|
رد: تجمع رعاية المولود من حديثي الولادة إلى شهر 3
صباح الخير حبوبات ..
يارحيم اشتري كراويا .. نفس الميراميه واعطيه منها تنعمل نفس الكمون بالضبط ، ورضعيه رقمين يكفي يوميا .. شوفي كيف تهدي اعصابه وتنومه وتريح بطنه .. والله كنت مثلك اعاني بنتي البكر بس من بعد الله ثم الكراويا خلاص نسيت مغص الاطفال لا شاي اعشاب ولا قطرات .. بعد حاولي وقت ماهو صاحي تسدحينه على بطنه تطلع الغازات كلها / بالنسبه لعمليتك انا سمعت من حمواتي ان حتى لما ترفعين الاشياء فوق درج او مكان عالي وتشدين ايدك فيه خطر على العمليه خصوصا اول الايام .. وحتى اتذكر المكنسه الكهربا مايستخدمنها عشان الشد لين يعدي الشهرين او ثلاث ودايم عمتي تقول الست الاشهر الاولى الى السنه لازم تدارين العمليه وتراعينها .. حتى المويه الحاره سمعت انها مو زينه عموما الافضل ماتعودين جسمك ع المسكنات ، تراجعين دكتورتك وتشوفين ايش تقول وتداركين الموقف وحاولي ماتكتئبين وقدر الله وماشاءفعل ، وان شاءالله تمر هالايام وتصير سواليف تذكرينها |
رد: تجمع رعاية المولود من حديثي الولادة إلى شهر 3
بيورتي
كيف يعملون بالكراويه قد ايش ومن وين اجيبها ماعندي خبره بكريه لاني عشان بسويها لبنتي ان شاء الله |
رد: تجمع رعاية المولود من حديثي الولادة إلى شهر 3
اهليين لييتا .. جيبيها من العطار ، تجيك حب نفس الكمون بس هي اكبر شوي
وتنعمل مثل الكمون حطي بصفايه منه واغسليه زين .. وبعدين سويه مثل الكمون واذا بنتك ماترضعها ساده حطي شوي سكر نبات تحليه ورضعيها بس يكون لون الكراويا اصفر نفس الكمون ، وحتئ انتي لو فيك انتفاخ او غازات سويلك ابريق واشربي يهدي ويطرد الغازات وينوم |
رد: تجمع رعاية المولود من حديثي الولادة إلى شهر 3
اقتباس:
واسفه عالازعاج وجزاكي الله خير يالغلا |
رد: تجمع رعاية المولود من حديثي الولادة إلى شهر 3
الكراويا هي اليانسون؟؟
|
رد: تجمع رعاية المولود من حديثي الولادة إلى شهر 3
لييتا احسبك تعرفين تسوينها معليش ..
طيب حبيبتي جيبي اصغر ابريق عندك واغلي مويه فيه وبعدين خذي من الكراويا ملعقتين وحطيهم بالصفايه واغسليهم زين بعدين كبيهم بالابريق وصبي عليهم مويه مغليه وخلي الابريق يغلي شوي على النار وطفيه ومثل ماقلتلك تبين تحطين سكر او لا عادي شي راجعلك / يارحيم لا اسمه كراويا ويشبه الكمون واليانسون حتى حبته نفس حبتهم بس اكبر شوي |
رد: تجمع رعاية المولود من حديثي الولادة إلى شهر 3
|
رد: تجمع رعاية المولود من حديثي الولادة إلى شهر 3
هلا وغلا ليبيا اخبارك
انا تمام وجوجو الحمدلله |
رد: تجمع رعاية المولود من حديثي الولادة إلى شهر 3
ببسألكم بنااات عادي احط لبنتي شوية سكر نبات مع الصناعي لانها ابدا مو متقبلته وانا حليبي قليل والي تتعود لو شويه عالصناعي
يعني رضعه وحده باليوم هل خطر عليها ؟؟ |
رد: تجمع رعاية المولود من حديثي الولادة إلى شهر 3
سندس هلا بك اخبارك ياطيبه ..يارحيم مشكووره ونا عمليتى لماسافرت بيوم ست وعشرين من نفاس عورتنى لان اشد شنط وطالعه نازله وعطورات ناس قويه اسكتى بس الان اخف واحس بعض ملابسس ضيقه تضايق عمليه..
بغيت اسال الكبس احسن ولا الخياط ؟؟ |
رد: تجمع رعاية المولود من حديثي الولادة إلى شهر 3
كيفكم مع نوم ؟؟ والله قل نومي ساعتين بليوم هههه لا ويصحينى .. وامورى وبيتى تعطلت واهملت شكلى كنى عجوزhwaml9
سااعدونى hwaml5كيف رتبتوا نومكم ومشيتوا اموركم ؟؟؟ وودى ولدى ينام بليل مره وحده ارتب من تقاطيعhwaml15 |
رد: تجمع رعاية المولود من حديثي الولادة إلى شهر 3
اقتباس:
توني استوعب قصدك محرم الجاي لانك حاطه 1434! |
رد: تجمع رعاية المولود من حديثي الولادة إلى شهر 3
ليتا مشكورة حبيبتي على الرد والاهتمام.. كلامك صحيح وانا ما اعطيه اياهم مع بعض فيه فرق ساعات بينهم يعني بالليل عطيته موية غريب والفجر عطيته القطرة.. لكن بعد كلامك بحرص زياده وبصير اركز على شي واوقف شي وفعلا بديت من الليله وقفت موية غريب وبديت بالقطرة وبكثر المرات يمكن يرتاح.. يعني انا كنت اعطيه مرة او مرتين باليوم بس لما قريت علبه الدوا اكتشفت اني اقدر اعطيه 12 مرة باليوم!! فقررت اعطيه اربع او خمس مرات باليوم يمكن يصير فيه تحسن..
|
رد: تجمع رعاية المولود من حديثي الولادة إلى شهر 3
صباح الخير كمن الينسون والنعناع زين للمغص والاتتفاخ. وزعتر
|
رد: تجمع رعاية المولود من حديثي الولادة إلى شهر 3
مساءالخير........................
كيفكم؟؟؟؟؟؟؟؟؟؟؟؟ يارحيم الله يعينك ياقلبي......ماتشوفي شر انتي وخلودي ياقلبي عليه...... الحمدلله جوجو للحين ماشفت مغصها......بس اللي كان عندها غازات ولما غيرت الحليب لرونالاك جنتل راح منها الحمدلله....... ماغير الزكام اللي لسه فيها ماراح......اعطيها دواء بس يدخل لحلقها...احسها اوقات تتضايق منه........ اما الالم لسه ماراح منك؟؟؟؟؟؟روحي المستشففى وتطمني مايصير تاخذي مسكنات وجالسة مكانك...بيجي وقت حتى المسكن ماينفع...... سلامتك ياحرمة... ليالي.......اكيد مع الوقت راح يتغير نوم ولدك....جود كانت كذا بس من كملت الشهر صارت تنام بالليل بس تقوم لما تكون جوعانة.......اما عن تجهيزات الاربعين...اشتريلك لبس جديد لان اكثر الملابس ماتقدري تلبسيه وخصوصا الضيق......انا مو زعلانة الا على بنطلوناتي الجينز..بنحرم منها......وخذيلك قمصان نوم جديدة وبس.........البسي واكشخي......سوي شوية حركات حلوة شموع ودلع ويمشي الحال........ اعرف وحدة على كل ولادة يوم الاربعين تروح فندق ..زالحين معها4 اطفال ......على كل مرة تشيل الصغير وتروح.......مسويتها عادة .......... انا هالمرة مابسوي شي على زوجي هو بيجي قبلي.....بشوفه وش بيسوي؟؟؟؟ ملكتني............اهلين كيفك ياحرمة؟؟؟؟الله يعينك الاشراف تعب...........ماعاد تفضي تشاركي معانا....... فاتكم امس جات صديقة اختي وامها...وانا فرحانة ملبسه جوجو فستان كمه قصير......وماكوفلتها......بس شافتها الام صارخت فيني....تقول البنت صغيرة...بس انا ماصدقت اخلص الاربعين جريت للسوق وشلت فساتين ...فرحانه ببنوتتي....... قمت كوفلتها.......فترة النفاس كانت تبكي تبي يدها مفتوحة...وامس تضحك وانا اكوفلها.....وجلست فيه مابكت...... غريبة هالبنت......... |
رد: تجمع رعاية المولود من حديثي الولادة إلى شهر 3
الحَمدلله حتَى يبلغ الحمدَ منتهاههَ ♡
الحمدَلله على نعمتهَ .. اليومْ الخميسَ 4/4 .. إنارتَ قلبيَ وعالميَ طفلتيْ " حورَ " .. الحمدَلله لا إجزيهَ شكراً ♡ |
رد: تجمع رعاية المولود من حديثي الولادة إلى شهر 3
مبروك بيورتى.................... نبي تفاصيل(( وتتربى بعزك
|
رد: تجمع رعاية المولود من حديثي الولادة إلى شهر 3
بنات ماده بيضاء الى تنزل اخر نفاس ..انا بعمليه ..ع ايش تدل طهر ولا ايش ؟؟
|
رد: تجمع رعاية المولود من حديثي الولادة إلى شهر 3
اقتباس:
|
رد: تجمع رعاية المولود من حديثي الولادة إلى شهر 3
ميشو كيفك ياقلبي وكيف الحلوه حقك
والله ماعندب علم ماعرف كيف يطلع الحليب بالسكر بس الحليب الصناعي هو اصلا حلو الطعم فمانتي محتاجه لتحليته وربنا يعينك يارحيم على ايش يالغلا نحنا زي الاخوات هنا كل وحده تساعد التانيه بالي تعرفله وانا اعتبركم كلكم زي اخواتي وربنا يديم الود وطمنينا عنك كيف صرتي مكيف خلود بيورتي تسلميييييين يارب والف مليون ترليون مبروووووك حبيبتي واللف الحمد لله على السلامه ارتاحي الحين بعدين اكتبيلنا اكشنك خخخخخ ليالي صبر نومهم يبغا صبببببببر وان شاء الله بس تكبر شوي بيتحسن نومها شوق ضحكتيني الله يجزاش الجنه لمان قلتي انها ارتاحت بالكوفله الحين انا بنتي اعرفها احيانا وقت مابتنام اكوفلها وتنام واحيانا تعصب افك قماطها مره كدا ومره كدا |
رد: تجمع رعاية المولود من حديثي الولادة إلى شهر 3
اقتباس:
والله ماقولك الا خير ماعندي علم انا بكريه يارب البنات يفيدونك |
رد: تجمع رعاية المولود من حديثي الولادة إلى شهر 3
اقتباس:
الف الف مبروك والحمد لله ع سلامتك حبيبتي انتي والاميره حور الله يجعلها من الذريه الصالحه يارب ويبارك لكم فيها |
رد: تجمع رعاية المولود من حديثي الولادة إلى شهر 3
يا هلا والله اختي ليالي لاباس عليك اقتباس:
|
رد: تجمع رعاية المولود من حديثي الولادة إلى شهر 3
مرحبااااا
ام عبدالله الف سلامه على ولدك مايشوف شر وربي يعينك على الغربه بيوريتي مبرووووووك ماجاك والحمدلله على سلامتك وتتربى بعزكم عاشت الاسامي لطشتي اسم بنتي بس معليش :) يارحيم لاتنتظرين روحي الطبيبه وعلى فكره الافضل تكملين شهرين بعدين تسوين الدخله ؛-) بالنسبه للمغص قلت لكم عن مشكلة بنتي اذا احد متذكر النقط مايصير اطول عليها حسب كلام الدكتوره بالبدايه كل ست ساعات وبعد خمس ايام مرتين باليوم وقالت الافضل اسوي بابونج مع يانسون من غير غلي لان فيها مواد طياره فتروح فايدتها مشاعل الدكتوره حذرتني من السكر وسكر النبات وقلت لها ان بنتي ماتتقبل اليانسون فاخلطه بعصير التمر وقالت كويس انتي عطي بنتك رضعه تمر مفيد ويعوض نقص الحليب ليالي تو الناس على النوم المنتظم وبالنسبه لطهاره فيه فتاوى ابحثي عنها سندس اخبارك وكيفها بنتك يارب الكل بخير |
رد: تجمع رعاية المولود من حديثي الولادة إلى شهر 3
سندس
شكراً على الرابط المفيد يعطيك العافيه |
رد: تجمع رعاية المولود من حديثي الولادة إلى شهر 3
رسال طيب شالسبب ايش ممكن يضرها فيه ،، والله تعبت من الحريم الكل يهاوشني عطيها صناعي انتي مافيك حليب توني راجعه من استراحه
والله طفشووني ،، ،، روووعهه يعطيك العاااافيه ياعمري معناته معطينها موعد غلط زي المره اللي فاتت ،، ،، بنات الحمدالله بنتي بدا يخف الاستنكار بس محد يشيلها عادي وهي فحضني |
رد: تجمع رعاية المولود من حديثي الولادة إلى شهر 3
ليالي الحب الماده الصفرا تدل على طهاره اتذكر كذا قالولي خلاص تصلين ياعمري والاغلب اخت النفاس تجي يوم 35 او 40 او 45 وتطووول انا استمرت 12 يوم
،، بيروووووووتيييي الللللللللللللللف مبررررررررررك ياعمري حمدالله على سلامتك تتربى بعز والديها ياربي |
رد: تجمع رعاية المولود من حديثي الولادة إلى شهر 3
مرحبااا بنات
هالايام ماقدرت ادخل لاني قلقت على ولدي .. 5 ايام ما تبرز !! وانا ماقدرت انام من القلق وصياحه واليوم وديته على عيادة الاطفال وسووله حركة ساعدته ، دخلو اعواد الاذن عليها فاسلين ، وعلى طوول تبرز |
رد: تجمع رعاية المولود من حديثي الولادة إلى شهر 3
الف مبرووووك بيورتي
وحمدلله ع السلامه تتربى بعزك |
رد: تجمع رعاية المولود من حديثي الولادة إلى شهر 3
بيروتي الحمدلله علي السلامه والف مبروك وتتربه بعزكم
رسال اﻷه يسلمك زينب مايشوف شر ولدك سلامات. |
رد: تجمع رعاية المولود من حديثي الولادة إلى شهر 3
اقتباس:
والان عدلته 1435 ولا تزعلي ومشكوره على التنبيه |
رد: تجمع رعاية المولود من حديثي الولادة إلى شهر 3
اقتباس:
جزاك الله خير على سؤالك روعه النسيان ومشاعل واثري ولييتا وباقي الكروشات اعذروني على تقصيري معكم وفديت الي يسالون عني |
رد: تجمع رعاية المولود من حديثي الولادة إلى شهر 3
ملكتني الله يكون بعونك وياجرك غلى حبك للمساعده :) انا لما شفت 1434 فهمت غلط حسبت انه تجمع للي ولدو بمحرم وهم هنا معنا :) لما عدلتي التاريخ فهمت انه حق حوامل :) الله يهون عليهم يارب..
زينب سلامت ولدك الف سلامه كله الا الصياح ياربي يغث ويضيق الحيله انا ولدي فتره الفجر والصبح كل يوم صياح ومن يومين صاير طول الليل بس صرت اعطيه فطرة المغص مع كل رضعه وكني حسيت ان صياحه خف خليني اشوف الليله وش بيسوي.. رسال موعدي مع الدكتورة الثلاثاء الجاي وبنتظر لين الموعد لان الالم بدا يخف شوي شوي ويمكن ارجع اتحسن بنتظر لين الموعد واشوف وضعي كيف واقولها بالضبط وش اللي صارلي عشان افهم وش المفروض اسوي الفتره الجايه عشان ما انتكس.. عجبتني فكرة انتظر شهرين يمديني ارتاح زياده واخف واتضبط بس زوجي حاسب التاريخ وينتظر مارح يقتنع ههههههههه بالذات ان العلاقه مقطوعه من الثلث الاخير من الحمل!! مشاعل انا ودي افهم هالحريم على اي اساس قررو ان ماعندك حليب يكفي؟ يختي اكره الفسلفه واللقافه.. لا تزعلين من دفاشتي.. اللي يحدد حليبك يكفي ولا لا زيارات الدكتورة وزيادة وزن بنتك.. اذا الدكتورة ما قالتلك ان زيادة وزن بنتك اقل من الطبيعي وان عندها مشكله معناتها ان بنتك ترضع اللي يكفيها.. والحمدلله مافيه احسن من الحليب الطبيعي!! وعلى فكرة اذا بنتك تستنكر وتخاف من صغرها هذا يدل على ذكائها ما شاء الله تبارك الرحمن.. لان اللي بعمرها واصغر بالعاده مايدرون عن اللي حولهم وما يحسون بشي ولا يفهمون.. اذا كبر الطفل يبدا يفهم الخطر والغريب ويبدا يخاف ويستنكر.. بس ماشالله بنتك سابقه وقتها وهذا يدل على ذكائها الله يحفظها لك :) |
رد: تجمع رعاية المولود من حديثي الولادة إلى شهر 3
بالنسبه لي انا وخلودي.. كنت اعطي خلودي قطرة المغص مرة او مرتين باليوم وما كان فيه تحسن يذكر كثفتها وخليتها تقريبا مع كل رضعه وبحاول ادور له يانسون ولا كراويا مادري وين احصلها هنا.. والشي الاهم ان زوجي قالي لا تاكلين تمر يمكن هو اللي يسبب غازات له!! من اليوم وقفت التمر وبشوف..
اما بالنسبه لي انا.. المفروض اليوم 39 من النفاس واعتقد جتني ذيك اللي تقرب للنفاس اختها مدري امها.. انا نفاسي كان خفيييف لاني عمليه ونظفو الدم.. يعني نزل دم اول الايام بس وبعدين وانتم بكرامه عدم طهارة ونقط دم من فتره للثانيه.. فجأة اليوم ينزل دم كثير بالبدايه ارتعت!! قلت وش ذا بسم الله لا يكون من الرشاد لاني اذكر انه ينظف الرحم.. بس ياربي لي اسبوعين اكل رشاد وش المناسبه اليوم.. قمت على طول تذكرت سوالفكم عن قريبة النفاس اللي جتكم بالاخير وقلت اكيد هي.. عاد قلت اشوا خليها تجيني عشان يمتد النفاس شوي ويمديني اضبط اموري قبل اطهر تماما ههههههه عمليتي كنها خفت شوي.. اليوم ما اخذت مسكن ولله الحمد مع اني طلعت انا وزوجي وحسيت عورني جنبي اليسار شوي بس قلت بتحمل مارح اخذ مسكن.. موعدي مع الدكتورة الثلاثاء الجايه بشرحلها الانتكاسه اللي جتني وكل شي بالتفصيل وافهم منها كيف وضعي الفتره الجايه ولين متى لازم اريخ نفسي بهالشكل؟ احس اني مقيده مرة حتى ولدي صرت احاول ما اشيله كثير عشان ودي اطيب صراحه.. الله يكون بعوني وعونكم يارب.. |
رد: تجمع رعاية المولود من حديثي الولادة إلى شهر 3
اعطانى طبيب طوارى قطره مغص للبيبي مااعرف كيف استخدمها اخاااااف يشررق ؟يصلح اضعه برضاعه او يخلط ؟وكم مره تعطوونه منها بليوم ؟؟
وايش افضل يانسون اوو ماء غريب سمعت ماء غريب قوى ع بيبي افيدوناا |
رد: تجمع رعاية المولود من حديثي الولادة إلى شهر 3
يارحيم كيف عمليتك ؟؟ومتى بدت تعورك وايش عملتى عشان تسبب لك هالالام شلتى شئ او ايش ؟؟ والالم يعنى كنه مغص ولا كيف !!
ومسكن كتبته لك طبيبه ؟ انا تعبت من سفر وبكاء ابنى ..وافكر اشيك لو بخاص ع عمليتى ؟؟ جبت بحكومى ايش مضاعفات لو عملنا ومااهتمينا بعمليه قيصريه ؟؟ |
رد: تجمع رعاية المولود من حديثي الولادة إلى شهر 3
بنات فكرن تاخذوا اي مانع للحمل ؟؟ وايش الى يناسبنا قيصريه اكثر شى
وكم مده مقررين تتركوهاhwaml13 لحد ماتفكر بحمل اخرhwaml8 ؟؟؟ |
رد: تجمع رعاية المولود من حديثي الولادة إلى شهر 3
اقتباس:
موية غريب انا نصحني فيها الدكتور وتراها اخف من القطرات بكثير.. يعني تعتبر زي الاعشاب انا الدكتور قالي عطيه موية غريب واذا ما فادت كتب لي قطرة للمغص.. ولان مغص ولدي شديد ما نفعت موية غريب معاه وصرت اعطيه القطرة.. اذا خف ان شالله وطاب بصير اعطيه موية غريب مرة باليوم او كل يومين لانها عبارة عن اعشاب وكويسة تريح له معدته من غازات الحليب.. |
رد: تجمع رعاية المولود من حديثي الولادة إلى شهر 3
اقتباس:
الالم مو مغص الالم بالضبط نفس اللي كنت اعاني منه اول ايام العمليه اذا تذكرين.. المسكن حق الطبيبه كان مخلص بس كلمتها لما اشتدت علي الالام وقلتلها بالتلفون وش صار وقالتلي خوذي ادفل واذا ماخفيتي خلال يومين تعالي لي العيادة.. وانا قررت ما اروح لاني حسيت بتحسن خفيف وعندي موعد الاسبوع الجاي مالي خلق اروح الحين.. لو ما اهتميتي بعمليتك بتتورطين.. اولا لو شلتي ثقيل ممكن عمليتك تنفتح ويجيك نزيف والله واعلم كيف يعالجونك.. لكن لو ما شلتي ثقيل لكن ارهقتي نفسك بمعنى تتحركين بسرعه وترفعين يدينك بقوة او تقومين باي مجهودات تحسين فيها بالشد على عضلات بطنك ممكن ترجع لك الام العمليه ويكون شفائك منها بطئ او يكون شفائك مو مية مية.. على ما فهمت من كلام البنات هنا بالمنتدى انك لازم تراعين عمليتك ست شهور تخيلي!! والعمليه معرضه انها تنفتح لمدة سنتين!! انهرت لما قالولي هالمعلومات وصراحه بتأكد من الدكتورة لما اروح لاني حابه ارجع لحياتي الطبيعيه واسوي رياضه واعيش عادي.. مو مستوعبه ست شهور اعيش وانا اراعي العمليه!! |
رد: تجمع رعاية المولود من حديثي الولادة إلى شهر 3
اقتباس:
|
| الساعة الآن 09:24 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .