|
رد: تجمع رعاية المولود من حديثي الولادة إلى شهر 3
اهلين بناات زينب ياحياتي نور مره صعينوون ربي يحفظه ويبلغك فيه ،،وبالنسبه للمانع زوجك ليش رافض حاولي معها حرام تحملين اللحين لسى النونو صغينون
ام جووووووود اثريي وحشتينييييي..والحمدالله ريوم بخير ولسى موعدها باقي له عشر ايام ادعي ربي يعدي الايام بسرعه ،، ،، ابي اعود ريوم عاللهايه ومو راضيه ابددددد تمسكها لان بنتي خواافه وصيااحه لو اركبها العربيه طارة عيونها البارح نومتها بسريرها وبس تكلم ابوها فزعت الدنيا بصيحها اثاريها كانت خايفه وبس سمعت الصوت صاحت تستنجد ،، ،، الا بنات قطرة الانف تضر النونو ؟؟ لان بنتي لو اشغل المكيف لو عالحار سكر خشمها مدري وش بسوي فالصيف |
رد: تجمع رعاية المولود من حديثي الولادة إلى شهر 3
اقتباس:
اهلين مشاعل شلونك ؟؟؟ :) تسلمي عيونك الحلوة ، ويخليلك الحلوة يارب ويبلغك شوفتها عروس ذيك الصورة كان من عمر شهر ههههه الحين صار ماشاءالله عملاق هههههه اما عن المانع خلاص وافقت على العد وايام التبويض وفوضت امري لله لو حملت خلاص حملت مافي مفر :( .. دعواتكمـــ ~ |
رد: تجمع رعاية المولود من حديثي الولادة إلى شهر 3
بنات
ممكن كل وحدة تقولنا كم عمر البيبي حقها وكم وزنه :) عشان نشوف الأعمار والاوزان متناسقة ولا لا انا ولدي نور ربي يحفظه عمره شهرين و 21 يوم ووزنه آخر يوم قسته كان الخميس وكان ماشاءالله خمس كيلو و700غرام يلا اشوف تقاعلكم ع سؤالي :) |
رد: تجمع رعاية المولود من حديثي الولادة إلى شهر 3
اقتباس:
بالنسبه لك وللمانع ترا انا استخدم العد وماحملت الا لما وقفت العد .. يعني ضابط معي ١٠٠٪ اصغر عيالي الحين ٤ سنوات ، وكل عيالي استخدم العد والعزل والحمدلله مااحمل الا لما انا اكون راغبه بالحمل فلاتخافين ماراح تحملين ب اذن الله دامك حريصه بالعد وتعرفين بالضبط يوم تبويضك بس انا عشان موظفه وعيالي كثروا واحس شغلانه العزل مدري افكر بغير العزل يعني شي لمده ٧ او ٨ سنوات ب اذن الله |
رد: تجمع رعاية المولود من حديثي الولادة إلى شهر 3
خان وزن بنتي لها شهرين بظبط 4كيلو 400 غرام
|
رد: تجمع رعاية المولود من حديثي الولادة إلى شهر 3
خلودي عمره خمس اسابيع او شهر وخمس ايام واخر مرة وزنته عند الدكتور الجمعه اللي فاتت كان وزنه 4 كيلو و 600 غرام :)
|
رد: تجمع رعاية المولود من حديثي الولادة إلى شهر 3
اهللين زينب الحمدالله انا وريومه بخير ياعمري ،، انا كانت متخته بنتي ومن شافها قال بتطلعلك دبدوبه بس ياعمري من انتصف الثالث نحفتتتتت
اللحين عمرها شهرين و28 يوم باقي يومين وتخلص الثلاث شهور ،، طويله مشاءالله بس نسيت كم طولها بالضبط ووزنها كان قبل اسبوعين سته كيلو اللحين ماادري كم اتوقع نزلت كم غرام |
رد: تجمع رعاية المولود من حديثي الولادة إلى شهر 3
مساءالخير بنات...........
كيفكم.................؟؟؟؟؟؟؟؟؟؟؟؟ وحشتوني كلكم......... كسل مافيني اقرا الصفحات اللي قبل.......... انا وجوجو بخير.............................واخيرا اليوم الاربعين.........لبست جوجو فستان وردي صارت كبيرة.......ربي يحفظها........ خلاص نبي العريس عشان نزوجها.................. اما انا جتني اخت النفاس....لي 3ايام....احس ظهري بيتكسر من الالم....... وباقي لي اسبوع واسافر......الوقت قرب.... الله يعين......... |
رد: تجمع رعاية المولود من حديثي الولادة إلى شهر 3
صباح الخير كيفكم بنات اشتقت لكم
انا بنوتتي عمره شهر ونص بالضبط بس ماعرف وزنها للحين كم صاير شوق الله يعينك ترجعي بالسلامه زينب كيفك ؟ والله يكون بعونك |
رد: تجمع رعاية المولود من حديثي الولادة إلى شهر 3
كيفكم بنات وكيف عصافيركم؟؟
شوق هاه كيف استعدادات مابعد النفاس؟؟ صبغتي شعرك وقصيتيه؟ واذكر بعد بتسوين نقش حنا؟ وكيف الكتكوته ان شالله مو متعبتك مرة؟ بيورتي ليه ما تجربين اللولب؟ احسه هو انسب شي للي يبون يمنعون الحمل سنين كثيرة.. مشاعل لا تضيقين خلقك ان شالله ترجع تسمن وتكبر.. انا ولدي كذا كان يسمن بسرعه بالبدايه حتى الدكتور لما اروحله ينبهر يقول مرة يكبر زين.. بعدين جته فتره اتوقع بسبب المغص الشديد اللي يجيه تغيرت شهيته وصار ما يرضع كثير ويقعد يصيح وهو يرضع واغلب الرضعات يرجع بعدها واحس زيادة وزنه وقفت.. وضاق صدري لان بدت تطلع له خدود ويحلو وكنت متحمسه.. لما رحت موعده يوم الجمعه قالي الدكتور ان اموره تمام وصحيح ما زاد وزنه كثير بس انه عادي بس يخف المغص يرجع يزين.. انتي بنتك يمكن تمر بعارض اذا راح ترجع تزين :) فاقديييين شذااااا شي مو طبيعي.. ان شالله يكون النت فيه مشكله عندهم وما يكون هي ولا كوكي فيهم شي.. |
رد: تجمع رعاية المولود من حديثي الولادة إلى شهر 3
شوق طالعه من الشر ،، وتوصلي بالسلامه ياعمري ولاتفطعين فينا اذا رحتي ،،
،، يارحيم لايكون الدكتور عطا خلودي عين ترا الاجانب ينبهرون من اطفال العرب اقري عليه ،، حتى لو القراءن لاحظته يريح بنتي وينونه اقري عليه الفاتحه 21 مره بنيت السكينه والشفاء ،، ،، بنات بسألكم انا بنتي تطعيمتها الاولى كانت لماخلصت الشهرين وكان بيوم 3/1 واللحين معطيني موعد التطعيمه الثانيه بيوم 4/9 يعني اول ماتدخل الرابع ؟ مو المفروض تاخذها اذا خلصت الرابع ودخلت الخامس ؟؟ |
رد: تجمع رعاية المولود من حديثي الولادة إلى شهر 3
بالنسبه لخلودي الحمدلله اموره مستقره بس للحين ما جبنا له قطرة المغص :( امس كنت رايحه ازور واخذته معي ونكد علي و مغصه بطنه قعد يتعبر ويصيح وطفشني وقررت اطلع بدري ولما طلعت ما شاء الله استغرق في نوم عميق حتى قعد اربع ساعات ما رضع!! قلت يعني النكد بس وانا عند الناس؟ المهم بعد مسلسل امس ان شالله ابوه يجيب له القطرة اليوم..
بالنسبه لي ما زالت الام العمليه موجوده بس احس اني خفيت شوي المفروض اني ما اطلع وارتاح بس زيارة امس كانت ضرورية مو علي كيفي بس حاولت اريح وما اتحرك وما اشيل خلودي كثير عشان تطيب عمليتي وان شالله بهاليومين تطيب تماما قبل اخلص نفاسي!! ماله داعي توني مخلصه نفاس وبطني تعورني وماقدر اتحرك!! بالنسبه لنفاسي خلاص باقي لي اسبوع بالضبط.. طبعا طلعاتي قليله ورحت للسوق مرتين وجربت قمصان نوم وملابس داخليه وماعجبتني ابددد!! وعلى بالي بشتري بعدين وتوهقت جا اخر النفاس وبطني رجع يعورني وصرت ما اطلع!! واذكر اني قد سألتكم عن استعداداتكم من هالناحيه بس محد جاوبني شكلكم تستحون ههههههه عاد اخر شي يأست وطلبت اشياء اون لاين!! تخيلو بدون قياس ولا شي هههههه الله يستر.. بس ما ينفع اخلص النفاس وماعندي شي البسه لزوجي الاشياء القديمه ولا تدخل فيني والعلاقه مقطوعه من اخر شهور الحمل يعني لازم استعداد على مستوى!! عاد طلبت قمصان وبجامات وملابس داخليه المفروض توصل بعد كم يوم ان شاء الله ما تتأخر واتوهق بجربها ويارب يضبطون واللي ما يضبط برجعه بس ان شاء الله ما ارجعهم كلهم!! |
رد: تجمع رعاية المولود من حديثي الولادة إلى شهر 3
ام خلودي انا اخر نفاسي جاني مغص وصار بطني يوجعني ومن بعدها حسيتها دخل شوي ،، يعني اتوقع عادي الالم اللي جاك وخلودي يمكن استنكر الناس زي بنتي او الازعاج يعني استغربهم واستغرب الجو وترا هالاسبوع بينكد عليك كذا سوة فيني بنتي ههههههه ،،
بالنسبه لتغيير انا صبغة شعري بالبيت لون مرره حلو والملابس اللي اشتريتهم ماكثرة كم قطعه داخليه وثلاث قمصان وبنطلون واحد وكان مقاسهم كبيير اللحين مرررره وسااع عشان كذا ماكثرة ومعليش اذا كنتي سأله ومارديت فأنا ماانتبهت توني ادري انك سألتي ،، سويت حلاوه وغسلت بصابون مغربي شوفي دهني بجلسرين وبعدين سوي بخار مويه مرره حلو بس اخاف يضر عمليتك ،، |
رد: تجمع رعاية المولود من حديثي الولادة إلى شهر 3
أهلين بنااااااااااااااااات ،،،،
أم ريووووووووووم ~~~ والله توحشتكم ؟؟؟؟ يارب احفظها الحلوة واشفها شفاء حقا لايغادره سقماً ،،،ويطمن قلبك عليها ياااااااااااارب زوووووبة ،،،، كيفه """" نور """"توأم """دودي """ أكبر منه بيوم ~~~ والله مكسلة أوزنها هلا ،،، بس الصباح إن شاء الله أوزنها وأكتبلك الوزن ~~~~ أخذتلها كم قطعمة من ""نكست"""عامل تخفيضات 70 في المية ~~~ يجننوا فساتين العراييييييييس أم خلوووووودي ،،، لاباس عليه حبيبي ،،، استعملي القطرة وحتريحه بإذن الرحمن ،،،وعليك بالرقية ~~~ فهي شفاء أم جوجو ~~~ حمدا لله على سلامتك ،،، وعودة حميدة لمملكتكـ ~~~~ بااااااااااااااااااقي البنات وينهم ؟؟؟ أم سارووووونة مختفية ،،،؟؟؟؟ |
رد: تجمع رعاية المولود من حديثي الولادة إلى شهر 3
والله حجابك جمالك
ودينك رأس مالك فلا تستبدلي الذي أدنى بالذي هو خير وكوني مريم وكوني عائشة وكوني خديجة وكوني فاطمة وكوني آسيا. ...كوني حور الدنيا بحق |
رد: تجمع رعاية المولود من حديثي الولادة إلى شهر 3
اهلا وسهلا بام جوود ،، الله يسلمك من كل شر حبيبتي ويفرحك بجود ياربي ،،
ريومه الحمدالله الايام هذي احسن بس صاير نومها قليل ،، بسألك تطعيمتها الثانيه متى المفروض تاخذها لماتخلص الثالث وتدخل عالرابع ولا لماتخلص الرابع تدخل عالخامس ؟؟ وملبوس الهنا لجوجو بسم الله عليها تشوفيها بفستان فرحها ان شاءالله |
رد: تجمع رعاية المولود من حديثي الولادة إلى شهر 3
ياسلام على الوهقه.. تو شيكت على الطلبية وطلعت مارح توصل الا يوم 19 وانا اخلص نفاسي يوم 15!! كله بسببي واهمالي وتمططي.. كنت ابغا اول ليلة تكون حالمة!! راحت علي :(
|
رد: تجمع رعاية المولود من حديثي الولادة إلى شهر 3
اقتباس:
مع ان شخصيتي ماخاف ، وحتى الولاده نفسها ماصرخ ولا ابكي بس الفحص عضلات المهبل تلقائي تقفل معي حتى اخر مره قبل كم يوم جاني طلق قوي وكنت عادي مستحمله ومجرد ماقالت فحص خفت ورفضت وفحصتني غصب جلست ابكي واصرخ ، جد الدكتوره تقولي انتي مو معقوله شوفي طلقك مستحملته والفحص ماستحملتي !! قلتلها عندي فوبيا غصب عني ماقدر .. عشان هيك انا خايفه من اللولب وقت الفحص .. مدري كيف اركبه واتغلب على خوفي ، مع اني متزوجه من ١٠ سنوات ، وهذا البيبي الرابع لكني اخاف مره وماخليهم يفحصوني داخلي الا وقت الولاده وبالموت < قصصصه حياتها خخخخخ / بالنسبه لك ولاول ليله من بعد النفاس ، صراحه مالك حق ابد .. انتي عاد ماتعرفين كيف تفكير الزوج لما يشوف انك ماستعديتي لاتقولين تعبانه وماعرف ايش ، بداخل نفسه ماراح يقدر .. بيقول استحملتها طول حملها وصابر وبالاخير ماعبرتني الله يعينك قبل الاربعين انزلي محل واحد وخذي منه لو قطعه وحده .. ع الاقل استقبال وقميص نوم وبعدين يمديك تنتظرين الاشياء اللي اخذتيها اون لاين ، واذا مره ماتقدرين وصي اي احد حواليك عادي ، وخلودي بالعربانه ماراح يتعبك ابد .. الحين ابو الشباب يعد الايام خخخخ الله يسهلك ويخلي ايامك كلها فرح يارب |
رد: تجمع رعاية المولود من حديثي الولادة إلى شهر 3
مشاعل ما اظن ولدي يستنكر والله ما يدري وين الله حاظه ومتعود على الازعاج والطلعات من عمره اسبوعين يطلع ووناخذه السوق.. هو جاه مغص وقعد يتعصر ويصيح ونكد علي.. الغريب ان المغص دايم يجي الفجر ويقعد للصبح اول مرة يجيه بالليل يعني منسقها عشان يخرب علي ههههههه
مشالله عليك انا لو اشتري شي واقيسه بعد فترة ويطلع واسع تكون اسعد لحظات حياتي :) انا وااااقف وزني له اسبوعين وهالرضاعه مقيدتني ماقدر اسوي ريجيم ولا تخفيف اخاف يتأثر حليبي والعمليه مقيدتني من ناحية الرياضه!! يعني يوم بديت اروح واجي واتمشا انتكست!! ضاقت حيلتي وهالكرشة مضيقة صدري مرة.. بيورتي الله يعينك والله على هالفوبيا.. ومن ناحيتي كلامك صح ماعندي عذر اقوله له بالذات اني طالبتهم اون لاين يعني وانا قاعده ببيتي ومنسدحه على السرير.. كنت ناويه اتحجج بان الدم ما وقف هههههه بس بيشوفني اصلي مدري غريب وبعدين موعدي عند الدكتورة اول ما اخلص نفاسي وهو بيوديني فما يمديني اكذب عليه لان الدكتورة بتسألني عن الدم وبقولها انه وقف.. شكله مافيه الا اني اروح اي محل واجيب لي قطعه وحده امشي فيها اموري لين توصل اغراضي.. حسبي الله عليهم لما طلبتها اخترت التوصيل يكون يوم 13 فجأة قررو يخلونه 19!! |
رد: تجمع رعاية المولود من حديثي الولادة إلى شهر 3
حلوه تتحججين بالدم خخخخخخ .. برضو عادي ماراح توقف الليله اذا فيه دم او لا
تعرفين مره اتذكر مثلك هيك توهقت ولا قدرت اروح السوق ففكرت وجلست اتكلم معه ان نفسي هالمره هو يشتريلي القمصان وكذا طبعا هو ماكان عارف اني مكسله انزل السوق ولا جهزت نفسي قبل الولاده .. بس والله مره انبسط من طلبي وفعلا راح اشترى شي على ذوقه واللي نفسه فيه .. ف انتي اذا مره تقفلت بوجهك العبي بعقله بكلمتين وان ودك ذي الليله تلبسين بشي من ذوقه وهو مختاره وبتمشي الامور ب اذن الله |
رد: تجمع رعاية المولود من حديثي الولادة إلى شهر 3
السلااااااااام عليكم
صباح الخير ع الجميع وحشتوووووووووووووني شخباركم وشلووونكم الله ع اياااااااااام اللي راحت وايام المعاناه وايام متئ نولد الحين مافي وقت نتنفسسسسسسس ... الله يعين الاحوال تمام والامن مستتب الئ الآن قولوا لي شلونكم وشخبار عيالكم |
رد: تجمع رعاية المولود من حديثي الولادة إلى شهر 3
صباح الخير...... كيفكم اليوم؟؟؟؟؟؟؟ مهرة.........كيفك وكيف البنوتة؟؟؟؟؟؟ مشكورة حبيبتي الله يسلمك.........ويخليلك البنوتة........ يارحيم.............اهلين بام خلودي......كيفك الحين؟؟لسه توجعك مكان العملية؟؟؟؟لاتكوني شلتي شي ثقيل؟؟؟؟او يمكن مشيتي كثير.....؟؟لما خرجت السوق الاسبوع اللي فات.زحسيت ظهري ورجليني توجعني....واحس كني عجوز تمشي......اتنكس مثل العجوز...الله يستر..زوجي بيشبع ضحك هالمرة...... الحمدلله الاستعدادات بدأت قبل كم يوم صبغت شعري وباقي القص......ونقش الحناء يوم الاثنين ان شاءالله.لان السفر الثلاثاء....... اما جوجو متقلبة يوم تتعبني وايام تنام وتكون هادية.........انتبهت اني ايام اعطيها دواء المغص تنام ....حتى بالليل ماتقوم بس ارضعها وتنام.......ولما مااعطيها الدواء تبكي بالليل وتقوم كثير........ افكر يوم السفر اعطيها الجواء لاتتعبني بالطائرة وتفضحني.......كيف اسكتها؟؟؟؟اقوم الف فيها قدام الناس؟؟احسن تنام وتقوم عند ابوها......... مشاعل.............الله يسلمك يارب..ويحفظلك بنوتتك.....ن شاء الله راح احاول ادخل التجمع......ماعندي نت بالبيت....بس بدخل من الجوال.......لين زوجي يدخل لي خط النت........ اثري في مدادي......مشكورة حبيبتي........الله يسلمك يارب....... صح يارحيم........عليكي بهالحركات.........زقولي لزوجك ابي اشوف ذوقك...وش بتجيب لي هالمرة.؟؟؟؟؟؟؟؟؟انا زوجي سالني قبل كم يوم تبين شي؟؟؟؟فكرت وش اقوله..بس بالاخير قلت له.....ابي اشوف ذوقك هالمرة ماراح اشتري ولاشي......حطيتها براسه......الله يعينه....... |
رد: تجمع رعاية المولود من حديثي الولادة إلى شهر 3
بنات وشو اللولب
|
رد: تجمع رعاية المولود من حديثي الولادة إلى شهر 3
السلام عليكم
يسعد مساكم جميعاً وحشتوني كلللللكم لكن ماباليد حيله حوريتي ماتخليني وقتي كله رايح عليها والشغاله بتسافر بعد اقل من شهر وعندي ثلاثه غيرها الله يحفظهم يعني بنهبل وديتها الدكتوره وانهبلت لما طقت بطنها ملييييييان غازات غيرت الحليب للمره الرابعه كتبت لها رونالاك للامساك ونقط ديفلات وقالت اكثر لها ينسون ومويه الغازات تطلع لكن التخريج لسا تطول يارحيم ماتشوفين شر اكيد مجهده نفسك والتجهيزات اول مره ماطلع السوق ومالي خلق ابداااااً حتى مفرش السرير ماشتريت جديد السبب كنت تعبانه نفسياً وجسدياً وشايله هم الخياطه لانها عذبتني ومانزلت الخيوط الا بعد اول لقاء ومجننته بعد ماخليه ياخذ راحته هالمره غيييير تعبت نفسيتي وللان تجيني اوقات ابكي طبعا صبغة وقصيت اشوا هههههههههه |
رد: تجمع رعاية المولود من حديثي الولادة إلى شهر 3
زوزو ماشاء الله عالكتكوت الله يحفظه لك مررررررره صعنون
لازم صوره حديثه بالنسبه لبنتي عمرها 7 اسابيع والخميس تكمل 8 اسابيع وزنها 5،400 الدكتوره قالت وزنها قليل مقارنه بوزنها عند الولاده يعني المفروض اكثر مامانوف اللولب اداة تنحط بعنق الرحم لمنع الحمل بالنسبه لشذا انا قلقانه عليها جداً بعد الامطار اللي صارت بتبوك الله يحفظهم على طول ببالي |
رد: تجمع رعاية المولود من حديثي الولادة إلى شهر 3
بحثت عن اللولب مره خطررررر شكلي بستخدم. حبوب مانع لمده 3 شهور وشهر طر يقه العد
لان ودي اطول ماحمل على الاقل سنتين |
رد: تجمع رعاية المولود من حديثي الولادة إلى شهر 3
طول نفاسي مافي دم مستغربه بس يمكن اول ايام بسيط كمان للعلم جبت بعمليه ..بس اشرب شاى اعشاب ولا احس انى نفاس
|
رد: تجمع رعاية المولود من حديثي الولادة إلى شهر 3
كيف الليله بعد الاربعين .. تغيروا بالغرفه ولا بس شكلكم وايش تغيرواا غير الشعر ؟؟
وايش مخططاتكم سفر ولا عشا بمطعم او فندق؟؟.. ولا حفله اعطووونى فكره مااعرف بهالامور |
رد: تجمع رعاية المولود من حديثي الولادة إلى شهر 3
انا جيت بيتتى وباقي ع نفاسي عشر ايام قلت ارتب امورى واتنفس زين واستعد لبعد اربعين مااعندى اغراض ؟؟ مع ان بغربه ولسا نفاس
وتركت بيت اهلى من يوم خمس وعشرين حوسه ومااعندك احد .. |
رد: تجمع رعاية المولود من حديثي الولادة إلى شهر 3
مساء الخير ال ا
امس بنتي ماوقفت من الصياح. واليوم دايخه وانفسي مره تعباه زوجي مسافوان في غربه ظلدي اول امس صدمته سياره بس الحمدلله مارح فيها بس جرح في راسه مع وخيطه مع جروح في جسمه ورضوض و |
رد: تجمع رعاية المولود من حديثي الولادة إلى شهر 3
اقتباس:
والله شكلي بحمل قريب الله يستر بس لاني ابي اتسنى سنتين على الأقل اللهاية لازم منها ، احس في ناس ما يوافقوني بس انا ولدي تعود عليه من عمر اسبوعين وللحين يمسك اللهاية انا فادتني في شيئين ، الأول تنيمه لو شبعان وغيرت حفاظته اعطيه اللهاية وتنيمه والشيء الثاني انها تساعدني ما يتفرغ (يرجع الحليب) لاني لما اشبعه للآخر مرات ما يطلع الهوا فـ احطه على مخدة مرفوعة شوي واخلي راسه ع جنب واعطيه اللهاية ولو حس انه في شيء طالع يبلعه ويرجع لمحله ههههههههههه بالنسبة للأنف المكيف يئذي البيبهات لان خشومهم صغيرة لكن افهم الجو عندكم ي بس مادري القطر لو رح يفيد بس كل شيء لو استعملتيه رح يتعود عليه ، انا استعمل قطر ملح وماي شريتهم من الصيدلية لان لما يصحى يصحى مع انف مسكر ويطلع صوت لما يتنفس فـ احطله القطر ذاك والحين صار متعود عليه على طول يتسكر انفه حتى وهو صاحي اقتباس:
مشكورة على التوضيح حبيبتي بس سؤال محرج كيف تقنعين زوجك كل هالاربع سنوات بفترة الاباضة؟ يعني كنتي تقولين له انج بفترة الاباضة ومافي جماع؟؟ سؤال غبي ههههههه بس انا تخيلت نفسي اعتمدت على العد شكلي بركب لولب بس يبيلي اخذ موعد ، و لين ماركب رح استعمل طريقة العد ان شاء الله اقتباس:
ماشاءالله ربي يحفظها لك كيف حالك من زمان عنك اقتباس:
ماشاءالله حلو وزنه تسوين له تمرين الرقبة؟؟؟؟؟ انا بديت عليه من عمر شهر كان يرفع راسه دقايق وينزله ومن عمر شهرين و10 ايام صار يرفع راسه زين :) والحين صار يقدر يحرك راسه يمين يسار وهو رافع راسه ههههههخ اقتباس:
الله يحفظها لك يارب ان شاء الله ترجع تسمن وتكبر انا حصل معي نفس الشيء لما يزورني ناس صرت اكره اعطيه الحليب قدامهم لان لما يشوفوه يخلّص القارورة 180مل او 200مل يستغربون ويعلقون ومرات يقولو انتي اللي تغصبين على النونو حرام شكلي بشتري جرابات وادخل القارورة في فردة من الجرابات عشان اخبي الكمية اللي شربها العيون والحلوج ماترحم الله يكفينا الشر اقتباس:
صرتي مثل الخفاش .. تختفين فترة وتظهري ههههههههه امزح وحشتينا انتي بعد ماشاءالله ربي يخليها العروسة اكيد صارت حلووووة بالوردي العريس جاهز وعمره مناسب لبنتك ، رجاااال خخخخخ الله يوصلك بالسلامه لبيتك وزوجك ايش اخبار الخلطات؟ جابت نتيجة ولا؟؟ انتي مثلي بالظبط جتلي اخت النفاس بآخر يوم من الاربعين اقتباس:
وينك من زمان؟ ربي يحفظهالك يارب ايش كان اسمها مرة ثانية؟ اقتباس:
لان تطعيمة الأولى بالسويد تكون من 3 شهور ان شاء الله يفيدوكي البقية اقتباس:
انا الحمدلله القطرة ساعدت ولدي زين ، سالت مرة الدكتورة عادي لو وقفت، قالت جربي ولو بكى مرة ثانية ارجعي اعطيه وقفت يومين ورجع المغص خخخخخ ورجعت اعطيه ، شكله صار مدمن مايسكت من غيرها هههههههههههههه ذكرتيني بايام العرس لما قرب العرس طلبت لانجيرهات من النت وطلعو كلهم بقياسي ، لبست بعضهم ولسا في اللي مالبستهم بس مستحيييييييييل يجي علي الحين صرت دبة هههههههه بخليها مفاجأة لو نحفت مرة ثانية :) اقتباس:
ايش اخبار الكتكوتة ؟؟ الله يحفظها لك بنتك اكبر ولا ولدي؟ خخخخخخ احترت المهم الاثنين ورا بعض ، ربي يحفظهم ويحفظ جميع البيبهات ايش اخبارك؟ انا متحمسة حق نكست ، قبل اسبوع طلعت وشفت الاشياء اللي يبعيونه رووووعة ذكرني بمحلات انجلترا ، لان نكست محل انجليزي ان شاءالله بس يجي نهاية الشهر ويستلم زوجي المعاش اقوله يعطيني فلوس ماقدر استنى :) اقتباس:
مالنا غير نتقبل الوضع شكلنا مستحيل يتغير بسهولة لازم شهووور الحين صرت اتقبل شكلي مثل ماهو واتدلع على زوجي مع كرشتي ههههههههههه وهو ماعلق ماهمه الصراحة الحمدلله لانه عارف انه من الحمل والولادة والرضاعة والخ لازم نتحلى بالثقة انا اسوي شعري والبس وامشي براحتي وماهمني شيء، وهذا صراحة عطاني شوية ثقة هههههه الله يساعدنا وننحف ونرجع زي أول اقتباس:
:) ايش هالحركات ، انا لو اقول لزوجي اشتريلي شيء يقولي هاج الفلوس روحي اشتريه بنفسك خخخخخخ بس بالايام بعد الولادة لما كنا بالمسشفى اطضر يشتري اي شيء اطلب منه حتى سوتيان الرضاعة هههههههههه جوجو رضعيها وعطيها الدواء ، مش ناقصين فضايح خخخخخخ امزح فديتها زي ولدي متعود على الدوا ، مايقدر ينام من غيرها اقتباس:
ايه ان شاء الله لو في مسابقة ثانية جاية ، بصوره صورة حديثة مع شواربه خخخخخ ماشاءالله حلو وزنها حور ربي يحفظها بالنسبة لشذا ان شاء الله يكونو بخير وماصرلهم شيء والله صرنا نحاتي جد :( اقتباس:
كيف خطير ؟ هالكلام مو صحيح لانك تدخليه وتطلعيه وقت اللي تقرري تحملي الحبوب هي الخطيرة لانها تلعب بهرموناتك والدورة والتبويض ، لا ومفعولها مو زين يعني لازم تستمري عليها 15 يوم عشان تشوفي المفعول وقبليها تستعملي طريقة ثانية معاها مثل العد او الواقي لين توصلي الـ 15 يوم ، ولو وفقتي او نسيتي مرة يخرب ولازم تعيدين من جديد!! اقتباس:
حمدلله على سلامته مايشوف شر الله يكون بعونك ارتاحي لما تنام |
رد: تجمع رعاية المولود من حديثي الولادة إلى شهر 3
اما عن أخباري
اول امس جالي برد مدري من وين :( أول مرة يجيلي ... في فترة الحمل كللللهاااا ماجالي ولا مرة الحمدلله لاني كنت اهتم بأكلي وآكل اشياء مفيدة بس هالايام نسيت نفسي ، اكل اي شيء وخاصة الشكولاته صرت مدمنة عليها <---- وانا اقول ليش الكرشة والوزن ثابت ماتغير ومناعتي صارت زيـــــــــرو :( والرضاعة مبهدلتني وأخذت طاقتي وحيويتي الله يعيني بس |
رد: تجمع رعاية المولود من حديثي الولادة إلى شهر 3
عظم الله اجورنا وغفر الله لأميرنا الغالي ،، اللهم ارحمه ووسع مدخله وثبته عند السؤال وانطق لسانه بالحق
اللهم انس وحشته وابدله دارً خيراً من داره واهلً خيراً من اهله ،، اللهم انزل على ذويه الصبر والسكينه |
رد: تجمع رعاية المولود من حديثي الولادة إلى شهر 3
لا حول ولا قوة الا بالله
شسمه الأمير اللي مات؟؟ الله يرحمه |
رد: تجمع رعاية المولود من حديثي الولادة إلى شهر 3
بالنسبه للي يقولوا اللولب خطير
منو اللي قالكم انه خطير ... بالعكس احسن من الحبوب اللي يلعب بهرموناتج لعب تنا جرلته قبل احمل ركبته سنتين وشلته لما بحمل ... والحين لما ولدت ركبت لي لولب والحمد الله ماكو شي ولا في اي خطوره بالعكس سابقا لما ركبته قلل ايام الدوره عندي وغير كذا ماتحسين فيه وآمن بالنسبه لي جربت جميع الموانع واللي ناسبني اللولب بنات بقولكم افضل حليب رونالاك كتبه الاستشاري لولدي حيييييييل خفيف ع المعده ولا يسبب امساك وبالنسبه للغازات في دوى كتب لي اياه الدكتور حييييييل رائع لانه عباره عن اعشاب حتى ريحته مثل الشبت حق الطبخ اسمه dentinox صاير ثقيل شويه مثل الجل ... والله روعه اذا عطيته ولدي ينام طووووول الليل .. طبعا تعطيه قبل الرضعه ولما ترضعينه طلعي الهوا اللي في بطنه وينام وهو مرتااااح وانتي بعد تنامي وبالنسبه لكريم الالتهاب اللي مكان الحفاظه ..افضل كرييييم سودوكريم اسمه روووووعه حتى بدون التهاب تحطينه عادي ... استخدمته لعيالي كلهم وحاولوا تغيروا الحلمات للعيال كل شهر عشان ماتسبب فطريات في ثمهم مساكين .. وبالنسبه لي الخيوط ماطاحت لحالها انا قصصتهم وشلتهم وطول عندي النزيف وتعالجت عنه ولسه احيتن ينزل واحيان لا وووووووو بالنسبه للكشخه قصيت شعري بووووي لان مافي وقت امشط وازين شعر طويل وغير كذا بديت حمية السعرات الحراريه وللحين نزل وزني كيلوين ... حمية + تمارين + رقص الزومبا ... مفعول هطير لنزول الوزن وشد الجسم كرشتي راحت من بعد الولاده ماضلت واجد بس يبيله شدددد والحين يبيلي 8 كيلو عشان اوصل للوزن المثالي يالله نشجع بعض |
رد: تجمع رعاية المولود من حديثي الولادة إلى شهر 3
الامير سطام اللي توفئ
اخو الملك |
رد: تجمع رعاية المولود من حديثي الولادة إلى شهر 3
بنات بالله مساعده
انا بكريه وكانت احط بنتى ع جنب وحد وقت النوم وذحين صرت اغير ومره اخليه ع ظهره وقت ما اكون صاحيه بس المشكله ان صار جنب دخل شوي وجنب لا وضح هل يرجع او لالالا تكفون عشان زوجى يخصم واقول له يرجع وانا مدرى يرجع او لالا تكفون من صار لى بنتها او ولدها كذا ورجعت |
رد: تجمع رعاية المولود من حديثي الولادة إلى شهر 3
قريت عن مشاكل اللولب الي يقولون ينشب والي يقولون يضر الرجال والي يقولون يوسع المهبل
|
رد: تجمع رعاية المولود من حديثي الولادة إلى شهر 3
اقتباس:
الله يرحمه ويجعل مثواه الجنه اقتباس:
ماشاءالله ردك شجعني من ناحية اللولب ومن ناحية التنحيف اللولب كان اختياري من الموانع والحين تشجعت اكثر يوم قريت كلامك والتنحيف ياسلاااام عليكي ياريت لو اقدر اتابع مثلك ، اشوف نفسي ابدا حمية وبعد شوي اكسرها ويرحع اكلي مثل اول بغيت اسألك بخصوص الرقص زومبا من وين لقيتيه؟؟؟؟؟؟؟ اقتباس:
ماتخافي لسا عندك وقت يرجع ، مافات الآوان :) يقولون الشهور الست الأولى هي أهم شيء عشان يتشكل راس البيبي انا ولدي يوم كان يسحبوه صار راسه طووووييييييييييل من ورا وكنت احاااااتي ودوووم انيمه على راسه ، وزوجي يقولي غيري وضعيته مرة نيميه ع الجنب الايسر ومرة ع الايمين ومرة ع راسه ماتخليه بحالة وحدة (خايف يطلع الولد مثله بدون قفا هههههههه) بس فعلا الحين الراس الطويل صار يخف وصار ياخذ شكل راس زوجي هههههههههه انتي ماتخافي لسا عندك وقت مافات الاوان نيميها على الناحية الثانية بس لازم تراقبيها ، عشان لو رجعت متناسقة ماتنسيها بنفس البوسيش :) |
رد: تجمع رعاية المولود من حديثي الولادة إلى شهر 3
جروح الحب انا صارلي كذا حطي لها مخده قاسيه شوي ولا تكون رفيعه تعور رقبتها وخليها نايمه علئ ظهرها لو ماسويتي كذا بيظل راسها على جنب ،،
،، غلاندس شخبارك ويين الناس لك وحششه قبل كم يوم جيتي على بالي قلت اكيد مشغوله ،، ،، زينب احنا كل شهرين تطعيمه ليت احد يجاوبني ،، الا ودي اعرف انتي من وين معليش اذا يضايقك السؤال |
| الساعة الآن 08:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .