|
رد: ديوانية البحرين - دردشة حوامل البحرين - البحرينيات
رحت المركز اليوم وقلت لها ابي احلل دم اتاكد
قالت البول يكفي وحللت بول وطلع بوزتف hwaml7 قالت لي افتح ملف للحوامل ما اوصيكم خبروني وش اكل وش الي اتجنبه ؟ :$ |
رد: ديوانية البحرين - دردشة حوامل البحرين - البحرينيات
رحت المركز اليوم
حللت بول ما رضت تحلل لي دم وطلعت حامل hwaml7 ما اوصيكم خبروني وش آكل وش وش الي اتجنبه ؟ hwaml9 |
رد: ديوانية البحرين - دردشة حوامل البحرين - البحرينيات
حللت و يسعدني ان انضم لكم hwaml02
|
رد: ديوانية البحرين - دردشة حوامل البحرين - البحرينيات
رحت المركز وقلت لها ابي اتاكد احلل دم
قالت البول يكفي وطرشتني احلل بول والنتيجة بوزتف hwaml7 عاد لا تبخلون علي قولو لي اهم النصايح هالفتره شنو آكل وشنو اتجنبه hwaml10 |
رد: ديوانية البحرين - دردشة حوامل البحرين - البحرينيات
هذي المره السادسه يمكن الي اكتب رد امس المنتدى ما يرضى يحط ردي
كنت ببشركم اني رحت حللت بول بالمستشفى قلت لها ابي دم ما رضت البول يكفي قالت وبفتح لي ملف hwaml02 عاد ما اوصيكم قولو لي وش آكل وش ما آكل وش اسوي وش لازم ما اسوي |
رد: ديوانية البحرين - دردشة حوامل البحرين - البحرينيات
الف الف مبروك حبيبتي فاطم .. الله يثبت حملج ويقومج بالسلامة ...
ممممم بخصوص الاكل يعتمد على دكتورج شنو تحدد لج .. انا عن نفسي .. كل شي ممنوع .. النشويات بانواعها مثل الارز والخبر والمعكرونة والمعجنات .. الحلويات مثل السكر والحلويات ... والفواكه مثل البرتقال و التفاح والموز والمانجو ... يعني تقريبا ما تاكلين شي .. عشان تحافظين على وزنج .. والبيبي ما يضغط على الرحم .. ويصير حجمه كبير وبعدين ولادة مبكرة .. وعن سكر الحمل .. طولت عليج صح ..ههههه ومبروك مرة ثانية ... |
رد: ديوانية البحرين - دردشة حوامل البحرين - البحرينيات
مبرووووك فاطم وربي يثبته لج ويتمم لج على خير
بخصوص الأكل بقوله أنا من شنو كنت محرومه ... البيض بجميع أشكاله ممنوع .. اي اكله فيها دارسين ممنوعه اي شي فيه زعفران بعد ممنوع .. وابتعدي عن المنبهات ( القهوة .. الكوفي .. الشاي ) وبعد أشياء وايد أيييي .. دكتورتي قالت لي لا تاكلين التبوله بس مادري ليش وقالت لي اكلي الكبده اي شي خضر إكليه وخصوصا الجرجير والبروكلي عشان يزيد الحديد بجسمج وبس هذا الي أتذكره حاليا ولين تذكرت شي ثاني بقولج |
رد: ديوانية البحرين - دردشة حوامل البحرين - البحرينيات
بنوته شي .. التبولة ممنوع غريب رغم ان المكونات خضار وبرغل قليل ..
الله يقومنا بالسلامة يا رب |
رد: ديوانية البحرين - دردشة حوامل البحرين - البحرينيات
امبيه فشله
انحطت كل الردود هههههه من منتداكم انا مالي شغل ياريت لو في احد من الاشراف هني يمسحهم ويخلي اخير مشاركة ! الله يبارك في عمركم وحده قالت لي ما اروح اراجع الا في الشهر 3؟؟؟؟ ليش ؟ وبالنسبه للأكل كل ابي حلويات وخصوصا الكيك ! |
رد: ديوانية البحرين - دردشة حوامل البحرين - البحرينيات
مساء الخير بنات اشلونكم مع الحمال والتعب انا يديده عليكم والحمدالله حامل وتوني داشه الاسبوع السابع ورحت حق دكتوره خاصه واكدت لي كل شي اوك وشفت الجنين والحمدالله والنبض توه خفيف الانه توني انشاء الله عقب 3 اسابيع باروح اراجع بس بغيت اسالكم بنات اشلون اجراءات مال المركز الصحي عن فتح فايل ف رعايه الامومه وشنو الاوراق الي يبونه الانه لحد الحين مارحت ولازم اروح بس مو عارفه شنو بيسون ولا شي انشاء الله اساعدوني وطمنوني الانه اول حمل لي عقب 6 اشهر من عرست والحمدالله |
رد: ديوانية البحرين - دردشة حوامل البحرين - البحرينيات
مثلج ما اعرف
بس روحي المركز واساليهم ياريت تقولين لي وين رحتي خاصي تأكدتي ع الحمل ؟ ودي اروح واتطمن على كل شي وكم كلف ؟ |
رد: ديوانية البحرين - دردشة حوامل البحرين - البحرينيات
صباح الخير يا اهل ديرتي ..
فاطم حبيبتي .. ليشس قالت لج تراجعين في الشهر الثالث ..مممممم يمكن يعتمد على المكان اللي تراجع فيه .. انا اتابع في الخاص وكل شهر اروح .. سويت لاف الغالية هلا فيج بالتجمع نوريتنا ... الله يثب حملج ويقومج بالسلامة .. بخصوص سؤالج عن الاجراءات في المركز الصحي .. مو متاكدة منها لاني اتابع في الخاص .. بس في شغلة طبعا الحين عنوانج تغير على بيت الزوج .. طبعا اذا كان منطقة ثانية .. المفروض تروحين المركز اللي كنتي تراجعين فيه .. وتخبرينهم ينقلون ملفج .. على المركز الجديد .. لان اذا كنتي حاملل بيفتحون لج فايل عائلة جديد باسمج واسم زوجك.. فهمتي علي .. في شغله اهم البطاقة الذكية اكيد بدلتيها على العنوان الجديد صح ؟؟.. هههه سؤالي يمكن غلط .. بس ما دري عشان ما تتعطلين ... |
رد: ديوانية البحرين - دردشة حوامل البحرين - البحرينيات
اقتباس:
رحت حق دكتوره صباح في المنامه وشفت الجنين والنبض والحمدالله وعلى تكاليفه اهي غاليه سعرهه 45 دينار بس حق السونار المهبلي والاستشاره وافكر اروح حق فوزيه كمال وايد مدحونه وسريعه مواعيده وسعره 30 او 20 دينار وفي بعد وحده اسمه دكتوره منى في رويان بعد زينه بس مواعيده عقب اسبوع نصيحه لاتهملين روحج الانه عطتني الدكتوره حبوب عباره عن بروتين وحديدوايد زين قالت استعمله كل يوم لمدة 3 اشهر |
رد: ديوانية البحرين - دردشة حوامل البحرين - البحرينيات
اقتباس:
هلا اختى يعني السالفه عوار راس روحي وتعالي انا بعد من عرفت اني حامل في خاص بس يقولون لي لازم افتح ملف ف المركز الصحي والله مو مشتهيه اروح الانه زحمه وبطلعت روح ايي دورج واشوه بيت اهل ريلي نفس منطقتي بغيت اسالج اختى اي دكتوره اتراجعين عندهه وتنصحينه انروح له |
رد: ديوانية البحرين - دردشة حوامل البحرين - البحرينيات
السلام عيكن بنات .. شخباركن... الله يتمم حملنا على خير يارب... اللي تسأل عن المراجعة ف المركز ... صح أول لازم تنقلين ملفش للمنطقة اللي انتين ساكنة فيها مع زوجش... و بعدين اذا رحتين اول مراجعة بتطلب منش بطاقة فحص قبل الزواج ضروري تاخذينها وياش.. و بتعطيش موعد بعد ثلاث أشهر على ما اذكر.. بعدين بتصير مواعيدش كل شهر لما توصلينالشهر الثامن بصير كل أسبوعين و ف الشهر التاسع كل أسبوع..أني أراجع ف المركز و الخاص... الخاص عند دكتورة كيران ف مستشفى رويال تسوي لش سونار ف كل زيارة و تكلفش 20 بس اذا لا قدر الله تشكين من شي و تاخذين علاجج اخذت مني 30
عندكم فهيمة المطوع و زينب الجفيري و منى الشروقي يمدحونهن بعد بس فوزية كمال شخصيا ما انصح بها لأنها بس تسوي أشعة يعني ما تقدرين تستفسرين امور الحمل وياها و اي سؤال اني جاهزة لكن باللي اقدر عليه |
رد: ديوانية البحرين - دردشة حوامل البحرين - البحرينيات
الله يتمم علينه انشاء الله
باجر باروح المركز الصحي اخلص اموري وعقب كل 3 اسابيع باراجع الخاص احسن واطمن احس روحي تعبانه هل الايام الم في ظهري وبطني مقطعني خصوصا فليل مو عارفه شنو اسوي في روحي والله |
رد: ديوانية البحرين - دردشة حوامل البحرين - البحرينيات
شكرا على المعلومات ذكرتوني بامي قبل 11 سنة كانت رايحه لفوزية كمال ههه
افكر اروح لها انا ادور الارخص والاحسن ياريت تقولون كل دكتورة وين مكانها ووزين قلتو عن المركز بكرة عجل بروح اكمل باقي امتحان واحد hwaml02 |
رد: ديوانية البحرين - دردشة حوامل البحرين - البحرينيات
الكل يقول ألم البطن و الظهر طبيعي فترة الحمل بس أهم الشي الراحة
الدكتورة منى الشروقي في سند صوب رويان ..الدكتورة زينب الجفيري ابن النفيس على مااظن الحين هناك هي... الدكتورة فهيمة المطوع قريب لعيادة سميرة المتروك لليزر ع نفس الشارع... بالنسبة للمراجعة ف المركز و الخاص كلش مريح ترى و اوفر من ناحية الفحوصات ترى بتكلفش ف الخاص .. لأن الدكتورة بتسألش ف الخاص عن الاتش بي للدم و السكر فتكونين مسوتنهم ف المركز اما الخاص بتدفعين |
رد: ديوانية البحرين - دردشة حوامل البحرين - البحرينيات
انا اليوم رفيجتي انصحتني اروح حق منى الشروقي بس مو الحين باروح له انشاء الله ادا خلصت 3 اسابيع
وصج الخاص يبيله ميزانيه وايد وباجر من الصبح باروح المركز علشان الملف وايد احاتي وهامله روحي وايدhwaml79hwaml79 |
رد: ديوانية البحرين - دردشة حوامل البحرين - البحرينيات
فاطم حبيبتي انا بصراحة اتابع عن دكتورين .. الاول احمد بركات لان حملي عن طريق الانابيب وهومتابع حملي .. بس على التحاليل هم ما يسوونها فقالو روحي المركز رحت المركز لوعو جبدي وما ناخذ حالتج وروح وتعال ومعاملتهم زفت .. فزوجي قال نروح نسوي التحاليل بالخاص .. ومرة وحده للودلاة لان دكتورة ما يولد الا قيصرية بس وبمستشفى الكندي وما ادري وين بعد .. وطبعا سعر المسشتفى غير وسعر الدكتور غير ... فسالنا والحين اتابع عند دكتورة كيران في مستشفى رويان ..
ومرتاحه من الاثنين .. وكل شهر عندي مراجعة عند احمد وعند كيران .. سويت لاف .. لي هاملة روحج .. المفروض اتابعين على طول .. عشان تطمنين |
رد: ديوانية البحرين - دردشة حوامل البحرين - البحرينيات
للأسف زوجي صادته انفلونزا واخاف الحين يعديني انا بسرعه امرض
شسووي ؟ ما نمت وياه امس قلت له ما ابي امرض ههه بس يقطط لي كلينكس في كل مكان خليت له كوب وقلاص وصحن وملعقه بروحه يستخدم واخلي له اكياس بكل مكان عشان ما يرمي ع الاشياء الجراثيم وحطيت لي ديتول وماء في انبوبة رش وارش منه على كل المكان عسى يفيد hwaml02 لا تلوموني تخصصي عقدني hwaml02 ما قدرت اليوم اروح افتح الملف لان ما اسوق ادعوا له بالسلامه وما انعدي والله يتمم علينا ونجوف اول فرحه لنا hwaml13 |
رد: ديوانية البحرين - دردشة حوامل البحرين - البحرينيات
سلام عليكم
انه عضوة جديدة وياكم ومأعرف اسوي لي توقيع الحمل من يساعدني |
رد: ديوانية البحرين - دردشة حوامل البحرين - البحرينيات
وانا بعد حاولت اسوي وما رضى يصير
انا ودي من Baby Ticker - The Baby Countdown Pregnancy Ticker آخر دورة لي 21-2-2012 |
رد: ديوانية البحرين - دردشة حوامل البحرين - البحرينيات
اقتباس:
ماجوف شر اختي ترى حاسبي لاتعادين منه انا اول اسبوع عرفت فيه حامل صادتني اصخونه كرهتني حياتي كل ما اروح مكان ما يعطوني اله بندول تميت 5 ايام على العصير ليمون ونعناع وبرتقال ترى المرض حق الحامل كلش غرباله انا اليوم الحمدالله رحت المركز وافتكيت وفتحت فايل وعطوني موعد في شهر 5 الله يتمم علينه |
رد: ديوانية البحرين - دردشة حوامل البحرين - البحرينيات
اقتباس:
اختي جربي هل الموقع انا سويته من اهني كتبي فوق موعد الولاده لي حاسبته لج الكتوره بيطلع لج اي شهر وجم اليوم |
رد: ديوانية البحرين - دردشة حوامل البحرين - البحرينيات
للحين ما رحت لدكتورة ولا سويت شي
بس حللت بول |
رد: ديوانية البحرين - دردشة حوامل البحرين - البحرينيات
اقتباس:
بس روحي خاص علشان يحددون جم اسبوع ويرونج صورته الانه المركز مستحيل يرونج له بطلعت روح |
رد: ديوانية البحرين - دردشة حوامل البحرين - البحرينيات
الحين اول اروح خاص والا اروح افتح ملف بالمركز ؟
ولما اروح افتح ملف بسوون لي اج بي وما ادري شنو ؟ |
رد: ديوانية البحرين - دردشة حوامل البحرين - البحرينيات
اقتباس:
انا توني اليوم رايحه فتحت ملف في المركز ورحت قبل اسبوعين الخاص سوت لي سونار روتني الجنين واليوم المركز ولا شي سو لي بس اسالوني عندج الورقه الي تثبت انج حامل وبس وعطوني موعد يعني لا فحص ولا روني الجنين ولا غيره |
رد: ديوانية البحرين - دردشة حوامل البحرين - البحرينيات
افتحي لش ملف ف المركز اول... لان الخاص ما بيحتاج تأخير كل شي بسوونه لش من اول زيارة يعني بيعطونش بطاقة المتابعة و بسوون لش سونار فكل شي سريع
|
رد: ديوانية البحرين - دردشة حوامل البحرين - البحرينيات
السلام عليكم بنات انا اراجع عن الدكتوره مها في مستشفي الهلال في المحرق بصراحه وايد حبوبه وحتي الفحوصات اسويه اهناك اسعارهم جدا مناسبه وعندهم بكج حق المراجعه والفحوصات و السونار بعد ب 100 دينار بس |
رد: ديوانية البحرين - دردشة حوامل البحرين - البحرينيات
صباح النشاط .. صباح الامطار .. والله هالجو حلو .. بس لو تروح الشمس ..
شلونكم يا حوااااااامل |
رد: ديوانية البحرين - دردشة حوامل البحرين - البحرينيات
صباحكم خير
رحت المركز عطوني موعد يوم الخميس حدي ابي اتطمن على البيبي ما احس بولا شي بس ظهري يعورني ساعات ويروح خصوصا لما اقعد او بنام عادي ؟ امي تقول عادي توني في البداية لأن ! |
رد: ديوانية البحرين - دردشة حوامل البحرين - البحرينيات
مساءكن خير بنات.. ألم الظهر عادي فاطم بس ارتاحي كثر ما تقدرين... الحين لازم تاخذين موعد من الخاص بعد ...اني اول مرة رحت من غير موعد ..ماادري انتين وين بتراجعين ... يمكن اللي بتروحين ليها لازم موعد ... الحين يلا حركي روحش للخاص... اذا تبغين تتطمنين سريع روحي فوزية كمال بتسوي لش سونار و بطمنش ..
|
رد: ديوانية البحرين - دردشة حوامل البحرين - البحرينيات
بنات الم ظهري زايد كل ما امبطح يزيد وارقاد ما ارقد وغير مزاجي كل متنرفزه ومضايقه مو قادره اتفاهم مع احد كل ساكته واصيح
شنو اسوي لا اسالف ولا شي بس كله على منتدى تمللت والله |
رد: ديوانية البحرين - دردشة حوامل البحرين - البحرينيات
لا تصيحين حبابه مو زين للبيبي مزاجه يصير مو اوكي
حاولي تشغلين قرآن عشان تنامين واقري انتي بعد |
رد: ديوانية البحرين - دردشة حوامل البحرين - البحرينيات
أختي فاطم بنصحج ...
اول شي روحي المركز .. انتي قلتي ان رحتي وعطوج موعد حق يوم الخميس يعني بتروحين لازم بتودين معاج ورقة تحليل الحمل وبيطلبون منج نسخة من البطاقة الذكية مالتج ومالت زوجج وبيعطونج أوراق تروحين المختبر ويأخذون منج دم حق التحاليل .. تقريبا 3 غراش دم بيسوون لج فايل وبس هذي الموعد وبيعطونج موعد ثاني جريب .. هني بيدخلونج على الدكتورة وبتسوي لج وزن ولازم تاخذين معاج عينة من البول الله يعجز ولين دخلتي على الدكتورة بتسمعج نبضات قلب البيبي وبتحسب لج انتي باي اسبوع وبتشووف تحاليلج وبعدين كل شهر بيعطونج موعد بس على ماظن ان ما يعطونج موعد حق التحاليل الا بعد ما تدخلين الشهر الثالث ان شاء الله أنا اول 4 شهور كنت أعالج بالحكومي .. وبحملي الاول كامل كنت أعالج بالحكومي بس الحين لأني اشتغل وماقدر اروح مواعيدي الصبح عشان جذي اضطريت أراجع بالخاص العصر |
رد: ديوانية البحرين - دردشة حوامل البحرين - البحرينيات
اها الحين فهمت انا عبالي كلشي اليوم بيسونه لي
انصدمت اصلا لما قالت بتعطيني موعد hwaml02 شكراً جزيلا على التوضيح يعني انتظر شوي على سالفة الخاص hwaml13 عبالي المركز كلش كلش ما يسون شي |
رد: ديوانية البحرين - دردشة حوامل البحرين - البحرينيات
يسعد صباحكم ... شخباركم اليوم ؟
|
رد: ديوانية البحرين - دردشة حوامل البحرين - البحرينيات
صباح النوم.. صحصحو يا حواااامل ...
الله يقومنا بالسلامة .. |
| الساعة الآن 01:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .