منتديات حوامل النسائية - تجمع حوامل المدينة المنورة

سلامو بنات والله احشتوني كل ماادخل مافي احد
ام نورة الف مبررروك
طيب انا راح اكيلكم قصه ولادة بنتي
طبعا زي ماقلتلكم قبل ولدت في مستشفى الولادة وطبعا لان امي كانت مصرة الا اولد فيها لان تجارب اختي الاكبر مني في الخاص سيئه لبعد درجه
المهم انا كنت خاااايفه موووت من هادي المسستشفى بس كنت مطمنه شويه لان امي تقول خبرة
جاني الطلق 2 /رمضان .العام الي فات
الساعه 10 وانا كنت بيتي ماقلت لماما لاني قلت باصبر على نفسي شويه الا ويزيد الالم بشكل مو طبيعي قلت خليني اقوم اخد شور وتعطر وستشور شعري المهم خلصت اكلت تمر ورطب وعسل الا ويزيد الالم قمت اتصلت على اختي ساكنه بالرياض وقلها كيف الم الطلق اسالها زي المسكينه وصارت تسال وتسال وانا ماني قادرة قلت لها باي ورجعت تتصل لمن يروح الالم اكلمها لمن يجي الالم اقفل الجوال
جلست على المسن واختي الي اصغر مني تكلمي وقلتلها ماهي مصدقتني المهم قالت لامي انتضرت لين الساعه 3 ليل وصار الالم مرة قوي كل 4 دقايق اخدني زوجي لامي وعلى مستشفى الولادة في الطواري ماكان مرة زحمه بس الدكتورة معصبه وملعونه كشفت عليا بقوة قالت مافي طلق ورحم مفتوح واحد سانتي روحو البيت امي قالتلها ماني رايحه وتجلس هنا ماهي راضيه الدكتورة قامت امي كلمت وحدة وحطوني في غرفه لحالي في الطواري لكن قبل سولي تخطيط لجنين والطلق المهم وانا الطلق خلا ص لعب دورو معايا يزيد ويزيد ولمن يجي اقوم من السرير واقف وامسك الجدر واصرخ وياحلالالاوة الي مايشتري يتفرج والناس تتفرج عليا حطيت الم الطلق على الناس وصرت اهاوشهم لمن شردو الحريم وطبعا الدكتورة مقهورة مني لاني مارحت البيت جات الساعه 7 الفجر وسمعت صوتي بنت سعوديه الله يجزها خير وصارت رايحه راجعه عليا الا تبغى تتطلعني فوق عشان يحطولي الكمام والدكتورة ماهي راضيه تهاوشت مع الدكتورة الملعونه وجابت كرسي وجلستني وحطتلي في يدي سوار مكتوب اسمي علي وخدتني فوق وحطوني فب غرفه فيها كمام المهم والاخت خايفه تحط كمام قووولوو ليش اختي الكبيرة خوفتني قالت والله مااحط شي بس اخلي عيوني فاتحه عشان اذا غمضت عيوني ماافتحها واموت انا من كلام اختي يالهووووي بموت من الخوف ولا جات ممرضه سعوديه تانيه تحطلي حقت البول نسيت اسمها المهم وتحطها غلط وبعد فترة تكتشف الفلبينيه ةتهاوشها جابو امي بالغصب حطتلي اياة وجات دكتورة سودنيه الله يعطيها العافيه متابعتني ومررة هاديهالا شويه شويه ويفتح الرحم وانا طبعا مني داريه عن الدنيا من الكمام المهم جات الساعه 1 الضهر ويفتح الرحم 7 سانتي وياخدوني كشك الولادة وياحبيبي وتجمعو عليا الممرضات كل وحدة تجرب في يد كيف ادخل الابرة في العرق والله العضيم يصارخو عليا اضغطي علي يدك وقلهم انا ويش جالسه اسوي وصارت يدي حقل تجارب كلها دم ويطير الدم مافي عرق هنا لاهنا في لا مافي المهم وانا خلاص باولد وحدة قامت تفلت على بطني الله يلعنها ومسحت انا انهبلت وصرت اطالع الا راحو كلهم طبعا ولا وحدة عرفت تحطلي المغذيه وجات الفلبينيه تبغا تولدني المهم وتصارخ عليا لا مو كدا لا يصرخ المهم وقلتلها كيف طيب قالتلي وقت يجي الالم امسكي هادا وادفعي لا يصرخ بعدين مايولد بسرعه المهم سويت مثل ماقالت قالتليوقت يروح الالم اتفرج على المطر من الشباك مررة كبير وتشوفي المدينه وانتي على السرير وكان مطر مرة روعه تتذكرو اكيد رمضان العام كيف كان المطر وقت يجي الالم اسوي مثل ماقالت الساعه 3 وربع ولدت وجبت بنتي الطعموووونه يوم 3 رمضان وقت الخياطه بنج حطتلي
وسلامتكم وهادي تجربتي في مستشفى الولادة
ونشاء الله ولادتي الثانيه تكون اسهل يارب