|
رد: وش كانت ردة فعل زوجك لما قلتي لما بشرتيه انه بيصير اب
انا يوم رحت احلل مع زوجي هو استلم النتيجة ووجهه مو مبين عليه شي
ويقول اذيتينا ولعوزتينا وجبتيني المستشفى مش حامل مش حامل وانا مش مصدقته يوم ركبنا السيارة مع حنتي وزنتي عليه قالي انتي حامل خخخخخخخخخخخخخخخخ |
رد: وش كانت ردة فعل زوجك لما قلتي لما بشرتيه انه بيصير اب
هلا
انا على اول حمل ...تاخرت عليه اول شهر زواج و بعدين يت و زعلت واااايد و الشهر الثاني تاخرت يوم ..^^ جان نشتري التحليل في بيت امي و سويته و طلعت حامل و باركلي و حضنيجدام امي و خواتي خخخخخخخخ من الفرحه رحنا فحصنا دم و السستير اتقولي ما يبين ما مر شهر من اول يوم لاخر دوره و انا مصره اسوي تحليل الدم جان اطلع حامل ^^ و الحمدلله ....................^^ |
رد: وش كانت ردة فعل زوجك لما قلتي لما بشرتيه انه بيصير اب
اني طبعا قلت بس الى زوجي لما جا عرس اخويي دخلنا بكليب وباين عليي واااجد
سألني اخويي حامل قلت ليه اي بس بذمتك لا تعلم احد ترى مو بس اني الا كنت حامل اختي كانت بعد |
رد: وش كانت ردة فعل زوجك لما قلتي لما بشرتيه انه بيصير اب
انا كنت شاكة في نفسي اني حامل
حتى قبل لا تتأخر علي الدورة ...وقلت له عقب شهر راح اقول لك خبر حلوو..مادري كان عندي يقين في نفسي وقعد يفكر في شنو الخبر...بس انا ما لمحت له عن الحمل بتاتا ولما تأخرت الدورة..يوم ...يومين..ثلاثة..اهو شك..هههه قال لي انتي حامل؟؟هذا الخبر؟؟ قلت له مادري مو متأكدة بنتظر بعد كم يوم وبعدها قلت له روح اشتر لي تحليل منزلي راح من الصبح موو مصدق يبي يعرف بسرعة ورحت جيكت الا طلع خطين...ويوم شفته طلعت ارتجف اقول له تعال شوف الجهاز ويوم شافه ...فتح عيونه هههه وقام يطالعني ويطالع الجهاز بعدين لا ارادي صار يصيح ههههههه ويحضني ويقول شكرا يا رب على هالنعمة يمكن ظل ربع ساعة ع هالحالة ههه وصيحني معاه وانا ارتجف كنت خايفة يقول لي ارتاحي لا تسوين ولا شي انتي بس تدللي وارتاحي بالعصر رحت المستشفى تأكدت من الحمل والحمدلله ^_^ على نعمة الباري |
رد: وش كانت ردة فعل زوجك لما قلتي لما بشرتيه انه بيصير اب
السلام عليكم
الله يتمم لكم يارب أنا كان فيني احساس خفيييف لكن احاول انسى واقنع نفسي ان الدورة جايه وتأخرت يوم وخفت ويومين وثلاث قلت شكلي حامل لأنها بالعادة تتقدم ماتأخر وصرنا بين شكوك انا وزوجي ويوم جاء اليوم الرابع رحنا اشترينا التحليل كان متوتر واخذ الجهاز قال والله ماتحلليل الحين قلت اوكي اصلا ماراح احلل حاليا وانا ماقدرت اصبر احاول انسى عشان احلل الصباح صار بينا نقاش بالليل وتضايقت وراح ينام ونمت يوم جات الساعه 8 الصباح صحيت وطيران حللت طلع + وانا اسكت شوووي وحسيت بخووووف واكتئبت شوي لأني احس مو مستعده وشكرت ربي ودعيت ان يتمم بخير وبأتم صحه وعافيه ويصلح لي ذريتي ورحت لجوالي ارسلت مسج لزوجي وهو نايم عشان اذا صحى يلاقيه كتبت ( بابا " انتبه لماما " لاتزعلها ولا تضايقها يكفي انا بتعبها ... أشوفكم بعد 9 شهور إن شاء الله ) ماحسيت الا يصحيني الساعه 10 الضحكه شاقه حلقه يقول صحييييح !! قلت ايوة وباسني بس |
| الساعة الآن 05:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .