|
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساكم صبايا
عيون المها ،، حبيبة قلبي كل سنة ولانا الامورة منورة حياتك وان شاء الله بتعايديها كل سنة وانتوا باتم الصحة والعافية ،،، حبيباتي الصبايا ،، بتمنى تكونوا كلكم بخير ،، انا من بعد المشكلة الي حصلت هون كنت افوت اطمن عليكم واطلع وما حكيت اي شي لانه الي صار زعلني كتير ،، الحمدلله المشكلة انتهت ورجع الهدوء للتجمع وهلأ انتوا كلكم مبسوطين وهاد الي بتمناه لكل صبية هون ،، حبيت افوت واحكي الي بقلبي ويا ريت تتفهموا الي هحكيه وتحكموا عقلكم وقلبكم سوا ،، يا صبايا احنا هون اخوات ،، وبسير انه يحصل سوء تفاهم بين اي اختين لانه احنا بيضل اسمنا بشر والبشر مو معصومين عن الغلط انا على قد ما انبسطت بعودة الهدوء للمكان الي بنعتبره بيتنا التاني على قد ما زعلت على خروج مسك من هون مسك بعتبرها اخت غالية عليا كتييير ،،في يوم من الايام كان بينا مواقف حلوة وطريفة وايام ما بتنتسى بسهولة ،، لهيك بعز عليا خروجها ،،، حبيباتي لما مسك حكت انه هي راح تترك هالمنتدى بعض الصبايا حكوا معها باسلوب جارح وكأنه مو فارق عندهم وجودها او عدمه ،، يا صبايا مو هيك ،،الاخوة الطيبة والعشرة ما بتهون علينا بسهولة ،،المفروض بعد ما اثبتت احساس بالدليل القطعي(شهادة ميلاد زياد)انها بريئة من اتهام مسك لالها ،،بدأنا نهدي الامور بينهم ونحاول نرجع المكان الي بنجتمع فيه للهدوء والمحبة والسلام بيوم من الايام كانت مسك جزء من هالتجمع وما زالت جزء منه بالنسبة الي اكييييد مسك اخت النا متل ما احساس اختنا تماما ،، ويا ريت لو ترجع مسك هون ونتسامح ونرجع متل اول واحسن بتمنى منكم توجهوا كلمة لمسك،،، كل صبية شو حابة تحكي لمسك ؟؟ وبتمنى هالحكي ما تفهموه تحيز لمسك او شي انا والله ما بحكي الا الي بيمليه عليا ضميري ،، ولو تعقيبي زعل اي صبية هون انا بعتزر ،، بس انا هضل مصرة على موقفي ،، وما في شي بيستاهل انه نزعل من بعض ونترك احلى مكان ممكن يجمعنا ،، وكلمتي الاخيرة انا بحبكم كلكم وبحترمكم وبعرف انه قلوبكم طيبة كتير وما بتحمل شي مو منيح تحياتي للجميع ،، |
رد: دردشة بنات فلسطين , دردشة حوامل فلسطين , تجمع بنات فلسطين
حبيبتي عيون المها ،، بتمنى يكون وصلك الرد على الرسالة ،، لو ما وصلتك احكيلي عالعام
|
رد: دردشة بنات فلسطين , دردشة حوامل فلسطين , تجمع بنات فلسطين
يسعد مساكم
كيفكم؟؟؟ منورين هلا ام جودى كيفك؟ وكيف الحمل؟ عيون المها ،،، كيفك؟؟ وكيف الاولاد؟ باقى الصبايا مختفيين "" ان شاءالله تكونوا بخير |
رد: دردشة بنات فلسطين , دردشة حوامل فلسطين , تجمع بنات فلسطين
بالنسبه للمشكله اللى صارت هون
انا ما الى غير شهرين هون تقريبا واعتبرت الكل هون مثل خواتى واكثر وتعرفت على مسك من خلال المشكله لما حكت ان عضويتى هى لا حساس وانا ما زعلت منها ،، لان هالشى اثبتته الاداره وانا بتمنى انها ترجع هون وما يكون فى حقد بينا ونحاول نصلح بينها وبين احساس ونوضح سوء الفهم اللى بينهم وبرجع التجمع مثل اول |
رد: دردشة بنات فلسطين , دردشة حوامل فلسطين , تجمع بنات فلسطين
مَسَـاء ألخيـ‘ـر عليكٍ أأم جودي و على الصبايااا الطيبيـــن متلـــــك ******** اول شـــي وصلتني رســــــالتك ياللي بعتز و بفتخر بكل كلمه فيها و من هون بحـــب اوجه الك اغلى تحيه دائما متوجّه بالاحترام لاخت كلماتها راح تضــل محفوره بقلبــي و عقلـــي و بالفعل انا عاجـــزه للرد على هالكمات و خجلت حروفي امام حروفك يا ام جـــودي ربي يخليلك حمودي و يتمم فرحتـــك بحملـــك و تشوفي جنينـــك بأتم الصحـــــه و العافيـــــه و ربي يبـــارك فيـــــ عمرك مشكوره و لانا بتعتلك شكر خاص و بوسه كبيره و ان شاء الله يضل أولادك شمعات تنور و تضوي حياتك و تفرحي فيهم الكلمات قليله بحقــــك و انا بدوي بعتلك رساله جديده و بتمنى تقرأيهــــا [: ~ مســـــك الســــــنين كان الي و لام جــــــــودي وجهـــات نظــــر متقــــاربه أنك لا زلتي جزء لا يتجزأ من هالتجمـــع و اذا اليوم بتهوني علينـــا معناتو راح يجي يوم و تهـــون علينا صبيـــه تانيه و ما بتعـــود كلمــة الاخوات الها أي قيمـــه او معنى هـــون بدون ما نوفي هالكلمه حئها و نتكاتف لحتى يكون لوجودنا معني مش مجرد مكان للتسليه و نقضي عالوقت من غير ما يكون اساس قوي يربطنا و من هاد المنطلق انا بضم صوتي لآم جـــودي و انتي بالنسبه الي لا زلتي اخت و هالمكان برحب فيكٍ اي وقت كتبت كلماتي بسرعه لاني بهالفتره كتير مشغوله , و بدي اطلع كمان شوي على محل الاطفال بدي اشتري لادوم اغراض اللي لازمتني بالطياره يوم الاثنين الجاي راح تكون رحلتي و راح اكتب تعليق وداع للصبايااا فقط اللي ما زال الهم احترام في قلبي و راح ازكرهم بالخير و لو بيني و بين نفسي مهما بعدت المسافه [: |
رد: دردشة بنات فلسطين , دردشة حوامل فلسطين , تجمع بنات فلسطين
دموع الليل هلا حبيبتي ,, انا بألف خير تسلمي و الآولاد ببعتولك سلام كيف الحمل معك ان شاء الله تمام و محمد الصغير كيفو ؟؟ بتمنالك سهره ممتعه حبيبتي |
رد: دردشة بنات فلسطين , دردشة حوامل فلسطين , تجمع بنات فلسطين
عيون المها
دائما يعجينى اسلوبك فى الكلام لان اسلوبك انيق مثلك بتمنى الك رحله سعيده وموفقه عندى سؤال اذا ممكن لما تصلى القدس ان شاءالله مابدك تفوتى هون؟؟؟؟ بوساتى للاولاد |
رد: دردشة بنات فلسطين , دردشة حوامل فلسطين , تجمع بنات فلسطين
مسااااء الخير يا حلوات ويا حلوين ، يا امورات وامامير
كيفكون ، مشتاقتلكوون انا ، تقبشوني جميعا ، فردا فردا ، ونفر نفر :) والله يا ام جودي انا كنت مقهورة وقلبي واجعني عاللي بصير ، ومسك اخت وعزيزة علينا كلنا ، وبتمنى انها تكبر عقلها وتنسى هالموضوع وترجعلنا ام الولييييد ، حبيبتنا واختنا العزيزة ، ما بدي ارجع احكي في الموضوع بس بدي اقول انه كل انسان بهالدنيا مسؤوول عن حاله وتصرفااته وكل كلمه بيحكيها سواء هون ولا بحياته الواقعيه محسوبة عليه ، ورح ربنا يحاسبه عليها سواء خير او شر ، لهيك كل وحده فينا لازم تراقب حالها ، وتعامل الناس باخلاقها هي ، وهيك لما يكون في رقابه عالنفس من النفس ما بنعود نغلط اغلاط نندم عليها :) كان معكم الواعظ حيفا ههههههههههه ، ما بعرف جاي عبالي اتفلسف شوي ههههههههههه المهم عيووووون يا عيووووني بدت القدس تنور شوي شوي ومن هون للاسبوع الجاي هتنوووور ويعم النور علينا كلنا اا ، يا اهلا باحلى ام ادم ولانا واسيييل :) ابقي طلي علينا مش من شاف حبااابو نسي صحاابو :) كل الصبايا وحده وحده وباسمها بحبكم جدا ، احلى خوات :) بناات ، قبل يومين اكتشفت انه وحده بتعنيلي كتيير كتيير حامل بالشهر السادس !!! وما خبرتني !!! عرفت بالصدفه ، انصدمت والله يا بنات ، حاسه انه موضوع الحمل رح يبني حواجز بيني وبين الناس !! ليش ما حكتلي خايفه احسدها مثلا ؟؟ الله يسامحها ، والله حز بنفسي كثيير وانا كنت افكرها صديقه :) الله يتمملها ع خير ويباركلها برزقها يارب :) |
رد: دردشة بنات فلسطين , دردشة حوامل فلسطين , تجمع بنات فلسطين
و
. . . . . . تصبحون على وطن ♥♥ |
رد: دردشة بنات فلسطين , دردشة حوامل فلسطين , تجمع بنات فلسطين
يسعد مسآكم يآ بنات شو اخباآركم
ممممممممممممممم ياحرام حمآهآ لـ انبثآقة توفي اول مبآرح رحمة الله عليه والله كتير زعلت الله يعينهم ويصبرهم يآآآآآآآآرب :( |
| الساعة الآن 07:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .