|
رد: تجمع الولاده القيصريه
والله يا درر ماعندي خلفيه بس كل اللي اعرفه ان الحمل الثاني بعد القيصري ممكن تولدي طبيعي بس لازم يجيك الطلق طبيعي وما تقدري تاخذي طلق صناعي لانه قوي عالرحم وممكن يسبب انفجار ..
وقبل كم يوم كنت اتكلم مع سلفتي وهي ممرضه نساء وولاده .. تقول ان احيانا حتى الطلق الطبيعي يكون حار وقوي عند بعض الحريم وبالتالي يسبب انفجار للرحم ..ومع ذلك امكانية الولاده الطبيعي ممكنه شرط الطلق طبيعي .. الله يهون على كل حامل ويسهل ولادتها يارب ويحميها وجنينها .. |
رد: تجمع الولاده القيصريه
صباح الخيرااات حبيباتي كيفكم وحشتوووووووووووووووني الحمد لله والشكر ولدت بالسلامه قيصري ولي شهرين وفوقها شوي وهذي عمليتي الثانيه مررررة تعبت عن الاولى لكن الحمد لله على كل حال واهم شي قمت بالسلامه انا والنونو على انه كان عندي امل كبير بالطبيعي والحمد لله والشكر
|
رد: تجمع الولاده القيصريه
اممم مشكوره لولا حبيبتي
ان شاله لاحملت اولد قيصري دام مافي امكانيه مع الصناعي والطبيعي |
رد: تجمع الولاده القيصريه
لا يادرر هي مو قاعده كثير حريم ولدوا قيصري وبعدها طبيعي
ربك الحامي وهذه مو قاعده بالنسبه للطلق الطبيعي يعني وكل ولاده سبحان الله بظروفها الله يحميك ويحمينا من كل شر ويسهل علينا كل الولادات لاكتب ربنا وحملنا ثاني |
رد: تجمع الولاده القيصريه
بجد
هالمنتدى رااائع كل شي ممكن يجي على بالك بتلاقيه ومنظم ومرتب انا ولدت قيصري بنتي واستخدمت حبوب الرضاعه وقدر الله اني حملت والحمدالله على مارزقني لاني حملت بتوأم طبعا مت من الخوف لان بين العمليه والحمل 3 اشهر فقط الان بمنتصف الشهر الرابع واتابع الحمل كل اسبوعين اخذ 3 مرات دوفستون وسار معي نزيف بالثالث بس الحمدالله عدى على خير حاسه بثقل والمشي عندي يادوووب وكاني بالتاسع,,واتعب بسرعه كل هذا مو مهم,,انا افكر اولا وقبل كل شي بصحتهم والحمدالله انهم بخير الشي الثاني:العمليه......مكانها بدا يالمني وبطني بتضغط عليها انا سمعت ان مكانها ممكن ينفتح؟؟؟؟ سالت الدكتورة وطمنتني وقالت لا كل شي تمام بس انا حاستها تبي تبعد الخوف مني بس طبعا والعلم عندالله راح اولد قيصري وانا اصلا من اول ماخرجت من المستشفى بعد العمليه الاولى قلت لو حملت ابغى قيصري لاني شفت الموت بالطلق الصناعي 12 ساعه ظليت قبل ما ادخل غرفه العمليات مين تقدر تفيدني الى ان ابدا مراجعات عند مستشفى حكومي..لاني راح افتح ملف واتابع الشهور الاخيره عشان احتماليه الولاده المبكره والحضانه للاطفال....لان الحكومي افضل مافيه الحضاااانه:: انا خااايفه تقول لي الدكتوره نستنى تولدي طبيعي وانا ما ابغى تتوقعون تحدد لي موعد للقيصري من الثامن ؟؟ ولا بتقول لي لما تدخلي التاسع ويجيك الطلق ساعتها يسير خير طولت عليكم بس انبسطت لما شفت اليوم وبالصدفه ان فيه تجمع للقيصري ويديكم الف عاااافيه |
رد: تجمع الولاده القيصريه
در ..سهل الله أمرك
فيه كثير يولدون بعد القيصري طبيعي ، أنا ولدت الثاني طبيعي مع إن الأول قيصري ... غنو حياتي ... هون الله حملك وطوى عنك بعده توكلي على الله ولا تشيلين هم ، لا تشتغلين كثير وارتاحي قدر ما تقدرين ، والأفضل إنك ما تشتغلين أو تحملين أوزان ، ومادام الطبيبة طمنتك فأكيد حالتك زينة ، أنا بعد ولادتي للتوأم بثلاث أشهر حملت ، وشلت هم الدنيا على رأسي ، بس الحمد لله وصلت حتى الاسبوع 34، وكله من فضل ربي ... خليك من الشيطان ووساوسه وتوكلي على الرحمن مادام رزقك بإذن الله يحافظ عليه بس استودعيهم الله وخليك مرتاحة ... وما أتوقع ينتظرون يولدونك طبيعي لإنك قيصري وتحسين بألم الجرح وثانيا توأم ... إدعي ربك يسهل أمرك ... |
رد: تجمع الولاده القيصريه
شازل
الله يطمن بالك ويحفظك انت ولدتي التوأم قيصري؟ وصلتني بالحمل اللي بعده للاسبوع 34 وولدتي طبيعي ولا قيصري؟ ولو قيصري حددو لك موعد العمليه من قبل ورحتي المستشفى وانت عارفه انك بعمليه ولا رحتي بعد ماجاك الطلق؟ اعذريني عالاسئله بس حابه اطمن تعرفي كيف يكون القلق ..وربي انا خوفي مو على نفسي لا والله انا خايفه عليهم وابغى يجو وهم بصحه وعافيه ان شاء الله |
رد: تجمع الولاده القيصريه
سلام ياللي كانوا كروشات خخخخخخخ
ابقولكم وش احسن القيصري والا الطبيعي |
رد: تجمع الولاده القيصريه
الجوري
مرااحب انا بولادتي الاولى اتعسرت ذقت الطلق على اصووووله بجد حسيت اني قربت من الموت واترجيتهم اولد قيصري وولدت بيني وبينك ومن وجهة نظري: افضل القيصري ,,,توفري على نفسك الآلآلآلآلآم الطلق والتوسعه من تحت والغرز وعذاب الحمام الله يكرمك والالتهابات القيصري تدخلي تنامي وتصحي وتلاقي ولدك او بنتك.. صح تعب العمليه بس عالاقل مو خياطه وغرز وما تتعذبي بالحمام شويه اهتمام وتخف وكمااااان ما يسير فيه عبث بالمكان اللي بالي بالك خخخ وترجعي كأنك بنوووته والله يقدم اللي فيه الخير |
رد: تجمع الولاده القيصريه
غنو حياتي ... أسعدك الله
أنا أول واحد قيصري - والسبب 42إسبوع والموية قليلة جدة وخوف على الجنين .. الثاني جاني طلق خفيف ورحت المستشفى وبعد وقت ولدت طبيعي ... الثالث حاولوا طبيعي بس الجنين رقى فوق رافض ينزل وويوم بدت تخف دقات قلبه سوا لي عملية ... الرابع توأم في الاسبوع 37 حسيت بالطلق حتى آخر لمحة ويوم رحت المستشفى قالوا مفتوح الرحم 6 سم وعلى طول عملية ...السنة اللي فاتت .. بذي القعدة الخامس أنا حامل هالحين في الاسبوع 34وفي ذي القعدة ولادتي راح تكون بإذن الله ... وهذه قصتي مع الحمل والولادة ... |
| الساعة الآن 08:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .