|
رد: دردشة حوامل مصر - دردشة بنات مصر - تجمع حوامل مصر
رورو انا رأيي في موضوع جارتك الاول صعبت عليا عشان لسه واخده ع الغربة وعايزة تتعرف على حد وكده,,
بس بعدين حسيت انها زودتها اوي مش معقول كده يعني عاملة زي واحده جارتي هنا في العمارة كانت برضه تيجي وتقعد بالساعات وماالحقش اعمل غدا وباكون لسه جاية من الكلية يعني الوقت مش مناسب خاااالص وكمان لو ماقعدتش هيا تسيبلي بنتها الاعب فيها وتروح هي تجهز اكل لبيتها هي بتبقى مواقف صعبة الواحد مش عارف يتصرف فيها ازاي.. بس انا من رأيي انك تاخدي الموقف اللي شايفاه صح من الاول , عشان بتبقى صعبة مثلا لو عودتيها تجيلك في اي وقت وتقعد معاكي بالساعات .. وبعدين انتي واحده على وش ولادة والواحدة بتبقى مش مظبوطة ومواعيد نومها وكده.. فلازم تعوديها تخف من كده شوية ... وبعدين بصراحة من ساعة ماقالتلك هتخرج معاكي انتي وجوزك آخر الاسبوع وانا مستغلساها , وكمان مش عايزة هي اللي تقول لجوزها عايزة جوزك يعني هو اللي يطلب من جوزها انها تخرج معاااكم؟؟!! غرييييييبة اوي ... كده هتأخديها عليكي اكتر من الللازم وكده بصراااحة ماينفعش دا الواحده مابتصدق تخرج مع جوزها هتيجي معاكم عزوووول ياساااااتر |
رد: دردشة حوامل مصر - دردشة بنات مصر - تجمع حوامل مصر
بجد هى متجيش الا كده يا جوجو
انا عطيت لجارتى مساحة بزيادة فبقت تكبس على نفسى كل يوم وتقعد تكلم اهلها عالنت من عندى وبدون استئذان قبلها فاجئة كده وطبعا بسيبها لوحدها وادخل اوضة النوم و تسيب عيالها يقرفونى فى عيشتى وده كله بعد موضوع الطلق اللى كان جالى ده وكنت قايلالها على التعب ده ومفيش اى احساس لما كنت بتقطع من التعب بسببها هى وعيالها بس الحمدلله قصرت معاها على الاخر احمدك يارب |
رد: دردشة حوامل مصر - دردشة بنات مصر - تجمع حوامل مصر
لولو جوجو ملوكة ام أنس أخباركم ايه يابناااات؟؟ وحشتوووني كتير والله
|
رد: دردشة حوامل مصر - دردشة بنات مصر - تجمع حوامل مصر
ايه ازيك اخبار صحتك ايه دلوقتى
|
رد: دردشة حوامل مصر - دردشة بنات مصر - تجمع حوامل مصر
لولو صحتك عاملة ايه ياحبيبتي ومحمد عامل ايه قرب ييجي ولا لسه مستحلي القعدو جوه؟؟ ههههه
جوجو الف سلامة عليكي ياقمر عرفت انك عملتي كي للقرحة ربنا يجعلها بخير ان شاء الله وماتشوفيش وحش ابداا ماتستعجليش ياجوجو على اشعة الصبغة الشهر ده .. يمكن ربنا يكرمك , وبعدين انتي ربنا كرمك وحملتي قبل كده يعني ان شاء الله مافيش مشاكل.. واكيد القرحة دي جت من الاجهاض اللي فات بس ومافيش حاجة تاني ان شاء الله.. وربنا يكرمك عن قريب يااااااارب |
رد: دردشة حوامل مصر - دردشة بنات مصر - تجمع حوامل مصر
مفيش جديد والله يا ايه هى هى نفس الاوجاع اللى بتجيلى من شهر ربنا ييسر الحال
|
رد: دردشة حوامل مصر - دردشة بنات مصر - تجمع حوامل مصر
لولو نا بقيت احسن ياحبيبتي الحمد لله لسه بس عندي شوية مغص والم في الظهر بيروح وييجي بس طبعا مش زي الطلق اللي كان جايلي ده دا كان فظيييع ربنا يكملنا بخير..
كانت رانيا بتسالني انا اجازة النهارده ولا ايه عشان باكلمك بالنهار اكيد مستغربين هههه انا فعلا ماخرجتش النهاردة بس مش اجازة ولا حاجة.. دا انا اللي غايبة بمزاجي كده من حاجات ومستاذنة من الباقي .. اصلي بصراحة بابذل مجهود كبير اوي والله وخصوصا الفترة الليس فاتت كان عندي شغل كتير في الكلية عشان زميلتي اللي كنا بنشيل الشغل سوا لسه والده قريب وفي اجازة وانا اللي شايلة الشغل كله لوحدي فبقيت اتعب واكيد الطلق المبكر اللي كان حصلي ده من كتر التعب والاجهاد.. فقلت اريح النهاردة كده مش عارفة ايه موضوع المغص ده, وكمان الجو حرررر وانا من النوع اللي بأفطسسسس من الحر ويجيلي هبووووط ووشي احمررررر طماطم وباعرق جاااامد مش طايقة نفسي |
رد: دردشة حوامل مصر - دردشة بنات مصر - تجمع حوامل مصر
كويس يالولو الاوجاع دي دلوقتي عشان دي بتعمل تفاتيح في الرحم عشان مش تتكوم كلها وقت الولادة
وان شاء الله الطلق ييجي يكون مش مؤلم اوي ,, بأدعيلك والله ربنا يقومك بالسلامة كنت عرفت ان مامتك مش هتعرف تجيلك والف سلامة عليها.ز طيب هي حماتك الي هتيجي ولا ماحدش خالص؟ |
رد: دردشة حوامل مصر - دردشة بنات مصر - تجمع حوامل مصر
ربنا يعينك يا ايه
معلشى هو الحمل كده كل شوية حاجة توجعك الله المستعان |
رد: دردشة حوامل مصر - دردشة بنات مصر - تجمع حوامل مصر
تفاتيح ايه و نيلة ايه ده انا كرهت نفسى الحمدلله
لالا محدش هيجى هقضيها مع نفسى كده |
| الساعة الآن 01:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .