المشاركة الأصلية كتبت بواسطة بيرى (المشاركة 609005)

والله يااختى انت عندك حق بقالى سنتين كنت بعانى من اجهاض متكرر حصل حمل اول شهر جواز وبعدين حوالى 6 مرات اجهاض لغاية اما اهل جوزى بقوا يقولولى انت بطنك عمرها ما حتشيل عيل وكفايه مصاريف ابننا على العلاج كده وكنت بشغل نفسى بيهم وبكل طرق الحمل والمنشطات لانى جت فتره حوالى سنه مش كان بيحصل ولا حمل ولا اجهاض وكنت بروح لاى دكتور اسمع عنه بس فى رمضان اللى فات قررت انسى كلام اهل جوزى ومعاملة جوزى ليا والدواء والدكاتره وبقيت مع ربنا استغفر واصلى وادعيله واكلم معاه واصلى صلاة حاجه وندرت ندر بينى وبين الله ودعيته انى اشوف طفلى على ايدى فى رمضان اللى جى تصدقوا انى دلوقت حامل وربى ثبت حملى وانا والحمد لله فى الشهر الرابع وميعاد ولادتى فى رمضان اللى جاى شوفتوا ربنا كريم ازاى خليكوا معاه هو وبس ومتياسوش ابدا وادعيولى ربنا يكملى على خير وربنا يرزق كل محرومه اللهم امين