|
رد: دردشة حوامل أهل الخرج - دردشة بنات الخرج - تجمع حوامل الخرج
الف الف الف الفــــــــــــــــــــ مليون مبروك يالين يتربى بعزك وعز ابوه
والحمدلله على السلامه .... الحمدلله يارب. اللحين دوري انا بالولاده 6 ايام واخش التاسع يالله سهل يالله ام علاوي كيفك عنوني وشو اخبارك واش صار في عرسكم؟؟ وبلاش اسئله كثيره لين بتكتب القصه كاملللللللللللللللللللللللللللللللللللللللله هع جوريه طفشت منك مقابلتني بالقروب >>>يالبى انتي بس دلوعه كلللللللوش يالله اشتغلي ليل نهار نبي نسمع اخبار زينه قريب .. |
رد: دردشة حوامل أهل الخرج - دردشة بنات الخرج - تجمع حوامل الخرج
موووولت بس
قال مليت منك أصلا ماعد أدخل مثل قبل |
رد: دردشة حوامل أهل الخرج - دردشة بنات الخرج - تجمع حوامل الخرج
وش بلاك ياجوريه مطنقره؟
|
رد: دردشة حوامل أهل الخرج - دردشة بنات الخرج - تجمع حوامل الخرج
مراااااااااااااحب بنات
اخباركم اسومه مانقصنا في العرس الا انتم والحين نستعد يوم الثلاثاء زواج حماتي الله يوفقها جبت لها هديتها من مكياجي شنطه كبيره ب 500 رياااااااال تجنن كل شي فيها |
رد: دردشة حوامل أهل الخرج - دردشة بنات الخرج - تجمع حوامل الخرج
ع البركه كلللللللللللللللللللللللللللللللوش انا الخميس زواج بنت عمي بس بالباحه
خساره ماراح اقدر احضر الله يتمم لهم على خير ويؤلف بين قلوبهم |
رد: دردشة حوامل أهل الخرج - دردشة بنات الخرج - تجمع حوامل الخرج
السلام كروشات
اخباركم طيبين انشاءلله حبايبي لالحين انا تعبانه بس حسيت شوي بروقان قلت خليني اكتب ولادتي مثل ماوعدت اسوم ام علاوي خيطوني خياط بسيط ومو دكتوره القابله مو الخياط الي خبرك المهم ارجع لموضوع الولاده اسمحيلي اسوم بكتب الي اتذكره ولادتي هاذي ناسيه كانها حلم يوم الخميس الساعه 7 مساء رحت وقالو تنويم بكره بدري نبداء المهم الييل مانمت ابدا يمكن بس نص ساعه قبل الفجر رحت امشي ادور ادور احس ظهري يوجعني بس مافي طلق صليت الفجر قلت عاد ارتاح قبل لايعطوني تحميله كان الييل مفتوح 1 سم قبل لانام وارتاح جت قابله ماليزيه بتحط التحميله وفحصت قالت مفتوح 3سم وبسويلك توسيع يمكن يصير 4 المهم المشكله كان البيبي فوق فوق مو نازل هاذى الي اتعبني في الفحص وقالت انشاءلله يجيك طلق خلاص ماتحتاجين وودوني عاطول الولاده وكنت متفائله مفتوح اربعه وبدون طلق شي طيب ودخلت وحسيت شوي بضيقه شفت الي توجع والي والي مجتمعين عندها يحمسونها وانا رايحه راجعه في السيب وادعيلهم وولدو كل الي في القسم وانا اقول مشاءلله وانا ولا شي جت استشاريه منال الحوشان مشاءلله اخلاقها عاليه عليها كشفت علي واه سوتلي تقطيع اغشيه اول مره اسمع عنه ولله يوجع وتحطمت عاطول قالت حسيتي بطلق قلت لا قالت الحين مفتوح 5سم مدري كم الساعه جت المهم كان يوم خميس ومافيه الا دكتور واحد بس مناوب شفتو الحظ اسمه وجدي سعودي وصغير جاني قلت لا مابي يفحصني بيهون الله علي دخل علي يبي يفتح موية الجنين قال يجيك طلق بعدها انشاءلله قلت لا قال انتي المسئوله اذا صار شي مافي الا انا مناوب وقتها كان البيبي مرتفع احسه عند ضلعي قلت ماتسوى علي يالله بس ولله محترم اقول لاختي حض زوجته يفحصها من قريب يركب لولب واذا حملت مايحتاج تروح تشوف الرحم مفتوح ولا لا يكشف عليها من قريب هههه قلبتها نكته فتح المويه وقال ساعه اذا ماجاها طلق عطوها طلق صناعي راحت ساعه بس عطتني الممرضه ابره غريبه مو مسكن بس عقبها احس يختل توازني والصوره عندي مو متزنه ماشوف زين المهم عطتني طلق وابره مسكن طلبتها اسوم ترا الطلق تحسين فيه تريحك بعدها يعني الطلق عندي حامي جاتي ثلاث طلقات وراى بعض بس عندي كئن بين كل وحده وحده نص ساعه انا احسها ريحتني كثير والممرضات كلهم حبوبات يقولولي اذكري الله اقراي الزلزله كنت ادعي للامي وخواتي واخوني وعيالي بس بدا وقت الجد خلاص استسلام تقراء الزلزله وتقول اقراي وراي ونا حرف اقوله وائيه ماقولها وخواتي ازعجوهم يسالون عني ويسكرون في وجيهم يقولن علمها عند الله ادعو الله وزوجي برا وراح شاف السالفه طولت وماولدت المهم الساعه 5:30 جاء الفرج حسيت خلاص نزل تعبت عشانه مرتفع وطلعته اصعب طلعه عيالي مايطولون بسرعه بس هاذا راسه عريض واواوواو اخيرا طلع تخيلو ماسالت عنه جتني حاله نضفته وعلا طول حطته علا صدري قالت بوسيه قلت لا كاني في حلم شيله غصبتني وحبيته غصب والحمدلله اسوم وانا اكتب تذكرت الولاده حظك وسلامتكم عقبالك ام علاوي واسوم وبسلامه انشاءلله ويهون عليكم اسوم الاهتمام هو هو والنيرس كلهم اخلاق والقابلات الظاهر كلهم ماليزيات وحده صغيره وثنتين كبار السن كبار السن وحده ماترتاحين لها يوم شفت هي المسئوله عني تضايقت شكلها كانها عصبيه بس طلعت اخلاق طقيت الميانه معها اقول انتي متزوجه سواال مو بمحله قالت يو انا جده عندي اربعه عمليه وجديه ولله احسها مهتمه اذا انا في حاجتها وش بعد ياربي اندمجت وانا اكتب وتوته توته خلصت الحتوته وحموده مقابلني يبغي الحليبه خخخ |
رد: دردشة حوامل أهل الخرج - دردشة بنات الخرج - تجمع حوامل الخرج
الحمدلله يارب بس ماقولتيلي ياقمر فيه كمام او لا ؟؟
وبعد ركبو لك قصطره اولا لاني بصراحه ماابيها؟؟ وكويس الابره اللي دوختك ذي ... لين غريبه النونو مرتفع مع اني يوم شفتك بالمستشفى حسيت النونو نازل وقلت مو مطوله بتولد قريب بس سبحااااااان الله العظيم |
رد: دردشة حوامل أهل الخرج - دردشة بنات الخرج - تجمع حوامل الخرج
زانت اعلووومك يا لين ذا الدوووسري راسه عناااااد ههههههههه
الله يصلحه مابغى يطلع طيب وش بتسووووين بخياط بترجعين تسوووين تجميلي والا كيف الله يعينك ليش ماطلبتي منهم مالقيتي الزنجياااااااااات الممرضات السووود يا الله كش عليهم تغير المصااااااااانع زادو شي و الا اقسام مفتوحه ع بعض |
رد: دردشة حوامل أهل الخرج - دردشة بنات الخرج - تجمع حوامل الخرج
اسوم مافيه كمام يقولون المسئول منعه
والقصدره ركبوها يقولو تخلي الجنين ينزل تحت ايه يوم شفتيني كان نازل بس سبحان الله مره نازل ومره فوق ام علاوي بلعكس زنجيه وحده واخلاقها عسل ورحوم |
رد: دردشة حوامل أهل الخرج - دردشة بنات الخرج - تجمع حوامل الخرج
اخ يالين الله يقلع ذا المسؤل مايستحي
طيب لما خيطتك حطت لك بخاخ بنج والا لا ؟؟؟ خلاص اخر سؤال ادري خثيتك |
رد: دردشة حوامل أهل الخرج - دردشة بنات الخرج - تجمع حوامل الخرج
عادي اسوم اسالي
بس الرد راح يجيك متاخر وتبخ بخاخ ويحطون بنج وسلامتك |
رد: دردشة حوامل أهل الخرج - دردشة بنات الخرج - تجمع حوامل الخرج
فديتك يالغلا
|
رد: دردشة حوامل أهل الخرج - دردشة بنات الخرج - تجمع حوامل الخرج
لين متى بتطلعين من الاربعين بتاكلين من رمضاااااااااااان
بنات انا ضااااااااااايق صدري مره كل ماكتبت رساله افضفض فيها لاختى عن نفسيتي نسيت وارسلتها لزوجي ويرسل بعدها مليووووووون تهزيئه يقهرني مايحس باللي انا امر فيه ونفسيه الزفت وقت الحمل خصوصا اذا ماقدر يقول لو ماحملتي انهبلتي اااااااااااخ قهر زين اني بالمنتدا والا نسيت وراحت له مسحت اسمه من جوالي عشان معاد اتوهق ارسل |
رد: دردشة حوامل أهل الخرج - دردشة بنات الخرج - تجمع حوامل الخرج
ياعمري ياام علاوي كلهم كذا الرجال مايحسون فينا والله اوقات انقهر من زوجي وودي احطه تحت ضروسي افرمه فرم ,,,,,, وانتي وش مضايقك ياعمري
|
رد: دردشة حوامل أهل الخرج - دردشة بنات الخرج - تجمع حوامل الخرج
السلام عليكم حباييبي من تعرف تفسر حلم الله يجزاها الجنه
|
رد: دردشة حوامل أهل الخرج - دردشة بنات الخرج - تجمع حوامل الخرج
ماعندي خبره والله في تفسير الاحلام .. انشاء الله خير
|
رد: دردشة حوامل أهل الخرج - دردشة بنات الخرج - تجمع حوامل الخرج
صباحكم نور
ام علاوي هونيها وتهون وسعي صدرك وقد صاري نفس الموقف خخخخخ بطلع7رمضان ويلامتك |
رد: دردشة حوامل أهل الخرج - دردشة بنات الخرج - تجمع حوامل الخرج
مساء الخيرات
وينكم حبايبي ام علاوي انشاءلله النفسيه زينه وابو الشباب راضي عليك وحبيت اسالك عن الدكتوره عبير الشعبه ناويه اركب لولب شغلها حلو انتي تراجعين عندها صح الله يهون عليك وعلى اسوم |
رد: دردشة حوامل أهل الخرج - دردشة بنات الخرج - تجمع حوامل الخرج
هلابك يالين الحمد الله على كل حااااااااال من امس مايكلمني ولا اكلمه
انا اراجع عند الدكتوره هاله بالقناص اللي بالدلم مرررره شاطره تقولي لو مستشفى ماسوى لك خياط تجميلي تعالي بعد 10 ايام اسويه لك والولب مدري عنه والله اسوووووووووومه اخبارك حبيبتي الله يعيني حاجزه كوفيره من الخرج سعوديه اول مره اجربها ابي تسريحه وميك اب الله يستر ويجمل زوج حماتي بكره وجالسين ندهر له بتجيني الساعه 5 العصر طويل وبيمديها انا لحالي وسلامتكم جووووووووووري وينك مختفيه ماخلص المعهد مرت اخوي اجلته لين تولد بعد العيد |
رد: دردشة حوامل أهل الخرج - دردشة بنات الخرج - تجمع حوامل الخرج
لين ابي اشووووووووفك بعد ماتطلعين من الاربعين ويخلص رمضاااااااان بتقابل معك ومع اسوووومه في المشتل
|
رد: دردشة حوامل أهل الخرج - دردشة بنات الخرج - تجمع حوامل الخرج
السلام عليكم .. كيفكم .. انشاء الله بخير؟؟
كيف النفاس معاك يالين وكيف الصغير؟ خخخخخ ام علاوي بكون في الباحه في العيد بناااااااااااااااااااااااااااااااات اليوم رحت موعدي بالمصانع ول مره اروح المستشفى واجلس اسولف مع الحريم اللي جنبي << استانسنا مع بعض بالانتظار نسولف وعند تحليل الدم بعد نسولف ولما قطعنا الموعد سوالييييييييييف ... خخخ وكل ماشفت وحده معاها مولود رحت لها واسألها وين ولدتي ؟؟ وكيف العنايه ؟؟ وكم صار لك والده خخخخخخخ زوجي يقول والله انك مجنونه مو طمنتك البنت اللي بالمنتدى //لين// قلت الا بس من الخوف اللي فيني المهم ذي الره احسن من اللي قبلها دخلت عند الهنديه اللي تعجبني شيماء اخيرا عرفت اسمها وطمنتني تقول البيبي نازل شويه الحوض انا فرحت قلت ياللا عشان اولد بدري قالت منتي والده الا على 10 رمضان تكدر خاطري ودي اولد قبل ..وسألتها عن وزن البيبي ماشاء الله 2ونصف وانا عيوني تروح وتيجي 2 ونص ويبي يجلس 5 اسابيع في كرشتتي حشى بيصير وزنه 4 هههههههه.. ورحت صلحت تحليل دم طبزوني بأبره الله يصيبهم باليالله لقو العرق اللي بيدي ماعليهم شرهه مساكين تنفخت وطلعت وسلامتكم هاذي علومي |
رد: دردشة حوامل أهل الخرج - دردشة بنات الخرج - تجمع حوامل الخرج
اسومه
اخبارك عقبال ماتولدين يوووه اليوم كنت بروح لموعد لولدي تحليل بس مانمت الا الساعه 6 الفجر واجلته قلت لزوجي مو لاازم اليوم لو جيت كان صدتك بس يالله حضي مو مثل حظي تفلتين انتي ابي كان اشوف فخوذك المقوسه خخخ ام علاوي اخبارك جوري وينك |
رد: دردشة حوامل أهل الخرج - دردشة بنات الخرج - تجمع حوامل الخرج
مرحبا بنات شخباركم
ها من ولدت ومن لسا انا عند اهلي مبسووووطه وماادخل النت كثيييييير بناااااات ابي مفرش نفاس يكووون حلو وانيق وووين احصله ابحث فى النت مو حلوين وش الحل ياربي .....؟ ماعاد في وقت |
رد: دردشة حوامل أهل الخرج - دردشة بنات الخرج - تجمع حوامل الخرج
هلا حلم واخيرا افتكرتي المنتدى
لين الحمدلله مارحتي المستشفى تصريفه من ربي عالم انك شماته خخخخخخخخخ |
رد: دردشة حوامل أهل الخرج - دردشة بنات الخرج - تجمع حوامل الخرج
السلام عليكم ورحمة الله وبركاته
بنات انا توني ناقله للخرج وحامل ومدحولي المستشفئ الخالدي. مدري الخالديه ويقولون بعد انه مستشفئ الملام خالد يمدحونه لي ابغئ أسألكم. كيف الولاده فيه. لك غرفه خاصه الولاده والا تولدي مع الحريم بغرفه وحده بينكم ستاير بس تكفون طمنوني لأني من النوعيه اللي مااقبل احد يشوفني بولادتي طمنوني الله يطمن قلوبكم. وبعد خوفوني يقولووو يتركونك في غرفة الولاده لحالك طيب لو جتني ولاده وهم ماهم عندي مصيبه وسمعت بعد انه وسخ. وتعامل الممرضات وقحااااات. تكفوووون بناااات. اللي ولدت بمستشفئ الخالديه تطمني وتقووول لي اللي سمعته صح. والا. لا ربي يرزق الجنه كل اللي. ترد علي وتريحني أختكم ميار |
رد: دردشة حوامل أهل الخرج - دردشة بنات الخرج - تجمع حوامل الخرج
والله ياقلبي انا ماجربته بس مايمدحوووونه صراحه .. وانشاء الله البنات يفيدونك اكثررر
ليه ماتروحي لمستشفى المصانع كويس؟؟؟ |
رد: دردشة حوامل أهل الخرج - دردشة بنات الخرج - تجمع حوامل الخرج
صباح الخييير
أدري فقدتوني مو بس آنتوا حتى رجلي فاقدني ««يا واثقه تعباإاإاإاإاإاإنه ربي يشفيني لدرجة انام و اصحى اروح المعهد . . و ارجع و انام للساعه 1 اصحى للفجر و اؤجع انام جسمي مكسر خممممووووول و البيت هادي بعد شدون بكره برح آخذ ام علاوووي خير تجتمعون انتي و اسوم و لين خيييييييييييير مو على كيفكم لين ولدت العيد بنروح المشتل كلنا او نروح وردة القمر ع قولة ام يزن لأنه مكيف تخبرون حر ربي يجيرنا والله عورتني يدي من الكتابه تصبحون على خير حبيباتي وحشتوني برجع اسولف وثت ثاني مصدعه |
رد: دردشة حوامل أهل الخرج - دردشة بنات الخرج - تجمع حوامل الخرج
اقتباس:
المصانع بس للي تبع المصانع الحربيه او شي من كذا »» ارقدي انتي تدورين الغصا و انتي مامنك |
رد: دردشة حوامل أهل الخرج - دردشة بنات الخرج - تجمع حوامل الخرج
صباحو حبايبي
جوري تعبك خمول ونوم انشاءلله حامل مبروك اناخلصت الحمدلله واسومه قريب شهر وام علاوي ثلاث شهور وتولد دورك الحين وتاكلين شهر بعد حرام الحالك احنى خلاص نلتهي في كتاكيتنا وانتي الحالك كروشه ام علاوي وينك*شكل ابو الشباب راضي عليك معاد نشوفك |
رد: دردشة حوامل أهل الخرج - دردشة بنات الخرج - تجمع حوامل الخرج
اقتباس:
اي حامل توني مخلصه دورتي من فتره ولا صار هالشي الا مره صدق مافيني اعطي رجلي وجه هههههههه ، ، وبعدين خير انا آكل حبوب.و زوجي يعزل بداية.كل شهر »«»«ابليس يعرف ربه . . . . . أم علاووي حتى انا مثلك بس الحمدلله تصدف اني ارسل الرساله و هو قبالي وبس اسمع نغمة الرسايل اعرف اني مخبصه و ركض ع جواله و ملاحق بالبيت ادخل الحمام و اقفل الباب و امسح والله تقريبا كل يوم اول ما تزوجتhwaml9 |
رد: دردشة حوامل أهل الخرج - دردشة بنات الخرج - تجمع حوامل الخرج
لييييين
where are you? |
رد: دردشة حوامل أهل الخرج - دردشة بنات الخرج - تجمع حوامل الخرج
مراااااااااااحب يابنات كيف الحااااااااال
جوري خلاص بعد العيد نتقاااااابل باللي قلتي المحل مدري وش اسمه اكتبي لي عنوانه لين هلابك ياقلبي ابشرك طاح مافي راسه يوم شاف الزين كله وراحت من عندي الكوفيره طاح الحطب بنات كوفيره سعوديه شغلها قسم بالله خطير انا طالعه مميزه مكياجها روعه ورسمت الحواجب الجنان مايقى احد في الزواج ماسالني عليها ووعدتها اسوي لها دعايه بس والله انها قد المدح واسعارها حلوه مقارنه مع السوريات والمغربيات \مكياج مميز 200 وتسريحه 200 عليها بالعافيه بس الحمد الله طلعت بشكل مرضي اللي تبي رقمها ترسلي ع الخاص |
رد: دردشة حوامل أهل الخرج - دردشة بنات الخرج - تجمع حوامل الخرج
بنات بكره عندنا زواج زوجي مصر اروح وانا مالي نفس وش رايكم
اروح انا وذي الكرشه والا اجلس بالبيت مع اني مالي نفس |
رد: دردشة حوامل أهل الخرج - دردشة بنات الخرج - تجمع حوامل الخرج
اسومه ريحي نفسك اذا ماودك تروحين
ام علاوي ارسلي رقم الكوفيره واسمها عالخاص بسرعه في ناس يبونها |
رد: دردشة حوامل أهل الخرج - دردشة بنات الخرج - تجمع حوامل الخرج
ايه قررت مااروح لان اخلاقي مقفله اعوذ بالله من الشيطان
|
رد: دردشة حوامل أهل الخرج - دردشة بنات الخرج - تجمع حوامل الخرج
اسومه كان رحتي وانبسطتي بس اهم شي راحتك
|
رد: دردشة حوامل أهل الخرج - دردشة بنات الخرج - تجمع حوامل الخرج
ياعمري ياام علاوي مدري وشفيني رجعت عندي حالة البكاء
قربت الولاده ومتوتره بنات صرت امشي واليوم شفت زي الافرازات الخضراء بس قليله مررره وكمان احس برطوبه ولما اشوف ملابسي الاحظ زي المغرقه بمويه ولونها مايل للاخضر الفاتح عشان هيك متخوفه |
رد: دردشة حوامل أهل الخرج - دردشة بنات الخرج - تجمع حوامل الخرج
اسومه
وسعي صدرك احتمال التهاب روحي وشوفي انا من الشهر الخامس وانا افرازات ثقيله ومويات وموسعه صدري ولا اتخافين ولله الولاده الحين عندي مثل الحلم ساعات وتقولين سبحان الله وشلون راحت بسرعه ترى النفسيه مهمه |
رد: دردشة حوامل أهل الخرج - دردشة بنات الخرج - تجمع حوامل الخرج
هانت يا اسوووووووووومه الله يتمم لك على خير يافلبي
روحي لدكتوره تطمني روحي لخااااااااااص اسرع لك طمنينا عليك وكثري من قراءه القراااااااااااان الله يقومك بسلامه جوري وينك بشريني عنك عساك احسن الحين وشلون بنووووتك لبى قلبها |
رد: دردشة حوامل أهل الخرج - دردشة بنات الخرج - تجمع حوامل الخرج
صباحو ام علاوي
الكوفيره شغلها ناعم ومرتب والا صارخ والوان اوصفي شغلها وبطيئه ولا سريعه خواتي كثير اشوف تاخر عليهم ولا لا تصدقين انا في كل المناسبات انا الي اسوي ميك اب الي يناسب المناسبه اعرف لنفسي اكثر من المشاغل ولله اريح لي دايم مناسبات اهل زوجي شطه الي في المشغل ذا والي يجتمعون وتطلع لهم كوفير من الرياض وتصكهم 500 وانا نوووووم ومريحه حالي |
| الساعة الآن 03:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .