|
رد: .·¤ تجمع الحوامل اللي ولادتهم في محرم¤·.
وردة الجوري ،، ربي يعطيج الصحه والعافيه ،، انتي وحشتينا اكثر ،، وماعليها شر الوالده ربي يقومها بالسلامه وترجع تنور البيت من جديد ،، والف الف مبرووك للبنوته ،، هههههههههه بس جد الولد وين راح !! انا اللي اخبره واعرفه ان الولد ما ينخطأ فيه ،، لكن البنت لو قالوا لج ف البدايه بنت فيه احتمال يكون ولد ،، بس الولد مافي مجال ،، معقوله يعني هههههههه ممكن مثل ماقلتي تكون دايخه بقوه ،! اهم شي انج تطمنتي على البيبي وعلى المشيمه وارتاحي يالغلا ،،
ام يارا ،، الله يعين بس ،، ربي يسخر لج زوجج يارب ،، هالحاله تصيدني بس احاول اكتمها ،، مزاجي مره وحده يتغير ،، بس اول ماتجيني افكر بيني وبين نفسي ان ماله دخل مسكين ،، هو قصده يونسني وانا اعصب ،، هههههه حالتنا حاله ،، ان شاء الله اجرب اقرا قران والهي نفسي به ،، افضل من الشغلات التافهه ع الاقل ،، نهاية الاسبوع هذا زوجي قال بيوديني السينما ممكن اغير جو هناك ،، والمكان مريح لي ،، ان شاء الله يكون لي مزاج للطلعه بس ،، وهو مسكين يكسر خاطري مايحب يطلع ويخليني بروحي بالبيت ولا يحب يقعد ساعه بالقهوه مع الشباب بعيد عني ،، متعلمين على بعض ،، بس مع الحمل صايره ما اطيق شي والله ،، الله يستر بس ،، عبير ،، خلي الملل على جنب ،، والله احس ذبحني ،، وصح فكرت ان يكون السبب اني ما حسيت بحركة البيبي بشكل يخليني اجزم انها حركه ،، ودوم افكر بهالشي واقرا عنه بالنت ،، وصايره احاتي كثير ،، خصوصا لما اشوف فيديوهات لحوامل بنفس اسبوعي وقبل بعد وبطنهم يتحرك لفوق وتحت ! وانا حتى احساس داخلي مافي ! الله يستر يارب ونحس بالحركه ان شاء الله ،، اتوقع يصير تجيج حكه ،، انا الحكه من تبلش فيني على طول ادهن جسمي بكريم مرطب ،، وتروح ،، اعز ،، ربي يعطيج الصحه والعافيه ،، شخبارج ؟ وشخبار النونو ؟ |
رد: .·¤ تجمع الحوامل اللي ولادتهم في محرم¤·.
يابنات ودي اشتري محضرة طعام
اللي هو الخلاط اللي بعدة وظائف عصارتي انكسرت ذا الشهر وضروري عصارة لعصاير رمضان بس ابيها بعدة وظائف تقطع وتعجن وتفرم وكله زوجي مايبي يشتري الان عشان عليه عدة اقساط ذا الشهر والراتب مخصوم جزء منه عشان غاب قاعدة اشوف في النت العروض لقيت في عرض بندة ذا الاسبوع محضرة طعام كينوود بـ199 ريال بس زوجي ماهو فاضي يوصلني ولا متحمس يشتري شي ذا الشهر وش الحل؟ تراه عرض مايتعوض بالعادة الخلاط اللي عدة وظائف بـ600 ومافوق اكيد ذا ابو 200 ماهو كل الوظائف بس يكفيني الصراحة http://forum.hwaml.com/imgcache2/hwa...786279_253.jpg |
رد: .·¤ تجمع الحوامل اللي ولادتهم في محرم¤·.
ام اسكندر ،، الاسعار ماعليها كلام والله ،، وفرصه تاخذينها لو محتاجتها ضروري ،، حاولي تقنعينه ،، لو انتي عندج فلوس اخذيها وبعدين هو يعطيج ،، ربي يفتحها عليج وعليه يارب ويرزقكم ويرزقنا من اوسع ابوابه ،،
على هالطاري ،، شفت مره بالنت ،، خلاطه من ماركة (فيليبس افنت) للاطفال ،، وهي 2 في واحد ،، تطبخ اكل البيبي من خضار وغيره على البخار ( يعني القيمه الغذائيه تتم فيه) وبعدها تقلبينها وتصير تفرم الاكل ويصير لين وجاهز للبيبي ،، عجبتني ،، ان شاء الله بعد ما اخلص النفاس راح اخذ لي وحده ،، اتوقع سعرها ف حدود ال 500 ريال سعودي ،، 50 دينار بحريني ،، بس للحين مو عارفه وين موجوده او اقدر احصلها ،، |
رد: .·¤ تجمع الحوامل اللي ولادتهم في محرم¤·.
شولولي
بنصحك نصيحة .. اذاا كلام زوجك هوو اللي حيمشي احتسبيها عند ربك وحيعوضك خير من هالشقة ادري انه قهر بس دام زوجك مصمم رح تخسري شقتك وزوجك واهل زوجك لو عرفو انك معارضة والاثاث يالغلا يتعوض وتقدري تشتري موديل جديد احدث<<< خليكي سنعة وخذيها فرصة وقولي لزوجك(موافقة لكن بشرط تعوضني) واخرجي تقضي من وإلى ودلعي روحك وشقتك الثانية دامك خسرانة الشقة خسرانة فابحثي عن الايجابيات وميرك تتعوضي ان شاءء الله |
رد: .·¤ تجمع الحوامل اللي ولادتهم في محرم¤·.
مراوي
المبلغ يتدبر لكن المواصلات ماتتدبر لا اهلي ولا زوجي فاضيين لي توصليني؟ ^_^ |
رد: .·¤ تجمع الحوامل اللي ولادتهم في محرم¤·.
بالنسبة لشكل البطن يابنات لاتعتمدوها
رغم انها تصدق عند الاغلبية امي دايما بطنها مدورة للامام مع الاولاد والبنات اما زوجة اخويا بطنها جاية بالعرض مع الاولاد والبنات يعني مايفرق شكل البطن معاهم |
رد: .·¤ تجمع الحوامل اللي ولادتهم في محرم¤·.
كملت قراءة كل الصفحات
اتعبتوني بكثرة هرجكم ^_^ وتسلمولي حبيباتي ع السؤال بس انشغلت هالفترة بدهان غرفة نومي |
رد: .·¤ تجمع الحوامل اللي ولادتهم في محرم¤·.
ورده الجوري.. سلامة الوالده ماتشوف شر ان شاء الله ،، ربي يقومها بالسلامه
ومبروك العروسه .. حسبي الله على هالدكتورات لعبوا باعصابنا ياربي مااتخيل اروح يقولون فيك ولد تحس برمجه نفسي ع بنت دلع الاحساء... الله يوفقك ياااااارب وعقبال التخرج بنات ترا سالت خواتي عن ابره الكزاز قالوا بالسادس ولا وش رايك دكتورتنا ملكتني بهمسك!!! |
رد: .·¤ تجمع الحوامل اللي ولادتهم في محرم¤·.
مراوي. ..... انا ماحسيت بالحركه فعليه الا هالاسبوع اللهم لك الحمد وحاليا انا في الاسبوع 20 وثلاث ايام
يعني لاسبوع الجاي وانا قالت لي الدكتوره ماراح تحسي فالحركه الا فنهاية الخامس لا تحاتين ان شاء الله تحسي فيها هالاسبوع ؟...... ام اسكندر ؟....... هلا فيك والله انا. الحين ساكته وكل مأتصل زوجي قلت بنفسي يبي يقولي خلاص غير رائيه ولا افتح الموضوع لان داريه لو تكلمت راح يسكر بوجهي والحمد لله. .... الله يعوضنا ان شاء الله ..... |
رد: .·¤ تجمع الحوامل اللي ولادتهم في محرم¤·.
مشكوره حبيبتي مراوي ونوقا اسعدتني دعواتكم للوالده الله يقومها بالسلامه ويجعلها ان شاء الله في ميزان حسناتكم يارب وماتشوفون شر في غالينكم اجمعين يارب
مبروووك ام اسكندر الدهان الجديد حاولي تسوين لمسات بسيطه في الغرفه عشان تطلع بلوك جديد اختي شولولي انا مع ام اسكندر اذا زوجك مصر ومافي امل يغير كلامه خلاص اكسبي زوجك واهله احسن لك ولك اجر ان شاء الله دكتورتنا ملكتني بهمسك كيف سوناراتك يوم كنتي حامل بأطفالك هل صار فيها اخطاء مثلي ياحظي ولا كيف |
| الساعة الآن 07:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .