيكة وعصانر ومكسرات وزينة وعشا بيدزا ومعجنات وسمبوسك طبعا انا وزوجى اكلنا ههههههههههه لولو ودودو بدنا نعمل مسابقة مين تولد قبل الثانية جارة بتمني تقضوا يوم ممتع مع عيلتك شو بتعملي اكلات ورجينا ابدعاتك عيون المها شكرا حبيبتي فعلا الراتب هو بيحدد كم نحوش وكمان الظروف حيفا درجة الحرارة الفجر عنا بتكون 20 فعلا حيفا عيون المها اكبر منا بسنتين ربنا يعطيها طول العمر بس في مثل بيحكي اكبر منك بيوم افهم منك بسنة وهى زمان متزوجة ولها تجارب كثير بالحياة طبعا اكثر منا |
| الساعة الآن 10:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .