|
رد: دردشة حوامل من الشهر السابع للتاسع
الف مبروك ريووووووووووم
|
رد: دردشة حوامل من الشهر السابع للتاسع
اهليننننن كروشااات ... كيف حالكم ..؟ هاا بشروا من ولد ..؟ ومن بسكة ؟
اسمحولي الأمومه مأخذه وقتي ... وفرحانه بالبيبي منور حياتي وحياة ابوه واخواته ... الطرف مبرررروك يتربى بعزك ومأجوره ع التعب بأذن الله .. ريوووم مبروووك حبيتي يتربى بعزك وان شاء الله دووم الافراح ... جنون ، جوجو فديتكم والله يحفظكم ويحفظ بيبهاتكم من آي مكروه ... آكليل شكلها ولدت .. عسى ربي يحفظها ويبارك لها وبمولودها ويسعدهاا ... مس ديور ، ام مريم ورحمه ، حروف ، احتواء ، sukar ، فراولة ، فارما جيرل ، تالين ، ام مزون ، شقاوة ، soosh ، كلي شقاوة ، بريق حبيبااتي الله يسهلها عليكم وتولدوون بأقل مجهوووود .... |
رد: دردشة حوامل من الشهر السابع للتاسع
أنا الحمد لله ولدت وبشرتكم بيوم السبت 11/1/2014
كانت الولاده سهله والحمد لله .. الله سهلها علي .. حسيت بالوجع الساعه 5 الفجر وجبت "أنس" حبيبي لدنيا ساعه 10 الصباح ... وما توقعت انها راح تتسهل معي لان ف بنتي الثانيه الوجع بدا معي ساعه 5 الفجر وجبتها الساعه 8 بليل .. المهم ان هالولاده توجعت وصبرت رحت عند عمتي واصرت تعطيني "ماي كف مريم" مع انه ما فادني بولادتي الاولى ولا اتوقع فادني بهالولاده اللي فادني شي ثاني بعدين بقولكم .. المهم رحت المستشفى ع ساعه 8 الصبح تقريبا ولما وصلت حصلوا الرحم فاتح معي 5 سانتي حطوني بسرير عشان يحطون ف بطني وايرات النبض وهسوالف الا واحس الوجع بدأ يتقاااااااارب اكثر واكثر وقلت لدكتوره شوفي اتوقع فتح اكثر وانا اتوجع تقول تونا شفنا 5 سانتي ما يمدي قلتلها "بليييز شك" لاني اتوقع متفتح اكثر راحت تشوف وحصلت مفتوح 8 ما شاء الله قالت لا "تزفري" بس خذي نفس بخليه يفتح اكثر عشان ما تحتاجين خياطه مابي اقص شي .. وكلها دقايق من الوجع والاستفراغ قلتلها دكتوره احس نفسي بزفر عندي احساس هذا اللي كأني ابي اخرج "براز" اكرمكم الله وادري انه اهوا نفسه وقت خروج الجنين اصريت عليها اني بزفر قالت لا تستعيلين يبيله يفتح كامل واقولج ازفري قلتلها الا توه اتوقع الراس بيخرج راحت شافت وفتحت رجلي اكثر وخلتني امسك رجلي وقالت ايوا وقته .. خذي نفس ولما يجي الوجع ازفري .. وصرت اخذ نفس ولما يجي الوجع ازفررررر، .. تعبت حييييل بس الحمد لله "خرج أنوسي" لدنيا وارتحت لما سمعت صوته وبكييييييت وبكت عمتي معي وبنت عمتي والحمد لله ما تخيطت ولا غرزه وكان وزنه زين 3023 كغم ... من الشوق سهلت على نفسي الاوجاع وهذا كله نعمه من الله اولا واخيرا ... والحمد لله جلست بلمستشفى 35 ساعه وخرجت لان صحتي وصحة البيبي تمام والحمد لله .. وزوجي مبسووط فيه وطاير من الفرحه واخواته يساعدوني ف العنايه فيه ويحبونه كثيررر ... الحمد لله نور حياتنا وعائلتنا الصغيره وأسأل ربي يكون من عباده الصالحين الباريين المطيعيين الشاكرررين له ... نصيحتي لتوااااسع لما تدخلون التاسع بعد كل استحمام تنشفين نفسك وتدلكين المنطقه اللي تحت عند فتحت الفرج الى الشرج بزيت زيتون طبي اللي حق"المساج" وتدخلين بالفرج اشوي منه تدلكين المنطقه تعودين المنطقه تتهيئ وتتمدد للولاده وتدلكين حلمة الصدر والبطن اذا بغيتي .. اهم شي المنطقه اللي تحت ساعدتني اتوقع من بعد رحمه من الله هالشي ساعدني فالولاده .. وع العموم انتوا سووا اذا ما فاد ما يضر ... وانصح بالقرفصاء قدر المستطاع لا تشديين على نفسك قدر المستطاع ... ولا تستعجلي تروحين المستشفى الا اذا شفتي بين الآلم والثاني او التقلصات فرق من 5 ل 4 دقائق ... والله يسهل على الجميييييع ان شاء الله ... |
رد: دردشة حوامل من الشهر السابع للتاسع
الف مبروووووك وسن وريوووم والطرف الطموح
الله يجعلهم من مواليد الصلاح والفلاح والسعاااادة ويتربون بعزكم وسن معلومات طيبة وحلوة وعقبال كل التواسع ان شااااءالله بألف سلامة باقي اسبوع واحد فقط وادخل التاسع ،، وثقل خوف وتجهيز ماخلصته الله المستعان وياجرنا ووعقبالي وبقية الأخوات بالولادة السهلة الميسرة وبأسباب سلمييييييين معافين ؛) |
رد: دردشة حوامل من الشهر السابع للتاسع
مبروك للي ولدو وعقبال الباقيين
|
رد: دردشة حوامل من الشهر السابع للتاسع
ماشاءالله تبارك الله اخت وسن يتربى في عزك أنس وربي يحفظه لك ويخليكم له يارب ويرزقكم بره ،،
عندي استفسار ما عرفت زيت الزيتون الطبي يعني يكون عند الصيدلية ولا العطار؟ |
رد: دردشة حوامل من الشهر السابع للتاسع
اقتباس:
تسلمي حبيبتي ... زيت زيتون اللي يستعمل للمساج .. ف الصيدليه تحصلينه واتوقع عند العطاريين هم تحصلينه وبالمراكز التسوق الكبيره تحصلينه بقسم الأدويه ... يكون اهوا بزجاجه صغيره ... |
رد: دردشة حوامل من الشهر السابع للتاسع
السلام عليكم ورحمة الله وبركاته
اخواتي الف الف مبروووك للي ولدت والحمد لله علي سلامتها وسلامة مولولدها وان شاءالله يا رب ايكونو من حفضة كتاب الله وان شاءالله يتربو في عزكم يا رب والعقبه للباقيين الي ما ولدو وربي ايسهللي وايسههلللكم جميعا |
رد: دردشة حوامل من الشهر السابع للتاسع
ماشاءالله تبارك الله
ربي يجعل انس من مواليد السعاده والحمدلله وسن ع سلامتك وسلامتك طرف و ريوم ربي يجعل مواليدكم من مواليد السعاده |
رد: دردشة حوامل من الشهر السابع للتاسع
ماشالله عليكي يا وسن الحمدلله اللي ربنا سهلها عليكي
ومبروك عليكم انوس الله يحفظلك ياه هو واخواته ربنا يسهلها علينا |
| الساعة الآن 12:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .