|
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
ماشاء الله تبارك الله ... الحين نباركلك عشان قربتي تخلصين الأشهر الثلاثه الأخيره لأنها ثقيله وتمر بشويش على البركه وإن شاء الله تتسهل ولادتك وتقومين بالسلامه الطريقه الوحيده المشي الجاذبيه تساعد البيبي إنه ينحشر لأنك بكريه لازم ينحشر مره ماهو زي الولاده الثانيه ماهو بالضروره ينحشر زياده وش تحسين ماادري البكريه تميز او لا لأن مولودي الأول ماميزت بس بنتي الثانيه والثالثه حسيت بالوقت انحشار الراس شوفي بيجيك الم زي الم الطلق بس خفيف هذا الألم من بطنك لين آخر ظهرك وتحسين في اسفل بطنك كأنه فيه اشواك وتحسين بمفصل الفخذ كأنه بطيح والبيبي حركته بتزيد بزياده كأنه في بطنك ثلاث ماهو واحد وكل الليل مابتنامين تتخيلين إنك بتولدي وفجأه يختفي كل شي لو تروحين الدكتوره تقولك عادي لأن الراس انحشر هذا يلي يصير معايه ماادري تختلف الأمور من حرمه لحرمه او لا |
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
ماشاء الله .. يعني الحمد لله على السلامه وعلى البركه بنوتك شلونك الحين وشلون العروسه عساكم بخير والله انا اعتبر الحمل 12 شهر موب تسع اشهر لأن الأشهر الثلاثه الأولى بعد الولاده كلها تعب وسهر ومغوصات الله المستعان امس كل الليل لين اذن الفجر وانا احاول انيمها تنام شويه وتقوم وتصيح سويت كل شي بس ماتبغى غير تنام على صدري ولا ابعدها في سريرها الله يهديها بس تعرفين ياحبي للبيبي وهو صغير ترحميه يبغى يستانس بصوتك وريحتك مايبغى تبعدين |
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
لا من قلك ... البكريه تاخذ شهرها وزياده يعني يمكن تاخذ اسبوعين بالعاشر ويادوبك انا خلصت شهري التاسع آخر يوم جاني الطلق ولما جاني رحت المستشفى شويه وولدت حتى كل البنات يلي اعرفهم دخلوا العاشر بس لما جا الطلق ولدوا ماشاء الله بسرعه الله يسهلها عليك وعلى كل الحوامل بكريات او غير بكريات |
رد: دردشة حوامل أهل الرياض - دردشة بنات الرياض - تجمع حوامل الرياض
ام غيييث ... سلمات وماتشوفين شر ... والله ماعندي فكره عن الحل بس اسمع بنصيحة الأخت(n70) إن الشاي الثقيل يساعد بس ماجربت
جربيها وإن شاء الله تستفيدي ... طمنينا عنك وانتبهي لنفسك |
رد: دردشة حوامل أهل الرياض - دردشة بنات الرياض - تجمع حوامل الرياض
اللهم أعيذ ما في رحمي بكلماتك التامة ومن كل شيطان وهامة ومن كل عين لامه اللهم أسألك أن تحفظه وتجعله معافى كامل الخلقة دون زيادة أو نقصان اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين اللهم انى استودعك جنينى الذى فى رحمى فرده الى عند مولده مرداً سالماً معافى من كل شر وكل مرض وكل اذى . فرده الى فى احسن حال من غير زياده او نقصان . واجعل له جمال سيدنا يوسف واخلاق سيدنا محمد صلى الله عليه وسلم فإنه لاتضيع ودائعك ولاخاب ولاندم من استودعك |
رد: دردشة حوامل أهل الرياض - دردشة بنات الرياض - تجمع حوامل الرياض
جزاكن الله خير ابجربه وشوف كروشات ابسالكم من جربت ولادة مدينه الملك فهد الطبيه على حسابه الخاص عندهم ابرة الورك |
رد: دردشة حوامل أهل الرياض - دردشة بنات الرياض - تجمع حوامل الرياض
هلابك ام الاسمر
انا تمااااااام والبيبي بخيييييير وارتاح اذا تحرك استاااااااااااانس ان شاء الله ربي يسهل ولادتي وولادة كل وحده مثلي بنات انا وقفت الاسبرين في الشهر الرابع وانا الحين بالخامس والدكتوره قالت لي استمري عليه لحد الثامن بس انا تركته اارجعله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: دردشة حوامل أهل الرياض - دردشة بنات الرياض - تجمع حوامل الرياض
ام فهود كمليـــــــــــــــــــــــــــــــــه لاتوقفينه
عشان الاسبرين يخلي الدم يوصل للجنين لو وقفتيه يمكن مايكون فيه سيوله بالدم وبالتالي ماراح يوصل دم للنونو بعيد الشر |
رد: دردشة حوامل أهل الرياض - دردشة بنات الرياض - تجمع حوامل الرياض
صباح الخير
يووه يابنوتات وش اقولكم ظهري بينكسر من الالم وعضاام الحوض والفخذ كلها تالمني الله يستر يارب واكيد انه عشان الحركه والشغل بس اذا جلست ماحد يعذرني .. زوجي يقولي تعبك من الجلسة والتسدح تحركي اشتغلي تنشطي !! حتى سالت حماتي ونفس الشي تقولي تتوهمين لازم تتناسين وش تنصحوني اشتغل واتناسى التعب او ارتاااح ؟! غير اني بعد اي مجهود مستمر الاحظ نزول موية وانتو بكرامه بس خفيفة يارب اعنا ياكريم .. والطف بنا |
رد: دردشة حوامل أهل الرياض - دردشة بنات الرياض - تجمع حوامل الرياض
الله يسعدك قلبووشتي ام الاسمر
اي والله ياالله تمشي ومغوص واحس بطني يتشقق عند السر لدرجة انه معااي حكه وكني اشوف كم خط حمر لا لا زوجة ماجد انصحك تترتااحين توووك على الحركه خليهاا بالاشهر الاخيره |
| الساعة الآن 02:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .