|
رد: تجمع حوامل مصر (ام الدنيا )
اقتباس:
|
رد: تجمع حوامل مصر (ام الدنيا )
somia
ان شاء الله يبقى خير وكله تمام والمرة الجاية يبان الجنين بس الاول انتى متأكده انك فى الاسبوع الخامس بتهيألى انك أقل على العموم دى أخت كانت عندها مشكلة شوفى على الرابط ده http://forum.hwaml.com/t29411.html وعلى موضوع الحليب انا عندى نفس المشكلة بس كيلو ده كتييير اوى انا بالعافية لما أشرب كوباية طول اليوم بس دلوقتى بقيت بطلب من جوزى لبن بالفواكه يعنى لبن بالفراولة او بالمانجو طعمه مقبول او ممكن تعمليه انتى فى البيت أو زى ما ملك قالتلى قبل كده ممكن تعملى كريم كراميل او مهلبية او كاسترد او رزبالبن ( انا بحب بس الكريم كراميل ) والبيض غيرى اعملىه مرة مسلوق وكليه بالجبنة وحطى عليه فلفل اسود شويه بيحلى طعمه وبيقتح النفس او اعمليه مفقوش بالسمنة البلدى بيبقى حلو وانا اوقات بحطله مكعبات صغيرة جبنة رومى بتسيح فيه وبيبقى جميل وعلى موضوع الكبده انا عارفه ان زيادتها مش حلوة فى الحمل علشان فيها فيتامين أ وزيادته مش حلوة زيها زى الجزر قصدك انك تقللى كميتها وياستى لو على شغل البيت قللى منه اليومين دول يعنى مين اللى هيجيلك يعنى هو فى حد لسه بيزور حد اليومين دول قصدى خدى راحتك وماتجهديش نفسك وربنا يكتبلك الخير ان شاء الله |
رد: تجمع حوامــــــــل مصر (ام الدنيا )
دودى
ماتتأخريش عن يوم الثلاثاء علشان تروحى تشوفى نتيجة المزرعة ( اكسبى وقت ) وتأخدى كورس العلاج كامل زى ما الدكتورة هتكتبهولك بالظبط يللا عشان تبقى أحسن وتتطمنىنا عليكى ياقمر |
رد: تجمع حوامــــــــل مصر (ام الدنيا )
برنسس.. بالنسبة لعمر الجنين الدكتورة قالتلي النسبة اللي في نتيجة التحليل وحجم الكيس والحياب اللي احنا حاسبينه معناه اني 5أسابيع ويوم..
أما بالنسبة للحليب فهيا فعلا قالتلي على موضوع التنويع ده وانا خليت زوجي يجيبلي رايب بحب أشربه بس هحاول فعلا اشتري كريم كراميل لاني بموت فيه وربنا يسهل.. أما البيض انا النهاردة كلت واحدة مسلوقة حطيب عليها شطة وبكدة عرفت أكلها انا كنت ساعات باكله بالبسطرمة بس طبعا دي من الممنوعات دلوقتي فعشان كده ربنا يعيني بقى وأقدر أكله وجزاك الله خيرا على رابط الموضوع.. ما انتبهت عليه |
رد: تجمع حوامــــــــل مصر (ام الدنيا )
somia
اهم حاجة بلاش تكترى من الشطة علشان الالتهابات والبواسير ربنا يعافينا انا عمرى ما اشتريتها ولا استخدمتها فى الاكل أبدا أبدا |
رد: تجمع حوامــــــــل مصر (ام الدنيا )
برنسس هيه فعلا الشطة مضرة جدا بالنسبة لي لان القاولون عندي بيقوم علي من ابسط حاجة بس بجد كنت حاسة اني هرجع البيضه وانا باكلها فاطريت احط عليها شوية من تتبيلة الباذنجان المخلل اللي ميلن شطة بس حتة صغيرة جدا عشان متعبش والحمد لله عدى على خير
|
رد: تجمع حوامــــــــل مصر (ام الدنيا )
ان شاء الله اروح واطمنكم بإذن الله ... برنسيس هو تأكيدك على انى اروح ومتأخرش يعنى ممكن يبقى فى حاجة لا قدر الله ... معلش انا اتأخرت عليكم فى الرد اصلى باكل ... اصل انا فى الخامس وحاسة انى كل شوية بجوع .. فقلت اقوم اكل شوية... هههههههههههههههههه .. اتفضلوا معايا والله ...اصل طول الوقت قاعدة لوحدى فا مش قدامى حاجة غير انى افكر اكل واشرب ايه ... هههههههههههههههههههههه ... بس بحاول مكلش فى كل مرة كتير علشان معدتى ... ادعولى متخنش هههههههههههههههه
|
رد: تجمع حوامــــــــل مصر (ام الدنيا )
دودي انتي بتفكريني بنفسي... ربنا يسترها معانا ومنلاقيش نفسنا اشولة رز.. ههههههههههههههه
|
رد: تجمع حوامــــــــل مصر (ام الدنيا )
كلوا كويس عشان النونو يبقى صحته كويسه
متقلقوش على موضوع اشوله الرز ده انا فى اخر حملى كنت 75 كيلو دلوقت انا 58كيلو الرضاعه الطبيعيه بترجع الوزن اقل من الاول كمان اتغذوا كويس |
رد: تجمع حوامــــــــل مصر (ام الدنيا )
ربنا يستر والله احسن انا برضه خايفة اوى .... انا اصلا ساعات باكل قبل ما ييجى جوزى علشان بيفضل يقطمنى ... هههههههههههههههه .. ومش هقوله بقى انى اكلت اوى يعنى بقول انى اكلت لقمة كده على ما ييجى ..هههههههههههههههههههههه
|
| الساعة الآن 11:02 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .