|
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير صبايا كيفكم ياكروشات انا ريحت حالي اليوم لاني تعبت مع عزيمت مبارح وسخنت الغدا تسخين بس عملت شوربة خضار شو تغديتو ياحلوين :))
|
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير
حواء وينك تعي طمنينا عليك سما يسعد مساك هلا انا روحت من بيت اهلي الله يخليلنا اهالينا واكلت ملوخيه والله يا لين امبارح عملت غدا لاخواني هم مو متزوجين بالجامعه وبالمدرسة عملت اوزي على السريع وانت يعطيك العافيه على عزيمتك بالنسبه للحركة صدقيني ما شعرت فيها الا بنص الرابع وخفيف يا دوب مره باليوم و خفيفة وهلا انا بالخامس كمان خفيفه مع انه بابني الاول ما شالله كان رفس بس عند الدكتور لما افحص بقلي شكله ابنك رح يجننك اسم الله بتحرك بسرعه مع اني قلته اني ما بحس فيه |
رد: دردشة بنات فلسطين, دردشة حوامل فلسطين, تجمع بنات فلسطين
صباحو يا حلوووووووات
سما ياقلبي بدي مثل هاي الشنطة نفس اللون بس الحجم اكبر http://forum.hwaml.com/imgcache2/hwa...428299_649.jpg وحرام البيبي نفس اللون نفس الطريقة (طريقة النسج ) كمان طاقية ولفة وجرابين بنفس طريقة الشنطة والحرام.... بس تكبرهم شوي لعمر سنة ونص تعملهم عشان لصغار بنصحو بسرعة هسه مبدأيا شوفيلي هدول وادي بكلفوا واذا عجبني السعر بعمل كمان موديل لكل القطع بدي اغلبك يا قلبي مبارح رحت على الدكتور الحمد لله البيبي بجنن صحته كثير كويسه انا كمان وضعي تمام بس وزني نازل 2كيلو لكن اجمالا كلشي تمام الحمدلله للاسف ما عرفت جنس البيبي الحبل السري مغطي المنطقة جوزي تنكد كان حابب يعرف كثير هلا راح نستنى للشهر الجاي مبارح اكلنا برا اليوم معزومين عند حماتي |
رد: دردشة بنات فلسطين, دردشة حوامل فلسطين, تجمع بنات فلسطين
صباحو يا صبايا كيفكم شو عاملين...
كيفك حواء جارة وكل الصبايا ان شاء الله اتكونو بالف خير.. حواء خلص باذن الله بجيب نفس اللون وبحفظ رقم الصفحة عشان انسخهم عندي عالجهاز لانو انا عند اهلي وبخبرها تعملك متلهم ان شاء الله بتشوفيه وبتفرحي بشوفته.. جارةانا بالرابع كان متلك حركات خفيفه وكان اخر الشهر وبالخامس كمان كانت خفيفه بس اوضح شوي الي بكون هادي ببطن امو بطلع حركي كتير ...يا رب يفرحنا بشوفتهم جميعا |
رد: دردشة بنات فلسطين, دردشة حوامل فلسطين, تجمع بنات فلسطين
هلا سما الله يسعدك يارب بدي اغلبك ياقلبي انتي شوفي شو بلزم وانا حاضرة وادي بدها وقت فيهم كمان
عشان ارتب انا وانتي وابعتلك مصاري |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا بنات يا الله شو شغل البيت متعب وباخد وقت والطبيخ
انا اليوم عطلة المولد المنبوي وطلعت روحي من الشغل ومش منجزه |
رد: دردشة بنات فلسطين, دردشة حوامل فلسطين, تجمع بنات فلسطين
جاره........ الله يعطيكي العافيه وبسم الله ما شاء الله عالبيبي الله يحميه ويخليلك اياه ويجي على خير وهدات بال
كيفكم صبايا كلكم والله الشنته يلي بعتي صورتها حواء كتير حلوه عنا بالاردن ما في ناس بتقنو هيك اعمال الله يوفئك انا الي يومين تعبانه بدت عليي حراره واليوم لوزي التهبو بس كان عندي زياره مريض كان لازم اروح والحمدلله مع الطلعه تحسنت شوي الله لايضركم ويحميكم |
رد: دردشة بنات فلسطين, دردشة حوامل فلسطين, تجمع بنات فلسطين
هوا هيك ياجارة يوم الاجازة مابتخلص فيه الشغل ههههه
سلامتك يالين عليكي ياللمون وحواء ان شاء الله المرة الجاية يبين معك الجنين وتطمنينا عليكي وصباح الفل لكل الصبايا الحلوين |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم قرنفل كيفكم شو اخباركم
الله يسمع منكم يارب لين مقدمة الشنطة حبيبتي بس يجهزول ويوصلوني بصورهم وبنزلهم تشوفوهم جارة الله يكون بعونك انتي ما تخلي شي يتراكم عليكي اشتغلي اول باول انا بخصص ايام مثلا كل يوم بعمل شغلة بخصص يوم للمطبخ يوم للحام ويوم لكل غرفة هيك بتخلصي بسرعة وما بتتعبي |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا
كيفكم ان شالله الكل بخير حبيبتي حواء امبارح كانت الدنيا شمس طلعت كلشي يتشمس وغسلت اكتر من وجبه وطبخت وشطفت وكنت مضغوطه لانه لازم اطلع على المعهد المشكلة انه بتركم احيانا شغل لاني بعد الدوام بروح على المعهد ولما ارجع بكون يا دوب قادرة احكي وطول امبارح وانا منكده طبخت امبارح جاج محشي بفريكه وجنبها اعملت كبسه وفلفلت شوية فريكة اما اليوم مش جاي عبالي اطبخ نهائيا |
| الساعة الآن 06:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .