منتديات حوامل النسائية - قصه وآآقعيه (خيآنه ) (غدر ) (طعن ) (قذف )(تشهير) مآسآه متجدده

بسم الله الرحمن الرحيم
ألف شكر لكم حبوبآت والله يستر على عبآده فوق الآرض وتحت الأرض ويوم العرض

المهم ومنآر تحكي لي عن اختهآ حلفتهآ با الله هل هذي أول مره تقآبل فيه اسمآء حبيبهآ .. وبا الفعل حلفت لي انهآ أول مره وانه حتى ما لمسهآ وان فهد مرسول لهآ من رب العالمين عشآن يحفظهآ ...
قلت طيب كملي

قآلت حاله التشنج تجي أسماء لما يضيق صدرها أو تخاف أو احد يتكلم عليها يعني شي نفسي وفي يوم من الأيام تقدم لخطبه منار رجل اسمه زياد ولكن منار هذه المره صارت نفسيتها زفت من كثر ما تنخطب وبعدين يطيرون الخطاب من يعرفون ماضيها تعرفون البنت اذا لطخت شرفها الناس ما تغفر لها وتنشب فيها السمعه الشينه لما تموت صار جسمها نحيل من الهم والغم وعافت الأكل والشرب وصارت مثل الخادمه في بيت اهلها بس من المطبخ لغرفتها .. من غرفتها للمطبخ ما تطلع ولا تروح ولا تجي ومآ عندهم في البيت لا تلفزيون ولا قناه المجد ولا حتى تلفون ثابت تشدد من اهلها من بعد فعايلهم السود
طلب زياد من ولدها الشوفه الشرعيه وكانت منار متردده كثرا وتبكي طويلا جاء فهد وقال لمنار يا الله تعالي ادخلي على الرجال يمكن يوافق عليك ويستر عليك وهذه الكلمات كا سكين بنسبه لمنار تقتلها وتضعف دقات قلبها دخلت منار على زياد وخرجت فورا وهي تبكي قال زياد اذا فيه نصيب بدق عليك يا ابو فهد وخرج من بيتهم ... وهناء الكل كان في انتظار اتصال زياد وفي يوم كانت منار في المطبخ وفهد في الصاله يتحدث مع والد منار ووالدتها ويقول : يارب يا يبه زياد يوافق على منار يا ابوي لا تنسى إن منار متزوجه من قبل وشكلها عافت الأكل والشرب وصار حالها كذا لأنها تبي زوج وخلينا نزوجها قبل ما تدخل رجاجيل لبيتنا مره ثانيه يا ابوي طعني لو دق عليك زياد قله تعال خذها لو بمهر خمس الآلف ريال يا ابوي تكفى لا ترد الرجال ترا منار تبي رجاال .. إنا طاحت عيوني ومنار تحكي لي تقول إني سامعتهم وانا في المطبخ وقلت لمنار وهل هذا الكلام صدق يعني انتي بجد تبين رجال قالت لا وش ذا الكلام ؟؟
وجاء اليوم اللي الي دق فيه زياد على ابو منار واتفقو على يوم الملكه طبعا كل هذا في السر ما علمو احد عشان محد يخرب عليهم << ملتاعين
وبا الفعل تمت الملكه ودفع زياد مهر وقدره 20 ألف ريال
قلت لها طيب سالتو عنه وش هو من الرجاجيل ؟ قالت احمدي ربك احد وافق علي ! ... قلت لها علمي نفسك انتي اللي جبتي الهم والغم لك ولاهلك كانت ندمآنه بجد وتايبه ما عاد تعيدها تبي بس تتزوج عشان ترتاح من العذاب اللي حطت اهلها فيه
مواصفات زيآد
رجل حنطي الون يبلغ من العمر 67 عآم ( بس متشبب )
عنده خير وعنده فلوس وعنده محلات وعنده كل شي
متزوج وعنده 6 عيآآل
اكبر اولاده في الجآمعه وعنده بنت متزوجه
خطب وتزوج .. وما جلس غير شهر مع زوجته الثآنيه
يقول زوجتي الاولى ما تبيني انام معها وتعبانه وانا أبي اشوف حياتي
وبعد الملكه بيومين جاء اخو منار فهد وقال لها بعطيك من المهر ألف ريال
والباقي بعطيه ابوي وموب لازم تتقضين أخاف تدخلين رجاجيل في بيت زياد وترجعين عندنا .. اخذت دموع منار تنزل على خدها وقالت موب لازم تعطوني شي اذا زياد موافق اروح له بقميصي هذا إنا مستعده
وحددو يوم الزواج وبا الفعل تزوجت منار وعرف الناس وبعد الزواج بيوم كثرت الاتصالات على زياد ( الناس ما تخلي احد في حآله ) الكل يعاتبه على اختياره لهذه البنت التى نعتها الناس با (.....) بس ترا والله حرام على الناس إنا شفت بعيني إن البنت تابت وانها وقعت في هذي المصيبه بسبب رفيقآت السوء
وفي يوم دخل زياد على منار وقال لهآ بسآلك سؤال وجاوبي بصدق .
ليه زوجك الأول طلقك ؟ سكتت منار
قال طيب انتي مدخله بيت اهلك رجآل ؟ سكتت منار
قال جاوبي عادي إنا أسمعك قلت كلام الناس والناس ما تخلي احد في حاله والناس يزيدون في الكلام .. سكت زيآد
يبي يستدرج منار وقال لها إنا كنت متزوج قبلك تدرين ؟ قالت ايه سمعت
قال جلست معها 6 شهور وطلقتها واخذ يضحك ... كآنت منآر في صمت شديد وزوجهآ يحرق اعصابها ... قال زيآد
تعرفين المدرسه الفلانيه فيه مدرسه هنآك كل شوي تدق علي ! قالت منار وش تبي قال يمكن معجبه ... احترق قلب منآر مره أخرى ولكن زوجهآ زيآد مربيهآ كويس معلمهآ طريقه التعامل وطريقه الكلام الصحيحه للي تكلمه فيها
وهي انها ما ترد ولا تتكلم لما يآذن لهآ حتى لو قآل ابذبح امك ... ( عسى مآ شر ؟؟؟ ) بس منار راضيه لأنها ما تبي ترجع لبيت اهلها وتبي الناس ينسون وما تبي تتطلق مره ثانيه عشان خواتها اللي في البيت يتزوجون وكل هذا ثمنه غآلي وراح تعرفونه من خلال القصة
المهم قآل زياد ليه ما عند اهلك تليفون ؟ عشآن اهلك عارفين انكم تكلمون دشير ؟ هنآ ذرفت دموع منار وهي في صمت شديد .. تخآف ترد ويضآيق زيآد
قال يا الله إنا بطلع .. وخرج وبعد إن خرج وقفت منار عند المرآه واخذت تضرب نفسهآ وتقول كله مني .. كله مني ( حسيت منآر وهي تحكي لي انه زوجهآ طعنهآ وجرحهآ مليون مره وكآنت تبكي بحراره )
تخيلو احد يقولكم كذا ..... اعوذ با الله ... بس سبحان الله كل واحد يحصد اللي زرعه

للقصة بقيه مؤسفه جدا جدا
وهذا الكلام في الحآآآظر يعني من بعد زواج منار لزيآد كل الحكي من الحآظر وهي تعيشه وتعاصره وحآلهآ يصعب على الكآفر

بسم الله الرحمن الرحيم

خلونا نكمل يا حلوات وبما ان بدينا في الحاظر لازم تفهمون معي القصه زين
لان انا مخي تعب منها

راح احكي لكم شوي عن زياد عشان تعرفون نوعه من الرجاجيل اممممممممم
شايف نفسه عشان معه ريال يعني فلوس يحسب انه يملك كل الناس بفلوسه من قوانين زياد التالي
ممنوع سؤال وين بتروح وين بتجي ومتى بترجع للبيت
ممنوع الأكل عند منار يبي ياكل مع عياله فقط أو اصدقائه
ممنوع الخروج لسوق أو لصيدليه واللي تبينه اكتبيه في ورقه
ممنوع حضور الزواجات والحفلات والارحام هم الام والاب فقط
ممنوع الذهاب ألى منازل خواتك المتزوجات
ممنوع اتكلم بدون اذن
ممنوع التكلم في الثابت أو الجوال كثير متابع للفاتوره أول با أول يخاف يشوف رقم غريب
ممنوع اضافه أي رقم للجوال قبل إن يخزنه هو في جواله حتى لو كان جوال ابوها
ممنوع الذهاب للمشاغل
ممنوع تدق عليه جوال اذا صار خارج المنزل
ممنوع انه ينام وهي ما اعتذرت منه وتتاسف وتذل نفسها حتى لو كان هو الغلطان
ممنوع كثره زيارت للاهل مره وحده وساعه وحده في الشهر
ممنوع تنام قبل يجي حتى لو تأخر الوقت
ممنوع انها تشكي همومها لدفتر وللقلم
ممنوع تعارضه في أي شي يطلبه حتى لو كان الطلب يغضب الله ( هذي حطو عليها خط )
ممنوع انها تطلب أو تتقرب منه لهدف التودد لعلاقه جنسيه
ممنوع الخروج في مقدمه المنزل
ممنوع التعليق على أي شي ما يعجبها
ممنوع الخروج للمنتزهات
ممنوع طلب وجبات من المطاعم أو طلب تناول وجبه في احد المطاعم العائليه
ممنوع ن تحتفظ لو بعشره ريال في حقيبتها
ممنوع حتى تحط على جسمها كريم ترطيب يقول ابيك تخشنين < وجع مدري وش يحس به
والله العظيم يا كثر الممنوع وبطرق للممنوعات أخرى اثناء القصة بس وش العقاب إذا أخلت بأحد القوانين
بصارخ عليها ويهنها وما راح يحيها ثاني ويقفل عليها الأبواب لمده 3 أيام أو أسبوع
أهم شي عنده الأكل والشرب وبس غيره ممنوع الطلب
والله العظيم حتى الحيوانات ما تتقبل هذي العيشة بس منار مجبورة تصبر عليها وتعيشها لأنها ما تبي تتطلق ما تبي تعيد مآسآتهآ
طبعا لمنار هذي جاره من المنطقه الجنوبيه وبما إن جارتها بعيده عن اهلها تلاقينها كل يووم عند منار ههههه على الأقل تسليها شوي طبعا جاره منار تجي عند منار ومنار ممنوع تروح لها
ومرت الأيام ومنار متحمله الضيم والظلم وساكته طبعا زوجها يراقب منار بكاميرات تجسس إنا قلت الكلام هذا الحين بس هي ما عرفت إلا بعدين المهم انه يراقبها في تحركاتها ويشوف كل واحد يدخل البيت ومرت الأيام وزياد ما لقى شي يمسكه على منار طلب زياد من منار إن تنقطع عن جارتها وتمسح رقم جوالها ولا تفتح لها باب الشقه ومنار أكيد راح تنفذ الأوامر هذي طبعا زوج جاره منار يصير صديق زياد للمعلومه فقط
ومرت الأيام على انقطاع العلاقه وفي يوم من الأيام قال زياد لمنار طليقتي اللي قبلك تكلمني طبعا لازم منار تسكت وهي قصيميه ما عليها حلووه بس أنتي احلى منها ابتسمت منار فرحه انه قال أنتي احلى منها
سكت شوي وقال دايم تدق علي شكلها مشتاقه لي .. انفجرت دموع قلب منار وتكاد تخفيها ... قال زوجها هي فقيره مسكينه وساكنه في الحي المجاور ومنار تحترق ويديها ترجف وما تقدر تنطق ثم قال ليش ما حملتي
شكل ما فيك عيال قالت منار كل شي بيد الله والله كريم قال لها زوجها زياد أصلا لو حملتي حطي في بالك إن الولد بيتربي مع اخوانه في بيتي الأول فزت منار من مكانها وقالت هذا ولدي وانا امه وش دخل زوجتك الاوله تربيه تدرون وش رد عليها ؟؟؟؟
طبعا أول شي بقولكم أنها تكلمت بدون اذن يعني الرد بيكون صاارم
قال زياد وأنتي ما تجين ظفر اصبع رجل زوجتي الاوله ..... تقول منار حسيت إني بموت حسيت الدنيا تلف وتدور حسيت بيغمى علي وتركها وطلع طبعا زعلان
لا حول ولا قوه إلا با الله حسيت انه رجاال حقيررررررررر
ومرت الأيام وفي يوم اخذ زياد جوال منار واغلق عليه باب الغرفة ودق على .... لو اقولكم ما راح تصدقون ؟ تدرون من دق عليه ...؟ دق على جارتها ؟؟؟
قال : الو
الجآره : هلا
زياد : فلانه
الجآره : ايه
زياد : إنا زياد زوج منار ممكن ادق عليك من جوالي ابيك ضروري في موضوع يخص منار
الجاره : خلاص دق انتظرك
تدرون وش نيته يوم يدق ؟؟؟؟؟؟؟؟؟؟؟؟
هو عنده هوس حريم يعني يحب الحريم وبذات الحريم المقربين منه عشان محد يشك فيه ومحد يشك في دخلات الحريم لبيته كا نهم جايين يزورون زوجته يعني
المهم راح تفهمون قصدي خلال القصة
لاكن الجاره قلبها ما ارتاح والأصابع ماهي سواء دقت الجاره على زوجها اللي هو صديق زوج منار وقالت لزوجها تخيل زوج منار عقب ما منع منار من صحبتي دق علي من جوال منار وقال ابيك ضروري وبدق عليك من جوالي
قال زوج الجاره طيب كلميه وانا جاي في الطريق
المهم ويدق جوال الجاره وترد الو
زياد : شخبارك
الجاره الحمد الله وش تبي
زياد : قال معقوله ما عرفتي وش أبي
الجاره لا والله ما عرفت منار فيها شي
زياد : ابيك تجين للبيت عند منار بس إنا بصرف منار بخليها تروح لبيت اهلهاا وأنتي لا تعلمين زوجك يعني كانك جايه لمنار
قالت الجاره : يصير خير يا الله مع السلامه
وصل زوج الجاره وقصت الجاره كل شي لزوجها لم يصدق معقوله زياد كذا اعوذ با الله والله انصدمت فيه
ويدق زوج الجاره على زياد قائلا
والله انك خسيس تبي تدخل حرمتي بيتك وزوجتك عند اهلها يا اللي ما عندك رجوله ولا غاريه علي حريم المسلمين هذا وانا جارك يا الخسيس تبي تخوني
اسمع حنا لا جيرانك ولا تعرفنا ومالي الشرف لجار مثلك
وياليت تطبق الكلام هذا على نفسك تخيل إنا اللي مكلم حرمتك وابيها با الحرام وش رده فعلك يا حيوان اكيد بتطلقها وماراح تصدق بس انا واثق في حرمتي
وزيآد في صمت شديد << سبحآن الله كل قوي فيه اللي اقوى منه

وللقصه بقيه واحداث مثيره
انتظروني
محبتكم كادي