|
رد: حبيباتى سيدات ليبيا تفضلو لأعرف ما حالكم
اقتباس:
وربي يعطيك الصحه ويعاونك حتي انتي تتعبي هلبا ومع الرضاعه ربي يعينك يارب اقتباس:
وبارك الله فيك ياغاليه واحلا حاجه يقولو لما تشوفي البيبي تنسي التعب كله الحمد لله |
رد: حبيباتى سيدات ليبيا تفضلو لأعرف ما حالكم
السلاااااام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
قلت انطل عليكم لاني متوضيه ولابسه وبنصلي ان شاء الله
سوسو ولوووووو تفضلي في اي وقت اثري احرجتيني بكلامك العسل والله والله اني انحبك في الله وربي يحفظلك اميمتك وصغارك وشمبير راسك وكل احبابك يااااااااااااااااااااااااارب ومبارك مشريتي وسلامك واصل ان شاء الله للغاليه امي جنوده وسعي بالك ياعسوله ايام وتفوت ممكن زي هالليله صابح عيد والله اعلم وربي يعطيك صحتك ويرزقك يااااااااااااارب كل ماتتمني امول ياارق بنوته ربي يعطيك صحتك وعافيتك ويرزقك البنوته اللي تتمنيها وتفرحي بشوفتها وربي يحفظلك زوجك وكل احبابك ويسرلك قضاء الايام ام فروسي مبارك ماشريتي وشن هي نجمة البحر اوشي وام نوزه وين مغطسات اليوم ربي يحفظكم |
رد: حبيباتى سيدات ليبيا تفضلو لأعرف ما حالكم
مبروك ماشريتي ام فروسي
امولة خودي بالك من روحك والبيبي وعلي قولتك هكي تعب عليك ان شاء الله بعد ماتجيبي علي خير وسلامة تصيمي وتردي ايامك اثري ياعيني حتي هيا الأم الغالية مدلعاتك |
رد: حبيباتى سيدات ليبيا تفضلو لأعرف ما حالكم
اثري مبارك ماشريتي ليك ولبنات اخوتك وخوك
ولزوجك ولام ازوج وابو زوجك حتي هما ام واب الغالي قوليلي شن هوا العطر وكم سعره نبي ناخد عطر لزوجي ومش عارفة شني ناخد اقترحي عليا اسماء |
رد: حبيباتى سيدات ليبيا تفضلو لأعرف ما حالكم
ماهي حلزون ، نجمة بحر ،؟؟؟؟
اعطينا الطرق ام فروسي صح علي قولتك اثري توا حان وقت الحلو العيد الماضي وصيت علي نوعين لحوش عمي والعيد هدا حاطيت في بالي مش راح انوصي |
رد: حبيباتى سيدات ليبيا تفضلو لأعرف ما حالكم
جيجي حتي انا موسعة بالي احبيبه شهر ويعدي
ان شاء الله ربي يتقبل صيامنا |
رد: حبيباتى سيدات ليبيا تفضلو لأعرف ما حالكم
البارح مشيت الي عروس البحر
وخديت جبه للعيد من محل كرم في الجرابة خايفة نلقي احلي منها في الزاوية لاني نزلت لمحلين بس في الزاوية وماعجبونيش ومكملتش باقيهم امس كانت الفرصة مناسبة فقلت يلا ناخج ونرتاح وخديت كندرة من الاتحاد العاليات مع بعضهم لو عرفتوهم طبعا خديت ارتفاعها متوسط وبسيط صراحه العاليات عجبوني بس متعبات ومزلت بناخد وشاح |
رد: حبيباتى سيدات ليبيا تفضلو لأعرف ما حالكم
اليوم بندير معجنات علي تشكيلة ورده
والحشو مفروم ومخاطريش اندير اي شي ثاني امس درت سويسرول حار مع بوريك في ماكينة الكريب والبوريك مش عادية سريعة واهم شي ورق بوريك مضمون في الحوش افضل وحماتي دارت طعمية وعمتي براك طبعا لازم منه يوم بعد يوم ودرت كيكة النسكافيه مع بعض التعديلات وحماتي دارت بسبوسة |
رد: حبيباتى سيدات ليبيا تفضلو لأعرف ما حالكم
؟؟؟؟؟؟؟؟؟؟؟؟؟؟؟؟
وينكم |
رد: حبيباتى سيدات ليبيا تفضلو لأعرف ما حالكم
اقتباس:
بالنسبة للبلغم ...والكحة الليلية اأآآه عرفتهن ياماعانيت منها مع فراس هو طقسنا السبب لان فراس بفضل الله وحمده اول ماوصلنا هنا تريح منها نهائــي الحمدلله... بس في وصفه شعبيه دارتها ليا عمتي ام زوجي متاع زيت الزيتون واللبان المر كانت تريح فيه الحق وتطرد البلغم طول وفي علآج للرضع امارتي اسمه سولآن طارد البلغم...كويس حتي هو وان شاء الله الف لاباس عليها ... ومبـــآركـ ماشريتي ... من ماكيآج وحاجات .. بالنسبة للطرق حنزلهم توا ان شاء الله والكبـــآب الحلزونــي... حنديره اليوم وانصوره خطوة بخطوة ان شاء الله هو صح وقت الحلو توا ...... بس نا برماضنين اللي فاتن كنت نشري فيه واتيات من بنغازي وانشيل منهن لعربي طبعآ يوم الكبيرة وانشيل لهلي منهن مع نوع شوكلاته راقي لهم هم الاثنين .. وهلي طبعآ يوتولي من حلوياتهم اللي اندارن بالحوش واللي انجابن من الحلواني عندي اختي اللي اصغر مني شاطرة فيهن وتبدع خصيصا المعمول الشامي بس حاجة الحوش لها نكهة خاصة بالعيــــــــــــد ايام عيت جدي تقعد بنة الغريبة والمعمول فااااااااااااايحة الله الله والمقروض خالتي هذينا اساسيات عندها لتوا مع انواع جديدة اخري ... بس نا مش صحبة مع دور الحلويات نحب الحاااااااااار اكثر نديره ونفتلكه .. |
رد: حبيباتى سيدات ليبيا تفضلو لأعرف ما حالكم
اقتباس:
مبارك ماشريتي جنودة... واتبيدي بالهنــآ ليا زمان ع الكعب العالي حتي اللي طلعتهم بفرحي مالبستهن واجد خصيصا بعد جبت كراعي تنفخت وكبرت بالحمل ومعش جن عليــآ هههههههه ومن يومها وانا عالواطي الممسوح مسح اخري اهئ اهئ بس طولي مساعدني الحمدلله |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
http://forum.hwaml.com/t265994.html#post3315054
طريقة نجمه البحر يا اثري وجنووودة وجيجي..ولكل من حاب يعرفهآ |
رد: حبيباتى سيدات ليبيا تفضلو لأعرف ما حالكم
ايامات الفندق مليت من الاكل الجاهز والديلفري هههههههه لمدة اسبوعين
توا كان نلقي نردله قمة الراحة خخخخخخخخ خصيصا مع وجبة اتجيك ديلفري خاص لعندك زي هذي نذكر ماقدرتش ننزل للصاله زوجي طلبلي من تحت ورقوها ليا كانت مفاجآه http://forum.hwaml.com/imgcache2/hwa...282747_287.jpg |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
السلام عليكم
|
رد: حبيباتى سيدات ليبيا تفضلو لأعرف ما حالكم
كيف حال الحلوين...
جيجي اجعنك ماتغيبي ... سلمك نشادة ان شاء بوك طيب توة .. ورنودة شن دارت |
رد: حبيباتى سيدات ليبيا تفضلو لأعرف ما حالكم
انا اليوم فااااااااااااااااااااطرة
كنت امس بنعتذر منكم عشان بنعتكف للصلاة وختم القرآن والدعاء لكنننننننننن اهئ اهئ اهئ ماصارش ... ان شاء ربي بس يبلغني ليلة القدر والدورة اتجيني 3 ايام بس ادعولي |
رد: حبيباتى سيدات ليبيا تفضلو لأعرف ما حالكم
جنودة وام فروسي واثري وجيجي
مبارك ماشريتو لارواحكم ولاولادكم وغواليكم وينعاد عليكم رمضان ملتمين ومش فاقدين |
رد: حبيباتى سيدات ليبيا تفضلو لأعرف ما حالكم
امولة كيف حالك ديري بالك علي روحك وعالبيبي
والايام جايات وتردي اللي فطرتيه وربي عاذر المراة الحامل |
رد: حبيباتى سيدات ليبيا تفضلو لأعرف ما حالكم
انا اليوم فطورنا .. شريبة وبطاطا مبطنة وبراك وخبيزة
وحششت ههههههههههه وانا فاطرة وحتى وانا صايمة مادرتها حششت علي لسان العصفور امبوخة بالمكسرات والكبدة مع مرق لحم حويلي ايهبل وسلاطة |
رد: حبيباتى سيدات ليبيا تفضلو لأعرف ما حالكم
وامبدري اشوي درت لتوام روحي والعيال نسكافيه بالكافي ميت دسامة
وطرف حلو شريته جاهز من حلواني تركي .. ماعجبنيش الصراحة بس انحط فيه عشان يكمل ونتخلص منه العيال بوهم ياكلو فيه |
رد: حبيباتى سيدات ليبيا تفضلو لأعرف ما حالكم
بالنسبة لحلو العيد ... انا عادة اندير في معمول وغريبة
طبعا لان امي الله يحفظها ديما ادير فيهن فتمت زي السنة |
رد: حبيباتى سيدات ليبيا تفضلو لأعرف ما حالكم
وتوة بالسلامة والى الملتقى
في امان الرحمن |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
آآآآآآآآآآآه اليوم تعبانه مووووووووت
الحمد لله ان شاء الله كله باجرة اليوم راجلي روح قبل الساعه اربعه بشوي وجايب معاه النواقص واستغربت ان هلبه حاجات طلع الحلو عازم من غير علمي ربي يهديه 4اصحابه من الشرق الحبيبه شرفونا اليوم و3سورين شباب القاهم يشتغلوا اعمال شاقه يسخفوا ربي يعاونهم وييعجل بنصرهم المهم اختكم في الله تجري يمين يسار قبل كل شئ جهزت سفره الفطور الحليب والميه والعصائر وخليتهم في التلاجه باش حتي كان اضايقت في الوقت ايكونوا جاهزين وحطيت شريبتي وجهزت الخضرا واللحم واستعنت بالله وبديت بشوي شوي عجنت العجينه كميتين بعجينتي العاديه والصالصه جاهزه وتوابع البتزا بس تعرفوا مابيتش انكثر قلت تو ربي ينزل ربي البركه في الماكله قليت عندي طاوه كبيره الخضراء المشكله كميه كبيره وحطيت الرز بالخلطه عالنار وشرائح دجاج تبلتهم بملح وفلفل اسود في طاجين في الكوشه ولفيت السويسرول الدجاج بالخضرا المقليه ونفس الخضرا درتها فوق شريحه الدجاج وفوقهم جبنه وقليت السويسرول كملت نعتبر 4حاجات وفرمت الدجاج في ست البيت وتبلت بصل وفلفل الحلو وحطيت عليهم الدجاج وطيب الكيمه وقسمتها بين طاجين امبطن والبوريك وطيبتهم البوريك انحب انخليه في الاخير باش يقعد مقرمش وبعدين فضيت بالعجينه طاجينين الكوشه بيتزا وتارت القوارب 9قطع فقط حشوتهم خنبت من الخضرا المقليه شوي ومن الحشوه شوي هههه وزدت عليهم شرائح زيتون وفترشت جبنه مثلثات وحشيتهم وحطيت فوق نجمه جبنه شرائح وشريحه زيتونه كحله وخضراء<<رآآآآآآيقه الاخت هههه ودرت دائرتين عجينه بسمك رقيق ودحنتا بزبده وقصيتها مثلثات وحشيتها بجبنه كيري وشريحه زيتون ومعدنوس ولفيتها ودهنتها من فوق صفار بيض وسمسم وآخر العجينه درتها مربعات وحطيتها علي لفة السمبوسه عرفتوها وحشيتها بالتن وهريسه عربيه وزيتون<<طبعا هدي لاااازم اتكون العجينه رقيقه ووتطيب في 3دقايق لان التن مش حلو في الكوشه وشويت افخاد دجاج طبعا تبلتهم من اول ماخشيت وشويتهم في طنجره البورديم باش حطيتهم فوق الرز ودرتلهم فحمه كانهم مشوين عالفحم شرح مفصل المهم درت شربه ورز ابيض وفوقه افخاد دجاج مشويه طاجين امبطن بطاطا وبوريك وسويسرول الدجاج بالخضراء ومقلي بالدحي والخبزه المرحيه وشريحه الدجاج <<<في اللي يقوللها الجزيره او الجردينه وبيتزا وتارت ونوعين خبيزه وطاجين كبير المرش لازانيا لحقت عليها في الآخير علي خاطر السورين القيت عندي مفروم طيبت الكيمه وسلقت الشرائح وجبنه فقط مادرتش باشميل درت بدله ضربت دحيتين وحليب مزكز وكاشيك زبده سائله والحق مافضل منها غير قطه صغيره مع قلعاوي وفاكهه متكامله ومشروب وعصير وبعدهم القهوه مع الحلويات اللي عندي وراجلي جاب بلح الشام علي خاطر السورين وطبعا سلفي فطر معاهم توقعت عزوزتي تقعد مع سلفتي لكن جت انا عادي والله بس تعرفوا الحوسه معناها 3سفر وعيب انخليها بروحها مع اني القهوه جهزتها وهما يفطروا لكن عادي كله باجره طبعا هذا كله وانا ندعي ان الضي مايهربش وربي استجاب اول ماكملت الكوشه الازانيا هرب الضي فبل المغرب بتلت ساعه هههه فطروا في الضلام باهي اللي امجهزه كل شئ والا انجنيت عرفتوا اللقطه اللي تصير لما تفتحي التلاجه وتنسي شن تبي منها هههه وتزيد مع الحمل بننجن كان مش من التسبيح والاستغفار راهو مش عارفه شن صااار ههه آآآآه دهشت من الكتيبه <<<مش منك راك تنقصي دوه |
رد: حبيباتى سيدات ليبيا تفضلو لأعرف ما حالكم
طبعا مانحكيش عالماعين وعرس المطبخ بديت فيه في الضلام وانا نحك في الرخامات والغاز والثلاجه جئ وسيقت حتي وسط الحوش والممر مره وحده مع اني اول امس مسيق لكن رنو سلامتها ماشيه جايه وتنسي تلبس شبشبها امتاع الطبخ ههههه
المهم كملت ودوشت الساعه 11وخمسه صليت التراويح العشاء صليته علي طول ربي يهديني بس انا مانقدرش انصلي ووراي حاجه نقعد مرات استغفر الله انفكر فيها ومن نص ساعه راجلي امشي للتهجد وانا غيرت لرنوده بترقد وتوضيت بعد الرد الاول وتوه سلاااااااااااام حبيباتي وربي يتقبل من الجميع |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم ياحلوين
نحس فى روحى عيااااااااااااااااااااااااااااااانة أمس سلفتى ماجتش فطرت معانا وقعدت مشغوووووولة عليها ومشيتله بعد الفطور طبعا اتصلنا بيها قالت تعبانة شوية المهم كان بادى فيها الوجع وبعدين قالت بنمشى نعاين وطلعنا احنا مراجعة لحمود((عند طفيليات فى بطنه)) وعزيت راجل خالة ماما توفى فى السعودية الله يرحمه والليل كله قعدت نتصل 3 مرات يسلفتى ونبعث فى رسالة باش تطمنى عليه وهى لاحياة لمن تنادى لحد الظهر اليوم اتصلت قالتلى ايه جبت بنووووووتة الحمد لله على كل حال بس الحق استغربنا توقعناها ولد ولما قالتلى بنت قلتلها بنت وحدة توقعنا توأم لأنها مرززززززززززززنة بشكل غير طبيعى كانت من السادس داهشة |
رد: حبيباتى سيدات ليبيا تفضلو لأعرف ما حالكم
وقت السحور توا سلام
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
وينكم اليوم
تعالوا نهدرزوا |
رد: حبيباتى سيدات ليبيا تفضلو لأعرف ما حالكم
اليوم ناويه ماندير شئ وبنطلع نشري حوايجي
بندير رشدة كسكاس وبنقع السلاطه الخضراء وسلاطه عربيه ومع الخضراء والفاكهه وحاجات امس فضلوا منهم دسيتهم في الفريز باش لما انطلعهم كانهم طازا وبنطلعهم اليوم وعندي بوريك الجبده بنديره بالسبناخ والجزر والجبنه يمممم روعه والحمد لله مع اني منهنيش روحي عارفه نفسي حنزيد حاجه هههه |
رد: حبيباتى سيدات ليبيا تفضلو لأعرف ما حالكم
ام فراس بنسألك الصوره الرمزيه صوره الولي ؟؟؟؟
كتكوته ماشاء الله |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
ماشاء الله جيجي هذا غير ناوية ماديرى شىء |
رد: حبيباتى سيدات ليبيا تفضلو لأعرف ما حالكم
أمش تبهدلنا فى الفطور
راجلى جاب فراريج قريب 5 ماشاء الله وخوته مهناك حد قعدت حاصلة معاه فى الذبح والتقطيع ودرت بيهم مكرونة طبعا كنت ناوية ندير رشدة بس لما ماالحقتش درت مبكبة وخلاص درت كوسا محشية وكمان بوريك بس والله تبهدلت حاااااااااااااااالة الصغار من جيهة ويللى يمرمد ويللى يبى يدير حمام حااااااالة خليت المحشى على النار ودت البوريك وقليته والللحم يغلى وكيس باقى اللحم ودرت طنجرة طبيخة صغيرة لسلفتى والكوجينةبدت تخووووووووووووووووووف المهم ماصدقت كملت وسيقت وطلعت نجرى درت حمام ومشيت لسلفتى رفعتلها الطبيخة وشفتها وروحت ونبى حماتى تجى تعاونى على أساس رشدة وهكى أمس خطرت عليها الفلاحة هخهههه دارت بيتزا وخبزة محشية وأنا اليوم يللى قبله لما الفجر نخمم فى سلفتى درت العسل ودرت البسبوسة قلت نقابلو بيها لما تجى سلفتى المهم والبارح مشينا وجو امتعين السانية وهدرزنا مشوااااااار وروحنا وبسسسسسسس |
رد: حبيباتى سيدات ليبيا تفضلو لأعرف ما حالكم
اهلا سوسو
كيف حالك ومبارك علي سلفتك البنوته ان شاء الله من حملة كتاب الله امس زيني حوسه ربي يعاون الجميع |
رد: حبيباتى سيدات ليبيا تفضلو لأعرف ما حالكم
أمش تبهدلنا فى الفطور
راجلى جاب فراريج قريب 5 ماشاء الله وخوته مهناك حد قعدت حاصلة معاه فى الذبح والتقطيع ودرت بيهم مكرونة طبعا كنت ناوية ندير رشدة بس لما ماالحقتش درت مبكبة وخلاص درت كوسا محشية وكمان بوريك بس والله تبهدلت حاااااااااااااااالة الصغار من جيهة ويللى يمرمد ويللى يبى يدير حمام حااااااالة خليت المحشى على النار ودت البوريك وقليته والللحم يغلى وكيس باقى اللحم ودرت طنجرة طبيخة صغيرة لسلفتى والكوجينةبدت تخووووووووووووووووووف المهم ماصدقت كملت وسيقت وطلعت نجرى درت حمام ومشيت لسلفتى رفعتلها الطبيخة وشفتها وروحت ونبى حماتى تجى تعاونى على أساس رشدة وهكى أمس خطرت عليها الفلاحة هخهههه دارت بيتزا وخبزة محشية وأنا اليوم يللى قبله لما الفجر نخمم فى سلفتى درت العسل ودرت البسبوسة قلت نقابلو بيها لما تجى سلفتى المهم والبارح مشينا وجو امتعين السانية وهدرزنا مشوااااااار وروحنا وبسسسسسسس |
رد: حبيباتى سيدات ليبيا تفضلو لأعرف ما حالكم
هههههههههههههههه قصدكم انكتب الرد مرتين ماا ليش يقولولى لايمكن.............................
كيف حالك جيجي مازلت سلفتك وكم عمرهاا نحس علاقتكم مش قوية صح |
| الساعة الآن 09:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .