|
رد: التجمع المغربي الجديد لتجديد الامل و مرحبا بكم من كل بلد
ايوا اختي الله يرحم ميمتك و جميع موتا المسلمين لموت صعييييييييبة و لكن هدي هي سنة الحياة و الحمد لله على كل حال, والله يخلي ليك راجلك كيف قلتي راه هما للي مصبرينا و صابرين علينا
انا احبيبتي درت اشعة صبغة و الانابيب مزيانين ولكن قالليا طبيب عندي شي حبيبات فالوالدة هوما للي حابسين بحاللا دايرا اللولب و قالي خاصني كورتاج باش يحيدهوم هي هاديك درت لكورتاج و لحمد لله و حتى راجلي دار تحاليل عندو نقص بسيييط, اوا درنا دوايات و ماجابش الله ياختي الاطباء اكتريتهم باغين غير لفلووس و الى بقيتي تابعاهم تصطاي انا دابا درت للي عليا و الكمال على الله بالنسبة للدورة عندي مخربقة كل مرة و اشنو كايقول ليها راسها هههه |
رد: التجمع المغربي الجديد لتجديد الامل و مرحبا بكم من كل بلد
على المنظار غير توكلي على الله كنت قريت فالمنتدى وحدة شي 8 سنين و هي كتسنا اوا و هي دير لمنظار فنفس شهر حملات مسكينة و كيبقى غير سبب و الكمال على الله
|
رد: التجمع المغربي الجديد لتجديد الامل و مرحبا بكم من كل بلد
بعدا راني لقيتك نتيا نتوانس معاك لبنات لخرين غبر ليهم الاتر كانت جماعتنا زوييييينا كاندخلو فمرة و كلنا كنهدرومكتبقايش عارفا راسك معمن كتهدري ههههه توحشتهم بغيت غير نعرف اخبارهم ياااااااااااربي يكون غير لوحم للي مغبرهم علينا و يرجعو يبشرونا فالقريب العاجل ان شاء الله
|
رد: التجمع المغربي الجديد لتجديد الامل و مرحبا بكم من كل بلد
hwaml7أهلا حبيبة هانا معاك حتى أنا راني مسالية ههههههه والله راني منين لقيتك كتبتي ردودك فرحت hwaml13
وقلت مع راسي ماكاين غير شمشومة بالتجمع هههه حاسة بأننا أنا وياك بحال بحال والحجرةhwaml5 ماكاتقاداش لينا من الهضرةhwaml02 غادي دغيا نفتحوا تجمع جديد هههه لله يسرلك حبيبة والمهم درتي لي عليك كيف ماقلتي والكمال على الله بالنسبة للمنظار وي حبيبة راني الموضوع لي قلتي ليا تاع الأخت لي حملات من بعد الله والمنظار هو لي زعمني وكذلك إقترحاتو عليا واحد الأخت بواحد من مواضيعي يعني قلت يمكن يكون أبسط الأشياء ماكاتبانش ليهم بالسونار العادي يمكن المنظار يكشفها خصوصا كنت حملت مرة طبيعي ومن بعد الكورتاج ماحمتلش وكانتمنى نلقى شي سبب كان مانعني من الحمل ربي يشافيه هاذ المساء راجلي غايدوز معاه لعند دكتور الأسرة وغايسولو ويارب يعطيه ورقة باش ندير الموعيد باش نعملوا غانرد عليكم الخبار أش دار معاه |
رد: التجمع المغربي الجديد لتجديد الامل و مرحبا بكم من كل بلد
هههه زوينة عندك هاد شمشومة لبنات فالتجمع لقديم كانو كايقولو ليا مشيميشة و انت زدتيني وحدة اخرى لهلا يخطيك الزين المروكي ههه, كيف قلت حتى انا مساااااااااااااااااالية ماكاين ميدار غيركانسالي شقا ديال دار و نشد لورديناتور على مايجيب لينا ألله معامن نتوانسو
اوا اختي احسن حاجة صلي صلاة استخارة و توكلي على الله الا فيها لخير غدي ديريها و الا مفيهاش لخير غدي تعكس من عند الله اوا متغبريش باش مكان قولي ليا لجديد الله يفرحك و يفتحها فوجهك و تحملي هاد شهر يااااااارب امين |
رد: التجمع المغربي الجديد لتجديد الامل و مرحبا بكم من كل بلد
ههههه مشيميشة الزين لباس أنا راني دلعتك زعما لكن واقيلا معرفتش كاتبان مشيميشة أحسن سافي غانبقا نقوليك مشيميشة وإن شاء الله تولدي لينا شي بريقيقة وشي تفيفيحة وشي رميمينة وشي بريطيل هههههههههههههه http://forum.hwaml.com/imgcache2/hwa...271656_290.jpg راني وليت حافظة ساعتك ديما تدخلي هاد الوقت كيف عامل الجو بكازا |
رد: التجمع المغربي الجديد لتجديد الامل و مرحبا بكم من كل بلد
ا زين للي جا من عندك عسل بحال مشيميشة بحال شمشومة الله يرز ق غير الصحة و السلامة ههههههه
ياختي بزاف عليا غدي نولد هادوك كاااااااااااااملين بغيتي تغرقيني, عرفتي ديما كنت كنقول باغيا نولد ربعة ديال دراري و ملي قلتيها دابا تخلعت هههه جاوني بزااااف, اوا من لخير للي جات من عند الله مرحبا بيها الجو فكازا شوية مغيم راني صبنت اليوما بحال ناس لحادكييين هههه كانكره تصبين و الشقا مكرهتش نبقا غير جاااااااااالسة هههههه ونتي كي داير الجو عندك, فانا بلاصة ساكنة و شحال ديال لوقت بيناتنا يالله سرسر الغزال |
رد: التجمع المغربي الجديد لتجديد الامل و مرحبا بكم من كل بلد
اقتباس:
أنا ياحْبِيبْتي بعيدة على المغرب ب 3600 كلم 3 دسوايع بالطيارة 3 أيام بالسيارة توحشت بزاااف واقيلا غانديرها ونمشي للمغرب فشهر يناير هاذا لي جاي إيلا درت المنظار آه على قولت المنظار راه لبارح جاب راجلي الورقة من الدكتور ديال الأسرة وجا للدار وقلنا نتاصلوا نشدو موعد وقالت ليه السكرتيرة لي كاتعمل المواعيد مشا لحال دابا حينت كانت باقا شوي للثامنة وهوما كملوا الخدمة وقالت ليه حتى لليوم يتاصل بكري شوي باش نشوفو إمتى يعطونا الموعد إيوا نتمناو مايطوه لينا بعيد بزاف ومانكره نديرو قبل شهر يناير أو ماشي مشكل حتى نجي من المغرب إيلا مشيت بغيت نمشي عند واحد الدكتورة بمراكش كاينة حدانا كايقولو عليها شاطرة بنت العائلة ديالي تبارك الله دابا عندها ثلاثة توائم دكور من بعد الله وهاد البنت هي سليمة وبقات من ورا إجهاضها سنة منين مشات عندها عطاتها شي دوا ماعرت واش منشط ولا مانعرف المهم قالت ليها راه نتي سليمة وبهاد الدوا يمكن تخاطري ويكونو عندك التوأم وقالت ليها غير عطيه ليا وسبحان الله راه وليداتها دابا عندهم شي ثلاث سنوات ومرت خال صاحبتي يالاه ولدات هاذ اليامات وحملات حتى هي بالتوام ساع واحد مات بأول الحمل وبقا لاخر باقي ماسولت صاحبتي كاع أش ولدات المهم هاد السيدة ستة عشر سنة ماخلات حتى دكتور وفالآخر ليها سبحان الله هاد الدكتورة جاب الله عليها التيسير وراجل هاد السيدة هو خال صحبتي كانوا عندو دوالي وبقات معاهم وتبارك الله راه فرحهم ربي هاد اليامات بمولود وقالت ليا صحبتي أجي للمغرب ونعطيك عنوانها وانا فكرت فهادشي صراحة هنايا hwaml15ماداروا معانا والو غير بركوا عليا بالتلقيح كي شي فأرة تجارب أنا ماباغاش تلقيح يمكن غير شي حاجة بسيطة نقدر نحمل من جديد الله يدير لي فيها الخير وصافي ناري أنا أمشيميشة إلَ شديت لكلافيي صباعي كايلصقو عليها hwaml5 ماكانتقاداش ياك خخخخخخخخخ |
رد: التجمع المغربي الجديد لتجديد الامل و مرحبا بكم من كل بلد
الله يعطيك الصحة الزين لمراكشي و الله يفرحك بشي جوج توام دراري تابعينهوم جوج توام بنات هههه حتى متلقايش لوقت باش تحكي راسك غدي نضحك عليك مزيان و بقى نفكرك عققققققققققققلتي مللي كنتي مرتاااااااااحة ماقال هز ماقال حط هههه
و الله حنى فنعمة مغدي نحسو بيها حتى نغرقو دراري اوا الله يكتب علينا مكتيب الخير وان شاء الله يعطيوك شي موعد قريب و ديريه و تحملي فنفس شهر و تجي لبلاد و نتي كتوحمي و كتشهاي و بغيت هادي لا لا مبقيتش باغياها بغيت لوخرا ههههه ياختي انا ان شاء لله ملي نحمل غدي نتفشش على راجلي مزياااااااااااااااان قوليليا شحال عندك ديال لخوت و لخواتات |
رد: التجمع المغربي الجديد لتجديد الامل و مرحبا بكم من كل بلد
مساء الخير عليكم واش احوالكم..ان شااء الله راكم بخير..صح فطوركم وربي يتقبل صيامكم
ربي يفرحنا كااامل بالحمل الثابت السليم ياا رب....ربي يتقبل منا ... |
| الساعة الآن 07:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .