|
رد: دردشة بنات فلسطين, دردشة حوامل فلسطين, تجمع بنات فلسطين
بينك روز هلا ,,مساء النور لعيونك انا تمااااام ,,انتي كيفك ؟؟ الله يعينك شكلك تعباانه بهالحمل و مو مصدئه تولدي,,كيف لتدخلي شهرك هههه ...و انتي جنين واحد كيف انااااا توم خصوصا انهم ما بيهدوا بيضلو يرفسوا من جميع الجهات ما شاء الله عنهم و كتير بكون متدايئه .. اليوم بحكي لدكتورتي خلص مو قادره اتحمل ..ولديني اول جمعه من رمضان ليش استنى كمان جمعه ,بتحكيلي انتي في الاسبوع ال37 و احتمال اي يوم تولدي خصوصا بعد ما سألتها اصوم اول اسبوع قبل العمليه طبعا انا دكتورتي مسلمه سوريه ,,حكتلي لآ لانك راح تصومي تقريب ال17 ساعه و هاد ممكن يؤثر على التوم و بسبب الهم هبوط في السكر و تخف حركتهم و ممكن مع الصيام يسير معكي متل جفاف يؤثر عليهم ,,بعد ما كان عندي امل اصوم اول اسبوع قبل العمليه بس الدكتوره ما صرحت لي بالصيااام حزنت صباياااا حاسه حالي بعد ما اولد ما راح اقدر اتواصل معكم لاني راح اكون كتير مشغوله بالتوأم ربي يجيبهم بالسلامه و لهيك عم حاول اتواصل معكم ليوم ولادتي اذا غبت ادعولي حبيباتي |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير كيفكم
عيون المها والله انا شكلي متلك ماراح اقدر اصوم بس ان شاء الله هصوم زوجي بحكيلي بدي اعمل فتوه واشوف ازا بتقدري ولا لأ يارب هونها علينا يارب |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا
بينك حبيبتي انا ما بنصحك تصومي وانا كمان ما راح اصوم اولا الدكتورة نصحتني ما اصوم لانو ممكن يصير جفاف ويؤثر عالجنين هدول مو 4 او 5 ساعات صيام هدول 17 وبرضو اخدت فتوة عن هالشي يجوز للحامل ما تصوم بس طبعا لازم تعيده بعدها حبيبتي نصيحة مني ما تخاطري برمضان اللي فات اختي كانت حامل وصامت بتاني يوم برمضان صار عندها طلق وولدت ولادة مبكرة وهالشي اثر عالجنين |
رد: دردشة بنات فلسطين, دردشة حوامل فلسطين, تجمع بنات فلسطين
اها
والله مابعرف كيف هيكون الوضع ان شاء الله احسن |
رد: دردشة بنات فلسطين, دردشة حوامل فلسطين, تجمع بنات فلسطين
صباحکم رضا صبايا
عملت فحص حمل بالدم ومافي حمل الحمد لله نفسيتي تعبانه بس راضيه ومتاکده انه ربنا راح يعوضني خير هلا سؤالي من تجاربکم صبايا ممکن الحمل ما يبين في فحص الدم لو کان عمره اسبوع او عشر ايام? ?? |
رد: دردشة بنات فلسطين, دردشة حوامل فلسطين, تجمع بنات فلسطين
هلا حبيبتي حيفا
ما تيأسي ولا على بالك خلي املك بربك كبير بالنسبة للفحص بالدم هوا دقيق بس في فحص بالارقام ادق منه انا فحصت حمل قبل معاد البيريود بيوم وبين الحمل الحمد لله يعني مو شرط يكون الها اسبوع متاخرة او اكتر |
رد: دردشة بنات فلسطين, دردشة حوامل فلسطين, تجمع بنات فلسطين
انت مافهتي علي
انا صار عندي تبويض متاخر يعني لو انا حامل مارح يکپن عمر الحمل اکثر من عشر ايام او اقل وسمعت انه ممکن بسبب التبويض المتاخر ما يبان الحمل في فحص الدم الا بعد وقت يعني ع کل حال الدکتور کتبلي حبوب دافستون مشان تنزل الدوره وقالي اذا مانزلت خلال اسبوع بعد ما اخلصها اعمل فحص حمل تاني لهيک انا ضليت افکر انه ممکن يکون حمل بس مش باين انا ماعندي اعراض غير وجع مستمر بالبطن هو خفيف بس موجود وياستي ان شاء الله خير ادعيلي وانتي تولدي وان شاء الله رلنا يقومک بالسلامه انتي والبيبي |
رد: دردشة بنات فلسطين, دردشة حوامل فلسطين, تجمع بنات فلسطين
اها هلا فهمت عليكي
ان شاء الله يكون حمل يارب وحبوب الدافستون كتير منيحه ازا في حمل بثبت وازا مافي بتنزل الدورة وان شاء الله حمل ولا يهمك راح ادعيلك |
رد: دردشة بنات فلسطين, دردشة حوامل فلسطين, تجمع بنات فلسطين
بناااااااات خوفتوني
انا قبل يومين صمت من ال12 لساعة 10 عشان فحص السكري يعني هيك بياثر ع البيبي ؟؟؟؟؟؟؟؟؟؟؟؟؟؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
لانو حاسة البيبي ماتحرك كتير
بنااااات بااخر الخامس كيف حركتو مممممممممممم |
| الساعة الآن 06:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .