|
رد: تجمع امهات التوام حياكم
مشكورين بنات على الرد الظاهر ان الشرقات مشكلة الكل
طيب بنات والمغص والامساك وش الحل معاه ولدي سره بعد ماطاح بكم يوم صار ينزل منه دم وش اسوي متى ختنتوا اولادكم ماادري متى انسب وقت اه يابنات مافي راحه ولا نوم الله يعين |
رد: تجمع امهات التوام حياكم
هلا والله بالامهات الله يعين كلة باجرة
سارة حبيبتي ايام وتتعودين على الوضع بالنسبة للمغص عندك دوا بالصيدلية اسمه سالينال عجييييييييييييييييييييييييييييييييييييييب وحدة تمدحة بالمنتدى وجربتة شي رهيب اخذته حق بناتي من غير وصفة 5 نقط بالفم يريحهم ويخليهم ينامون بس لا تعطينهم الا وقت الضرورة لما تحسين انهم حييل تعبانين مو قادرين ينامون وبالنسبة للمغص العادي عطيهم ماي غريب وبعد كل رضعه نيميهم على بطنهم لمدة 10 دقايق وبعدين عدليهم . وبالنسبة لسرة البيبي اخذي منقوع المرة الماي بقطنة وامسحي حول السرة موووووو فوقها لالالا حواليها وشوفي النتيجة . ختان الولد اذا تم شهر احسن لا تطولين اكثر من شهر. |
رد: تجمع امهات التوام حياكم
للمغص جربوا ماء غريب 2.5 مل خاصة الإمساك
وإذا المشكلة في المعدة.. colic drops وفي ملينات بالصيدلية تنباع منها نوع اسمه إيزيلاك وحاولوا ترضعون طبيعي لأن يخفف الامساك الحليب الصناعي هو اللي يجيب الامساك بشتى انواعه على ترهلات البطن.. أنا الحمد لله وزني نازل واجد أقل من قبل لا أحمل.. بس كرشتي تفشل رغم أني مخخفة من زود ما ألبس الضاغط... بس هالجلاويد مادري كيف أشيلها وصار لي كم يوم أحاول أغصب على نفسي تمارين البطن |
رد: تجمع امهات التوام حياكم
نارا .........انا اول ماولدت ضعفت حيييل وزني رجع مثل قبل بس ماحافظت واللحين زاد وزني والكرررررررررررررررررررررررررررررررررررررررررررررر رررررررررررررررررررشة مسببتلي كابة حييييييييل وخصوصا اني والدة قيصرية فالتصميم البطن متغير حييل .ما ادري شنو الحل ؟؟
|
رد: تجمع امهات التوام حياكم
قوه بنات او امهات اشلونكم:
ولدي كان وايد يرجع ووايد فيه غازات وكله متضايق من بطنه مسكين ينام و يقعد على صراخ لمن بديت اعطيه ماي غريب مثل ما قالو الخوات عجيب يريحه و شوي شوي بدا يرتاح و راحة غازاته مره من المرات وقفت الماي غريب يومين رد اعتفس و قام يرجع نافوره والحين ما اقطعه كلش لازم اعطيه بليل ماي غريب ووراه اشوية ماي لان الماي غريب وايد حالي. بالنسبه للاكل اللي تحاتي وتخاف تدخل شي تجيك على خروج البيبي لاحظي الخروج على طول اهو اللي يوظح اذا الياهل تعبان من معدته والا في شي مرتاح والامتضايق اول ما تحسين ان الخروج بدا يصير ايبس على طول وقفي اللي تعطينه. بالنسبه للامساك ماي دافي و قند وايد يريح البيبي و التمر بعد يطلع الي بالبطن و طبعا مع ماي الغريب. الرضاعه طبعا الافضل الطبيعي لكن الصراحه تعب و انا من الناس اللي ما استحمل وايد ياثر على نفسيتي والدكتور صراحه قالي في الحالات الطبيعيه ننصح بالطبيعي لكن بالتوم ما انصحج لان وايد راح تتعبين و الصراحه نشفت حليبي و خليتني على الصناعبي و لا تحاولون تخلطون طبيعي و صناعي لاني جربت هالموضوع يزيد الغازات في بطن اليهال و يسويله لويه و عوار و يتضايق وايد وايد . ومع الوقت راح تلاحظين ان الغازات تقل وتتظبط كل المسائل. وفي شغله بعد من بعد ال40 تقدرين تبدين تظبطين نوم البيبيات اشوي اشوي لمن يتعودون على سستم معين مثلا وهذا لا تطبقونه على عيالكم كل بيبي له سستم معين لكن: انا عيالي على الساعه 12 بليل اعطيهم اخر رضعه ويكون فيها اشوية بسكوت فارليز عشان يشبعون بعدها اعطيهم الماي غريب ووراه اشويه ماي واحطهم في السرير مع المصاصه تلقينهم ينامون لي صلاة الفجر او قبل الفجر بساعه يقعدون على طول اعطيهم رضعة حليب و يرجعون ينامون لي الساعه 8 او 8ونص بس على شرط ان من الساعه 8 او 9 بليل ما تنومينهم كل ما غفو تشيلينهم و ما تخلينهم ينامون وبس سوري ان طولت عليكم. |
رد: تجمع امهات التوام حياكم
زود الغلا ممكن تكتبين اسم دواء المغص بالانجليزي بالظبط الله يعافيك
|
رد: تجمع امهات التوام حياكم
والله يا جماعة الخير أنا نفسي بالتوأم وربي يرزقني
بس ما عنا أحد عنده توأم شلون أقدر أجيب توأم هل هناك حبوب أو منشطات ؟؟؟؟ وهل وحدة منكم جابت التوينز بالمنشطات ربي يسهل أمركم تكفوون جاوبوني |
رد: تجمع امهات التوام حياكم
ام ياسمين ....لك وحشة .. كم مل ماي غريب تعطينهم .
سارة ....اسم الدوا salinal سالينال ومدحوة البنات بالمنتدى يهببببل 5 نقط لضرورة 3 مرات باليوم ...انا بصراحة اعطيهم بس مرة باليوم لانهم يتحسنون بعجدة من اول مرة ...بس انت خلك على ماي غريب بس اذا حيييل تعبانين من المغص عطيهم سالينال . |
رد: تجمع امهات التوام حياكم
السلام عليكم ورحمة الله وبركاته ... وبعد :
عدت والعود أحمد ... رفع الله قدر وأسعد اللي ذكرن خاصة واللي ما ذكرن ... سبب غيابي ما فيه شيء غير إني بديت أستغل وقتي بالقراءة ، بس ما نسيتكم دايم أقرأ ردودكم ، وأستفيد منكم ، فلكم جزيل الشكر على ما تقدموه لنا ... الزبدة ... وش حالكم مع التوائم وكيف أحوال التوائم معكم .. أنا ولله الحمد توائمي بخير وعافية بدؤ يغاغون ويلتفتون على الاصوات وكبروا ولله الحمد وزاد وزنهم وأحس احسن حليب للاولاد الذكور هو بليميل مرة يكبرهم وتلاحظين صحتهم زينة ...أما الغازات فاكالعادة سالينال في بعض الاحيان ومرة أعطيهم منقوع الشمر أو الكراوية وأحليه بعسل أسود ... ورضعة لازم تكون من الماء مع كلكوز- سكر نبات -وفي الليل أمهدهم زين - يعني بالحبل - وأنومهم بعدما ياخذون رضعتهم الاخيرة ، ثم ينامون في بعض الاحيان يقومون باللليل فاعطيهم اللهاية وينامون أو أعطيهم بيبرونة فيها ماء حتى الفجر ثم أعطيهم حليبهم وفي الساعة 7 يقومون ويلعبون شوي ثم يبدون ياخذون قيلولات ... أما الرضاعة الطبيعية فوقفتها ليومين فرفضوا بعدين ياخذون صدري فحولتهم إلى صناعي بليميل ... أما السيارة فلازم أطلعهم حتى لو 3 مرات في الاسبوع أمهدهم زين وأحطهم تحت عند رجليني طبعا أبعد المقعد حق السيارة حنى آخر شيء وينامون بعد ما تمشي السيارة ونادرا يقومون يبون أشيلهم .. أما عيالي الباقين ركبنا لهم شاشات دي في دي ورى مقاعدنا يجلسون ويشوفون طيور الجنة أو بارني .. وكذا أكون مرتاحة أكثر ... البنات اللي يعانون من الشرقات لتوائمهم شوفو حلمات البيبرونة كيف ينزل منها الحليب ؟؟ وهل هي مناسبة لهم لعمرهم ، أنا شريت حلمات جديدة ولاحظت إنهم يشرقون ويصبصب الحليب على طول غيرت الحلمة - أنا أحب حلمات بيجون - على حسب عمرهم .. أما عن جسمي ولله الحمد راح ترهل كرشي وصارة مرة صغيرة المهم الترهل من كل جسمي راح وإنشد جسمي صح ما نزل الوزن بس المشكلة العظمى خفت وللخطوط على البطن استخدمي زيت الزيتون مع ماء الورد يشد البطن ويبيضه وينعمه ويخفف الخطوط مرة ... صح نسيت أقول لكم وش الله شد بطني الزبادي أحط فيه ملعقة شمر وملعقة نخالة وقبل كل وجبة أكله وأكل وجبتي عادي بس أحاول أبكر بالعشاء .. أما إذا تعبت فالتجأ إلى الله واسولف معه على كيف كيفي ولا أحد يردن بعده يخف الحمل ويزول التعب وأرجع نشيطة ... ما حاولت ألتجأء لآحد ثاني لإن ما راح يفهمني أو يفهم معاناتي أحد ... وربي جربوها طقي سواليف أنواع وأشكال مع ربك وشوفي كيف يرتاح قلبك وكيف يتربون إعيالك على الصح وكيف تترتب حياتك وكيف وكيف ... جومانا أنا سمعت إن سيميلاك فيه يرقات خنافس وقريت عنه في المنتدى برضوا .. والله أعلم |
رد: تجمع امهات التوام حياكم
ياحبيلك شااااااازل ربي يطلعك على قد نيتك صراحه ترتفع همتي للثريا اذا كتبتي ربي يرزقك برهم انتي عندك احد ماتعلم الحمام غير التوام ربي يعينك ولا بس التوام لانه اذا حسيت بتعب تذكرتك وقلت الحمد لله معي احد
والله ودي اطلع عن البيت احس مليت منه لكن عجزت دايم تعبانه وودي اتلين بالجلوس افكر اشري عربه لتنقلاتهم بالبيت صراحه ظهري منفك ملع ولااقدر ازممهم |
| الساعة الآن 08:44 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .