رد: تجمع حوامل (( مكة المكرمة ))
 

كيفكم احلى كروشا في مكة hwaml7

المنار انا بولد ان شاء الله في حراء

رد: تجمع حوامل (( مـــكة المكـــرمـــة ))
 

هلا كروزه كيفك انتي ؟؟
انا بخير ولله الحمد انتي ايش مسويه

رد: تجمع حوامل (( مـــكة المكـــرمـــة ))
 

اهلين كروزة
اليوم كنت في حراء وسمعت وحدة تصارخ شكلها تولد خخخ جاتني خرعه
قلت اكيد نانا والا وحدة من بنات المنتدى خخخ صار نصيبها في حراء
الا كروزة هذا حملك الاول والا عندك عيال من اول
لاني ناويه اولد الثاني هناك واخاف مايخيطوني

رد: تجمع حوامل (( مكة المكرمة ))
 

مشكوره على الترحيب ياثلجه فوشيه وام الغاليين
بنات بسالكم ايش رايكم في الدكتوره ياسمين الي في البدر في البحيرات انا اراجع عندها الشهر اللي فات قالت لي ولد والشهر هذا قالت لي بنت احسها مو عارفه تجلس وقت تطالع في السونار لا كمان زودت الاسعار يعني الكشف مع السونار 160 ريال
وخفت زياده وحده كانت تراجع عندها في التاسع وما قالت لها المويات قليله وهي معديه شهرها ولما راحت مستشفى ثاني على طول ولادوها

رد: تجمع حوامل (( مكة المكرمة ))
 

انا في الشهر الخامس وشهري ان شاء الله نهاية 3 او بداية 4 وبولد في حراء للمره الثانيه

رد: تجمع حوامل (( مـــكة المكـــرمـــة ))
 

هلا ام يسوري لا شكر على واجب اهلين فيكي
امم بصراحه ما اعرفها طيب كلامك عنها يخوف حاولي تغيريها ..
شوفي في وحده سامها روحيه في مستوصف الرحمه مرررا كويسه وسمعتها حلوووه حاولي تراجعي عندها ..
كمان في فطيمه وبسمه في باشراحيل كويسين روحي عند ناس معروفين أحسن ..

رد: تجمع حوامل (( مكة المكرمة ))
 

فين مستوصف الرحمه وكم اسعارها

رد: تجمع حوامل (( مـــكة المكـــرمـــة ))
 

في الرصيفه والله ما اعرف اسعارهم كويس ان شاء الله غيري يفيدك أنا اروح باشراحيل
في كم وحده هنا راحو الرحمه ..

رد: تجمع حوامل (( مـــكة المكـــرمـــة ))
 

السلام عليكم كيفكم صبايا
الكروشات الجدد اهلين فيك منورين اخوات لنا
نانا ما بانت شكلها ولدت يارب يسرلها

رد: تجمع حوامل (( مـــكة المكـــرمـــة ))
 

هلا يابنات
كيفكم كلكم؟



بنات نانا كلمتني دحين في القروب وهيا في كشك الولادة
مسكينة الله يسهلها ماولدت والرحم مقفل وحيدوها طلق صناعي
الله يساعدها يارب وتقوملنا بالسلامة
وتسلم عليكم وتطمنكم وتقول لاتعملو مفاجاءة لها هيا حتطمنا ان شاء الله بعد ماتولد