المشاركة الأصلية كتبت بواسطة زوجة مهدي (المشاركة 3947102)

السلام عليكم ورحمة الله وبركاته
إياك ثم إياك ثم إياك أن تقولي له أنك اكتشفتي خيانته
لانو لو خبرتيه بخيانتو مالح تقدري تعيشي معو
ولو عشتي معو الخيانة لح تصير شي عادي بالنسبة إلو
ولح يضل يخونك ويئول بكرا تسامحني كرمال الأولاد اكيد مالح تتركنى
اوعي تخلي يعرف انو انتي كرمال أولادك بضلي معو
هالشي غلط حبيبتي
وهالمرا اكيد مالح تترك جوزا بس مبين انو تعودت ع حكي الموبايل وبس
مابدا اكتر من هيك
انتي عليكي تجددي حياتك
منجي هلا لمفهوم تجديد الحياة
اول نقطة الدين وهو أساس الحياة
لازم يكون في نشاط ديني بين كل المتزوجين أقل شي قراءة سورة الملك سويا قبل النوم أو أية الكرسي ع الأقل وياحبذا لو يقوما الليل سويا حتى لو بركعة واحدة أي الوتر
وياريت لو يكون في مجلس ذكر واحد ع الأقل في الأسبوع
هذا هو طعام النفس فتشبع النفس ولاتقرب المحرمات
طبعا كل بتوفيق من الله بس لحنا مناخد بالاسباب
ونسأل الله التوفيق
ذكريه ونفسك بالموت ولكن لا تكثري كي لايمل منك مثلا لو في جنازة عند الجيران أو سمعتي أي حدا مات قولي ااخ والله كل يوم عم يموت حدا الله يرزقنا حسن الخاتمة
وهو طالع من البيت قليلو وفقك الله لما يحبه ويرضاه
أحبك زوجي واحضنيه وقبليه هاي لازم بشكل روتيني متل الأكل والشرب وقت بكون جاي من العمل كمان احضنيه واخبريه كم انتي مشتاقة له وانزعي له معطفه وساعديه على نزع البقية واحضري له شبشب البيت وكمان حضري حمامو أو غسليلو رجله واعمليلو مساج وحطي فازلين ع رجلو أو كريم خاص
اساليه لو هو راضي عنك ولو في شي بدو ياه تغيريه من صبغة شعر ....
اطلعي معو لمحلات الثياب النسائية وقوليلو ورجيني ستايل يالي بتحبو
كيف بدك ياني البس
غيري ستايلك بالبيت مو ضلي بقميص نوم أو بيجامة طول الوقت وقت تفوتي ع البيت لازم تلبسي لباس متبرج لزوجك كرمال عينو ماتزيغ براة البيت لازم تلبسي احسن منن روب قصير..تنورة قصيرة...شورت...المهم كل اواعيكي لازم تكون فاتنة ولازم ضلي تتمكيجي إلو يعني حاولي تكوني طول الوقت متمكيجة بس وئت الوضوء وبعد الوضوء بتحطي مباشرة مكياج
وحافظي ع نظافة جسمك وبيتك وبنتك كمان
وكمان العطر تعطري وانتي بالبيت طبعا مو براة البيت لانو العطر براة البيت يعتبر من الزنا
كل ماتفوتي ع البيت حطي عطر وقت النوم كمان
ازا كنتي بالمطبخ واجا هو دق الباب دغري حطي عطر بعدين فتحي الباب كرمال مايشم فيكي رائحة البصل ههههههه أكره شي عند الرجال هههههههه

ويا اختى أهم من كل هاد الدعاء وقيام الليل من أجل صلاحه ونيل الجنة كذلك مو بس كرمالو
والصدقة
لانو كتير شغلات تصيبنا في الدنيا من ذنوبنا وهي بلاء كرمال هيك لازم نراجع أنفسنا كمان
وكمان ابتلاء أي زيادة في الحسنات
أصبري حبيبتي
واحتسبي الاجر عند الله تعالى
ولاتحكي لحدا لا أهل ولا رفيقة
لو أهل بينزل من عينن للأبد وتصير المشكلة أكبر
ولو رفيقة يمكن هي كمان يصير بدأ تتسلى معو ال هاد قابل للتطبيق

ووفقنا الله وإياك لرضاه
أسأل الله أن يجعلنا واياك قرة أعين ازواجنا
وان يهدينا وإياهم
ويرحمنا ويغفر لنا ويرزقنا حسن الخاتمة.

المشاركة الأصلية كتبت بواسطة أسيرة زوجي (المشاركة 3947710)

الله يوفقك حبيبتي

أسلوبك في معالجة الموضوع اعجبني

اكملي على هذا المنوال

و ان شاء الله تتحسن الاوضاع

المشاركة الأصلية كتبت بواسطة انثى تكره الظلم (المشاركة 3948094)

المشاركة الأصلية كتبت بواسطة غادوشكا (المشاركة 3952696)