|
رد: دردشة حوامل مصر - دردشة بنات مصر - تجمع حوامل مصر
رنا والله حاولت معاه تانى من شوية مارضيش يرضع منى كأنه قرفان الله المستعان
عايزة اسئلك على الرجيم بتاعك قوليلى ايه نظامه ايه محمد الحمدلله احسن دلوقتى |
رد: دردشة حوامل مصر - دردشة بنات مصر - تجمع حوامل مصر
ايه يا بت يارنا الوصف ده
الموغات موش بيتخن يا مؤمنة ؟؟؟؟ ده بيفشول يابت يا لولو سيبك منها خليكى فى الحلبة لوووووووووووووووووووووز وهتخلى ريحتك لووز بردو ههههههههههههههههههههههه ياختى لما كنت فى المستشفى كل شوية تدخلى دكتورة شكل كان منهم دكتورة تغذية قالتلى على مدرات اللبن والنصايح وكدا المهم قالتلى بدل الحلاوة 3 تمرات فى اليوم لأن سرعة امتصاصه أسرع بكتيييييير من الحلاوة وموش زى سعرات الحلاوة وعلى فكرة !! الرضاعة الطبيعى بتساعد فى تقليص حجم الرحم وعلى فكرة بردوووووووووو أول ما ربنا يعافى نور عينى على طول ابدأى رضعيه وتحملى الألم عشان يستفيد من لبنك يا لولو مهما كان الصناعى عمره ما هيكون زى لبن الام مافيش زى لبن الام هههههههههههههههه حاسة انى بمثل إعلان ونصيحة إديلو اللبن بالسرنجة بتاعة الحقن دى . فى جمب بوئه عشان مايتعودش على سهولة الببرونة وترجعى لصدرك بصعوبة والله يا لولو صدرى كله رجع يالمنى سبحان الله .. موش تعويرة فى الحلمة .. لا الشفط بتاع البيبى عامل ألم فى صدرى كله وبستحمل عشان خاطره والله وربنا يقوينا ويكفر عنا سيئاتنا مع الآلام دى |
رد: دردشة حوامل مصر - دردشة بنات مصر - تجمع حوامل مصر
الموغات بيتخن بس لو كترتي الزبده اما لو قللتيها اوي بيبقي خفيف لأن الموغات اصلا متكون من بودرة الحلبه واعشاب فحاولي تقللي الزبده خالص ولو مش عايزه خليكي في الحلبه وهاتبقي ريحتك لوز اللوز علي رأي رانيا النكته المقروضه دي
بصي يالولو انا هانزلك حالا الرجيم بتاعي من عنيا ليكي ياقمر |
رد: دردشة حوامل مصر - دردشة بنات مصر - تجمع حوامل مصر
لااء يارنا عاوزاكو تزغرطوا جو وحركات بس لا غير
والله يارنا شفت رسالتك ع المنتدى وملحقتش أرد عليها الواد حمبوزو غلس عليا وع الميل بردو كان فى نيتى أرد بس بردو حمبوزو سخف الفكرة انى فى الغالب بدخل وهو بيرضع على إيدى فبكتب بإيدى الشمال وصلت مباركتك يانور عينى ربنا يبارك فيكى وفى بنوتك ياقلبى إلا هى عاملة ايه البت المايصة دى ؟ |
رد: دردشة حوامل مصر - دردشة بنات مصر - تجمع حوامل مصر
بصي ياستي انا بفطر الساعه عشره وموضوع تنظيم المواعيد ده مهم
بيضتين مسلوقين في نص رغيف او كوباية زبادي بمعلقة عسل عليها كورن فليكس دايت او بسكويت دايت او طبق جبنه قريش بالطماطم والفلفل والخيار معاه نص رغيف او نص رغيف جبنه بيضا بطماطم او لنشون او جبنه رومي وبعد النص رغيف تشربي اي حاجه مثلا كوباية عصير او شاي باللبن او نسكافيه المهم بمعلقة سكر واحده بس وده الفطار انا حطالك اختيارات عشان تختاري الحاجه اللي بتحبيها وتنوعي |
رد: دردشة حوامل مصر - دردشة بنات مصر - تجمع حوامل مصر
يا ولاااااااااااااد أنا جبت لحماتى كبة هدية " على اساس إنى بقولها ثانكس ياعنى انها كانت معايا بعد الولادة وكدا "
ياخرااااااااااشى على كهن البنات |
رد: دردشة حوامل مصر - دردشة بنات مصر - تجمع حوامل مصر
كبه ايه بس ياشيخه مالهاش لازمه خديها تاني قوللها رانا صاحبتي قالتلي مالهاش لزمه هاتي ياحموتة قلبي الكبه انا اولي ههههههههه
هاتحبك حب بقي يارانيا بعد الكلام ده |
رد: دردشة حوامل مصر - دردشة بنات مصر - تجمع حوامل مصر
رنووووووووووووش خسيتى صحيح ولا ايه النووظام ؟؟؟؟ ولو خسيتى صدرك خس أهم حاجة ؟؟ ولا ده ملوش علاقة باللى بيحصل
ويابت يارنا عاوزة اعمل تمرينات بطن أشدها شوية احسن دى بقت طرية مووووووووووت تعرفى امتى ينفع ؟؟ أنا خايفة أعمل سترس على بطنى تروح مفرقعة ولا حاجة انا مقشعرة من بطنى المفتوحة دى مووووووز وبعدين هى لولو فين ؟؟؟؟ بتشاورلنا ولا ايه |
رد: دردشة حوامل مصر - دردشة بنات مصر - تجمع حوامل مصر
اااااااااااااااااااه انتى هتقوليلى !!
طب تصدقى بالله يابت يارنا إن حماتى بتحبنى !!!!!!!!!!!! أصل ميغوركيش لسانى الطويل معاكو هنا انا معاها ومع محمد قطة مغمضة وعاملالها خدى مداس هههههههههههههههههههههههههه بس لما بتفرسنى بشلها ياعنى مانا بعرف أفرس بمنتهى الشياكة بردو ههههههههههه دانا عليا تكشيييرة تطفش من البيت |
رد: دردشة حوامل مصر - دردشة بنات مصر - تجمع حوامل مصر
نيجي للغدا
انا باكل من اكل البيت بس بشكل معقول وطبعا مش باكل مقلي خالص وكل اكلي بزيت زيتون معلقه واحده كبيره بس في الاكل اللي محتاج زيت يعني مثلا باخد فرختي مع 7 معالق رز مع شويه خضار وسلطه او سمك مشوي مع نفس كمية الرز والسلطه وكده و7 معالق مكرونه ببوفتيك مشوح مش مقلي مع سلطه يعني ليكي نص رغيف بلدي او 7 معالق رز او مكرونه ومابين الفطار والغدا ممكن تاكلي خيار او خس او طماطم او تفاح يعني ماتعديش جعانه فتره طويله عشان عملية الحرق تكون سريعه وعارفه لو رضعتي هاتخسي بسرعه اكتر لأني قريت ان الرضاعه بتوازي رياضه الجري |
| الساعة الآن 08:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .