|
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
وربي ماأعرف شي عن مستشفى الحمادي ودله بس ان شاء الله البنات يفيدونك ربي يهون عليك... |
رد: دردشة حوامل أهل الرياض - دردشة بنات الرياض - تجمع حوامل الرياض
انا بدونك ... تسلمين ياعسل منور بوجودك ... الحمد لله إنك استانستي
وعلى البركه زواج اخوك ... الله يسعدك ومشكوره انت الحلوه ياقلبي قلنالك الوحام الأشهر الأولى وبيروح الله يتمملك وتولدين على خير الدلوعه ... هلا فيك ... لي تقريباً ثلاث اسابيع ... ورغودي طيبه عصبيه شوي وبكايه ...بس الله يهديها وتمر الثلاث اشهر الأولى وتصير عروسه وارتاح شويه حامله قيمي ... لا ماعندي فكره .. انت بأي شهر الحين الله يكون بعونك وكم لك مقدمه .. لا تقلقي انا شغالتي جتني بعد سنه من التقديم ... انتم اسألوهم كل شويه عنها وذكروهم عشان يهتمون ...الله ييسر جيتها .. ويسخرها ليكم ...مشاكل قبل مايجون ومشاكل بعد مايجون الله المستعان سوسو .. والله ياقلبي ماعندي تجربه في حمادي ودله ...بس زي ماسمعت يقولون دله زينه ... الله يخترلك الزين وانا اقولك إن ارتحتي انت عند اي وحده استمري عندها وتوكلي على الله لأن التجارب تختلف ...الله يسهل عليك وتقومين بالسلامه |
رد: دردشة حوامل أهل الرياض - دردشة بنات الرياض - تجمع حوامل الرياض
اما بالنسبه يلي سألوني عن قصة ولادتي ...
كان ياماكان في قديم الزمان ..هههههههههههههههههه ابشركم الحمد والشكر والثناء لله كانت سهله وكل هذا بفضل الله اولاً وثم بفضل دعواتكم الطيبه لي الله يجزاكم خير ويسهل ولاداتكم جميع قبل بيوم صرت احس بألم لكن كان غير منتظم لا وقف ولا زادت شدته رحت الدكتوره قالت الرحم مفتوح وفي استعداد من البيبي والرحم للولاده وتعجبت إنه مافي طلق شديد فسوتلي توسيع وقالتلي اروح امشي عسى الطلق ينتظم وقالتلي إن ماانتظم روحي المستشفى اديك طلق في الوريد لمدة ساعتين قبل الولاده ورجعت البيت ومشيت لكن ماصار شي قمت صليت الفجر والساعه تسع رحت للمستشفى واول مادخلت وشميت ريحة المستشفى قلبي عورني وخفت شويه جلست في غرفتي وجت الممرضه وادتني الطلق في المغذيه وهذا بعد ماسووا فحص لنبض البيبي وتطمنوا إن الوضع تمام الحمد لله وشويه شويه بدت الآلام تشد نزلتني من غرفتي لقسم الولاده لين يجي دوري وتجي دكتورتي وكانت غرفتي قريبه من غرفة الولاده وحظي كان رائع في وحده قبلي بتولد وكانت تصيح وتصارخ آآآآآآآآآآآآآآآآآه ياويلي ويلاه انا اسمعها وقلبي يطيح برجولي والآلام تزيد على صياحها الله يهديها واخيراً سمعت صوت اليبي طلع وصاح زي امه ياقلبي لما سمعته وسمعتها تضحك ارتاح خاطري والدكتوره تقولها على البركه وماشاء الله زادت العزيمه عندي وصرت ابغى اولد واخلص جتني الدكتوره وفحصتني وقالت على غرفة الولاده >>إهي إهي << الحمد لله بعد مادخلت حسيت إني مابخلص ومالقيت إلا ربي سهلها ونزلت رغودي الله يسعدها هي واخوانها وقالتلتلي الدكتوره الحمد لله على السلامه خلصنا >>> هاهاهاهاها <<< اخيراً تعرفون وش اجمل لحظه ..لما تخلصين كل شي وتطلعين غرفتك وتتمددين على سريرك وبطنك فاضي وصرتي خفيفه ياسلاااااام وتجي الممرضه تجبلك وجبه حاره طبعاً بتكونين جوعانه وعطشانه واصله حدك وبعد شويه بيجي زوجك وعيالك يحبحبوك ويجلسون معاك على السرير ويسألوك عن صحتك ويتحمدولك بالسلامه ويبدأ السؤال >وين النونو< ويجي بعدها النونو وتشيلينه تحسين برحمه وحنان تشوفين بين يديك كائن صغير مره ..نايم لا حول له ولا قوه ماتعرفين وين تحبينه مافي خدود وتبدأ من هذه اللحظه ايامك الحلوه والصعبه بس لا تقلقي الله معاك بقويك ويساعدك انت اطلبيه لأن ماخاب من طلبه معليش طولت عليكم ..هذه قصتي .. عقبالكم تقومون بالسلامه وتقولولنا قصتكم وانتم بخير وصحه وعافيه |
رد: دردشة حوامل أهل الرياض - دردشة بنات الرياض - تجمع حوامل الرياض
بنات اخباركم واخبار النونو
الله يهون على الجميييع يارب بغيت اسألكم احسن مكان للولاده القيصرية مع الاسعار ويكون الطاقم كله نساء انا ولدت اول ولاده بمستشفى عبيد ورووووعه قمة بكل شي ماشاء الله بس الولاده الثانية قالوا السعر دبل واحسه غالي بيكون حول الـ 14 الف من تعرف مكان ارخص ويكون ممتاز |
رد: دردشة حوامل أهل الرياض - دردشة بنات الرياض - تجمع حوامل الرياض
مساء الخير كيفكم وش اخباركم
تتربى بعزكم يام الاسمر وعقبالنا تتسهل ولادتنا والله كل من سالني ماتخافين احس بخوف بس لمن افكر اني بشوفه انسى كل شي يااااااااااااااااااااااااااااااااااااااااااااااااا ااارب تسهلهاااااااااااااااااا عليناااااااااااااااااااااا |
رد: دردشة حوامل أهل الرياض - دردشة بنات الرياض - تجمع حوامل الرياض
ام الأسمر :: هــــــــــــلا بك وين غاطسه هههههههههههههه ماتنلامين اكيد رغودة
وزين مااخترتي اسم جميل ,, والله قصتك حلووه بس بسألك اي مستشفى , وعطوك ابره ظهر , وكمام ؟ وجتك دكتورتك بالولاده والا لاء ؟ وبسس مرا اسالتي شويه ههههههههههه +++ الي تسال عن الاشعه حقت جنس الجنين +++ الحبيب مره اجهزته كويسه , وعنده جهاز رباعي الأبعاد , يعني اكثر دقة بس الأشعه عندهم نار ,, 450 ريال انا بصراحة مااعرف أسعار المستشفيات الثانية اذا ارخص او اغلى , سووسوو /// أحسن لك تروحين دله , عند دكتوره ممتازه , الحمادي طالع عليه كلام مو كويس دله افضل منهم بكثير والله يكتب لك الي فيه الصالح , بس أنتي تامين ؟ والا كاش؟ |
رد: دردشة حوامل أهل الرياض - دردشة بنات الرياض - تجمع حوامل الرياض
مغووووص يابنات مغوووص اسفل البطن
تتوقعون أنها هواء ؟ والا شي ثاني الله يستر |
رد: دردشة حوامل أهل الرياض - دردشة بنات الرياض - تجمع حوامل الرياض
ألي تسأل عن مكتب السلطان أنا ماقد سمعت فيه
بس مثل ماقالت أم الأسمر أنشبو لهم موب تقديمين وتتركينهم لا انشبو كل يوم دقي وخلي زوجك يروح لهم ويتهاوش معهم هذا ان كانهم تعدوا المهله الي مكتوبه بالعقد ,, عشان يجيبونها بسرعه بس مقدمة على اي جنسيه عقبالي ان شاء الله اجيب شغاله وارتاح |
رد: دردشة حوامل أهل الرياض - دردشة بنات الرياض - تجمع حوامل الرياض
السلام عليكم ياحوامل الرياض واهلا بيكم انا سعيده لمعرفتك وشكرا ليكى ياراجيتن الله على النصيحه بس انا محتاره وما ادرى كيف اعمل بيقولوا دكتوره ممتازه عليها زحمه كتييييييييير وبصراحه مرتاحه لدكتوره فتاة انا روحت زيارتين فقط ادعولى كتيييييييييير وربنا يقومنا جميعا بالسلامه
|
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
أنا بحملي الثاني كله مغص خاصه من الشهر الخامس لين ولدت وكانت أمي تقول لي هذا ولد يابنتي لأن حملي الأول جبت بنت والثاني ولد وأمي تقول إذا كان في تغيير بالجنس من بنت لولد يصير مغص لين الولاده وفعلا جبت ولد والعلم عند الله بس الأمهات لهم خبرات |
| الساعة الآن 07:23 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .