|
رد: دردشة حوامل المغرب المغتربات
السلام عليكم كيف دايرين مع الحمل ومرحبا بالاخت ام جورية والاخت جمولة في التجمع وانشاء الله ربي يتمم ليكم على خير
اختى جمولة شفتك شاداك القنطة كاعمما تبرزطي راسك دابا دوز هاد الفترة انشاء الله اختك ياما بكيت وتنقوليه بغيت نرجع بحالي دابا وليت تنقوليه مافياا مايمشي المغرب ههههههههههههه تقلبات الدعوة عندي وانشاء الله تولفي اكثر منى تولدي تيونسوا بزاف اما الاخت او جويرية ارتاحي ومايكون الا الخير ونقوليك حاجة هنا في ايطالياا تيقولوا بنفسهم الا كان الحمل ايكمل فهو ايكمل بمشيءة ديال الله وماكاين تدواا ايكملوا او ايحبس نزولواا هدي الهضرة الي كانوا تيقولوا لياا فاش كنت على وشك الاجهاض واخاا عطاوني تحاميل كلشي بيد الله سبحانه وتعالى وكثري من الدعاء وربي انشاء الله يتمم ليك على خير |
رد: دردشة حوامل المغرب المغتربات
اختي ام جورية الله يطمنك لاكن شيري عند شي طبيبة اخرى ميمكنش تبقاي تسناي حتى ترجع طبيبة نتي سيري طمتني على راسك ومني ترجع طبيبتك ولي سيري عندها انا كنت قريت في المنتدى لي كيهبط ليها هاداك الوسخ تيكون عندها نقص في بروجيستيرون لي كيساهم في تتبيت جنين وكلشي بادن الله يقول لشيئ كن فيكون لاكن تيقوليك تسبب اعبدي وانا نعاونك ولفيقان بكري بدهب مشري الى فقتي بحالتك بكري تقدري تعلجي انا مبغاش نخلعك لكن خصك تدوزي وتشوفي مناش انا من قبل في حملي اول هبط عليا وسخ بحال ديال لريكل اربعة ايام متابعة وانا مكنتش عرفة راسي حاملة قلت ليريكل غاتجي ومنبعدها اجيك الفيضانات وطاحلي جنين ومني مشيت لمستعجلات لقاوني طاحلي بيبي كان ممكتابش وقاتلي طبيبة اي حلجة هبطات عليك متستهونيش بيها وكلشي بادن الله حنا غير سبب في هاد الدنيا وكتري دعاء واستغفار
|
رد: دردشة حوامل المغرب المغتربات
وفينك اختي دولتشي غبرتي علينا لباس عليك بداكم شيبرد ديال بصح ولا باقي حنا بدا غير هو ولجو خايب ومقناط الله يصاوب راني درت واحد تجمع المغتربات ايطاليا باش نفيدو بعضياتنا في دردشة حوامل نتمنى تشاركينا فيه
|
رد: دردشة حوامل المغرب المغتربات
اقتباس:
اشخبارك ام ريان ان شاء الله بخير و الله تجمع بدا كيزيان و بدينا تنتفرقو صحاب ايطاليا و لاو بحدهم انا الفكرة انانا نتجمعو كلنا في اي بقعة من هاد الارض و الي كيجمعنا هو كوننا مغربيات و اللحمد الله كاين تجاوب و لكن ماشي مزيانا منك انك تفرقينا هاكدا و تقوليلهم يلاه في تجمع تاني انا كان هدفي اجمع الجنسية المغربية و نحافضو على صورتنا امام الكل اننا كنتجمعو و كنحبو بعضياتنا في الله و كنتعاونو فارجوكي خلي هاد الصورة و هاد التجمع مكمول و جزاكي الله كل خير |
رد: دردشة حوامل المغرب المغتربات
معلش يا اخواتي الجدد انا تاخرت عليكم في الترحيب
ارحب بيكم و الف مرحبا و اتمنى تكون اخوات لينا في هاد التجمع الرائع الي فعلا كلنا كنستافدو منو و من بعضياتنا كل و حدة بخبرتها البسيط كتفيد اختها في الله و الله يكمل حملنا على خير و ربي يتبت حملكم جميعا و ربي هو العالم بلغيب اهم شيء الراحة و مداومة المراقبة و اي شيء مشي طبيعي نخبر بيه الطبيب ديالي بحال الاخت الي نزل عليها افرازات و طبيبة في الحج لازم يا اختي متاخريش على متابعة مع طبيبة تانية و بسرعة باش تعطيك الادوية الازمة للمحافضة على الحمل ممكن انت محتاجاها في هاد الفترة من تلات الشهور الاولى و ربي يكمل حمل على خير |
رد: دردشة حوامل المغرب المغتربات
بسم الله الرحمن الرحيم
عانقت جدران منتدانا عطر قدومكم ... وتزيّنت مساحاته بأعذب عبارات الود والترحيب ومشاعر الأخوة والإخلاص ... كفوفنا ممدودة لكفوفـكم لنخضبها جميعاً بالتكاتف في سبيـل زرع بذور الأخلاقيـات الراقيـة ولا نلبـث أن نجني منهـا إن شاء الله ثمراً صالحاً.. ونتشـارك كالأسرة الواحدة لتثقيف بعضنا البعض في كل المجالات أتمنى لكم قضاء وقت ممتع معنا اهداء للكل اخواتي المغربيات الي منورني في التجمع رببنا يخلينا مجموعين hwaml12 |
رد: دردشة حوامل المغرب المغتربات
اختي ام ريان حرام عليك تفرقي هكا واحنا ماصدقنا حتى لقينا بنات لبلاد وباغه تفرقينا الجمد لله كلنا مغاربه وكلنا حوامل ونقدرو نفيدو بعضنا وشكرا لك يا اختي
|
رد: دردشة حوامل المغرب المغتربات
شكرا لكم أخواتي الغاليات دولسي و أم ريان و رانيا و كذالك الغالية أم صيصة على ردودكم الطيبة
أم صيصة نحسب الأخت أم ريان و رانية على خير يمكن هي قصدات تجمع الأخوات مغربيات لي في ايطاليا بحكم نفس بلد لي جامعهم و كذا .. و لكن من الأحسن أننا نبقاو في مكان واحد بلا تفرقة و منساوش بلي حنا بنات المغرب خاصنا نعطيو صورة مشرفة على بلادنا و حتى التواصل بيناتنا ساهل بلا تعقيدات لهجتنا واحدة و كما يقال يد الله مع الجماعة نحن أمهات الغد وكلنا مررنا و لازلنا نمر من تجربة الحمل و نقدرو نستافدو من بعضياتنا و نفيدو مهم هادي كانت وجهة نظري حبيبتي أم ريان و الله من وراء القصد و أتمنى أن لا تسيء الفهم احتراماتي الغزالة hwaml7 |
رد: دردشة حوامل المغرب المغتربات
السلام عليكم كيديرن غالياتي نتمنى تكونو بخير
سمحو لي ندخل بخيط بيض راه ام ريان مقصدهاش تفرق التجمع لا غير اوكان بغات زعما تعرفو الايطاليات باش زعما الى كانت شي وحدة قريبة من شي وحدة خرا فالسكنة وهما معرفينش اونسو بعضياتهم والي عندها خبرة فالاطبة تما ومستشفيات الولادة وفين تيتقداو للبيبي يعني راكم عارفين دكشي الي كيهم لعيالات هههههه راكوم عارفين اخواتاتي الغربة صعيبة خصنا نحسنو الضن ببعضياتنا كما علمنا الرسول صلى الله عليه وسلم اوا صليو عليه انا متاكدة ان لتجمع ديالنا غيكون الاحسن بادن الله في امان الله وحفظه |
رد: دردشة حوامل المغرب المغتربات
نعم أم خلفاء هادشي ليكاين
|
| الساعة الآن 03:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .