|
رد: دردشة بنات فلسطين* دردشة حوامل فلسطين* تجمع بنات فلسطين
الله يسعد مساكم
حيفاااا اذا صحلك تطلعي عمرة اطلعي بترتاحي كثيرررررر الله يخفف عنك يا رب باقي البنات يسعد اوقاتكم |
رد: دردشة بنات فلسطين* دردشة حوامل فلسطين* تجمع بنات فلسطين
يسعد مساكم و صباحكم D0D0 الله يتمم الك حملك و تجهزي للبيبي احلى جهاز يالله شو بحب التسوق للبيبي بس المشكله بحتار كل مره ئد ما في محلات و شغلات حلوه عندنا للاطفال هاد انتي متلي بتحبي تخلصي طبخ بدري انا الساعه 2:00 دائما بكون الغدى جاهز ..على سيرة الحلويات جوزك ما بحب الحلو انا زوجي بموت بالحلويات بس انا صدفه لاعمل شي خلص منستنى ابداعك في خلية النحل هههههه =) ام عـــزمي لا تستغربي من كوكتيلي المفضل ههههه انتي جربي الافوكادو و الفراوله يمكن تحبيه و تسيري تئدميه لضيوفكhwaml02 حتى الشامبو اللي بستعملو افوكادو ههههه كيفها هويده طعمتيها شي ؟ اليوم ادوم ربي يخليلي اياه صار 4 شهور العمر كلو يارب عملتلو نص تفاحه و خلطها بالمولينكس طبعا بعد ما بسلقها بشوي مي ..و اكل ههههه مزكا تمو ..و كمان طعميتو عصيده متل ما بتسموها خلطها بحليب سيميلاك طبعا بعطيه كميه قليله و بعدين بزيد الكميه يا هلآ بأختك شرفتنا **متزوجه متلك ؟ ميســـا ـــسا نــورتي الدردشه كيفك عمري الف مبروك دخولك التاسع الله يئيمك سالمه انتي و البيبي و مبارك البيت الجديد تتهني ..و الله اشتئت احكي معك على الماسنجر ..اسيل و لانا و ادم بخير بببعتولك سلام غموض انثى مساكٍ و صباحك خلية نحل اقصد عسل ههههه..شجعتي دودو تعمل حلويااات ميسا ما عم بطل علينا متل اول ..و طالما ما شاء الله شاطره بالاكل و الحلويات متل ما حكيتي خلص انتي شيف الدردشه هههههه احساس انثى ان شاء الله ادم عنده تطعيم ال4 شهور يوم الجمعه و راح اسأل الدكتور بخصوص زياد اذا طبيعي انو البيبي ما يعمل لمدة 3 او 4 ايام ؟ *و بخصوص الارجاع عملت اكتر من زياره مع الدكتور و كل مره ما شاء الله وزنو بكون زايد فبحكيلي ما تقلقي طالما وزنو عم بزيد بالمعدل الطبيعي **القلق لمى بطلع الحليب و بنقص وزنو ** عسولة فلسطين موفقه في كل خطوه **نوم الهنا دائما قولي ياارب و ربي يكرمك ..كلامك لحيفا في منتهى الروعه و الفهم ربي يديم عليكي التفاؤل و السعاده خلص انتي خليكي مرتاحه بالبيت لانك مرهقه و انا بطلع بدالك على الرحله هههههه حيفاااا حبيبتي هوني على نفسك و ما تحملي نفسك فوق طاقتها طالما الرزق و الاجل بيد الله ..كلنا اكيد منتفهم مشاعرك و شوئك انتي و زوجك للامومه و الابوه بس لا تلومي نفسك انتي عم تعملي اللي بتئدري عليه و ربنا بابه مفتوح و هو اكرم من سُإل و اجود من اعطى..و اكيد كلام عسوله كتير منطقي ف حبيبتي كل هالضغط و الاكتئاب عم بزيد المشكله لانو باثر على الهرمونات فخدي الامور بصبر و ان شاء الله تفرحينا معك بخبر حملك.. ربنا ااذا اراد للشي يقول له كن فيكون .. بينك روز الف سلامه لرهف .. لا تنسي طمنينا عنها حبيبتي حواء يسعد مساك ام جودي كيفك ؟ كيف محمد؟ كيف اوضاعك بعد هالحرب مره بشوفك اونلاين و مره اوفلاين طمنينا عنك حاسه حالي الي ساعتين عم بكتب ههههه و اكيد للجميع سهريه ممتعه |
رد: دردشة بنات فلسطين* دردشة حوامل فلسطين* تجمع بنات فلسطين
مرحبااا يا احلى صبايا ،،، حبيباتي كيفكم بتمنى الكل يكون بخير ؟؟ شو عاملين بعد الحرب يا بنات غزة ؟؟ الحمدلله على سلامة الجميع ومباااارك انتصار المقاومة،،، اسفة لاني ما فوتت وطمنتكم عليا بعد الحرب ،،، وبشكر كل الصبايا الي سألوا عني احساس وام عزمي وعيون المها وحيفا وميسووو والله ما غبتوا عن بالي لحظة وكل الصبايا الجداد اهلا وسهلا فيكم ان شاء الله بتنبسطوا معنا ،،،
احساس يا عمري بجد انبسطت كتيير بمسجاتك وبشكرك لانه سألتي عني وبعتذر لانه قلقتك عليا بس والله ما كنت بالبيت اخر يوم بالحرب كان فزيييييع الله لا يعيدها يا رب مسكوا الانفاق من اول النهار الساعة 6 الصبح لغاية الهدنة بالليل والبيت كل شبابيكه اتكسرت وباب البلكون تبع غرفتي زجاجي بردو ما ضل فيو قطعة سليمة كله اتكسر اضطريت اروح على بيت اهلي لغاية ما جهزوا الشبابيك ،،، وكنت مريضة بعد الحرب ونفسيتي دمااااااار بس الحمدلله هلأ احسن ،،،كيفك انتي وكيفو زياد يا رب يكون منيح ،،، بوسيلي اياه ام عزمي يا غالية انتي بجد الك وحشة يا قمر والله اشتقتلك كتييييير كتيييير وكنت قلقانة عليكي والحمدلله انه رجعتيلنا بالسلامة وبشكرك يا حلوتي على مسجاتك بجد فرحت كتييير احكيلي حبيبتي كيفك وكيفها هدهدة الامووورة بجد كبرانة ماشاء الله وسايرة بتجنن ربي يحميها وتشوفيها عروس عيون المها يا قلبي انتي ،، اشتقتلك كتيييير يا احن واغلى ام ادم بالكون ،، والله هالحرب تعبت نفسيتنا بس الحمدلله فرحنا كتيير بالانتصار ،،، يا رب ما يحرمنا منك ومن طلتك الحلوة وبوسيلي ادوووم العسل والامورتين لانا واسيل ،،، والله يا عمري انا كنت افوت من موبايل عند اهلي وما اخدت لابي معي وما كنت ارد افوت اطمن على الصبايا واطلع لانه بلاقي غلبة لما بكتب بكون في اخطاء املائية كتير وكنت بدي افوت من جهاز اخي بس ناسية كلمة المرور هههههه ،،، حيفا يا عمري الف بعيد الشر عن قلبك ليه هيك متدايقة حبيبتي عيشي حياتك انتي وزوجك وما تفكري بشي والله يا عمري كل شي بوقته حلو وما تخلي نفسيتك تتعب هيك لانه ممكن يكون هو السبب بعدم حملك لهلأ ،،، اماااانة ما تزعلي وحاولي ترجعي علاقتك بصديقاتك وحاولي ترجعي حياتك متل اول واحلى ،، الله يرزقك ويعطيكي ليرضيكي يا روحي ،،، وبشكرك على سؤالك عليا ميسووو حبيبتي الف مبارك دخولك التاسع ويا رب يقومك بالسلامة انتي والبيبي والله اشتقلك كتيييييييييييير كتيييييير زمان ما طليتي وكل الصبايا بحبكم كتيييير كتييييير ومبسوطة انه رجعتوا تتجمعوا متل قبل ،، يا رب تضل دردشة بنات فلسطين عامرة فيكو وبلمتكم الحلوة يا اغلى اخوات بالكون |
رد: دردشة بنات فلسطين* دردشة حوامل فلسطين* تجمع بنات فلسطين
امــ جـــودي يا هلا حبيبتي ~ طلتك الاحلى الحمد لله انك بألف خير* قلوبنا كانت معكم بهالحرب و الحمد لله ربنا شرفنا بالنصر ان شاء الله دائما تضلكم رافعين راسكم بأبطال المقاومه~ نحنا مش بارض الحرب و كنت عايشه قلق و توتر كيف انتو ~ خصوصا عندكم اطفال ~ و الله يرحم جميع الشهداء و يصبر امهاتهم حياتي تسلمي على البوسه وصلت و لانا و اسيل و ادم ببعتولك الك و لحمودي احلى سلام |
رد: دردشة بنات فلسطين* دردشة حوامل فلسطين* تجمع بنات فلسطين
يا عمري الله يسلمك ويسلملك اياهم يا رب وتفرحي فيهم امييين يا رب ،،، والله فعلا الي برا كانوا بعيشوا كمان حالة صعبة ،، والله انا ما كنت خايفة انه اموت او انه يسيرلي شي لانه كله مكتوب ويا بخته الي استشهد بس انا الي كان مخوفني محمد وخصوصا مع كل قصف كان يصرخ ويبكي ،،، حسبي الله ونعم الوكيل ،، ربي يرحم شهدائنا ويشفي جرحانا ودايما بنكون منصورين يا رب ،، شو كام الساعة عندك هلا ؟؟ احنا سهرانين انا وزوجي ومحمد هههههه مو جاي ع بالنا ننام مع انه بالحرب كنا نشتهي النوم وما كنا طايلينه سبحان الله ،،، والله انا قلقانة على هبووش الله يجيبها بالسلامة وتطمنا عليها ،،،
|
رد: دردشة بنات فلسطين* دردشة حوامل فلسطين* تجمع بنات فلسطين
الله يحميه و يخليلك اياه يا رب حمودي و الله هالحرب كانت معاناه للاطفال و بتزكر بينك روز كانت تحكي انو رهف كمان كانت تنقز من الصوت و حاطه في ودنيها قطن من الصوت العالي *بشكر الله انو كلكم ربي سلمكم و سلم اطفالكم ..و كيف هلآ حمودي ان شاء الله ما بخاف او بنقز اذا سمع صوت ~؟ شو سهرانه العيله كلها هههه هاد اكيد حمودي مسهركم ~ انا هلآ عندي الساعه 9:05 ان شاء الله هبه تدخل و طمنا عنها هي الوحيده بعد الحرب ما دخلت خصوصا انها حامل ان شاء الله غيابها خير بتعرفي بحب سهرتك و سهرة غموض ههههههههه غموض هلآ بتحلم نراها في الحلقه القادمه ان شاء اللهhwaml02 |
رد: دردشة بنات فلسطين* دردشة حوامل فلسطين* تجمع بنات فلسطين
لا الحمدلله هلا منيح صحيح بخاف بس مو متل اول،،، هههههه اي والله حمود سهران وزوجي حتى مو جاي ع باله ينام مع انه عيونه حمرا من النعس بس جاي ع باله يسهر معنا ،،، اي والله حبيبتي رهوفة كانت تنقز خايفة يا عمري عليها والله مساكين هالاطفال ،،، احنا هلا عنا 4 وربع الفجر ،،، انا الي بحب سهراتك والله وبحب كتييير احكي معك لانه ما بتحكي شي الا وبستفيد منك ،،، ما شاء الله عنك بحسك حكيمة هههههه
|
رد: دردشة بنات فلسطين* دردشة حوامل فلسطين* تجمع بنات فلسطين
حبيبتي والله هبة مسكينة عند السرايا ساكنة والسرايا انمسحت مسح ،، ربنا يطمنا عليها وانا خايفة كمان لانه حامل وميلو كمان الله يعينها عليه
|
رد: دردشة بنات فلسطين* دردشة حوامل فلسطين* تجمع بنات فلسطين
الحمد لله صار احسن.. الله يعينه زوجك كيف بيروح دوام شغله و طول الليل سهران.. يعني انا احيانا اذا كتير نعسانه و ادوم مش رايح كتير بالنوم بعد ما يرضع بفيء زوجي من النوم يئعد فيه شوي و انا برجع بنام ههههه خاصة الصبح الساعه 5 او 6 اكتر وئت بحب انام فيه انا حكيمه هههه حبيبتي هاد من زوئك خبره 29 سنهhwaml03 و انتي ما شاء الله عنك كتير حكيك مرتب و عندك لباقه بالكلام بتعرفي لو انا بغزه بروح على جامعة هبه اعتقد زكرت هون اسم الجامعه و تخصصها و اسمها معروف لابد انو نلاقي جواااب و اعتقد هي اخر سنه و كانت مشغوله بمشروع تخرجها |
رد: دردشة بنات فلسطين* دردشة حوامل فلسطين* تجمع بنات فلسطين
حبيبة قلبي كلك زوووق والله ربي يخليلي اياكي ويسعدك اكيييد يا قمر كل ما الشخص بيكبر بتزيد خبرته بالحياة وبكتسب معلومات اكتر ،،، والله زوجي يا عيون نومه قليل عادة يعني لو ينام 5 ساعات باليوم بحسهم كفاية وبكون نشيط بس دايما بحكيله مو منيح السهر وقلة النوم متعبين للصحة بس هو هيك متعود ،، وكتير بساعدني بحمود والله ربي يخليلي اياهم ،،والله انا من دونه بجد بتعب مع محمد ابني غلباوي كتييير وزنااان كتييير كمان ،،، شوفي حبيبتي والله معك حق بالنسبة لهبة انا لو بنفس مدينتها اكيييد كنت هروح اشوفها واحاول اطمن عليها والمشكلة الاكبر انه ما حدا معه رقم موبايلها ،،، بجوز تكون عند اهلها او ممكن تكون نفسيتها لسة تعبانة وخصوصا انها حامل وبعدين هالفترة بالجامعة الاسلامية في امتحانات فانا بحكي بجوز تكون مشغولة بالامتحانات وبالمشروع ،، الله يكون بعونها ويطمنا عليها ،،،
|
رد: دردشة بنات فلسطين* دردشة حوامل فلسطين* تجمع بنات فلسطين
الله يبارك بعمرك ويحميكي حبيبتي
|
رد: دردشة بنات فلسطين* دردشة حوامل فلسطين* تجمع بنات فلسطين
و يبارك في عمرك **ان شاء الله تدخل و نطمن عليها لانو بجد هالتجمع كتير قربنا من بعض * و بعتبر كل صبيه هون اخت الي و اكيد بهمنا امر كل وحده ** يعني متل ما تحكي هون بيتنا التاني ياللي منتجمع فيه و الله يديم التجمع عامر و يضل الكل بخير حاسه في اشياء مشتركه بين زوجي و زوجك من ناحيه كتير عندهم طولة بال للصغار و انا متلك برمي شوي حمل على زوجي من ناحية ادوم بساعدني كتير ئد ما اوصفلك ئدية زوجي بضحي عشاني و عشان اولادنا ما بوفي حقه ~ الله يخليلنا اياهم يارب و يضلولنا و كمان زوجي نومو خفيف يعني بيصحى كتير بدري مع انو بكون معاه وئت كتير بس بحكيلي خلص هيك تعودت و ما بحب اضل بالسرير لدرجة كنت اعصب عليه hwaml4 يعني عطله او لآ بئوم بنفس الوئت الله يخليلك حمودي بس انتي من هلآ ما تعوديه انك تعطيه كل شي بدو ياه ~ يعني مرات في كلمة لآ~ الله يخليك اياه ام جودي بدي استأزن منك و ان شاء الله منضل على تواصل لا تطولي اوكي ~ بوسيلي حمودي بتمنالك نوم هااادي تصبحي على خير هههههه مع بداية صباح جديد =) |
رد: دردشة بنات فلسطين* دردشة حوامل فلسطين* تجمع بنات فلسطين
ما شاء الله فعلا في صفات مشتركة بيناتهم سبحان الله ربي يخليلنا اياهم ،، ولا يهمك من ناحية حمودي صحيح زنان وعنييييد كتييير وبيضل يبكي لياخد الشي الي بدو اياه بس احيانا بتركه يبكي وبحاول اشغله بشغلة تانية تلفزيون او شي لعبة او اي شي تاني ،،، هو مجنني بحكاية الحمل بس ما برد عليه احيانا هي واحيانا هيك يعني لما بحسه زهق بلف فيه لفة بالبيت وبرجعه يلعب تاني بغير جو هههههه ،،، حبيبتي يا عيون وانا بتمنالك يوم سعيد مع زوجك واطفالك الامامير ،، حتى حمودي نام وهلأ هنصلي انا وزوجي الفجر وننام يلاااا بشوفك حبيبتي ان شاء الله ،،، كل يوم موجودة انا هون بس انتي ما تغيبي عنا اوووك يا قمر ،،
|
رد: دردشة بنات فلسطين* دردشة حوامل فلسطين* تجمع بنات فلسطين
صباحووووووووو سكررررررر :)
الله الله ع الناس الماكله الدردشه حكي :) ام جودي الحمد لله تطمنا عليكي واجت سليمه فداكي كل شي بس تضلي انتيوحنود وجوزك بهير عيون المها / مبارح حضرت مع جوزي فلم اجتبي واجيتي ببالي انتي ساكنه بمنطقه كلها عرب ؟؟؟ لان امريكا كلها عصابات ومخدرات كيف الوضع عندك مابتخافي ؟؟؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير صبايا
كييييييفكم ؟؟؟ انا للي سألوني عن الوحام الحمد لله وحامي خفيف يعني من اول الحمل بس مرة وحدة استفرغت و معدتي احيانا بتذايق منها بس مش كتير و قرفااانة اللحمة و بموووووت بالمكدوس و كل ليلة بحلم و انا نايمة بأكلة معينة او نوع حلو و تاني يوم بضل افكر فيها لحد ما اكلها هههه و طبعا الم الظهر و صدااااااااااااع و دوخة خفيفة احيانا و صدري صار وزنو رطلين هههه بس و انتو شو اخباركم كلكم ؟؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
صباح الفل
هلا كيفك انت؟ الله يتمملك حملك على خير وعقبال قومتك بالسلامة ويهون عليك الوحام والولادة ياعسل |
رد: دردشة بنات فلسطين* دردشة حوامل فلسطين* تجمع بنات فلسطين
يا هلا
beboo شو انتي جديدة هون ؟؟ شكلي اول مرة بشوف اسمك hwaml13 الحمد لله تمام انتي شو اخبارك و من وين انتي ؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
صبااااااااااااااااااااااااح الخييييييييييييييير:: ام جودي: الف الحمد لله على السلامة............... حيفا: حبيبتي ربي ينولك اللي ببالك ياااارب |
رد: دردشة بنات فلسطين* دردشة حوامل فلسطين* تجمع بنات فلسطين
يسعد صباحكم يا حلوااات ،،، ما لحقت انام يا دوب نمت ساعتين وصحاني حمودي ،،،
حبيبتي احساسووو والله صدقتي اهم شي السلامة والحمدلله على النعمة الي احنا فيها هلأ بجد بهالحرب عرفنا شو يعني نعمة الامان ،،، والله انا شايفة انه الدردشة متنشطة كتييير ما شاء الله،،، الله يزيد ويبارك ودايما تضل الدردشة عامرة فيكي وبالصبايا يا قمر لولو وبيبو منوراااات حبيباتي ويسعد صباحكم |
رد: دردشة بنات فلسطين* دردشة حوامل فلسطين* تجمع بنات فلسطين
جاااااارة حبيبة قلبي الله يسلمك ياااا رب ويسعدلي صباحك يا قمر ،، كيفك وكيفهم زيد ويزن وكيف شغلك ؟؟ والله اشتقتلك كتيييييير يا حلوتي
|
رد: دردشة بنات فلسطين* دردشة حوامل فلسطين* تجمع بنات فلسطين
ام جودي:
حبيبتي الله يسعد اولادي بيطلعو من مرض بينزلو بمرض وانا هيك الرشح دبحنا شكلي لاني بشغل التدفئة بالبيت ولما نطلع بيكون الجو بااااااد شغلي تمام الحمد لله .......... مسكينة ليه مش نايمه تعرفي اللي ما بيشبع نوم بيضل تعبان و منكد ........ |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير يا صبايا ..
انا من زمان بالمنتدى بس هلأ خامل جديد وحابة ادردش معاكم :) انا عمري 23 سنة وهادا حملي الرابع .. لانو انا اتزوجت صغيرة اتمنى تقبلوني بينكم اخت جديدة ♥ |
رد: دردشة بنات فلسطين* دردشة حوامل فلسطين* تجمع بنات فلسطين
حبايبي الف الف سلامة عليهم ما يشوفوا شر يا قلبي ،،، طيب يا جارة قبل ما تطلعي فيهم شربيهم مي وخليهم يغطوا انفهم بفوطة وان شاء الله ما بسيرلهم شي وقبل ما تطلعي من البيت اطفي التدفئة شي نص ساعة عشان ما يكونوا بدفا كتير ويطلعوا لبرد كتير بجد الشتا على قد ما هو حلووو وجوه رائع الا انه متعب من ناحية المرض كل شوي رشح وزكام وخصوصا عند الاطفال ،،،
وما شبعت نوم والله لانه انا وزوجي وحمودي كنا سهرانين مو عارفين ننام وبعد صلاة الفجر نمنا :( وابني الشطور نشيط ما شاء الله صاحي وفايق ومبسوط عالاخر ههههههه حلا اهلا وسهلا فيكي بينا يا عسووولة بنتشرف بمعرفتك اكيييد ويا رب تقضي وقت حلو معنا |
رد: دردشة بنات فلسطين* دردشة حوامل فلسطين* تجمع بنات فلسطين
ما شاء الله الله يتمملك حملك على خير يا حلا ويقومك بالسلامة يا رب ،،،عرفينا عليكي اكتر ،، من وين انتي ؟؟
|
رد: دردشة بنات فلسطين* دردشة حوامل فلسطين* تجمع بنات فلسطين
هلا يالولو اه انا هوون جديدة كيفك وشو اخبارك بعد الحرب
هلا ام جودى منورة ياعسل |
رد: دردشة بنات فلسطين* دردشة حوامل فلسطين* تجمع بنات فلسطين
النور نورك يا قمرة كيفك ؟؟ اعتقد يا بيبو ااسم ابنك بيان صح ؟؟ ومن غزة على ما اظن ؟؟
|
رد: دردشة بنات فلسطين* دردشة حوامل فلسطين* تجمع بنات فلسطين
صح ثطورة ههههه
هلا ياعسل كيفك وشو اخبارك بعد الحرب ان شاء الله ماصار عندكو شي طمنيني عليك |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير صبايا حبيباتي :)
عسولتي طبعا بنبسط بوجودك ، وبيخفف عني وجودكم بحياتي والله ، بس هي فترة هبلة وبتعدي ان شاء الله :) ام جودي اهلا والله الحمد لله انك دخلتي وطمنتينا عنك ، وياستي مش مشكلة الشبابيك والابواب المهم انتو بخير ، عقبال ما تيجي هبه وتطمننا عنها :) جارة وعيون واحساس ولولو وام عزمي ، ولولوو والصبايا الجداد ، وكلكم كلكم حبيباتي يومكم باذن الله كلو خير :) |
رد: دردشة بنات فلسطين* دردشة حوامل فلسطين* تجمع بنات فلسطين
مرحبا صبايا
كيييفكم كلكم بدون استثناااااء حيفا وجارة واحساس ولولو ولولو وام عزمي وبينك وام جودي وميسا وعيون المها وغموض وانبثاقة وعسولة وبيبو مين كمان اشتقتلكم اليوم مزاااااجي سيء يا بنات صرلي فترة مش عم بعرف انام مش عارفة ليش مع اني مش قلقانة ولا شي وكل الامور تمام وطبيعية معقول لاني متعودة انا على بطني ومن يوم ما حملت صرت انام عالجنب ويا رييييييت بقدر انام :(((( حاسة حالي مرهقة شو اعمللللللل شو طابخين اليوم ، مش جاي عبالي اعمل شي :( |
رد: دردشة بنات فلسطين* دردشة حوامل فلسطين* تجمع بنات فلسطين
يسعد مساكم جميعا
شو اخباركم يارب تكونو بخير وعافيه دودو ياقلبي الله يعينك قلة النوم مرهقه وبتعب ربي يقر عينك بنوم العافيه محتاره شو أطبخ ما بعرف .. بلكي غشيت منكم |
رد: دردشة بنات فلسطين* دردشة حوامل فلسطين* تجمع بنات فلسطين
دودو حبيبتي انا بعرف معظم الحوامل بأول اشهر بكون نومهم صعب ، وكمان ما تنسي الهرمونات وهالتغيرات الكبيرة اللي بتحصل ، الله يتمملك على خير يارب
انبثاقه حبيبتي صباحك فل ، معلش اعذريني ما ذكرت اسمك قبل ، ربي ان شاء الله برزقني وبرزقك وغموض وعسولة الحمل هالشهر يارب :) انا طابخه معكرونة سباغيتي :p بطبخها لما ما يكون جاي عبالي اطبخ ههههههههه سهله ووسريعه يلا يارب اكون افدتك وغششتك ههههههه |
رد: دردشة بنات فلسطين* دردشة حوامل فلسطين* تجمع بنات فلسطين
ولو ياقلبي يفداك اسمي وصاحبته مو مشكله
ربي يسمع منك ويرزقنا قرييييب ولا يطولها علينا تغشيش حلو بلكي عملت مكرونه وريحت راسي ههههههههه |
رد: دردشة بنات فلسطين* دردشة حوامل فلسطين* تجمع بنات فلسطين
حيفا وانبثاقة تسلموا حبيباتي وربي يرزقكم ويرزق كل الصبايا عاجل غير اجل ياااارب ؛))
انا كمان لما اكون مكسلة بعمل سباغيتي ههههه يلا عدي بشوف وبقرر يسعد اوقاتكم |
رد: دردشة بنات فلسطين* دردشة حوامل فلسطين* تجمع بنات فلسطين
صبااح الخير والفل والياسمين
|
رد: دردشة بنات فلسطين* دردشة حوامل فلسطين* تجمع بنات فلسطين
نهاااااااااااااااااااركم سعيد
|
رد: دردشة بنات فلسطين* دردشة حوامل فلسطين* تجمع بنات فلسطين
أهلين حواء كيفك؟
|
رد: دردشة بنات فلسطين* دردشة حوامل فلسطين* تجمع بنات فلسطين
مساكم ورد
كيفكم يا حلوين ماشاء الله ماكلين الدردشة و مش فاقديني بسهرتكم ماشييييييييييي هههههههههههههههه اول شي يا هلا بالصبايا الجداد بيبوووو------و لمسة حلااااااااااا-----------و ريرو العسولة عيون المهاااااااااااااا-----------صحة ع ألب أدوم التفاح و الله ناوية ابدا معاها من الاسبوع الجاي بارز مطحون و احتمال اجيبلها سيريلاك نيستيلا حوااااااااااااء ------- كيفك يا عمري واحشاني موووووووووت بينك رووووووووز----------سلامتها الامورة و الله واحشانا موت و منورة الدردشة بطلتك امبارح ام جودييييييييي-------حبيبتي انا كيفك يا عمري انا تمام و هدهدة بخير وة بتسلم عليكي حيفاااااااااااا--------انا بقول تسيبيكي من العلاجات و تحاولي تاخدي راحة منهم و غيري جو روحي عند اهلك قضيلك اسبوع زمان او عند حد من معارفك بتحبيه كتير و غيري جو وارجعي كانك متزوجة جديدو كانك مستنية حمل جديد و خلي نفسيتك تمام و اتوكلي على الله و اهم شي لو جواتك شي حابساه طلعيه كله لو بدك تبكي و ساكتة لا تسكتي ابكي ع قد ما بدك لحتى ترتاح نفسيتك و بعدها استعيني بالقرآن و الدعاء و توكلي على رب العالمين عسوووووووولة --------- يختي اسم الله عليكي ما خليتيلنا مجال لنحكي لحيفا شي ما شاء الله حكيتي اللازم و زيادة غمووووووووض--------وحشتيني يا عمري ووحشتني الدردشة معك احساااس------- يا نوارتنا انتي كيفك و كيف زيوووووووودة وحشتني دردشتك حبيبتي دودووووووووو--------- حبيبتي اقرئي قرآن بالكي عرفتي تنامي كل اللي طابخين مكروووووونة انا بديييييييييي لانه كنت ناوية اطبخها بس جوزي متغدي ساندويشات شوش طاووق مع ابوه و هما طالعين يجيبوا خشب للمنجرة و قاللي انا شبعان لا تطبخي خليها لبكراااااااااااا هههههههههههه بالنسبة لهبة يا بنات بتزكر مرة تعرفت على احساس يعني ممكن تتوصلوا لاخبارها و انا مشتاقة كتيييييييييير لسما الدنيا و نبض قلب زمااااااااااان ما بينوووووووووووووو و بظن احساس تعرفت على نبض قلب و حكتلنا مرة انها بتسلم علينااااااااااااااااااااااااااا |
رد: دردشة بنات فلسطين* دردشة حوامل فلسطين* تجمع بنات فلسطين
لولو حمااااااااااادة
لساتك بتسهري مع اولادك و بيغلبوكي لحتى يناموووووووووو |
رد: دردشة بنات فلسطين* دردشة حوامل فلسطين* تجمع بنات فلسطين
انبثاقة امل
حبيبتي انتي و حيفا و عسولة و غموض ربنا يرزقكم الخلف الصالح عن قريب يا رب حوااااااااااااااااء -----------صحيييييييييح بظن وجع الضهر من حمل برلنت و سلامتك يا عمري جااااااااااارة-----------انتي كمان وجع ضهرك و كتافك من حمل زيوووووووود ما شاء الله اولادنا كبروا و صاروا تقال هههههههههههههههه حبيبتي سلامتك |
رد: دردشة بنات فلسطين* دردشة حوامل فلسطين* تجمع بنات فلسطين
وينكم يا بناات ما في حد شو الدعوة ساكتين
|
| الساعة الآن 06:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .