رد: تجمع لافكار تحضير الضيوف في النفاس
 

فيونكة فوشي عليك بقراءة سورة البقره قسميها على 3أيام أو حاولي تقريها يوميا وبآذن الله يزول..أنا جاني مثلك وعلى الله ثم عليها..

رد: تجمع لافكار تحضير الضيوف في النفاس
 

شاي وقهوه وكذا ترمس
ويانسون وقشر وقرفه ونعناع
توزيعات سويت كذا نوع
أشتري من دانكن دوناتسالدونات المني وأحطهم في أعواد الشوي وأحطهم بفازا
كوب كيك
بقلاوه
فطاير وورق عنب

رد: تجمع لافكار تحضير الضيوف في النفاس
 

أنا مع مرونه وبنت طيبه وكلاااامهم جدااا صح .. وانا قد كتبت هنا في تجهيزاتي للنفاااس ماراح ابااالغ ولااا اتفشخرر ليش احرق ع نفسي وانا بعد م طلعت من الاربعين ولا سويت الحفلة .. اذا حطيت توزيعات وهدايا للاطفال وجبت كل شي وش باخلي لبعدين .. ماراح اتكلف راح احط طاولتي العادية حقت غرفة الجلوس حلو مقاسها جدا ارتب عليهااا صينية تمر اكون مغلفتهاااا وطبعا باي شكل احبه مزينتها سمسم جوز هند حشوه لوز اي شي بسيط .. وصحن شوكولاته من ماركة طيبه ومعروفه وتغليفته نفس الوان البيبي وصحن واحد موالح .. ليش الزحمه الناس جايهه تتطمن علي وتبارك .. وعن نفسي ما راح اتكشخ ولا البس فستان لاناعم ولا غيره اللهم كحل فعيني عشان الهوا ما يدخلني واكون مرتبه نفسي بجلابيه ناعمه جدااا وهاديه اقل بعد من جلابيه .. واكون قاضبه سريري الناس م تعطي خير ..

رد: تجمع لافكار تحضير الضيوف في النفاس
 

واذا طلعت ع خير وسوينا حفلة البيبي التمايم .. حطينا افكار حلوه وبسطنا الاطفال ووزعنا الهدايااا وكشخنااااا وكل هذا بالمعقووووووووووووووووول وبحدود.

رد: تجمع لافكار تحضير الضيوف في النفاس
 

انا من القصيم وطبيعي يجيبون الضيوف معهم قهوه وشاهي وحلويات وفطاير00الخ
ليه انا اللي اشتري وهم بيجيبون انا بس اجهز فناجيل وبيالات وتمر وشاهي الاعشاب حقي
وممكن اشتري صينية شوكلاته حقت مواليد من اي محل فخم
وبالنسبه لتوزيعات بالتمايم ان شاءالله اذا طلعت من الاربعين

رد: تجمع لافكار تحضير الضيوف في النفاس
 

برود الثلج الف حمد لله على سلامتك ومبروك ماجبتي :)
الله يسهل علينا الحوامل يارب

انا بكريه بس الضيافه للنفاس حلى وشاي وقهوه وعصير والتوزيعات للبيبي
وممكن مقبلات ورق عنب معجنات فطاير
بس اللي افكر فيه هو كيف اقدمه للضيوف وماحب اسوي تلبيسات
شكلها مبالغ واحسه دفاشه
حلاة التلبيسات للتوزيعات ومفرش البيبي يكون فيه تميز والمفرش حقي وخلصنا ههههههههههههههه


والله يساعد الجميع يارب

رد: تجمع لافكار تحضير الضيوف في النفاس
 

كب كيك.......http://forum.hwaml.com/t85716-2.html

رد: تجمع لافكار تحضير الضيوف في النفاس
 

يعطيك العآفيه يَ الغلآ
كلنآ محتآجين والله نعرف أشيآء جديده ومميزه في التقديم
أنآ في نفآسي الأول ونفآس آختي وأمي
عآدة نقدم العصآئر الطبيعيه في البدآيه وبعدهآ القهوه والحلويآت ( بقلآوه .. معمول .. تمريه .. لبنيه .. الجوهره السودآء .. عآد كل وحده وذوقهآ )
طبعآ الحلويآت لآنه عآده نصلح أشيآء كثير نقطعهآ قطع صغييره ونحطهآ بقوآلب متوسطه أو صغيره شكلهآ حلوو للتقديم والله الحين أنآ بشتري منهآ لنفآسي هذآ
وأريح لك من التقطيع الكبير وبعضهآ تتفتت عليك مثل البسبوسه وتوسخ ضيوفك ويحتآسون فيهآ
بعد القهوه بشوي نحط مكسرآت إلين يجهز الشآي
مع الشآي ( بيتزآ .. مقليآت مثل السمبوسه والسبرنغ رول والمعفش .. ورق عنب .. عيش بِ الجبن ... وكل وحده وذوقهآ )
عآد المعجنآت نخليهآ صغيره يطلع شكلهآ أحلى وأرتب ..
أحيآن نحط شآي سآده ونعنآع سآده للي يحب يشرب النعناع لوحده ..
وإذآ طولو ضيوفنآ ممكن نسوي قهوة لوز أو قهوه قشر حآليه .. تعجب ضيوفنآ وشكلهآ حلوو في التقديم ..

وبس يَ الغلآ
ميغسي
^_^

رد: تجمع لافكار تحضير الضيوف في النفاس
 

السلام عليكم
هذي أول مشاركة لي بالمنتدى والموضوع يهمن
أنا حابة أسميه (ادهار النفاس)
في ولادتي الاولى أنا ماسويت ذاك الشئ الي يذكر يعني كل شئ بسيط
اولا لان مرة تعبت في حملي وثانيا لان صراحة ما كنت اعرف عن هالشئ ومعارفي مايسون هالحركات
المهم تندمت بعدين
لان حريم اخوان زوجي ولدوا بعدي ومره بدعوا ماخلوا شئ من لبسها ولبس تقديم البيبي ومفرش وتقديمات وفاظات وورود بالغرفة لهدايا المواليد ومره ذوق الى العشاء مره ابداع
الصراحة ضاق صدري من عدم معرفتي بالهشئ وصرت بين نارين داخلين ودي بولادتي الثانية ادهر وابدع بس خايفه يقولون غارت وقلدتنا واحيانا اقول ماراح أسوي شئ بس أخاف يقولون هذي للحين ما تسنعت خصوصا ان اهل زوجي يحبون المظاهر
صحة الجنين هي اهم شئ اكيد وياما حريم ادهروا وجهزوا ويريد الله ويموت الجنين بالولاده او بعده بكم يوم
بس ما اخفيكم سر الى الحين ندمانه عن اشياء كثيره ماكان عندي خلفيه عنها ومن بينها هالشئ

رد: تجمع لافكار تحضير الضيوف في النفاس
 

هههههههههههههههه ليني انا مثلك

انا بكريه وفي بالي افكار وش كثر بس مو مرتبتها
واخاف ما اسوي واندم واخاف اسوي ويطلع مو نفس اللي ابيه
وبالعكس بولادتك الثانيه ابدعي ماراح يقولون منقهره او تغار او .. الخ
انتي بدعي لكن بطريقتك انتي

والله يسهل علينا