رد: تجمع حوامل سوريا-دردشة ورود سوريا-دردشة الغاليات
 

انشالله منامك برضاعة الصبي بشارة بالحمل
انا قبل مااحمل كنت احلم هيك لمدة 3 اشهر نفس الحلم
وبعدها حملت
وانا كانت قصتي قصة قضيت حتى حملت
انا متزوجة من سنة 9 اشهر
اول سنة نحن ماكنا ناويين نجيب اطفال يعني عملنا مانع
بعد مامر على زواجي سنة بلش حكي الناس وبلشت انا احن للحمل
وتركت المانع وماحملت
بس نزلت عالشام رحت عند دكتورة الله ياخدها بدعي عليها من قلبي
قالتلي التبويض عندك ممتاز
بس هرمون الحليب مرتفع وكتبتلي على حب هرمون حليب وحبوب للسكر مالها داعي ابدا وانا دورتي منتظمة وقلتلها انها منتظمة الدورة
ومع هاد كتبتلي على دوفاستون منظم
وانا ضليت 3 اشهر اخد الحب وماحملت وتعبت نفسيتي من حبوب السكر يلي كتبتها ومالها داعي اصلا
المهم ضليتني 5 اشهر مارحت عدكتور ولاشي وحللت انا وزوجي كل التحاليل وكلو تمام
نزلت عالشام مرة تانية رحت على دكتور شاطر كتير كل عيلة ماما بروحو لعندو
بس انا من الاول مارضيت لان دكتور
المهم شفلي التبويض وقلي ممتاز وفحصلي عنق الرحم يعني من كتر مانو شاطر خطر عبالو يفحص عنق الرحم
وطلعت المشكلة من عنق الرحم ان عندي طويل
يعني هيك خلقة جاية عنق الرحم عندي طويل
يعني السائل المنوي مابيوصل بسهولة
قلي فيكي تساوي تلقيح صناعي بس الاول داومي على وضعية السجود
وخلي زوجك ينزل السائل انت بوضعية السجود وضلك عشر دقايق على نفس الوضعية بعدين قلبي ونامي على ضهرك وارفعي رجلك
وانا من قبل مارحت عادلكتور مسكت الاستغفار
يعني وين ماروح استغفر حط بايدي متل المسبحة واستغفر حتى لو بالبيت وقبل النوم\

يعني استغفر مااقل من 2000 باليوم
وكل يومين او 3 اتوضا واحط ايدي على بطني واقرا سورة البقرة

المهم بعد ماخلصت من الدكتور
يعني بس مرة يلي رحت لعندو وعرف شو يلي ميمنع حملي
سافرت بنفس الشهر ماكان عندي ايام تبويض
االشهر يلي بعدو داومت على ايام التبويض وعالطريقى يلي قلي عليها الدكتور وسبحان الله الله كتبلي وبنفس الشهر حملت
وماصدقت وقتا
والحمدلله الفضل لله ثم شطارة الدكتور

بس والله يازهرة الاستغفار عنجد له نتائج عجيبة
انت بس حطي بقوقل ان قصص الاستغفار عن الحمل
وقراي قصص بتشيب الراس وشلون حملت من الاستغفار
نصيحتي لكي لاتتركي الاستغفار
والله في بنات هون بالمنتدى حملت وهي معها تكيس ومعها هرمون حليب
مافي شي صعب على رب العالمين
بس انت خلي ثقتك بربك كبيرة
ولاتنسي الدعاء
وان قدرتي عملي صدق بالسر
يعني انت وماشية بالطريق شفتي محتاج عطي مبلغ بسيط وقوليلو ادعيلي بالذرية الصالحة
ومشان هرمون الحليب بنصحك تشربي بردقوش
طعمه طيب مانه مر
وسوي كل يوم كاسة
وهو احسن شي لتنظيم هرمون الحليب
قراي عنو بقوقل وشوفي
انا داومت عليه قبل حملي
بينظم هرمون الحليب بطريقة عجيبة
ذي قصتي باختصار
انشالله تكوني استفتدي وفهمتي شي ههههههه
قوليلي بئا شو رايك بقصة حياتي هههههه

رد: تجمع حوامل سوريا-دردشة ورود سوريا-دردشة الغاليات
 

يسلموا حبيبتي كتير والله استفدت كتير منها الحمد الله
الله يتمملك على خير عنجد ريحتني من كل قلبي
بس عندي سؤال يعني دوا السكر ساولك حالة نفسية لأنو انا عم أخد دوا اسمه سلوفاج
سؤال تاني ممكن اسم الدكتور لأنو انا بالشام بركي بروح لعنده مع إني مابحب الروحة لعند دكاترة
بس بتعرفي بجوز إذا رحت يتفسر منامي اللي شفته من يومين إني رحت على دكتور وقلي أنتي حامل صلك شهرين يارب
وشكراً كتير على النصائح

رد: تجمع حوامل سوريا-دردشة ورود سوريا-دردشة الغاليات
 

حبيبتي الحبوب كان اسمها ديفياديج مو ان عملتلي نفسية
بس وزني نزل عليها 5 كيلو
وكلو قلي مالها داعي ابدا
يعني ليش دوا السكر والدكتورة قالتلي عشان مايجيكي سكر

زوجك بيرضا تروحي لدكتور
هو عيادتو بساحة عرنوس بالجنينة تبع الصالحية
اسمه الدكتور عبد الرحمن الجابي
هو كبير بالعمر وراح ترتاحي له كتير
هو يلي ولد ماما فيني
عنجد انا من وقت فتت ععيادتو زحمة كتييير كتيير
ونفسيتي ارتاحت والله وقت فتت لعندو حسيت قلبي انشرح الو وارتحت وقلت لامي
حاسة ان راح تنفتح بوجهي عندو
وهو كتير راقي
المشكلة بدك موعد قبل بوقت لان مشهور وصعب تلاقي مواعيد عندو يعني انا وقت رحت اخدت موعد بعد اسبوعين
وطلبو مني اجي يوم 12 من الدورة مشان يراقب التبويض
يعني رحت اول مرة وقلي اجي تاني مرة يوم 12
والكشفية يمكن تدفعي اول مرة 1500
وتاني مرة 1000
هو صراحة راح تلاقي غالي شوي بس والله بيستحق
بتعرفي مرت خالي 3 سنين ماحملت واديش تعالجت وماحدا يعرف شو قصتا
راحت لعندو وخلال علاج شهرين الشهر التالت حملت فورا
لانه شاطر ومابيعطيكي شي ماله لزوم
ويمكن يطلب منك تحاليل لزوجك

انت بتقدري تروحي لعندو عادي
زوجك مابيحكي شي
وبيروح معك ولالا
طيب زوجك مابقول شي لان لهلا ماحملتي
اسفة اسئلتي كتيرة
بس انا كتير حابة اني فيدك بشي
وان تلاقي نتيجة من كلامي

رد: تجمع حوامل سوريا-دردشة ورود سوريا-دردشة الغاليات
 

الله يجزاكي الخير ياعسل والله يعطيكي على قد نيتك يارب وينولك مراد قلبك ياحبيبتي
بالنسبة أنو زوجي برضى معلش أنا رحت بحلب لعند دكتور كان شب هداك بس وقتها كتير خجلت منه والحمد الله ما فحصني بالإيكو المهبلي لو تعرفي كتير بخجل منه مابريد لا دكتورة ولا دكتور يفحصوني فيه
وبالنسبة لكشفيته يعني لاتواخذيني بهل الكلمة العالم عم تزع عم تحط هديك الحسبة بس بدها ولاد هاد شي لا يذكر ويارب أشوف الخير على إيده يارب
وعلى فكرة كتير رايحة على عرنوس ويمكن لامحة اسمه
الله يعطيكي العافية يارب عذبتك معي بس عنجد لما الشخص بحكي وبفضفض برتاح كتير

رد: تجمع حوامل سوريا-دردشة ورود سوريا-دردشة الغاليات
 

اي بتعرفي انا قلت كرمال البيبي بحط كل شي بملكوه
المهم اني احمل
وبالنسبة له في تحت ايده دكتورة
وقتا انا اول مرة كشفلي على بطني عشان يشوف الرحم وان في التهابات
وتاني مرة قلي تعي يوم 12 من الدورة عشان التبويض
رحت وسالتني السكرتيرة بتحبي تكون موجودة الدكتورة يلي تحت ايدو هي تكشف
انا وقتها حترت قلتلها هي هون قالتلي لا الها ايام محددة
وبتجي انتي وقت تكون
قلتلها انا ماعندي وقت بدي سافر
قالتلي ان بدك بيكشفلك من بطنك عالتبويض
بس بدك تكوني شاربة مية كتييييييير ليبين
قلتلا لا الاضمن ان ايكو مهبلي
انا مستعجلة ههههههههههه
والحمدلله لما كشفلي ماكتير بين يعني فوت الايكو المهبلي وهو عيونو عالجهاز ماشايف شي
بس فوت ايدو وماشاف هو لان انا متغطية بحرام
والله ارتاحت نفسيتي الو كتير
حتى معاملة السكرتيرات كتير حلوة
مانهن حقراء متل غيرهن
وان بدك رقمو انا بعطيكي ياه عالخاص
هو صاير بالجنينة جنب المحلات في هنيك محلات خياطة وهيك
بتلاقي لوحة مكتوب الدكتور عبد الرحمن
لوحة صغيرة ماكتير مبينة
وانت هنيك سالي المحلات لان معروف واكيد راح يدلوكي
وامانة طمنيني شو بصير معك اي

رد: تجمع حوامل سوريا-دردشة ورود سوريا-دردشة الغاليات
 

كيفكم بنات....؟؟؟
سوري عالمقاطعة زهرة الحب وسروؤة بس انا بعرف الدكتور عبدالرحمن الجابي طبعا مو شخصي بسمع من امي لانو كان دكتور ماما بحملها فيني وباخي يلي اكبر مني وباختي يلي اصغر مني
وبعرف انو دكتور ممتاز
حتى الصراحة ما كنت بعرف انو لسى عايش لانو امي بتقول انو كبير
بالعمر
ان شاء الله يقدر يفيدك

والله يرزقك الولد الصالح باذن الواحد الاحد
ويتمم حملك على خير وسلامة سروؤة

رد: تجمع حوامل سوريا-دردشة ورود سوريا-دردشة الغاليات
 

اهلا ام فتحي
لا الحمدلله عايش الله يطولنا بعمره هههه
ماشالله صيت الدكتور الكل بيعرفو
هههههه من كتر شطارتو ماشالله
يلا زهرة عشان تشجعي وتروحي له

رد: تجمع حوامل سوريا-دردشة ورود سوريا-دردشة الغاليات
 

رد: تجمع حوامل سوريا-دردشة ورود سوريا-دردشة الغاليات
 

رد: تجمع حوامل سوريا-دردشة ورود سوريا-دردشة الغاليات