|
رد: دردشة حوامل مصر - دردشة بنات مصر - تجمع حوامل مصر
تخيلى يا جوجو الست دى مفكره انى علشان سافرت عروسة انى بلطجت عليهم ومجبتش عفش فرصة بقى مادام مسافرة
جابت الكلام ازاى بقى انى كنت بصبع الكفتة جنبها وحاطة صينيتبن برص فيهم بتقولى اظن ان انتى معندكيش الحاجات دى فى مصر فسألتها حاجات ايه قالتلى صوانى وكده يعنى كنت عايزة اقولها ناااااااااااااااعم مسكت نفسى وقلتلها ازاى ياحجة ده انا مجهزة جهاز يكفى عروستين وربنا شاهد على كلامى ده انا جايبة صالون ب 11 الف ومطبخ ب 7 ونص والاجهزة ب 12 او 13 وجايبة غسالة اوتوماتيك وهاف والسجاجيد ب 5 ده غير اجهزة المطبخ وحاجة المطبخ وبعد كام ساعة تسألنى يعنى عندك تلفزيون زى ده فى مصر حسبى الله ونعم الوكيل |
رد: دردشة حوامل مصر - دردشة بنات مصر - تجمع حوامل مصر
تعرفى انا كمان مكسله اعمل اكل كنت هروح عند ماما انهارده وصحينا متأخر ف هانى راح على الشغل علطول وانا بقى مكسله اعمل حاجه بس مليش حجه اريح بيها خصوصا انى كمان مطبختش امبارح
|
رد: دردشة حوامل مصر - دردشة بنات مصر - تجمع حوامل مصر
يابنتى ده كل حاجة المطبخ مش نظيفة ومن تعبنى افضل اغسل فيهم على مراحل يعنى غسلت الاطباق والكوبايات و لسه الحلل والصوانى جوه والله مش قادرة اقوم اعملها ظهرى حاسة انه هيتكسر الحمدلله
|
رد: دردشة حوامل مصر - دردشة بنات مصر - تجمع حوامل مصر
هههههههههههههه اهى دى بقى البلطجة بعينها حتى لو تعملى شاورما وتخليه يجيبلك فينو او عيش شامى اى حاجة والسلام واليوم يعدى
|
رد: دردشة حوامل مصر - دردشة بنات مصر - تجمع حوامل مصر
هههههههههههههه يالهوى على الشلل ده ايه الست دى
اما تنزلى وتفرشى شقتك لازم تعزميهم يوم علشان يتفرجوا ويتغاظوا ايه الناس دى |
رد: دردشة حوامل مصر - دردشة بنات مصر - تجمع حوامل مصر
انا عندى رنجه ف قلت اعملها واتغدى بيها وهانى اعمله شورمه ومكرونه
اسكتى يالولو عملت البسبوسه بس قبل ما اعرف طريقتك وكانت غريبه مش وحشه بس بردوا مش بسبوسه والراجل كلها وسكت ياعينى رحنا امبارح كلنا بره والحلو كان فيه بسبوسه وهو بيكلها بيقلى اهى دى البسبوسه ههههههههههههه |
رد: دردشة حوامل مصر - دردشة بنات مصر - تجمع حوامل مصر
لما جه جوزى قلتله على الكلمتين دول قالى دى ست غلبانة وعلى نياتها قلتله ممكن يكونوا اهلك بيفكروا فعلا كده انى استهبلت ومجبتش حاجة قالى حتى لو كده قالى اللى يقول يقول
على فكرة قبل ما اسافر بكام شهر وصلنا كلام ان عمه قال ان عفشنا يروح قبل ما اسافر علشان منمش عليه وكده شفتى الهنا على فكره عمه ده معايا فى نفس البيت علشان بس تعرفوا انا ليه اخترت بمزاجى اولد لوحدى ولا انى اشوف خلقتهم ده طبعا غير طباع حماتى وحمايا الله المستعان الحمدلله على كل حال |
رد: دردشة حوامل مصر - دردشة بنات مصر - تجمع حوامل مصر
هههههههههههههههه والله كان على بالى اسئلك من شوية ايه اللى كان غريب فى بسبوستك بس نسيت
طيب جربيها بالطريقة اللى بعتهالك بجد تحفة وبتدوووووووب ما شاء الله |
رد: دردشة حوامل مصر - دردشة بنات مصر - تجمع حوامل مصر
عارفه يالولو الدنيا مليانه والله انا بسمع حكاوى على اهل الجوز افظع من كده انتى الحل الى ميعملش مشاكل بينك وبين جوزك انك تتجنبيهم والحمد لله انكوا مسافرين فعلا راحه نفسيه بعيد عن اى ضغوطات
بس انتى مامتك مش هتجيلك ليه |
رد: دردشة حوامل مصر - دردشة بنات مصر - تجمع حوامل مصر
اه الحمدلله انا لو كنت فى مصر مش عارفة كان ممكن يحصل ايه خصوصا انى مش بستحمل طول اللسان و بقلبها عكننة
ماما رجليها تعبانة شوية فمش هتقدر تيجى ابدا |
| الساعة الآن 01:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .