|
رد: دردشة بنات مصر , دردشة حوامل مصر , تجمع بنات مصر
والله ياساره من يوم ماحملت مبقتش انزل خالص ولما ولدت انس برضو بنزل قليل اوى لحد فى يوم قعدت تعيط جامد ياحبيبتى واتقهرت من كتر العياط وبقت تقولى انا وسلفتى هيقعد لكم ربنا يخلى لكم عيالكم ويكبرو ويجوزو ومراتهم تعمل فيكم كده
قمت بوست دماغها وايديها وقلت لها حقك عليا بس والله العظيم انا ملخومه لشوشتى وقعدت بعدها انزل كل يوم بس سعات لما الدنيا تبقى سقعه وشتا منزلش وبزعل من نفسى والله لما مش بنزل |
رد: دردشة بنات مصر , دردشة حوامل مصر , تجمع بنات مصر
بصي يا شوشو حماتي كل ما اعد معاها تلأح كلام عليا لأنها مش عاجبها انها مكملتش 4 شهور عندنا و عاملة ان انا السبب-طبعا انا السبب- و امبارح قالتلي كلام صعب خالص صحيت الفجر قلقانةاعدت افكر هيا ازاي قالتلي كده طب انا كنت ممكن ارد اقولها كزا بس لو رديت هبقا مش مؤدبة و اعدت افكر كتير انا في الموقف نفسه مقدرتش ارد عليها حسيت انه عيب
|
رد: دردشة بنات مصر , دردشة حوامل مصر , تجمع بنات مصر
من ضم كلامها قالتلي قصة لعمة جوزي انها كانت فوق ال 80 سنة و ولادها سابوها مع اختهم لأن مراتاتهم بيعاملوها وحش قالتلي الرجالة اللي يسمعو كلام حريمهم يبقو رجالة ......قالت كلمة وحشة اوي خضتني ازاي تقول ادامي كده
|
رد: دردشة بنات مصر , دردشة حوامل مصر , تجمع بنات مصر
و تقولي اصل مرات الكبير واطية و مرات الصغير اوطي منها-مع ملاحظة ان انا مرات ابنها الصغير- و اساسا انا لما سمعت القصة -اللي هيا اصلا سارداها عشان تلأح عليا-انا اساسا غلطت اولاد الست دي و مراتاتهم لأن امهم كانت مريضة و مش قادرة تخدم نفسها و حتا ولادها مكنوش بيزوروها ف بيت اختهم -مع ملاحظة ان القصة حماتي بتحكيها عشان تلأح عليا
|
رد: دردشة بنات مصر , دردشة حوامل مصر , تجمع بنات مصر
و قالتلي ايه يعني المرة ما الراجل يقدر يطلقها و يجوز 50 واحدة غيرها
تخيلي يا شوشو كل ده عشان مقعدتش عندنا 4 شهور رغم اني مستحملاها و بعد معاها و بكلمها رغم اني مش بحبها و باجي علي نفسي عشان اعاملها كويس |
رد: دردشة بنات مصر , دردشة حوامل مصر , تجمع بنات مصر
و جوزي وداها العمرة و عملها كل اللي هيا عايزاه و انا اي حاجة بتطلبها مني بعملهالها
|
رد: دردشة بنات مصر , دردشة حوامل مصر , تجمع بنات مصر
بصي انا اروح اعد معاها عشان مسبهاش لوحدها تقوم هيا في المقابل في كلللللللللللللل مرة تقول كلام تقصدني بيه و بدايقني في كل مرة و انا بعديها بس امبارح بجد زودتهم خااااااااااااالص
شفتي قالتلي ايه خلتني حسيت بسخونة فظيعة و الجو حواليا بارد و تقول و تعيد و تزيد ف الموضوع قمت قلتلها بقا بصي يا طنط اذا انتي بتلأحي عليا فا دول موقفهم غير موقفنا خالص قالتلي انا مش بلأحلك قلتلها لا بصي لو بتلأحي لازم تعرفي ان دوا موضوعهم غير موضوعنا خالص عمت جوزي دي اللي بتحكي عليها كانت فوق ال 80 سنة و انتي 60 سنة يعني فرق 20 سنة بينكو ع الاقل و الست كانت مريضة و مبتقدرش تخدم نفسها لكن انتي ما شاء الله -دي فيها صحححححححححححححة!!!- فواجب علي ولادها و زوجاتهم انهم يراعوها و يخلوها عندهم ثم يا طنط هل انتي كنتي مخلية ام فلان-ام حمايا- عندك في البيت قامت اتلعثمت و الله يا شوشو ردت برد عبيط كده قلتلها ما هي كانت عايشة لوحدها ف بيتها و ابنها الوحيد اللي هو جوزك مكنش اخدها عندك ف البيت قلتلها يا طنط انا زيك |
رد: دردشة بنات مصر , دردشة حوامل مصر , تجمع بنات مصر
و كل شوية كانت تقولي الحاجات دي بتعد في العيال و يقعدهولهم
قلتلها امبارح يا طنط اولا كدا انتي واحدة صعب اراضائك قالتلي ليه قلتلها هو كده انتي صعب ارضائك قلتلها و انا لاحظت كدا من ايام الخطوبة انتي صعبة الارضاء جوزي معاكي كويس و هو اكتر واحد في اخواته مريحها و شايلها و دي ممكن في لحظة واحدة تعمله انه ملهوش اي حسنة معاها و تنساله اي حاجة كويسة و تتكلم بطريقة مش كويسة عليه فما بالك بيا قلتلها انتي ظروف نشأتك ان اهلك كانو مدلعينك يا طنط و جوزك كان مدلعك و كل طلباتك مجابة و نادرا ما ترضي قالتلي فعلا و حكتلي موقف في اول سنة جواز تأكد كلامي قلتلها في النهاية يبقا يا طنط انتي عيشتي ايامك يبقا سيبي غيرك كمان يعيش فترته قامت سكتت |
رد: دردشة بنات مصر , دردشة حوامل مصر , تجمع بنات مصر
كانت الخلاصة من كلامي معاها ان انا من حقي اعيش في بيتي في الوضع اللي يريحني يعني مش من حقها او مش من حق جوزي انه يجبهالي انا كده مبرتحش غير كده و هيا فيها حيل و صحة و بتعمل كل حاجة و كمان فيها مخ شغال طول اليوم و الليل يفكر و يفكر ازاي اعمل مشاكل مع اللي حواليا
|
رد: دردشة بنات مصر , دردشة حوامل مصر , تجمع بنات مصر
سارة : شوشو انتي معايا؟
شيماء: خخخخخخخخخخخخخخخخخخخخخخ |
| الساعة الآن 07:32 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .