|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
تسلمي ..ربي يتمم الك على خير نحنا بعز الصيف هلآ ما منشوف البرد لشهر11 و عندنا الجو حر مش طبيعي.. يعني اليوم ما قدرت اسوق السياره إلا لمى شغلتها على المكيف و بردتها من جواااا.. خصوصا مع الحجاااب يا ربي كل شي عندنا موجود و الخضار و الفواكه بجميع انواعها ما بتنقطع لا صيف و لا شتا لانو امريكا عايشه على الاستيراد الخارجي لهيك مثلا البطيخ كمان عندنا صيف و شتا يعني كل شي موجود |
رد: دردشة بنات فلسطين, دردشة حوامل فلسطين, تجمع بنات فلسطين
اهاااااااااااااااااا
حلو يعني الحامل شو ماتوحمت بتلاقي هههههه احنا بكون موجود الاشي بس في محلات معينه ^_^ الصبايا وحده ورا التانيه بتولد وبختفيو ؟ شو مالهم؟ |
رد: دردشة بنات فلسطين, دردشة حوامل فلسطين, تجمع بنات فلسطين
عيون المها انتي اسمك مها متلي؟؟
والله يعينك على ترباية توأمك لوحدك بهالغربه ...!! وكيف التعامل مع الحجاب بأمريكا ؟؟ عامله فيها المحقق كونان ^_^ |
رد: دردشة بنات فلسطين, دردشة حوامل فلسطين, تجمع بنات فلسطين
اول شي اسمك حلو بس اناااا مو متل اسمك بس على نفس الوزن هههه ايه اكيد لانهم توم كتير خااايفه اني ما اقدر اتعامل معهم و البي احتياجاتهم من اكل و غيار ..... الخ بس الحمد لله مركنه بصراحه على زوجي لانو كتير طويل بال و بساعدني في هاي الناحيه و سبق و حكيت لجاره عندي صديقااات مقرباات باي لحظه بيكونو عندي و بساعدوني و كمان بئدر اطلب نيرس تساعدني عندنا التأمين متكفل بخدمة الام و التوم اذا طلبت المساعده بالنسبه للحجاااب بصراحه انا الي تقريبا 2 سنتين و نص متحجبه اولها كان شوي صعبه علي لاني مو متعوده و بعض الامريكان مو كلهم نظراتهم غريبه للمتحجبه بس بفضل الله كتير مرتاحه فيه و تعودت,,,بحب اللبس المرتب و الراقي للمتحجبه كتير لمى بشوفوني حتى امريكان بيحكولي كتير حلو و نايس يعني لازم الشوز و الحجاب و الشنطه و الاكسسوارات على نفس اللون .. بحب الزوء في اللبس انتي لبس شرعي كامل يعني جلباب و إلا كيف؟ و اديه الك متحجبه؟ |
رد: دردشة بنات فلسطين, دردشة حوامل فلسطين, تجمع بنات فلسطين
مسا الورد عالكل
كيفكم يا بنات وحشتوووووووووووني موووووووت شو الأخبار مين ولدت بعدي بظن بنت الضفتين ولدت صح؟؟؟ تسلمولي كلكم عنيكم الحلوة الله يتمم الكم عخير و تشوفوا ولادكم متل هويدة و أحلى كمان عيون المها حبيبتي انتي سألتيني عن الغازات و الأكل وعن وزن هويدة صح؟؟ بالنسبة لوزن هويدة ولدتها 2كيلو و 400 جرام و لما رحت أوزنها بعد أسبوع من الولادة لقيت وزنها زايد 100 جرام صارت 2كيلو و 500جرام و بالنسبة للغازات و الأكل و المشي طبعا المشي كتير منيح ليمنع تجلط الدم لهيك نصحوني أمشي كل ساعة شوي حوالي ربع ساعة و الوقوف فترة طويلة مش منيح و ممنوع اتطملي يعني تكوني متل اللي راكعة بالصلاة و ممنوع تحملي شي تقيل لمدة 6 شهور تقريبا و صحيح أنا أخدت تحاميل شرجية لاخراج الريح عشان يسمحولي بالأكل فلما حصل و خرج الريح شربت سوائل و طبعا لازم تاكلي شوربات و ما تاكلي خبز لحتى ما يصير معك امساك و يصير تضاعفات بالعملية لهيك كتري من السوائل و العصير و الشوربات أنا هلأ الحمد لله تمام اليوم غسلت بس مو كتير بس لما أوقف بالمطبخ فترة طويلة بيصير ضهري يوجعني أما بطني مع الشوب بحسه بيوخزني و بيحرقني بس بشكل عام الجرح الحمد لله ما في أي شي و الدكتور أعطاني برهم للتجميل بأستخدمه مرتين باليوم بس عارفة شو مشكلتي ؟؟؟ بأنسى كتير و هذا طبعا من تأثير البنج و كمان صرت أنام متل القتيل صرت ما أحس على أبو عزمي لما ييجي من سهرته هههههههه بس الحمد لله لما هويدة تصحى بصحى معها و لما تنام بنام معها و هي مش مغلباني بس بتصحى بترضع و بتنام الحمد لله الله يهديها يااااااااارب |
رد: دردشة بنات فلسطين, دردشة حوامل فلسطين, تجمع بنات فلسطين
يا هلا ~ام عـزمي~ يسعد مساكٍ و كل اوقاتك و انتي كمان وحشتينا كتير بالنسبه للي ولدوا بنت الضفتين و حواء ,,و ان شاء الله بنت الضفتين تدخل و تطمنا عنها مشكوره على ردك و اجوبتك على سؤالي ربي يخليكي و يحفظلك الحلوه هويدا كمان اسبوع بيسير عمرها شهر العمر كلو..شكلها هااديه مو مغلبتك بترضع و بتنام هيك اول 3 شهور بيرضعوا و بناموا لهلآ البنج مأثر فيكي؟ يعني عمليتك كانت تخدير كامل مو تخدير نصفي؟ الحمد لله مرت الفتره الصعبه ,,ديري بالك ما تتعبي كتير صحيح الجرح الخارجي بيلتأم بس لسى من جوا بدو وئت اطول و انا طولت عليكي ههههه ديري بالك على هويدا و بوسيها عني ليلــــــــــــــه هــــــــــــــــاديه |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير شو اخباركم
كيفك عيون المها وحشاني كتير والله احساس كيف حملك انا تعبانة كتير نفسي اولد وارتاح صار الوضع صعب كتير وضغط لتحت كتير |
رد: دردشة بنات فلسطين, دردشة حوامل فلسطين, تجمع بنات فلسطين
مسك زكرتيني بالابرة قعدت شهر لطابت وصارت زرقه
ام عزمي وحشتينا عسوله شو اخبارك لولو الحمد لله عسلامة اختك |
رد: دردشة بنات فلسطين, دردشة حوامل فلسطين, تجمع بنات فلسطين
عقبال عندك يارب وتقومي بسلامة بينك
|
رد: دردشة بنات فلسطين, دردشة حوامل فلسطين, تجمع بنات فلسطين
بنت الضفتين متى ولدت
|
| الساعة الآن 07:32 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .