|
رد: .·¤ تجمع الحوامل اللي ولادتهم في محرم¤·.
صباح الخير ،، صباح الجوع والعطش الموطبيعي :(
انا الحين رايحه المستشفى عشان فحص السكر بالدم ،، دعواتكم ،، بنت تبوك ،، ربي يسلمج يالغاليه ،، انتي العسل كله فديتج ،، وربي يسمع منج واجي اطمنكم ان مافيني شي ،، وردة الجوري ،، فديت قلبج يالغاليه ،، وربي من طيبج حياتي ،، وربي يسمع منج ويكون مافي شي ،، وارجع اطمنكم واتطمن ،، اعز الناس ،، ربي يعافيج ياقلبي ،، وان شاء الله يطلع مافي شي ،، روح الورد ،، ماعليج شر يالغلا ،، وربي يبعد عنج كل شر يارب ،، طمنينا عنج رحتي المستشفى للحساسيه او لا ؟ ولو مارحتي استعملي عليها (كريم صودو) العلبه الرصاصيه تبع الاطفال راح ينفعج كثير ،، وربي يسلمج من الشر وان شاء الله اخلص واطمنكم ياقلبي ،، دلع ،، ربي يعطيج الصحه والعافيه يالغاليه ،، وهذي الزوارات ماتخلص وتهلك الواحد والله ،، ربي يعينج ،، ولاتحاتين دامج متكله على ربج وتقرين على نفسج ومحصنه روحج خلاص مافي داعي تخافين ياقلبي ،، خلي ايمانج بالله قوي وربي يبعد عنج كل عين وكل حاسد وحاقد يارب ،، استمتعي بهاللحظات ماتتكرر الا مره وحده بالعمر ياقلبي ،، وربي يسلمج من الشر يالغاليه ويسمع منج ويكون فعلا مافي شي ،، ولو مفلسه اشتري على مهلج ،، شوي شوي لين تقضين كامل اغراضج ،، افضل لج ولزوجج بعد ،، وربي يخليكم لبعض ويحفظكم ،، وطبيعيه الضيقه والنفس المتقطع ،، انا صار لي كم يوم احس هالاحساس ومضايقني حيل ولما الدكتورة قالت لي ان البيبي بدا يكبر ويضغط الرحم على فوق استانست وصرت كل ما احس بالضيقه اضحك واستانس ،، هههههه تحسين بتغيير كل شهر مع التصوير صح ؟ حلو الشعور ،، انا كل يوم اصحى زوجي يشوفني يقول حلوة دبتج صارت كبرت شوي ،، هههههه >> متخرع مسكين نقص الحديد يسبب لي الدوره ويسبب صداع مو طبيعي ،، منها اعرف انه ناقص عندي ،، لانه بينقص الدم عندي ،، والنونو ما راح يتأثر من النقص كثر ما انتي راح تتأثرين لان هو راح يسحب من عظامج واسنانج ،، وانتي راح تهلكين بسم الله عليج ،، ام اسكندر ،، ربي يعطيج الصحه والعافيه يالغاليه ،، وكلها ايام وراح ترتاحين ان شاء الله ،، وعيشي الاسترخاء ههههه ويسوون رباعي بالاسبوع 22 عادي يالغلا ،، لان ماباقي لج شي وتدخلين السادس ،، يارب تروحين موعدج وتجين تطمنينا على صحتج وصحة النونو وهذا الاهم وبعدين نتأكد معاج من جنسه ،، ويارب يكون اللي تتمنين ،، وحلاته النونو يكون صغير لكن فيه شوية لحم ،، يعني مو معصقل حيل ههههه بعدين تخافين حتى تشيلينه ،، والتغذية انا اول ما حملت زوجة خالي ربي يحفظها قالت بعطيج نصيحه لوجه الله ،، تغذي عدل عدل عدل عشان الحين انتي تبنين كثير اشياء بالنونو ولما تولدين راح ترتاحين لما تشوفينه بصحه وعافيه ومناعته تقوى ،، وانا اقرا كلامج عن ولادتج باسكندر والصور اللي عندج جاتني قشعريره ،، يالله شنو حلو الشعور ،، ولما تشوفين هالصور والفيديو تحسين باللحظه ذيك كأنها توها صايره ،، |
رد: .·¤ تجمع الحوامل اللي ولادتهم في محرم¤·.
رحت اليوم بندة اخيــــــــــــرا
ياربي قد ايش الزحمة عند الكاشير بس الحمدلله اخذت حضرة الطعام اللي في العرض حق 199 http://forum.hwaml.com/imgcache2/hwa...786279_253.jpg بس على فكرة شكلها مو كذا حاطين صورة خلاط ثاني بالكتالوج بالغلط واليوم عصرنا فيها ياسلاااااااااااااام وربي افتقدت للخلاط بالمطبخ تراه انكسر من شهر وزوجي كل مرة يأجل الشراء ومريت اشوف العروض حق التلفزيونات لاني ابي ابدل تلفزيوني بشاشة اكبر لقيت سامسونج 43بوصة بـ 1600ريال ودي اشتريه بس قلت بشوف عروض اكسترا كمان والله اعلم متى بيتفرغ لي ابو اسكندر اكيد بعدما تكمل العروض بنات انتو اخذتو شاشتكم بوقت عروض ؟؟ وكم اسعارها؟؟ لان جارة اختي تقول لي اخذت تلفزيونها من اكسترا وقت عرض بـ 700 ريال !!!!!!!!!!!! اذا اكسترا تنزل عروض حلوة زي كذا رح اصبر بس ما ادري متى حينزلو ماني متابعة لهم وابي ابدل كل شي واصلح بيتي قبل النفاس اه نسيت اقول اخذت من بندة 3 علب كلوركس بسعر ثنتين واخذت كريم كراميل بسعر مخفض ولله عروض رووووعة كانت فيه مع رمضان بس ماتحملت ازيد الف عشان جنيني ربي يحفظه كان ضاغط ع المثانة وحسيت اني خلاااااااااااااص حشراااااااااااااانة واستعجلت بالخروج وبمجرد خرجت من بندة الاخ ارتفع لفوق وساب مثانتي في حالها شغلة عناد :( ربي يحفظه كيفما كان طبعه ^_^ |
رد: .·¤ تجمع الحوامل اللي ولادتهم في محرم¤·.
صباحك فل مراوي
ان شاء الله تطمني بالفحص باذن الله ودامك ايمة يعني بتكون النسبة طبيعية باذن الله تراني ماصبرت اصوم كل ذي الساعات وماصمت غير 7 ساعات وطلع الفحص سليم ولله الحمد وعقبالك تطمني |
رد: .·¤ تجمع الحوامل اللي ولادتهم في محرم¤·.
يلا تصبحو ع خييييييير
|
رد: .·¤ تجمع الحوامل اللي ولادتهم في محرم¤·.
دخلت المختبر وعطتني عصير (جلوكوز) اشربه وقالت لي انتظر لين 8 و عشر ادخل لها مره ثانيه عشان التحليل ،، العصير حلو وبارد بس يذبح احس نفسي ابي اشرب ماي عليه ،، لان كله سكر ! هذا بروحه يسبب السكر ههههه
|
رد: .·¤ تجمع الحوامل اللي ولادتهم في محرم¤·.
مراوي ربي يطمنك ياربي وعاد عملي احتياط ودي فطيره وياك
لان الفحص يسونه لك مرتين مره وانتي صايمه ومره وانتي ماكله ويقارنون وانا الضيقة مو على طول تروح وتجي بس تزيد لما اكل شي حالي ولا اجلس في الحر وفديتك انتي ودبتك وعقبال مايشوف كروشك زوجك بعد الولاده هههه واهي مخططه ابيض ومتعفسه كنها قماش هههه يالله ان شاء لله مايصير لنا كذا بس لزم يصير خاصه بعد الولاده وبداية الطلوع من الاربعين ياربي متى نولد ونبشر بعض بالولاده احس حملنا طوووويل لان نلحق على العيدين وكل عيد فينا كرشه كبيره ههه |
رد: .·¤ تجمع الحوامل اللي ولادتهم في محرم¤·.
يلا هانت باقي بس ساعه إلا ربع وتجي ثمان
وعادي شربي ماي عليه اتوقع مايـأثر ولا سأليها كان عادي تشربين ماي او لا |
رد: .·¤ تجمع الحوامل اللي ولادتهم في محرم¤·.
دلع ،، ما اخذت معاي الا ماي ،، لاني عطشانه حيل واول ما اخلص بشربه ،، ههههه
اي والله حملنا احسه طويل ،، كأني حامل من سنه ،، بس الحمدلله عدينا النص باقي النص الثاني ،، ربي يقومنا كلنا بالسلامه ونجي نبشر بعض بالتجمع بولادتنا ،، ونفرح ونبكي لبعض ،، والله يعينها اللي بتولد بالاخير فينا ههههه بتجيها حالة اكتئاب ،، |
رد: .·¤ تجمع الحوامل اللي ولادتهم في محرم¤·.
هههههاي اي والله بجيها كئابة اول نفكر نبعة اخر وحده الحين ابتولد قيصرية يعني يمكن قبلنا
|
رد: .·¤ تجمع الحوامل اللي ولادتهم في محرم¤·.
هههههههه ربي يستر ومانطول ونصير اخر شي ،، في التاسع يكرم المرء او يهان هههههههههه وحده يتقدم موعدها ووحده يتأخر الموعد عندها ،، الله يعين بس ،،
|
| الساعة الآن 05:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .