رد: تجمع حبيباتي الكروشات اللي راح يولدون بشعبان
 

الجزء الخامس

مستلزمات الخروج

اذا حبينا نخرج مع البيبي لسفر , او مشوار او حتى تطعيم راح نحتاج شوية اغراض منها ضروري ومنها كماليات ..

1- شنطة اغراض البيبي
مهمه مره ومانستغنى عنها , نحط فيها رضعه جاهزة او رضعه معقمه فاضيه مع مقسم حليب مع ترمس صغير وقارورة موية علشان نحضر الرضعه .. وحفاضة او اثنين , ومناديل تنظيف البيبي , وقطن و كيس نحط فيه الحفاضة قبل نرميها . وكيس للرضعه اللي استخدمناها علشان لاتنقط وتوسخ الشنطة.

http://forum.hwaml.com/imgcache2/hwa...955807_624.jpg
الشنط اشكال والوان اهم شي انها تكفي كل الاغراض ومليانة جيوب ويكون معاها اللي نحطه على طاولة تغغير البيبي < نسيت اسمه.

2- سرير متنقل
البعض يجب يشتري هالسرير علشان البيبي يفضل مرتاح ,,لكن انتوا بتتعبوا من شيل السرير اللي نايم فيه البيبي وكمان هو لسن معين مايتعدى 4 اشهر

http://forum.hwaml.com/imgcache2/hwa...955807_151.jpg

3- عربية البيبي

وهي اهم من السرير وبديل افضل , مريحه ماتشيلوها وكمان تجلس معاكم لحد مايكبر البيبي وفيمنها موديلات فيها كذا شي ..يعني كرسي سيارة ملحق مع العربية او سرير ملحق وكذا تكونوا ضربتوا عصفورين بحجر .. بس العربيات المقسمة اغلى طبعا

http://forum.hwaml.com/imgcache2/hwa...955808_497.jpg
دي النوعية اسمها travel system شاملة وسعرها يبدا من 1700 ريال الى 3000 ريال
علشان لما تفكيها تكون بدا الشكل

http://forum.hwaml.com/imgcache2/hwa...955808_776.jpg
كرسي هزاز وكرسي اكل وسرير نوم علشان كدا اسمها نظام سفر , لو عندك وحده منها خلاص ماتحتاجي تشيلي كذا غرض للسفر وتنفع للي سفرهم كثير.


وعندكم هدي العربية العادية اللي ممكن تنفع للنوم او الجلوس والبيبي يكون مواجه لك او للناحية التانية , يعني انتي تتحكمي فيها

http://forum.hwaml.com/imgcache2/hwa...955809_836.jpg
واسعارها من 1200 وممكن باماكن تانية تبدا من 900 ريال زي سنتر بوينت

وعندكم الموديل الحلو الثلاثي

http://forum.hwaml.com/imgcache2/hwa...955809_353.jpg

وبرضو اسعاره فوق 1100 ريال

وعندكم عربيات كلاسيكية معروفة زي دي

http://forum.hwaml.com/imgcache2/hwa...955808_161.jpg

وهدي اسعارها تبدا من 300 ريال ..

اهم شي في العربيات انها تتعدل من الظهر علشان البيبي ينام مو يجلس , وتناسب سنه لان البعض يبدا من عمر سنة فانتبهوا للسن اللي على العربية وانها قابلة للتعديل كل ماكبر البيبي على الاقل اول سنة وبعدين تتغير لمقاس اكبر.

4- شنطة حمل البيبي

وهدي برضو كماليات , تشتروها تنفعكم بره البيت اذا زوجك حب يشيل البيبي او انك تلبيسها وتشيلي البيبي في البيت لو لحالك وماعندك احد يساعدك ومحتاجه تشتغلي وتشيليه

http://forum.hwaml.com/imgcache2/hwa...955808_316.jpg

5- بطانية الخروج

تفتكروا لما قلت لكم اشتروا بطانيتين غير طقم فرش السرير ؟
كانت بطانية للبيت والتانية للخروج تغطي بيها النونو وهو نايم بره لان العربيات او السراير المحمولة او حتى لو شلتيه بيدك محتاج يتغطى

http://forum.hwaml.com/imgcache2/hwa...955806_237.jpg

.

6- اللي متعودين يشيلو البيبي ومايبغوا اي عربية ..طبعا عندهم المدسات

ممكن تكون الجديده , خفيفة ومبتكرة وتشبه الكوفلة زي دي
http://forum.hwaml.com/imgcache2/hwa...955806_379.jpg

او المدسات التقليدية الكبيرة

http://t0.gstatic.com/images?q=tbn:A...yvA1nxlAVrO1DA

7- واخيرا كرسي السيارة
يمكن عندنا مانهتم كتير بس في اوروبا وامريكا شرط اساسي اذا عندك بيبي ,,انا لما سافرت ولما كان عندي زوجي بعثة كانوا مايعطونا السيارة الا بالكرسي , ويتاكدوا انه يناسب عمر البيبي لحد ماصار عمر بنتي 5 سنوات وسافرنا تاني وبرضو لازم كرسي ولا فيها غرامة كبيرة .. يعني من 0 الى 5 الكرسي اساسي
فيا حبيباتي دندوشة ومس يويو الكرسي موضوع مافيه مفر ابدا

http://forum.hwaml.com/imgcache2/hwa...955806_337.jpg



اهم شي للبيبي وقت الخروج الشنطة وفيها كل الاغراض وبعدين اختاري سرير او عربية او مدس ..

.

اتمنى مانسيت شي للخروج ..باقي جزء لاشياء كثير البعض يعتبرها كماليات والبعض ضروريات وواجبنا اننا نكتبها وممكن نتكلم فيها سوا اذا فعلا ضروري ولا لا ..
وجزء على جنب نخصصه للماما الكروشة الحلوة ..

رد: تجمع حبيباتي الكروشات اللي راح يولدون بشعبان
 

يعطيك العافية نعوماا

عشقي ومس يويو ألف مبروووووك البنوتاااات
عقبال ماتفرحوا فيهم باحضانكم

تحمست أبغى اعرف جنس البيبي
ماشاء الله الأغلب عرفوا .. وكأنوا الأغلب بنات

سفونه يالله هانت ان شاء الله بكره تروحي وتطمني ع البيبي وتطمنينا

رد: تجمع حبيباتي الكروشات اللي راح يولدون بشعبان
 

ألف مبروووك حبيباتي عشقي الآطفال و مس يويو على البنوتات
و يتربوا في عزكم hwaml88
إن شاء عقبالي أنا بعد أتأكد من جنس البيبي
لآني رحت من يومين لدكتورة تانية عشان أتأكد من انو ولد
قهرتني مستلعنة كشفت على كل شي و مارضت تقولي الجنس hwaml4
قالت لي احتمال 60% ولد و ماأكدت لي
و الله قهـــــــرررررر hwaml15
إهئ إهئ إهئ إهئ hwaml93
لآ تقولي نشوفك الشهر الجاي
قلت في خاطري تحلمين أجي لك مرة تانية
و زوجي قالي خلآص بنبدأ نجهز على إنو ولد
و إن شاء ياربي يكون ولد hwaml14

رد: تجمع حبيباتي الكروشات اللي راح يولدون بشعبان
 

الجزء السادس

الكماليات ( بعضها ضروري )

كيفكم , يلا نجي لجزء بصراحه مهم ,, وزي ماقلت لكم هو كماليات للبعض وضروريات للبعض الاخر .. بس لازم نكتبه لاننا نحتاج نعرف كل شي .

1- سلة موسى
البعض بعد مايشتري سرير البيبي الدائم , يحب يكون عنده سرير متنقل من غرفة لغرفة
زي سلة موسى ..خفيفة ومتنقله وتنفع تحطيها بأي غرفة ,,البعض يجيبها ويحط لها فرشة او زينة او مفارش مطرزة ويكون سرير استقبال .

http://forum.hwaml.com/imgcache2/hwa...964756_280.jpg

عيبها انها ماتتحمل وزن يعني حدها 4 او 6 اشهر من عمر البيبي
وعيبها الثاني حيكون سعرها مرتفع لو لكان للاستقبال علشان الفرشة وغيره.

2- سرير السفر او السرير المتنقل
ينفع مثلا لو انك ساكنة في منطقة ورحتي تزوري اهلك في منطقة تانية يكون معاكي سرير متنقل زي دا
http://forum.hwaml.com/imgcache2/hwa...964757_994.jpg
اللي هي الاسرة البلاستيكية , ميزتها خفيفة وتنطوي وتصير شنطة وكمان تتحمل لعمر سنتين وممكن تخلي البيبي يلعب فيها لما يكبر . وسعرها يعتمد بعضها يبدا من 500 ومافوق

3- دولاب للبيبي

مشكلة الدولاب المساحه , لو كان عندك غرفة مخصصة للبيبي , او بيروح غرفة مع اخوه وفيه مساحه لدولابه يصير ممتاز او انك تشتري الادراج الصغيرة

http://forum.hwaml.com/imgcache2/hwa...964756_867.jpg
او بعد ماتشتري السرير اشتري وحده ارفف زي دي وتحطيها تحت سرير البيبي .

http://forum.hwaml.com/imgcache2/hwa...964756_486.jpg

موجوده بالطلب من ايكيا او مذركير او ممكن تفصليها...

4- طاولات التغيير

وبرضو البعض يعتبرها كماليات ,, وعندك زي ماقلنا انك تشتري سرير كامل بكل قطعه فيه زي الدواليب وطاولة التغيير ,,او تشتري بانيو مع ارفف وطلوة تغيير زي دا
http://forum.hwaml.com/imgcache2/hwa...964757_451.jpg

ودي سعرها على حسب مكان بيعها , يعني ممكن من 300 وممكن عند البعض من 700
او انك تكتفي باللبادة البلاستيك اللي تحطيها فوق اي طاولة ..

http://t0.gstatic.com/images?q=tbn:A...fSvp8OapLMij1w

كلهم كماليات بس بالنسبة لكل وحده فينا حيكون واحد فيهم ضروري .

5- اجهزة مراقبة البيبي
وبرضو مهمه , خاصة للي عندها بيبي واحد وراحت تسوي شغل البيت وهو نايم في غرفته
او حتى عندها اطفال ,,وهو نايم ومقفله عليه باب غرفته علشان الازعاج ..
تحسي براحه نفسيه انه نايم ومرتاح وبنفس الوقت لو بكي راح تعرفي

ممكن تشتريها اجهزة صوتية < وهذي جربتها مررره حلوة
http://forum.hwaml.com/imgcache2/hwa...964756_979.jpg
الاسعار من 700 بس سمعت انه في اماكن تبيعها من الوكيل بسعر اقل

وعندك الجديده اللي بكاميرا ..
http://forum.hwaml.com/imgcache2/hwa...964756_406.jpg
وطبعا من امازون سعرها حلو قرب 700 بس عندنا اسعارها مو اقل من 1200 ريال

6- مقياس لدرجة حرارة الغرفة
وبرضو مهم اذا كان المكيف في البيت مو سبيلت او ديجيتال ,, لان حرارة الغرفة المناسبة للرضيع مابين 21 و 23 درجة ..اقل او اكثر راح يبرد او يصير فطسان حر

http://forum.hwaml.com/imgcache2/hwa...964757_133.jpg

تلاقيه في كل مكان (سنتر بوينت - تويز ار اص ومذركير وغيرهم ) ورخيص مايجيب 30 ريال واحيانا يجي هدية مع اطقم البيبي ..وهو زي اللزقة تحطيه على الجدار جنب البيبي وبس وتشوفي كم الحرارة .. اذا عند الاصفر معناه تمام واذا عند الازرق معناه برد على البيبي , والاحمر حر على البيبي

وهدا واحد تاني للحمام
http://forum.hwaml.com/imgcache2/hwa...964756_609.jpg

تحطيه في البانيو وهو يكتب لك درجة الحرارة علشان المسكين مايتحمم وينسلق او يتجمد ولازم تكون 37 درجة.

7- حاملة مناديل ..كماليات

http://forum.hwaml.com/imgcache2/hwa...964757_542.jpg
مايحتاج تشتروها منفصلة صارت تجي مع اطقم المفارش ,, شفتها موجوده مع طقم المفرش في بيبيز ار اص .

8- العاب للسرير

http://forum.hwaml.com/imgcache2/hwa...964757_503.jpg

وبرضو تجي مع طقم المفارش ,,
علشان كدا الطقم بـ 500 هناك لانه يشمل مفرش السرير وكمان اللحاف ومعاهم اللعبة ومعاهم حامل المناديل ومعاهم كمان مفرش حواجز السرير لحماية البيبي .

9- سلة غسيل

ضرورية ,, بصراحه لازم غسيل البيبي مايتحط مع غسيل احد ويتغسل لحاله

http://forum.hwaml.com/imgcache2/hwa...964756_718.jpg

سعرها من 30 وممكن اذا مو حابين قماش تشتروا بلاستيك وبوضو موجود شفته .
او تشتروا سلة خشب ,, المهم غسيل البيبي يكون لحال .

10- الكرسي الهزاز
ينفع من اول شهر , وياسلام عليه مريح وموسيقى ولا تتعبي يدك ,,بطارية وخلاص

http://forum.hwaml.com/imgcache2/hwa...964756_560.jpg

الاسعار من 700 ريال

11- مرجيحه
هي مو مرجيحه بس ماارعف ايش يسموها بس حلوة وتنفع من سن 6 اشهر

http://forum.hwaml.com/imgcache2/hwa...964756_866.jpg

12- ستارة تحمي من الشمس في السيارة
طبعا النونو اللي جالس في الكرسي مو معقول نخليه يتشمس hwaml7
http://forum.hwaml.com/imgcache2/hwa...964757_154.jpg
كمالياااات

13- بلاستيك حماية
هو يحمي من المطر ,,,بس ضروري نجيبه حماية من العج والغبار هههههههههههه
http://forum.hwaml.com/imgcache2/hwa...964757_330.jpg

ينفع للكرسي او العربية .

14- ميزان حرارة الطفل
ضروووووووووووووري جدا
http://forum.hwaml.com/imgcache2/hwa...964757_574.jpg
جيبوا حق الاذن وريحوا نفسكم مهما كلفكم فهو مفيد وعليه ضمان سنين وكمان البيبي لازم له لانهم يسخنوا بسرعه بعد التطعيمات او من اي فايروس فلازم تعرفي البيبي تعبان لاقدر الله ولا لا ,,,, وموازين الفم مو عملية مع الرضع ونفس الشي موازين الجبين ..
ممكن تجيبوا لهاية ميزان حرارة اذا مو حابين حق الاذن ..بس هو الادق

15- جهاز بخار الغرفة

اتوقع حاليا موجود في كل بيت بسبب الغبار الموسمي عندنا وبسبب كل بيت صار فيه احد تعبان صدره

http://forum.hwaml.com/imgcache2/hwa...964757_288.jpg

16 - مفرش لعب البيبي

ودا برضو حلو حطي البيبي ينشغل بالالوان واللعب والاصوات ...
له موديلات لاعمار من صفر ,,واعمار من 3 اشهر ومن 6 اشهر

http://forum.hwaml.com/imgcache2/hwa...979718_639.jpg

نكتفي حاليا ,, واكيد اذا فيه كم شغله باعرضها
ولسه جزء الكروشات الحلوات

رد: تجمع حبيباتي الكروشات اللي راح يولدون بشعبان
 

نعومه تسلم ايديكى على مجهودك الرائع ما شاء الله كفيتى ووفيتى

مس يويو وعشقى ماشاء الله ربنا يباركلكم فى بنوتاتكم وتفرحوا بيهم وهما بحضنكم باذن الله
سفن اخبارك انتى والنونو يارب الدكتورة تقولك بكرة ان وضعك انت والنونو تمام ورجع كمان احسن من الاول وتيجى تبشرينا بكرة بنوعه

انا موعدى بعد اسبوع عند الدكتورة وان شاء الله اعرف النوع انا احساسي انه ولد فيارب يصدق احساسي لكن اذا اراد الله وكانت بنت فالحمد لله من قبل ومن بعد اهم شئ الصحة والصلاح

رد: تجمع حبيباتي الكروشات اللي راح يولدون بشعبان
 

الله يسلمك , وانا كمان عندي موعد بعد اسبوع مراجعه
باقي موعد الشهر السادس وبعدها حتكون مواعدينا كلنا كل اسبوعين ..
لازم مرتين في السابع , ومرتين في الثامن ...ولما ندخل التاسع موعد اسبوعي لحد الولادة

يارب اولد من اوله طفشت كل ولادة اخلص التاسع < فيس اتعقد

رد: تجمع حبيباتي الكروشات اللي راح يولدون بشعبان
 

رد: تجمع حبيباتي الكروشات اللي راح يولدون بشعبان
 

انا ولدي اخر يوم في التاسع
وبنتي خامس يوم في العاشر هههههههههههههه
وبنتي اللي بعدها قبل مااخلص التاسع بخمسة ايام ,,يعني برضو اخر اسبوع
لما قلت كدا للدكتورة اللي متابعتني قالت الجاي اكيد زيهم hwaml79

رد: تجمع حبيباتي الكروشات اللي راح يولدون بشعبان
 

رد: تجمع حبيباتي الكروشات اللي راح يولدون بشعبان
 

طبعا القيصري صعب بعد تجربة الطبيعي
الله يهونها عليكي وعليا وعلى كل حبيباتنا الكروشات ويجعلها ساعه ميسرة هينة يارب .

رد: تجمع حبيباتي الكروشات اللي راح يولدون بشعبان
 

رد: تجمع حبيباتي الكروشات اللي راح يولدون بشعبان
 

الجزء السابع < مسلسل تركي hwaml7

مستلزمات الماما الكروشة

مو معقول كل مقاضينا للبيبي وننسى نفسنا , برضو احنا نحتاج اهتمام ورعاية وشوية اغراض علشان الفترة اللي نمر فيها مهمه

1- الملابس
كل ملابسكم ابتداء من الرابع لازم تكون من غير اي ضغط على الخصر , لاتضايقوا البيبي واعطوه مجال يتحرك ( فساتين , بيجامات , بنطلونات , تنورات ...)

http://forum.hwaml.com/imgcache2/hwa...981921_841.jpg

2- الملابس الداخلية

البرا لازم تكون من غير قطعة المعدن الداعمة , لانها راح تضايق منطقة وسط الصدر وممكن تلاحظي وسط الصدر عند التقاء الدعامتين وجود منطقة صارت حساسة ولونها احمر وراح تصير بني او تتقشر ..الصدر بيكبر ونحتاج برا ناعمه ودعمها يكون في قماشها

http://forum.hwaml.com/imgcache2/hwa...981921_737.jpg

3- الشراريب
حتستغربوا ايش اهميتها في الحمل ,,من جد مهمه
لو مسافرة رحلة حتى لو ساعه وحده بالطيارة او السيارة لازم تكوني لابسة شراب يدعم الرجلين علشان العروق والدوالي حق الحمل وكمان يخفف من مشكلة لاقدر الله تجلط الدم فيها
البسيه وارفعي رجليكي وانتي رايحه اي مشوار يطول ويحتاج ساعه او اكثر .

http://forum.hwaml.com/imgcache2/hwa...981921_937.jpg

4- دعامة البطن للكروشات

طبعا حلوة ومفيده وتنفع من السابع لما الكروشة تصير ثقيلة والظهر يبدا فيه الألم اللي مايوقف

http://forum.hwaml.com/imgcache2/hwa...981921_804.jpg

5- كريم للحلمات

مهم من الشهر السادس يوميا مره وحده من اي ماركة تفضلوها او حتى زيت زيتون المهم اهتموا علشان ماتتقشر وتتقرح وتتعبكم

http://forum.hwaml.com/imgcache2/hwa...981921_400.jpg

6- كريم تشققات البطن

وبرضو مهم مره ومن اليوم الى بعد الولادة بشهرين لازم تدهني مرتين صباحا ومساء
لأن التشققات طالعه طالعه وعلى التاسع بيصير لونها قرمزي وشكلها غريب بس الكريم راح يكون موجود بين التشققات وحيساعد انه يخفيها بعد الولادة ,, ولو مااستخدمتي راح تعاني وماراح تختفي كليا

http://t2.gstatic.com/images?q=tbn:A...px5x82M0NaDVRA

7- مخدة الحامل

تدعم النوم على الجنب بدون ضغط على البطن

http://forum.hwaml.com/imgcache2/hwa...981921_529.jpg

8- واقيات الثدي

بعد الولادة راح يتسرب الحليب بين الرضعات والواقيات افضل شي وماركات كثير موجودة

http://forum.hwaml.com/imgcache2/hwa...981921_628.jpg

9- كلوتات للنفاس
طبعا ميزتها غيري وارمي لانه مو وقت غسيل ..خاصة في المستشفة واول اسبوعين بعد الولادة

http://forum.hwaml.com/imgcache2/hwa...981921_861.jpg


10- مخدة الرضاعة
تربطيها حول وسطك وتحطي البيبي عليها يرضع طبيعي او صناعي

http://forum.hwaml.com/imgcache2/hwa...981921_436.jpg

11- كرسي الرضاعه

شي حلو وهزاز وروعه ...

http://t3.gstatic.com/images?q=tbn:A...QnZ9mx1fE-_weA

زوجي يحسبني استهبل لما طلبته , مو مقتنع بحكاية كرسي للرضاعه ..قال لو قلتي ابغاه دلع طيب بس رضاعه مو مقتنع هههههههه
قلت له هزاز يخلي البيبي ينام بدون مجهود كبير مني في الهز ويخليني ريلاكس << رايقه

انا جربته في سنتر بوينت ..رهيييب وقررت اشتريه وسعره 700 ريال
وحاسة انه حينفعني وانا حامل ومتوترة يخفف عني الضغط << نفسية هههههه
جربوه واحكموا بنفسكم
موجود كمان في بوتري بارن بس اغلى .


يلا يابنات خلص المسلسل افتونا بالاشياء الجديده ورتبوا اموركم واعملوا ليستة واكتبوا وقسموا ...من جد قدامنا مشوااااااااار

ولسه بالتاسع نتفرغ للتوزيعات والحلويات وارواب الاستقبال والسابع .....الله يعين

رد: تجمع حبيباتي الكروشات اللي راح يولدون بشعبان
 

يعطيك العافية نعوماا ماقصرتي فديتك

ان شاء الله برتب لي لسته وبس اخلصها بحطها لكم :)

رد: تجمع حبيباتي الكروشات اللي راح يولدون بشعبان
 

مرحباً ياحلوااات

كيفكم اليوم؟انا تعبانه هاليومين عشان كذا نادر ادخل والا والله مااستغني عنكم ابد

دندوووشه حبيبتي حمدالله انا على حالي الله يكشف ضري ويحفظ جنيني ويتمم علي يااارب
نعووومه حبيبتي الله يسمع منك يااارب والله احاول انسى بس مااقدر والله وجنيني في أحشائي مااقدر ماافكر فيه ربي لايحرمني منه يااارب
واجهزه مراقبه البيبي انا شاريته من الصيدليه في حملي الاول وشريته ب370ريال بس وميزان حراره الطفل انا شاريته حق الأذن من صيدليه الجازع ب250ريال والله اني ماندمت رهييييب واسرع من حق الإبط اللي يطفش هههههههه
فنو حبيبتي يااارب ياكريم تبشرني بكره وابشركم ياااارب وابدا افكر بالتجهيز يااارب تكشف ضري وتمم علي يااارب
مس يويو حبيبتي الله كريم يااارب يااارب اجي أبشركم بسلامتي وسلامه جنيني واعرف الجنس يااااارب ياكريم
بيبي سميل حبيبتي ربي يسمع منك يااارب واطمن بكره وابشركم يااارب
نونيييي الله يسمع منك ياحبيبتي موعدي9الليل الله يبشرني ويفرحنا واجي ركض أبشركم ياااارب يااارب
خوخه بريه ياحبيبتي لبي قلبك كلامك عسل ماتقصرين الله يسمع منك واجي أبشركم يااارب ياكريم

رد: تجمع حبيباتي الكروشات اللي راح يولدون بشعبان
 

كيفكم صبايا وحشتوني معليش تعبت شوي من اسناني وصرت مشغوله وزاد الكسل والخمول عندي الله يعدي هالشهور على خير
مشكوووووووووورات الله يسعدكم الي سالو عني
والف مبروك البنات الحلوات لك يامس يويو وعشقي والبقيه الله يسعدكم يارب ويحفظلكم بناتكم اسالوني عن حب البنت ودلعها غير عندي بنت وحده وعمرها سنتين مجننتني انا وابوها والله هي كل اهتمامنا بالبيت والله اخذت عقولنا حتى لما نطلع نكسيهم هي اكثر شي ابوها في جهه وانا في جهه اغلب شي نشتريلها هي نحاول نخفي حبها عن خوانها بس مانقدر بعض الاحيان يطفح الحب هي الي تحببنا في نفسها غصب وكلامها ودلعها غير اسال كثير بنات عندهم بنات والله نفس الكلام الله يحفظها ويحفظلكم بناتكم واجنتكم يارب

رد: تجمع حبيباتي الكروشات اللي راح يولدون بشعبان
 

باقي انا وسفن ونوني وام حماده صح ماعرفنا الجنس

رد: تجمع حبيباتي الكروشات اللي راح يولدون بشعبان
 

سفونه الله يسمعك خير بكرا وانشالله تبشرينا ان وضعه طيب وكلشي فيه تمام يارب واحساس قوي انو طيب انشالله قلبي معك لاتنسين تبشريني

رد: تجمع حبيباتي الكروشات اللي راح يولدون بشعبان
 

هلا وغلا بأم لبنى لبي قلبك وحشتيييييني سلامتك فقدناك
الله يسمع منك ويااارب يكون احساسك صحيح حدي تعبانه جسديا ونفسيا وخايفه مررره ربي يبشرني بكل مايسرني يااارب والله يكشف ضري ويحفظ جنيني ويتمم علي يااارب خاطري افرح بحملي والله من كثر مااشغلني وضعي الحرج ماافكر وش نوع الجنين كثر ماافكر بسلامته وسلامتي ربي لايفجعني ولايضيع لي تعب يااارب الله كريم وقارد

رد: تجمع حبيباتي الكروشات اللي راح يولدون بشعبان
 

يسعد صباحكم يا كروشات
كيفكم .... عساكم يارب بخيييير
أم لبنى / حياكِ الله يا قمر والله من جد لكِ وحشة ....
سلامتك وسلامة ضروسك ههههههه
والله يسمع منك ويعدي هالشهور على خير
ويقومنا وبيبيهاتنا بالسلامة والعافية
يا حياتي الله يخليلك بنوتتك ويرزقكم برها وصلاحها والله البنات حنينات أشوف بنات أخواتي الله يحفظهم وأقول الله يرزقني ببنت حنونة ودلوعة تقولي أختي بعدين تصير كأنها ضرتك تتدلع على أبوها وطلباتها أوامر زي بنتي هههههههه .

رد: تجمع حبيباتي الكروشات اللي راح يولدون بشعبان
 

نعوووومه حلوووه التجهيزات خاصصه الكرسسي هع

بالنسسبه لكرريم التشققات انا شريته من قبل الحمل واستعملته قبل اسبوعين ونسيت عنه ههههه >> من ززود الاهتمام خخخ

رد: تجمع حبيباتي الكروشات اللي راح يولدون بشعبان
 

بنات مين طططلع معاها ووولد زيي :) hwaml95

رد: تجمع حبيباتي الكروشات اللي راح يولدون بشعبان
 

يعني ماشاء الله انا وعشقي ومس يويو بنوتات
ام جومانا ودندوشة اولاد

ومين كمان ترى عندي زهايمر حمل hwaml7 علشان نجهز لتوقيعنا الجديد
ونشوف دي سنة الاولاد ولا البنات

يلا ام لبنى ونونيييي ونكهة القهوة وسفن وام الحلوين وفنو وحواء

رد: تجمع حبيباتي الكروشات اللي راح يولدون بشعبان
 

هههههههههههههههههه
نعومه بسم الله عليك زهايمر مره وحدة بعيد الشر عنك .
مبروووووك أم جومانا الولد والله يفرحني ويفرحك ويفرح البنات كلهم بقومتنا بالسلامة وولادة سهلة ميسرة .
وترى انا قالت لي الدكتوره أحتمال بنت بس مو أكيد وان شاء الله اتأكد أكثر بالمراجعة الجايه .

رد: تجمع حبيباتي الكروشات اللي راح يولدون بشعبان
 

انا مشتركه جديده والله يكتب لنا الخيرويسهل علينا باقي الشهور وترى الشريط الي سويته غلط فرق اسبوعين يعني انا نص الخامس

رد: تجمع حبيباتي الكروشات اللي راح يولدون بشعبان
 

ههههههههههههههههه
تصدقتي وانا اشتري اغراض للنونو نسيت انه بنت واريحه قسم المواليد الاولاد ,,,لا وكمان اعترض اقول ليش بضاعة الاولاد مو كتير ومنوعة زي البنات مايصير كدا كيف نختار ههههههههههههههه وقتها طبعا مع تعليق ولدي ماعرفت ارد ... كأني في حلم من جد
او اني حامل في ولد وقلبي بس حاسس ويوجهني ههههههههه<<< تبرر تخبيصها

رد: تجمع حبيباتي الكروشات اللي راح يولدون بشعبان
 

هههههههههههههه
تحصل يا قلبي عاااااادي انا مره صار معاي نفس موقفك رحت أقضي لبنت أخوي مولودة جديدة وعشان متعوده أقضي لولدي أروح على طول لقسم الأولاد وللون الأزرق ورحت بأقضي لها ولادي
قال لي زوجي هي بنت كييييف تشترين لها بذل ولادي ههههههه وانا وجهي لا تعليق <<< تفشلت
بس من جد متوصين بالبنات وباللون الوردي أغراضهم وملابسهم تدننننن لأني أمووووت على الوردي hwaml03

رد: تجمع حبيباتي الكروشات اللي راح يولدون بشعبان
 

كروشات باركوولى اخيرا دخلت الخامس ويارب يتمم لنا هاشهور على خير ونفرح بنوناتنا hwaml7

ام لبنى سلامتك حبيبتى الف سلامه الله يعينك على وجع الضرس اعوذ بالله منه hwaml4معليش ان شاء الله فى ميزان حسناتك وربنا يخليك بنوتك وتفرحى بيها وهيا عروسهhwaml83

اوم جومانا الف مبروك على الولد ويارب يجعله صالح وبار بيكى hwaml14

نعومه كلنا مثلك نسيان فظيييع ابسط شئ لما اروح للدكتورة بيكون فى فكرى اشياء اسالها عليها وادخل لها انى اتذكر شئ ولا شئ وسبحان الله ما اتذكر الا لما اروح من عندها hwaml5ويارب الايام تمر بسرعه علشان اجى وابشركم بنوع الجنين

نكهة قهوه يلا مستنينك علشان تاكدلنا انها بنت ونباركلكhwaml84

سفن اخبارك يا عسولة اليوم يلا بنستناكى تيجى من موعدك وتزفلنا احلى بشرىhwaml92

ام امجاد يا هلا ومرحبا بيكى معنا انتى لسه واقفه يلا شلحى عبايتك وتعالى اتقهوى معنا البيت بيتك هههههه hwaml30ها عرفتى نوع البيبي ولا لسه

رد: تجمع حبيباتي الكروشات اللي راح يولدون بشعبان
 

ماشاء الله عليكم اغلبكم عرف نوع الجنينـ مبروووكـ ياحلوينـ
وعقبـــالي ان شاء الله ^^
بـــاقيلي ستهـ أيـــــام وأجــــي ابشركمـ ^^
سفنـ قلتـــي يوم الاحد موعدكـ بشــرينــــااش ســــار

رد: تجمع حبيباتي الكروشات اللي راح يولدون بشعبان
 

رد: تجمع حبيباتي الكروشات اللي راح يولدون بشعبان
 

ام لبنى انا كمان ماعرفت جنس البيبي :(

نعوماا فديتك ذكرتيني ع النسيان .. تخيلي اكون بالمطبخ واروح للثلاجه افتحها اجلس مفهيه ناسيه شنو ابغى اخذ هههههههاااي

ام أمجاد منوررره يابعدي .. كيفك وكيف النونو ؟؟

سفووونه .. بانتظارك تطمنينا ياااقلبي

رد: تجمع حبيباتي الكروشات اللي راح يولدون بشعبان
 

الله يبارك فيكم جميعا وعقبال اللي ماعرف

اليوم كانت مراجعتي عند دكتوري الاساسي وبرضو قللي بنوتة يعني تالت دكتور يقول بنوتة

تاكدت 100%

الحمدالله يااااااااااااااااااااااااااااااااااربي

رد: تجمع حبيباتي الكروشات اللي راح يولدون بشعبان
 

هههههههههه الله يستر من حاله النسيان انا اهلي وزوجي بدو يغسلون يدهم مني

ااخر موقفين من كم يوم تكلمني بنت عمتي وتبغى مني رقم وقلت لها استني وادور جوالي وانفض البيت اروح المطبخ واروح الصاله لفيت البيت كله

واعصب قلت شكل زوجي بيسوي مقلب السخيف حتى هي الغبيه ماقالت انا اكلمك منه واسكر منها واضحك على نفسي

والموقف الثاني مع اخوي عطاني جواله قال بصلي واجي خليه معك لاتعطينه احد قلت اوكي يوم رجع من الصلاه قال وين جوالي قلت حاطته على الكنب دوره ماحصله وانا ادور معه استغربت ماتحركت من مكاني قالي مالك داعي تضيينه جتني الصيحه قسم شكيت بنفسي ااخر شي هو ماقدر يمسك نفسه وضحك قال شوفيه بيدك يالخبله

هاذا شي من لا شي من حالات النسيان والنوم الفضيع اللي جاني ههههههه ايه صح وطلعت لي شيبه براسي هههههه


وبعدين امس صار لي شي ضيق صدري

امس وانا راجعه من بيت اهلي لبيتي فجاءة خرب شي فالسيارة وصارت تناقز وانا انحنيت على نفسي من قوتها حتى جي صار يمشي خفيف
الم وصلت بيت ودخلت اغسل طبعا معي اللم فظهري واسفل بطني واكرمكم الله حصلت دم شوي هل و عادي او خطر :(

وموعدي اربعاء الجاي هل اصبر له والا اروح للدكتوره

وابشركم بنت خالي ولدت وجابت احلى بنوته ماشاءلله تصدقون ولت على الموعد اللي عطوها اخذت اسبوع من العاشر


*

رد: تجمع حبيباتي الكروشات اللي راح يولدون بشعبان
 

اهلللييين بنات
مبروووك لكل وحده عرفت جنس البيبي
فنو ان شاءالله ماعليك ضرر نامي على ظهرك ولاتتعبي نفسك بالحركه واذا نزل دم ارجعي لدكتورتك

رد: تجمع حبيباتي الكروشات اللي راح يولدون بشعبان
 

فنو الف مبرووك لبنت خالتك وانتى حاولى ترتاحى واذا استمر الدم معك لبكرة لازم تروحى للدكتورة علشان تطمنى وان شاء الله خير

عشقى مثل ما بيقولوا التالته تابته ما شاء الله والحمد لله انك اتاكدتى يلا ابتدى حضرى حاجات البنوته ولبس البنات مافى احلى منه

رد: تجمع حبيباتي الكروشات اللي راح يولدون بشعبان
 

يعني كلنا في الهوا سوا ومضيعين من النسيان هههههههههه

ام امجاد ياهلا بيكي ومنورة التجمع ,, عرفنيا على نفسك بكرية ولاعندك عيال ..

ام لبنى سلامتك وروحي للدكتور عندهم اشياء خفيفة للحامل تخفف الالم.

نكهة القهوة , من جد الوردي ياخد العقل , وكمان لقيت كم فستان صغييييييير لونهم ابيض دمااار يجننوا مره .

سفن يلا تعالي بشرينا خلينا نتطمن عليكي

فنو اذا بس هي النقطة اللي شفتاها وما اتعادت لاتخافي واستني موعدك بس نصيحه ريحي مرررره ووقفي شغل وطبخ وقولي له اجازة لحد مااتطمن على النونو

مس يويو ودندوشة ايش حركات الثقل والدلع علينا

رد: تجمع حبيباتي الكروشات اللي راح يولدون بشعبان
 

مبروك اوم جومانااا الله يقر عينك بشوفته بحضنك
والله النسيان مشكله انا مابقى احد ماعلق علي بسالفة النسيان بنات عمي يقولون الكبر شين قلت والله من حملت بس
اناا قالو لي بنت بس مادري ليه احساسي انه ولد وامس عمتي كلمتني كبيرة هي بالسن يافديتها تقول حلمت انه انتي جايبه لي خاتم يجنن وتقولين شوفي ياعمه وش حلاته عاد هي بولدي حلمت لي انه انا جايبه لها طقم ذهب وكان فيه اربع فصوص لونها وردي وتحتهم وحده لونها فضي وقالت انتي بتجيبين ولد وجبت ولدي سبحان الله عاد عندي السبت سونار اكيد بيكون واضح ان شاء الله واقطع الشك باليقين انا والله مافرقت معي بس ابي اولد بالسلامه ويكون البيبي سليم لان اموت بالبنات وتلبيسهم ودلعهم الله يسهل علينااا وتعدي هالشهور ع خيريارب

رد: تجمع حبيباتي الكروشات اللي راح يولدون بشعبان
 

سلام عليكم ياحلوااات
ام جومانا مبروووك الولد ماشاء الله الله يجعله ولد صالح يااارب
نونيييييي موعدي9الليل الله ييسر امرئ وتبشرني باذن الله واجي طاااااايره أبشركم ياااارب ياكريم
ام سديم حبيبتي مارحت الى الان الله ييسر امري واجري أبشركم ياااارب
بيبي سميل حبيبتي الله ييسر يااارب واطمنكم ياااارب ياااقادر
فنو حبيبتي سلامتك لازم تروحين تطمنين والله الدم خطر مايستهان به
نعووومه يااارب الله ييسرلي واجي أبشركم يااارب يااارب

بروح يابنات دعواتكم لي تكفون الله يطمن قلبي ويفرحني يااارب

رد: تجمع حبيباتي الكروشات اللي راح يولدون بشعبان
 

رد: تجمع حبيباتي الكروشات اللي راح يولدون بشعبان
 

صباح الخير ياحلوات
عذروني مادخلت البارح
ويكند ....وكنا رايحين مدينه جنبنا مارجعنا إلاا بالليل
والحين توني صاحيه حتى ماغسلت وجهي
وداخله منن الجوال
إن شاء الله شويات وراجعه لكم على ما اغسل واصحصح

رد: تجمع حبيباتي الكروشات اللي راح يولدون بشعبان