|
رد: تجمع حوامل ليبيا
اقتباس:
وينكم يا عويلة |
رد: تجمع حوامل ليبيا
تيمو الحمدلله علي سلامتك ومبروك عليكم البنيه تتربي في عزكم شن سميتيها
نبي نسألك بأي مصحه ولدتي؟ حبل الوصل نورتينا وخلي نفسيتك ديمه مرتاحه معراج إنشالله أختي يوم الخميس يكون يوم سعد عليكي يارب وتحملي هاد الشهر إنت وميمونه عيون زوجي لازم ترجعي لدكتورك ضروري وليه صابره على روحك كل هالفتره |
رد: تجمع حوامل ليبيا
مرحبتين بيكي أخيتي بالولينا أول حاجه ربي يتمملك حمل على خير وتنوضي بالسلامه أني احملت حملي التاني وعندي بنوته وكانت مازالت أقل من سنه تقريبا 10شهور وكنت ديمه زعلانه ومانبيش الحمل الجديدلأنو ابنيتي مازالت صغيره وأنا جايبتها بعمليه مو طبيعي وكنت خايفه هلبا ونفسيتي بالأرض
لكن توا أنا بآخر الحمل وفرحانه هلبا ونفسي أشيل وليدي بسرعه وعقبال ما تنوضي بالسلامه |
رد: تجمع حوامل ليبيا
صباخ الخيرات
|
رد: تجمع حوامل ليبيا
صباح خير يا بنات شخباركم اليوم انشاء الله كلكم كويسات ومبسوطات يا رب
تيمو الف الف الف مبروك البنية وتتربي في عزك وعز وبيها وانشاء الله من قسمك يا رب |
رد: تجمع حوامل ليبيا
مرحبتين بالمشتركات الجدد انستونا
|
رد: تجمع حوامل ليبيا
صباح الخير كيف حالكم اليوم
مرحبتين بالولينا بالنسبة للحمل عادى جدا انى لما حملت بولدى كان بنتى عمرها 8 شهور وكنت نرضع فيها ولما جبت كان عمرها سنه ونص بعدها قلت نبي ندير مانع خلاص تعبت لانى جبت 2 قيصري لكن والله توة ندمانة على قد شعر راسي |
رد: تجمع حوامل ليبيا
سلمهم يارب حبل وصل وام اسيل وميمونه يارب يامولاي زي ماعطيتني وتفضلت عليا اعطيهم يارب ياكريم وعيون الله يبارك فيك تعرفي اني مخترتلها اسم من قبل لاكن شني بديري ل تكوليف مالي الراجل بعتو هما اسماء وقالو وازو منهم واني معجبونيش بكل مش عارفه انسكر راسي ونسمي ولا نسيرهم معان حرجانه منهم عل اخر وصلت للموت ومفيش مني اتصل ونشد عليا منهم الا مره خشو نت لاكن يالا سلم اماليا وناسي حتي من جرات ماما كلموني و بنسبه لدم النفاس حتي اني زيك 3 يام قوي وبعدين ابدي خفيف قتلي ماما معناها دكتورتك شاطره ونظفاتك باهي انتي زيدي عايني وانشالله خير طبعا البواسير قاتليني قتل مش عارفه شني اندير معاش نقدر انقعمز وصدري رضعت يومين ومعنديش حلمه تفلق دم وبدي يوجع فيا اعطيتها شيشه بنيتي مسكينه ونشفط شفط وخلاص وحبي مونتي تسلمي حبيبتي اني نبي انسميها رفيف او رغد وجبت في ماليزيا لو جبت في ليبيا كنت ياني متت او بنيتي بعيد سو عليها ولمتك قعده بادن الله بروح ليبيا شهر 4 بندير سبوع كلكم معزومين من توا مش تقولو سلحت وماقالتش
|
رد: تجمع حوامل ليبيا
تيمو معليش التعب كله بأجره انشاء الله و ربي يخليلك بنيتي انشاء الله اسمعي بالنسبة للحلمة حتى انا في الاول زيك حلمتي صغيرة وتفقلت وقعدت تصب في الدم امشي قالولي على زيت الزيتون انو كويس للحلمة وفعلا درته وما مرو يومين إلا اوالحلمة طلعت وقعد ما عادش ايصب في الدم وحتى الزيت انكان مصاته بنيتك وهي ترضع ما يدرلها شيئ يا وخيتي خير من الكريمات كلها مواد كيميائية وبالنسبة لاهل راجلك عادي ما تعدليش سلامت اهلك جوك وما خلوكش بروحك للاسماء تعرفي اسم رفيف احلى انا عاجبني من قبل وكنت ناوية انسمي بنتي رفيف لاكن سبحان الله يقولو العيل يجي ويجي اسمه معاه حق سميتها روان وانا ماكانش خاطر عليا الاسم هذا بكل لاكن بوها شبحة في النت قالي عليه فغيرت رائي وسميتها روان. ربي يحفضلك بنيتك يا رب
|
رد: تجمع حوامل ليبيا
صباح الخير للكل ونهاركم حلو شكرا علرد وبارك الله فيكم ماتتصوروش قداش الموضوع مقلقني لما شفت المنتدي وشفت مشاركاتكم عجبتني هههههههههلبه اشتركة عالطول ويارب انكون صديقة ليكم وتشاركوني في حملي الغير متوقع شكراليك ياحبي مونتي ويا حبل الوصل
|
| الساعة الآن 01:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .