رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

الحمد لله على سلامتك داناااااااااااااااااااااااااااااااااااااات

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

انفجار الرحم...

مشكلة نادر حدوثها بشكل عام (في الست اللي ما عملت قيصري ولا مرة الاحتمال اقل من 1 لكل 15000 ولادة) ولكنها خطيرة جدا على الأم والجنين واللي بيخليها اخطر هوي صعوبة تشخيصها قبل ما تأدي لمشاكل ظاهرة بالأم والجنين

وهيي نوعين:
1-انفجار كامل وهون بيفتح الرحم على تجويف البطن وبيصير نزيف والجنين بيطلع على تجويف البطن والمشيمة مع الشد بتنفصل فبيقل وصول الاوكسجين للجنين والحامل ممكن يصير عندها صدمة نزول الضغط والنزيف وتتراجع العوامل الحيوية عندها وكل هاد بيصير خلال نص ساعة تقريبا...ولكن الحمد لله هاد النوع نادر جدا انه يصير خاصة عند ست ما عملت قيصرية من قبل ولا اي عمليات على الرحم، ومعظم الحالات بتصير خلال الولادة
2-شق جزئي في جدار الرحم من دون ما يفتح الرحم على تجويف البطن لكنه بيعمل نزيف ممكن يأثر على الجنين والأم

العوامل اللي بتأدي لحدوثه:
أهمها العمليات القيصرية (90% من الحالات) وعلشان هيك كلما زاد عدد العمليات اللي عملتها الست كل ما زاد احتمال يصير عندها هيك مضاعفات (علشان هيك ما بيحبذوا الوحدة تحمل وتولد بقيصري اكتر من 4 مرات) وبعدين بيزيد الخطر اذا كانت العملية معمولة بشق طولي بالرحم مش عرضي زي اللي بيصير في الستات اللي بيولدوا بقيصرية والجنين اقل من 28 اسبوع لكن هلا معظم العمليات القيصرية بتنعمل بشق عرضي اسفل الرحم
عوامل تانية: تشوهات بالرحم، اي اسباب بتأدي لزيادة الضغط داخل الرحم مثل الحمل بتوأم او زيادة مرضية للسائل حول الجنين، محفزات الطلق او الطلق الاصطناعي، اي عمليات سابقة على الرحم مثل ازالة الالياف، الحمل أكتر من 5 مرات، بعض المشاكل في طريقة انزراع المشيمة في الرحم، طلق لفترة طويلة بجنين وزنه كبير، محاولة قلب الجنين لتغيير وضعيته ممكن برضه تأدي لشق بالرحم

العوامل اللي بتحمي منه هيي الولادة الطبيعية والمباعدة بين الأحمال خاصة للي عاملة قيصري فإذا الست عاملة عملية قيصرية من قبل فالأفضل انها تأجل الحمل اللي بعده فترة اطول واذا قررت انها حابة تولد المرة الجاية طبيعي تكون من دون استخدام طلق اصطناعي وإلا فالأفضل انها تعمل قيصري وهاي نصيحة النا للي ناويين نعمل قيصري

أعراض انفجار الرحم...للأسف ما في أعراض واضحة والاعراض بعد القيصرية حتى أخف من لما يكون الانفجار حاصل على رحم سليم وبتعتمد على طول الفترة اللي مضت على الشق ومكانه وحجمه وبشكل عام اللي ممكن يصير:
اختلال (تباطؤ) في نبض الجنين على الجهاز، الرحم بيبطل ينقبض، الم في البطن ولكن ما في نوع الم محدد، بيختلف من سيدة لأخرى ولكن عادة بيكون شديد جدا، نزيف مهبلي ونزيف داخلي، صدمة

طريقة تشخيصه صعبة جدا ما بيبين بشكل اكيد على السونار ولا على الطبقية ولا على الرنين المغناطيسي ولكن وجدوا انه ممكن الطبيب يشك في احتمال حدوثه اذا وجد انه الجزء السفلي من الرحم رفييييع جدا ملمترات بنهاية الحمل مكان عملية قيصرية سابقة...يعني زي ما انتو شايفين ما في اشي اكيد لا بأعراضه ولا بتشخيصه واللي بيأكد حدوثه هوي لما الدكتور يفتح البطن ويشوف بعينه اللي صاير...

فلما بيفتح البطن بيطولوا الجنين وبعدين حسب اذا كان الشق صغير بيخيطوه واذا كان كبير والنزيف شديد بيشيلوا الرحم كله وبيعطوا الست وحدات دم لأنها بتكون نزفت كتير...ولكن حتى بعد انفجار بالرحم ممكن الست تحمل وتولد ويكون كلشي تمام

يا بنات ارجووووكم ما تخلوا هالموضوع يخوفكم هاد اشي نادر جدا وفي كتير مصايب ممكن تصيب الحامل والجنين احتمالية حدوثها اكبر انا بس حبيت احكيلكم عنه لأنه شفت انه اكتر من اخت سالت عن الموضوع وبالاخر ربنا اللي بيحمي اتوكلوا على الله وادعوه انه يحميكم ويحمي اجنتكم و"قل لن يصيبنا الا ما كتب الله لنا"

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

رضاك تسلمي حبيبتي تلاقي خير يا رب، اهلك بالاردن صح؟ الله يخليلك اياهم يلا بتهون انا من هلا بحلم باليوم اللي رح اروح فيه عند اهلي على فلسطين مع الاولاد ان شاء الله...ربي ييسرلنا هالانكمن اسبوع اللي ضايلين وانتي كمان ما تجهدي حالك وخلي نفسيتك عالية وتمام كلنا هون معك..

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

ام ادم انا هاليومين نافي شي مخوفني متل الزلال حكة بايدي ورجلي مو طبيعية بالليل تمنيت جيب سكين احك باطن ايدي وحتى البول وانتي بكرامة متغير ودكتورتي مسافرة وقرأت بالنت عن اعراضه واسبابه ونتائجه وخفت اكتر صراحة مشاكل الحمل كتيرة ومابنعرف من شو وعلى شو نخاف ما لنا غير رب العالمين نتوكل عليه

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

رضاك ايش قصدك بالزلال؟ تسمم الحمل يعني؟ والبول ايش ماله؟ لونه متغير ولا صاير فيه زي رغوة ولا ايش؟
الحامل بشكل عام بتزيد عندها الحكة على الجلد من دون سبب ولكن المهم ما يكون مع الحكة يرقان (صفار) بالجلد لا سمح الله، لأن درجة حرارة جسم الحامل بتزيد والحرارة بتهيج الجلد
اما بالنسبة لتسمم الحمل هوي صحيح بيزيد احتمال حدوثه عند الحامل بتوأم ولكن اله شروط يتشخص يعني لازم يكون الضغط اكتر من 140على90 والبروتين(الزلال) في البول عالي كتير... هدول الشغلتين على الاقل ونتيجة فقدان البروتين بالبول بترشح السوائل تحت الجلد وبيتنفخ الوجه والايدين عند بعض الحوامل
انا الي انكمن يوم بصحى ايديي ووجهي متنفخ اكتر من العادة لدرجة انه ايدي ما بعرف اثنيها براحة اول ما اصحى فكنت كتير خايفة لكن لاحظت انه مع مرور الوقت بعد ما اصحى بيروح النفخان وضغطي فحصته كان طبيعي فحطيت الخوف على جهة...فأهم شي افحصي ضغطك اذا كان طبيعي لا تقلقي.

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

السلام عليكم
كيف حالكم جميعا
الف الف الف مبروك للي ولدوا

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

ام ادم تسلمي بحاول افحص الضغط اليوم ويارب خير

محبة مبارك دخولك السابع

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

رضاك ربي
حبيبتي الشهر السادس تشعرين بالحركه اسفل كثير لانه المكان اضيق ولساته عظم الحوض ما انفتح وحتي تدخلي اول اسبوع او اتنين من السابع يبدأ عظم الحوض يفتح وتشعرين انه الحركه ما صارت تحت بل ارتفعت شويه وتدخلين باذن الله نص التامن ترجع تنزل الحركه تحت مره تانيه لانك قربتي تولدي بالف سلامه فلا تقلقي وتحملي واقري قرءان الله يؤجركم جميعا ويخفف عنكم
بخصوص توأمي هم ولدين ما شاء الله لكن مازالو في الحضانه لان عندهم ابو صفار دخلو بعد الولاده بيومين ولكن ساعه الولاده خرجو معي من المستشفي تعلمون ابو صفار يظهر تالت يوم من الولاده وانا دخلتهم الحضانه فورا خوفا من اي مضاعفات وانا بكريه لا افهم فدخلتهم بسرعه ادعولهم يا بنات الله يشفيهم ويكفيهم كل عين لان الخبر اني ولدت توام بعدها اولادي مرضو وهذي عين ما صلت علي النبي اعوذ بالله منهم ربي يكفي ولادي كل شر يارب

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

كوفي كلرز تسلمين عالنصيحة وعالتوضيح وربي يسلمهم من كل شر ويجمعك فيهم سالمين معافيين ولا تخافي الصفار باذن الله سهل وربي يبارك لك فيهم ويقر عينك بسلامتهم واقرأي على نفسك وعليهم المعوذات

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 

مساء الخير على احلى امهات لاحلى توينز 2011 للي ولدوا ربي يخليهم لكم ويحفظهم يارب

وللي ماولدوا ربي يتمم علينا وعليكم جميعا ويرزقنا الذرية الصالحة والخلق التام يارب

واحب اشكر اختي الغالية رضاك ربي يعطيك العافيه على عمل الجدول ويسلم اياديك يارب

وتشيلي فيها احلى توينز ويتمم عليك بصحة وعافيه