|
رد: دردشة بنات فلسطين , دردشة حوامل فلسطين , تجمع بنات فلسطين
يسعد صباحكم جميعا
يا عمري يا عيون المها الايام بتمشي بسرعة ما شاء الله وقرب اللقاء مع الاهل والاحباب ،، بتمنالك رحلة ممتعة ومريحة الك و للامامير ادووم ولانا واسيل ،، ربي يجمعك باهلك على خير وسلامة ،، وتقضي اجازة راااائعة ،، انا هنتظرك بفارغ الصبر لحتى تحكيلي شو عملتي وكيف كانت رحلتك ،، حبيبتي ام ادم بالعكس ما لازم تخجلي من كلامي لانه الانسان لازم يكون فخور بمحبة واعجاب الناس لاله ولشخصيته ،، ودايما راح ضل ادعي ربي يتم عليكي هالنعمة لانه فعلا محبة الناس من اروع النعم ،، بالنسبة لمسك انتي حكيتي كلمة وعنجد لهلأ بتتردد ببالي ولازم الكل يعرفها ويقدر معناها هون ،، حكتيلي انه الاخوة مش لازم تكون مجرد كلمة نرددها ولازم نعمل فيها دايما لانها فعلا شي مقدس ورائع حيفا حبيبتي ربي يجعل البسمة دايما مرسومة على وجهك وما تشوفي الا كل خير يا قمر ،، ههههه ضحكتيني على كلمتك (كان معكم الواعظ حيفا) وع فكرة الي حكتيه برأيي مو فلسفة هاد رأيك وانبسطت انك عبرتي عنه ،، انا معك بوجهة نظرك انه الانسان هو المسؤول عن كل تصرفاته سواء خير او شر وما لازم نعامل الناس بالمثل ،، كل حدا فينا لازم يعامل الي حواليه باخلاقه مو باخلاقهم ،، لانه الاخلاق هي الي بترسم الملامح الاولى لشخصية الانسان ،،، وبالنسة لصديقتك حبيبتي ما تزعلي المشكلة مو فيكي انتي المشكلة بصديقتك في ناس بخافوا من الحسد بصورة مو طبيعية وهالشي عامل عندهم وسواس ،، صديقتك لازم تكون قريبة من الله اكتر من هيك وتأمن انه الحمل بايد الله وحده وهو الحافظ جل جلاله ،، انتي ما تزعلي منها وادعي من الله يعوض صبرك خير حبيبتي ،، انبثاقة حبيبتي عظم الله اجركم الله يرحمه ويجعل مثواه الجنة يا رب ويجمعه بالانبياء والصديقين ،، ربي يجعلها اخر الاحزان ،،قلبي معك والله ،، الله يكون بعونكم ويصبركم دموع معلش حبيبتي كتبت تعقيبي وطلعت بسرعة عشان احمم حمودي :) ،، انا منيحة الحمدلله بس مزكمة شوي ،، وحملي بفضل الله تمام ،، كيفك انتي يا قمر؟؟ وكيف الحمل معك ؟؟ اعتقد فوتي بالسادس صح ؟؟ |
رد: دردشة بنات فلسطين , دردشة حوامل فلسطين , تجمع بنات فلسطين
اقتباس:
حبيبتي دموع ربي يخليك هاد من زوئك بدي احكيلك هالسر بس ما تحكي لحدى هههههه ,,كان عندي هواية الكتابه و عندي اللغه العربيه الفحصى موهبه من الله ,,و ما زالت تلك الخواطر و المقالات راسيه في شاطيء ذكرياتي ههههه الله يسعدك و ان شاء الله تكون رحله سعيده ربي ما يحرمك من نعمة الاهل شو مشتائه لآهلي [: بتعرفي بتمنى ازور غزه و ما بعرف بالزبط اذا مسموح لاهل القدس يدخلو دولة غزه ههههه صار السفر لآي دوله اسهل من دخول غزه ربي يطهر بلادنا من سرطان الاحتلال خلص لعيونك بغامر ههههههه بس بشرط تستقبليني [: |
رد: دردشة بنات فلسطين , دردشة حوامل فلسطين , تجمع بنات فلسطين
حيفـااا حبيبتي القدس منوره بوجودك و وجود اهلها هاد احلى استئبال منك يا قمر ربي ينور حياتك و ينعم عليكي و على زوجك باحلى بيبي الله يسعدك حيفا هههههههه و الله احلى فلسفه وين كاينه مخبيه علينا كل هاد انبثاقة امل عظم الله اجركم بوفاة عمك ,, الله يتغمده برحمته و يخرجه من ضيق اللحد الى جنات الخلد انا لله و إنا اليه راجعون و الله ئبل اسبوعين توفت خالتو لزوجي و حزنت عليها من كل قلبي ما كان الها ناصيب تشوف البنات و ادوم كنت احبها و لحد هلآ مش مصدقه اني ما راح اشوفها متل كل مره و اشبع من حكياتها الله يرحم جميع اموااات المسلمين |
رد: دردشة بنات فلسطين , دردشة حوامل فلسطين , تجمع بنات فلسطين
snowwhite-90 جد و الله مو مسدئه انو بعد اسبوع بكون بالقدس ان شاء الله بالفعل الايام عم بتمر فينا بسرعه,, بس هاكله هم ادوم شوي خايفه لا سمح الله يمرض مع اختلاف الطفس و الهوى و المي هناك بس الدكتور راح يعطيني نوع دوى لآدوم لتفادي هالشي و ان شاء الله يمر اول اسبوع تمام و ما يختلف عليه شي و انا بتمنالك تقضي اجازة صيف حلوه و ممتعه انتي و زوجك و حمودي و تمر فترة الحمل خفيفه عليكِ حبيبتي و ربي يقر عيونك بالبيبي صحيح شو اخترتي اسم ؟ حبيبتي الله يديمك فخر لعيلتك و للآلنا فعلآ انك اخت غاليه و هالكلمات ياللي بتكتبيها الها بصمه حلوه بهني هالمكان فيكي رب اخِ لك لم تلده امك دمتي اخت للجميع احلى سلام الك و بوساتي لحمودي بكره ان شاء الله صديقاتي راح يجتمعو عندي و نقضي وئت مع بعض قبل ما اسافر و يسلمو علي ,,و محتاره بامور الضيافه راح كون مشغوله كتير اشوفك بوئت تاني |
رد: دردشة بنات فلسطين , دردشة حوامل فلسطين , تجمع بنات فلسطين
صباح الورد على عيونكم يااحلى صبايا
كيفكم وشو اخباركم هيني عم سجل حضورى شطورة انا صح :$ |
رد: دردشة بنات فلسطين , دردشة حوامل فلسطين , تجمع بنات فلسطين
صباح الورررد
في حدا صاحي و الا لا ؟؟ انبثاقة حبيبتي عطم الله اجركم و الهمكم الصبر و السلوان الله يرحمه و يجعل مثواه الجنة عيون المها و حيفا ( الواعظ ) هههه و غموض و بيبو و ام جوووووودي كاينين منورين الدردشة يا حلوات عيون المها يللا هانت ام ادم ان شاء الله بتكون سفرتك سهلة و ميرحة و بتنبسطي مع اهلك الله يخليلك اياهم ياااا رب بس ليش صايرين هيك يوم اه و عشرة لا ؟؟؟ ضلو طلو علينا و طمنونا على اخباركم ندا نداء لأم عبد الله وييييييييييييييييييييينك ؟؟؟ ان شاء الله يكون المانع خير احساس شو صار معك في الامتحان ان شاء الله منيح دموع و فوفو و كل الي كانو مبارح منورين و يسعد صباحكم يا رب ام عمر وييييييييييييييييييينك ؟؟ يا رب تكون امورك تمام و عمورة ان شاء الله يكون تحسن و البيبي طلع من الحضانة يااا رب ؟؟ بينك روز اين انتي ؟؟ زمااااااااااااااااااااااان ما طليتي علينا .... يا رب تكوني انتي و رهوفة بخير يا رب ام عزمي كمان شكلها نسيتنا هالضرسانه ههههه .... المهم تكون بخير هبوش اجت على بالي صارلها زمااان ما دخلت هون اشتقنالها ان شاء الله خير كل المختفيات التانيات يللا تعو و ارجعو متل الاول صبايا الدوام الصباحي وينكم ؟؟؟؟ يسعد صباح الجميع الحاضرين و الغايبين بيبو منورة يسعد صباحك |
رد: دردشة بنات فلسطين , دردشة حوامل فلسطين , تجمع بنات فلسطين
صباح الخير يا حلوات
كيفكم اليوم جميعاًٍ ؟؟؟ أم جودي حبيبتي فقدناكي تسلملي هالطلة الحلوة عيون المها موفقة بسفرتك ويارب توصيل بالسلامة غموض كيفك يا أمر ...شو أخبارك؟؟؟ انبثاقة عظم الله آجركم ... ربي يرحم الفقيد ويجعل مثواه الجنة دموع يسعد كل أوقاتك حبيبتي بيبو ولولو يا نشيط آت أنتوان يسعدلي صباحكم |
رد: دردشة بنات فلسطين , دردشة حوامل فلسطين , تجمع بنات فلسطين
رفيقاتي بالدوام الصباحي انا جيب اصبح عليكم واطلع
اليوم معزومة عند أهلي ... ربي يخليلكم اهاليكم سلام يا أحلى خواااات |
رد: دردشة بنات فلسطين , دردشة حوامل فلسطين , تجمع بنات فلسطين
يسعـــــــــــد صباحكــــــــــم يا حلوين
كيفكم اليوم صباحو بيبو ولولو وحلا |
رد: دردشة بنات فلسطين , دردشة حوامل فلسطين , تجمع بنات فلسطين
السلام عليكم ورحمة الله وبركاته
صباح الخير كيف حالكم بنات بصراحة قلت مالى غير إخوانى الفلسطينيات أكيد حيكونو قدها وقدود عشان يصوتولى وأملى بالله كبير وبعد بيكم ياحلوين المشروع الخاص بمشاريع حوامل بس عنوان المشروع مفاجأة التصويت على مسابقة مشاريع حوامل |
| الساعة الآن 11:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .