|
رد: دردشة حوامل مصر - دردشة بنات مصر - تجمع حوامل مصر
ملوكة معلش هاسيبك دلوقتي تعبانة شوية مش قادرة اقعد .. بقالي كتير قدام الجهاز..
ممكن اروح للدكتور النهاردة ان شاء الله.. |
رد: دردشة حوامل مصر - دردشة بنات مصر - تجمع حوامل مصر
الحمد لله يا ايه ازيك انتي يا حبيبتي واخبار الحمل معاكي ايه ؟؟
ها قوليلي عرفتي نوع البيبي ولا مسالتيش بردو؟ |
رد: دردشة حوامل مصر - دردشة بنات مصر - تجمع حوامل مصر
اوك يا حبيبتي ولا يهمك ... معلش انا اللي اتاخرت عليكي شويه
قومي ارتاحي انتي وابقي طمنيني عليكي بعد ماترجعي من عند الدكتور ... وربنا معااااااااكي يارب |
رد: دردشة حوامل مصر - دردشة بنات مصر - تجمع حوامل مصر
ازيك ياملوكه اخبارك ايه وازى النونه انتى ناويه تسميها ايه ان شاء الله
......... ملك هو النونو بتاعى مش بيتحرك ليه انتى حسيتى بحركة النونو امتى وبتحسى بالنبض ازاااااى |
رد: دردشة حوامل مصر - دردشة بنات مصر - تجمع حوامل مصر
انا دلوقتى فى اخر الرابع طب اول ما النونو بيتحرك بتحسى بحركته ازاى
انتى ياملك اللى قريبه منى فى الحمل واكييييييييد فاكره |
رد: دردشة حوامل مصر - دردشة بنات مصر - تجمع حوامل مصر
الحمد لله يا شيماء ازيك انتي يا حبيبتي
ان شاءالله هسميها ملك .. انا يابت مش اسمي ملك بس بحب الاسم ده اوى .. بس سمعت وقريت عالنت انه حرام ومكروه وم الاولي تركه ... انا عرفت انك من بيت ملتزم اوى وكده .. بالله عليكي يا شيماء اسالي حد عندك عن فعلا الاسم ده حرام او لا وهستناكي ضروري ... بالنسبه بقي لحركه البيبي مش تقلقي خاااااااالص .. انا كنت زيك كده بردو ولغايه دلوقتي مش بحس بيها اوى بردو اهم حاجه انك تروحي للدكتور وتطمني ع نبضه ومادام النبض موجود يبي الحمد لله البيبي كويس بس الحركه دي بتيجي بعدين يعني ممكن تحسي بيها ف الخامس اخرو او السادس ان شاءالله مش تخافي يابت البنات هنا طمنوني بردو وقالولي كده |
رد: دردشة حوامل مصر - دردشة بنات مصر - تجمع حوامل مصر
ام انس ازيك ياجميل انتي ولوكه اخباركم ايه انتوا وبيبهاتكم
بصي ياشيماء حركه البيبي بتبقي حركه واضحه واللي انتي حساه دي حركة الامعاء بتبقي عامله زي السمكه في المياه وبتبقي باينه انها حركته مش حاجه تانيه انا حسيت بالحركه في اخر الرابع او اول الخامس بس في ناس بتحس بيها بعد كده لو عايزه تحسي بيها بدري واظبي علي الفيتامينات وخاصة الحديد لأنه بيخلي البيبي اكتيف اوي ودائم الحركه واتغذي كويس اوي لأن البيبي اللي مامته بتتغذي كويس بتبقي صحته حلوه وبيتحرك بدري وبيتحرك كتير اما البيبي الخامل ده بيبقي ضعيف حبتين انا البنت عندي ماشاء الله كانت بترفس وانا في الخامس كان ابوها بيقولي انتي حامل في تنين او ديناصورهههههههه وده لأني كنت بدمر اي اكل قدامي وخاصة البروتينات زي اللحمه والفراخ وكنت بشرب بالكيلو لبن في اليوم |
رد: دردشة حوامل مصر - دردشة بنات مصر - تجمع حوامل مصر
هقولك يابت اصبري عليا بس ... هما بيقولو ان البنات غير الولاد والله اعلم يعني الولاد بيقولو بتحسي بيهم بدري وبتحسي كده بحاجه زي الدوده بتجري ف بطنك ههههههه
لكن انا من خبرتي بقي ومن حملي ده حسيت الاول بحاجه بتتكوم مره في جنبي اليمين ومره ف جنبي الشمال وف الاول مكانتش بتنبض لا كنت بحس بحاجه كده تقيله وبتضغط علي جنبي .. فسالت قالو ان دي ممكن تكون الحركه لكن دلوقتي الحركه اتغيرت يعني بقت عباره عن نبضات كده واضحه شويه عن الاول وبتحسي بيها ع حسب وضع الجنين مه فوق ومره تحت وكده بس امبارح حصلتلي حاجه غريبه اوى وكنت مرعوبه منها .... من اول ماصحيت وانا حاسه بالنبضات دي مش ف بطني لا تحت خااااالص ( فاهماني انتي صح ؟؟) اتخضيت وخفت وقولت ان البيبي نزل تحت وكده ماما طلعت سالت مرات عمي لانها والده قريب وكده .. قالتلها عادي كانت بتحس بكده ف ابنها الاخير ده بردو وسالت الدكتور وقالها ان سبحان الله بتبقي جذور البيبي والله اعلم بالكلمه دي معناها ايه يمكن هي اللي مفهمتش بردو كويس |
رد: دردشة حوامل مصر - دردشة بنات مصر - تجمع حوامل مصر
ههههههه حلوة ديناصور دي يابت يا روني ,,,, ازيك فينك مش بقيت بشوفك ليه
واخبار البت لوجي العسل ايه |
رد: دردشة حوامل مصر - دردشة بنات مصر - تجمع حوامل مصر
البنت كان فاصل يالوكه انتي وحشتيني اكتر علي فكره النبض اللي انتي حسيتي بيه ده عادي جدا
انا كنت بحس بيه علي طوووووووول ماتخافيش وبالنسبه للوز بيبقي في الخامس حاجه صغننه اوي حوالي ربع كيلو مش اكتر انا اول ميزان ليا كان في السابع ساعتها البيبي بيبقي كيلو ويبتدي ينمو اما في اول ست شهور بيكون ربع كيلو او نص كيلو بالكتير ماتخافيش ومتستعجليش |
| الساعة الآن 08:47 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .